瑞豐餐廳

25.4.2012其實, 每當收到生日飯的邀請時, 心中也會感到十分warm, 但當收到好友打電話來說請我吃生日飯時, 就更加開心, 因為聽得出她是嘻嘻哈哈的笑著邀請.生日飯, 其實我並不介意吃些什麼, 最重要是要避免吃一些我正在戒口的食物, 以及有一個比較舒適的環境給我們傾計. 我們揀了幾天, 終於決定在這一間很有茶餐廳feel的西餐廳吃一頓簡單的生日飯. 這裡和地鐵站有一段距離, 附近人流不太多, 但一條街上也有幾間食店. 進到店內, 已經八時了, 可能是平日, 所以人客不多. 當打開餐牌, 發現有二十多款焗飯/意粉/意大利飯的套餐選擇, 令人花多眼亂哩. 商量了一會後, 我們終於揀了兩個套餐: 挪威三文魚蜆肉燴意大利飯和鮮茄雞扒龍利柳焗飯.點菜之後, 只消一分鐘時間, 熱騰騰的餐湯就奉上了. 餐湯的茄茸雜菜湯是出乎意料的有水準. 起初我們以為茄茸只是一些蕃茄碎, 豈料, 紅紅的湯內卻是一大塊一大塊的蕃茄. 蕃茄是甜的, 雜菜份量多, 湯的味道是甜中帶少少酸, 令人開胃. 湯未飲完, 挪威三文魚蜆肉燴意大利飯($55) 就送來了. 這個意大利飯的份量, 竟然比外面西餐廳的意大利飯多了很多, 而賣相及顏色也比一般的意大利飯更為色彩斑蘭. 這一碟意大利飯中, 除了有三文魚和意大利飯之外, 還有蜆肉, 生菜碎, 青椒絲, 紅蘿蔔絲及粟米粒. 所謂的挪威三文魚就是煙三文魚, 一片片的鋪在飯的上面. 煙三文魚味道新鮮, 可是, 它的溫度卻是不冷不熱的, 給人怪怪的感覺. 蜆肉雖然細細粒, 但勝在份量夠多. 意大利飯的飯粒都幾大粒, 有嚼勁, 不過, 這個意大利飯的獻汁不算creamy, 尤幸它尚有足夠的漿力把飯粒及洋蔥碎黏貼在一起, 噢, 竟然不經意地吃了很多我想戒掉的洋蔥....由於焗飯要即焗, 所以等了六分鐘, 鮮茄雞扒龍利柳焗飯($50) 才送到. 未吃, 已經聞到香濃的焗飯味. 從外觀可看到雞扒和龍利柳的外層鋪了芝士來焗, 不過吃了一啖才知道芝士味不夠香濃. 龍利柳和雞扒都很大塊厚肉, 前者還留有少少魚腥味及雪味, 魚肉尚算滑, 後者也是帶點雪味, 雞肉的肉質也嫩滑的. 既然鮮茄的味道也蓋不住魚腥味和雪味, 看來餐廳要在辟味的過程上加點功夫了. 把龍利柳和雞扒搬開之後, 就可見到焗飯, 焗飯是炒底是意料中事, 但估不到竟然不單止用蛋碎來炒, 更加了青椒, 粟米和蕃茄粒等. 飯粒有少少硬, 不過伴著這個酸甜度恰當的鮮茄汁來吃就沒有問題了. 這餐廳實在帶給我們驚喜, 想不到這間在舊區的餐廳水準也不錯, 可以用平靚正來形容, 一定會再encore最後, 多謝好友的生日飯, 多謝你的勉勵, 很窩心呀.…查看更多

