瑪麗廚房 (已結業)

佢嘅炸髀真係非常超級極之出色🍗 估唔到網吧入面有個咁高質嘅廚房🍽 簡直係我嘅外賣/宵夜恩物♥️ 宜家見到啲相都想食🤤 真係忍唔住要幫隻髀影返幾個close up📷 睇下佢炸完之後入面白滑嘅雞肉都仲係幾咁juicy🐔 好似幫隻髀搽左水油平衡moisturizer咁💦 充滿肉汁同油脂 但又唔會食到成嘴油 唔會覺得好肥膩 超級crunchy嘅雞皮表面仲灑滿椒鹽 真係好好味😋 佢嘅黑椒汁意粉同埋焗肉醬意粉都好好食 一改我對網吧食物嘅印象

為何深夜總是餓！？凌晨兩點叫外賣，因為附近冇乜選擇，所以用🐼叫咗呢間。香酥生炸大雞髀拼雙餐肉飯加黑椒汁雞髀堅，冇多餘炸粉，外賣都夠熱夠脆又夠juicy !好大舊飯，正常，冇特別，但一打開以為瀨野，我的汁汁在那裏？汁另上！加分，仲要係兒時的味道，呢款黑椒汁已經好少地方有...最後竟然有彩蛋！從來唔知會送啫喱，仲要係好食既，有驚喜！總括依然，背景係網吧+餐廳以為會伏，點知係好食過好多餐廳，起碼有heart, 性價比高！返食指數⭐️⭐️⭐️⭐️⭐️

瑪麗廚房位於荃灣花園的GNET網吧內，專做外賣生意，而且款式多，價錢夠平！款式選揀真係超級多！除咗有網吧打機必嗌嘅常餐麵餐之外，仲有大量台式食物，同埋海量嘅港式小食可以Order，價錢都係由$10起，性價比很高！外賣包裝仲要超認真！包裝厚實之餘，炸物仲會喺個盒度開窿疏氣，就算拎到返屋企都仍然香脆，唔會淋晒濕晒！飲品類仲要有膠膜Seal住，點Fing都唔會倒瀉，超讚！原隻香酥生炸大雞脾 $24嘩! 炸大雞脾超大隻! 雞皮炸得得超香脆, 表面加上少少椒鹽, 好惹味! 內裡雞肉保持嫩滑多汁, 好正呀! 十分推介! 煉奶西多士 $19朱古力西多士 $20椒鹽魷魚鬚 $25金菇肥牛卷 $28

今日去朋友荃灣屋企打牌，朋友話屋企無野食，佢係 "瑪麗廚房" 點左啲野食，叫我地上去之前幫手攞。瑪麗廚房原來係一間網吧 x 茶餐廳，呢間網吧都幾大間。朋友叫左兩大袋，都係二百零蚊。我好期待朋友叫左啲咩，因為一路行香味一路出。一去到朋友屋企，可以開箱啦。真係叫左好多野，3盒飯同一堆小食。焗芝士咖喱茨飯拼雞扒果醋豬軟骨飯香菇肉燥飯芝士煎蛋煙肉吉列魚柳漢堡包生雞大雞脾、椒鹽魷魚鬚、鹽酥雞、上湯雲吞+韭菜餃+ 菜肉餃。每個外賣盒都寫上食物名稱好貼心，野杯包裝又好唔會倒滯。啲食物仲保持熱辣辣。整齊食物不錯，份量大大份，就算唔打機都可以買黎外賣。

早兩日係荃灣花園拎完野比朋友後肚餓打算買外賣回家食，順便睇“愛回家”。朋友話呢到有間食店OK 叫我去果到買，我無咩所謂最緊要快靚正唔好阻我時間返屋企追電視就得。來到都差d以為行錯地方，因上去係打online game 的地方，但一問下原來食店都係到嘅，咁先放心。我就叫左幾樣野食， 包括有 法蘭克福腸熱狗皇，吉列雞扒漢堡包，椒鹽 魷魚鬚拼 鹽酥雞，吉野牛肉飯配雙火腿飯，整體食物OK 包裝都穩固因我都拎得幾遠，但返到去都完整。