本來同班同事响雅虎團購見到呢間野好似唔錯而且平, 所以買左8張票, 諗住一齊响聖誕前當預早團聚下喇, 點知個電話極之難打,打到勒佢地話full晒. 咁唔緊要喇, 之後再一直打電話去book, 打到過晒年喇都係同我講冇位, 咁我忍唔住就問, 咁响(雅虎團購優惠券)截止前,有邊日由星期一到星期五 19:00~20:00有位架, 佢答我全部full晒喇, 你九點後黎喇. 我問早d得唔得呀, (心諗: 我成班同事唔通18:00點收工, 唔通企晒响你門口等到九點咩), 最後佢話唔駛book喇, 你黎到有位就俾你入, 冇位就等喇, 我話ok, 收線.:(我哋大約7:30去到,睇見間餐廳唔算大間,大約有三十幾個位, 一邊係卡位,另一邊啲枱要合併埋先可以坐到多人,都知道要等吓架喇,然後就同個肥待應講8位,佢就話"好耐架!"(語氣已經唔多禮貌),咁我就話唔緊要,有位就叫我哋喇,我哋就繼續喺門口等,喺我哋前面已經有人等緊位,佢哋都係拎住團購飛,但都係兩人的.等到大約8:30有位叫我哋入去,內裡既環境同一般既扒房差不多,唔算有咩特式,但大家如果要去呢間餐廳既洗手間就一定要慢慢行,要好小心,因為個廁所既地下超滑!!所以由餐廳行去洗手間既通道都舖晒防滑膠!!之後佢哋就俾餐牌我哋,但我哋話係團購的,佢就話"團購要9:00後架喎,又問我哋有無book位,又話未到9:00唔可以入嚟架喎,最最最差勁係講咗句"一係你哋俾正價食囉"(哇!!!呢啲咩態度呀?!語氣極差咁想要我哋離開,真係彩佢都傻呀!!),跟住我就話首先打嚟book枱你哋話full,一直都book唔到,之後係你哋話唔使book,話有位就俾我哋入,而且而家出面又無人等位,點解唔可以呀?!佢哋無嘢好講,就掉幾張團購餐牌俾我哋,餐牌既湯,頭盤,主菜同品甜都有得選擇,但佢就話因為我哋早入嚟,廚房有既話就有得揀,無就直接上,如湯就只得紅湯:((真係好想問,如果我哋俾正價,又係咪無得揀呢?!?但唔想再嘈,再嘈一定反枱!!),落晒order後,佢哋既上菜速度好快,而我哋都食得好快,因為想快啲食完快啲走,未試過咁谷氣咁食一餐囉!食物方面冷盤無得揀,係黑醋三文魚沙律,一般喇,三文魚好似賣剩魚碎咁....主菜我要咗黑毛豬意大利飯,呢個唔錯,有朋友叫咗卡邦尼芝士煙肉天使麵,佢都話ok,幾好食,但有朋友叫雜扒就多掂,睇佢個樣好似食唔落. 甜品都係無得揀,全部焦糖燉蛋,都幾好食,總括嚟講呢間食物係唔錯,但遇到呢啲待遇,再好食都唔會再幫襯!如果唔係已經俾咗錢,喺佢話"好耐架!"的時候就走喇,簡直係俾錢買難受呀!!佢話團購既要9:00後,咁點解同樣拎住團購飛既兩人就可以book到位又可以9:00前呢?!?自己講過既嘢又唔記得,仲要聲大夾惡!!仲有雖然我哋係團購,係平啲,但唔通咁我哋就要受氣?!?態度就可以咁差?!?如果本身係咁full booking就唔好做團購嘛,做得咁平就可以咁樣對待客人咩?!?!之前都食過其他既團購餐,無一間好似佢咁個電話咁難打(以為執鬼咗),無一間好似佢咁book幾個月都book唔到位,無一間態度衰得佢咁緊要,真係火都嚟呀!!!一定一定唔會再嚟!!!!!!!…查看更多

琴日同我女朋友行行下長沙灣諗住食野..!!見到呢間(瑞豐餐廳)咁就入左去食la..個時6點半-7點左右...當時都冇人..見到個環境唔錯..就試下la..其實我做飲食呢行都做做好耐...都對食野有要求..!!咁我就試左個法色煙肉天使麵...(呢個天使麵good d咪好合檔值得推介!!!!!!!)同埋叫左一個田螺雞扒焗飯..講返個前湯先...我就飲左可菜湯(個什菜湯都幾好飲..但係番茄咪重..但係佢話冇落味精..咁就合格la..)我女朋友就飲忌廉湯(個忌廉湯都ok..但係重多小小味就更好la)有埋甜品....紅酒...氣氛都幾好..同男女朋友去就一流…查看更多

今日經過這家餐廳, 見都有幾多人等位...(我已經在附近住了10年以上, 但從未光顧) 而且心想一家餐廳能在區內駐紮10多年...應該都可以試試吧! 就進去試試看! 忌廉湯: 無味...只夠濃...不是水水的... 咖哩牛肉飯: 似葡汁多d...都係淡而無味 鮮茄濃湯牛肉天使面: 湯是沒有味道的...牛肉像吃gum...:( 真心的...如果要我再去吃...我真的不行!!!!…查看更多