某日去咗荃灣探朋友，當大家唔知食咩嘅時候，佢就提議喺瑪麗廚房嘅外賣，一起住附近所以成日食，佢推介咁就一於試吓啦上網揀咗想食咩之後，我哋就落去自取，原來佢係係網吧入邊，本身轉做自己網吧入邊嘅客人，最近就做埋外賣椒鹽魷魚酥 $25新鮮熱辣食最好嘅，有脆又香，唔需要點豉油都好惹味😁炸燒賣 & 炸魚皮雲吞 $22比起蒸我更愛炸燒賣，味道會更加提升，炸魚皮都不錯，脆脆可口法蘭克福腸熱狗 $15大大條實夠飽，重點係滿滿嘅沙律醬再加埋蕃茄，正☺️滷水雞髀+肉醬腸仔飯 配飲品 $52依個餐非常抵食，隻雞髀超大隻，都幾入味，肉醬夠多，配飯一流菜肉餃外皮夠薄，肉質都唔錯，已網吧廚房來講已經好好

鄰家男孩介紹他經常去的網吧裏面，有家很好吃的餐廳，叫瑪麗廚房，煎炸食物做得特別好吃，也有做外賣的，抵食大份，今晚收工就去外賣自取試試。餐牌超多選擇，有台式滷肉飯，也有湯米線，和這裡最出名的煎炸食物。我點了公司飯A餐和B餐， A餐有炸雞髀、火腿、餐肉、煎蛋$52; B餐有雞扒、豬扒、煙肉、腸仔、煎蛋$50, 聽到都覺得豐富，價錢真係唔貴，而且仲送飲品。因為鄰家男孩說炸物好吃，點多兩份小食， 茄汁原條司華力腸$16,和椒鹽魷魚拼鹽酥雞$38.外賣包裝得很好，回到家裏飲品有沒有溢出，很驚訝飲品我點的兩杯熱飲，原來是大大杯的，打開飯盒更驚喜，食物豐富之餘，飯的份量也夠多，真的很適合我們食肉獸、大胃王，鄰家男孩沒有介紹錯呢！先說兩杯飲品，熱檸蜜非常好喝，蜜糖味足夠，檸檬超新鮮，飲完口裏面充滿檸檬清香，是我飲過以來覺得最有味道的檸蜜。另一杯熱華田，很香濃，比一般茶餐廳放得更多阿華田粉，不是水流流的淡而無味，的確好喝。我奇怪為何多了一杯飲品，原來是用紙杯裝著蒜蓉汁，跟公司飯 B餐的，這杯蒜蓉汁份量也夠多了，而且裏面有洋蔥蒜蓉等配料，拌飯吃很香，又夠濕，吃快餐飯的精髓就在 這個汁了，推介！我吃的B餐有

難得連續4日假期，今日就約咗個friend喺荃灣逛吓，行到攰攰地，朋友竟然話去開附近有間網吧d嘢幾好食...我心諗你同我行街都掛住打機！不過又真係想搵地方坐吓，咁就去試吓啦！原來間網吧叫「極速網絡x瑪麗廚房」，喺荃灣花園商場，由熊貓酒店行過去5分鐘都唔洗，都好方便😁入到去，我哋同店員講淨係嚟食嘢唔打機，店員就安排咗2個位俾我地坐低。朱古力西多士好好味，濃郁嘅朱古力味，加埋西多士嘅糖漿都唔覺膩，好正！呢碟椒鹽魷魚鬚d魷魚好有咬口，啱啱炸出嚟夠鬆脆，正！呢個B1套餐，有鹽酥雞、麥樂雞同薯條，全部即叫即整，夠熱又大份，超抵食😁後加多一塊即炸脆脆豬扒，塊豬扒好嫩，好好食食完飲番杯蜂蜜綠茶，舒服晒😁原來可以掃碼點餐，不過我哋冇開機所以寫紙仔臨走仲見到學生lunch 30蚊起！超抵！今次下午茶整體感覺好正，除咗好味之外，估唔到坐喺網吧食嘢都好舒服，值得推薦！