呢間餐廳係我公司附近, 見佢開左幾個月, 都無諗過幫襯, 因為地點唔多就腳! 同埋感覺唔方平....呢個禮拜初, 忽然想食扒, 但因為附近都無咩其他選擇, 而這個門面好似較prof, 所以就想到呢間餐廳.估唔到幫襯左一次之後, 會在同一個星期再黎多兩次 正!!第一次幫襯, 3pm, 行到門口, 見到竟然無人, 心裡一涼... 入到去先發現原來幾枱人都坐晒卡位, 都安心d...叫了下午茶扒餐, $48 雙拼, 有牛、羊、豬、雞、龍利柳選擇. 唔使加一, 凍飲唔使加錢, 仲可以選擇跟鐵板架!! 最意外係, waiter竟然問我幾成熟. 茶餐廳下午茶餐竟然有咁o既服務?! 讚*1000!!! 好怕呢間咁好食的餐廳一個唔覺意會摺埋, 所以點都要上黎幫佢promo一下!! SUPPORT! SUPPORT~!!以下係我食咁多次以來的食物:咖啡:) - 唔"kip", feel到係靚咖啡, 讚! 寧水 - 一般...奶茶 - 係用靚紅茶, 同平時的感覺不同!! 不過, 可能為左突出茶味, 唔夠奶味... 應該要叫多奶... 羅宋湯 - ok啦... 足料, 味淡, 唔夠濃. (今日再去過, 又好番d喎!)牛扒 - 簡直有扒房的水準!! 必叫!! 5成熟 (但似係6-7成), 好淋, 無渣! (平時有渣我一定會lur架!) 豬扒 - 淋! 好食~ 絶對唔係茶餐廳的料!! (但今日我最後先食呢塊豬扒, 唔知係咪熟得濟, 差左... 但都比平時茶餐廳好好多~)雞扒 - excellant! 滑~ 唔使點用力已經可以切開啦!!羊架 - 唔知叫唔叫羶... 有羊肉味... 個味同我O係吉之島買番去自己煮的羊肉粒係差唔多的. 我覺得係好味!! 龍利 - 我唔知係咪雪藏, 但皮入面的魚肉, 好似新鮮魚咁滑架!! 如果要佢同一般茶餐廳比較, 我覺得係羞辱左佢囉!薯角 - 每次都係熱辣辣, 正!!蒜蓉多士 - 好味呀~~~~ 唔燶, crispy, 味道超正! 推介薯蓉法國田螺:( - 薯蓉好味, 但田螺好細粒, 仲係無殼架... 應該係雪藏呱... 不過$22/6粒, 算係咁啦!我只係試過下午茶扒餐, 無試過其他咖哩, 碟頭飯咁... 但感覺是超正!! o個d咩扒皇delux喎... 行埋一邊啦!…查看更多

因為老公比較鍾意食西餐。所以今晚選擇了公司附近的西餐廳。餐廳比較小, 客人不多, 但每只有三張枱"吉"出來。心想, 都好吖﹗起碼唔會一個人都冇。老公要了黑椒牛柳配薯菜。我要了蒜蓉汁西冷牛扒配薯菜, 。薯角新鮮, 熱呼呼的, 老公就食哂, 但我怕熱氣, 所以唔敢食哂。:)配菜有西芹, 甘荀同青瓜, 有菜本身的甜味, 所以我食哂d配菜。:)初時點菜時都好驚吓, 因為落單果位仁兄問我地要幾成熟, 我同老公都係怕食生嘢嘅人, 所以老公要全熟。我就要八成, 總之唔見血就得。阿仁兄答我話牛柳就全熟都冇問題, 不過西冷熟就會"un"。好似如果西冷靚嘅話, 全熟都會"淋"架喎﹗先上湯, 因為有飽, 所以要左羅宋湯, 湯比較稀, 不過飲唔到味精。先來個黑椒牛柳 - 全熟都好淋, 需然牛肉味少些。不過都唔似出要有d牛肉味都冇。我個西冷嚟到一切, 咦﹗唔錯喎﹗都好淋喎﹗而且蒜蓉汁好香。:)仲有個什果涼粉做甜品。其實最令我印象深刻係侍應的態度, 因為我在差不多食完主菜時, 就點了飲品同送上了甜品, 我放下叉不久, 侍應就來收碟, 平常收咗碟就走, 但個侍應就順手咁把我嘅甜品放到我面前, 飲品就放在右手邊。這動作令我覺得很好, 還有一點, 因為喉嚨不好, 不能飲凍飲, 但又不想飲熱, 所以就點了凍檸茶, 要淡, 小小小冰, 通常這要求好多都唔啋我, 因為小冰的話, 佢就會比多左茶我, 所以多數唔啋我, 咁杯茶嚟到我就自己"畢"冰, 但佢地真係有聽我講, 感覺是一間重視顧客的食肆。所以我都幾鍾意。會再來。由於是新手的關係, 忘記了影相, 相信下次會記得仲有係冇加一架…查看更多

今次是第二次來這餐廳用餐。第一次是跟男友吃午餐+下午茶, 那一次叫了一個68元的牛扒，鐵板上六成熟，不夠軟身，不過以68元的話，我覺得是跟扒ｘ之ｘ的百幾元扒餐沒兩樣。另外我的茶餐(2x元)的熱咖啡(多奶)比同區很多地方好喝！所以覺得可以再來一試。這次是跟男友來吃晚餐，我要了個虎蝦天使麵($88)，男友要了個西冷扒配虎蝦跟白飯($88)。先說我的天使麵，麵條軟硬度對我來說剛剛好(意粉屋的天使麵都煮得偏軟身....不過我也愛吃)，露荀忌廉汁很香濃，但不會濃得太膩，虎蝦方面，我平常都不愛吃蝦膏(不新鮮的蝦膏都臭臭的...)，這次吃到的沒腥臭，而且我覺得蝦膏也蠻好吃！到西冷扒，上一次不知道是因為鐵板上還是廚師的關係，覺得不夠軟身，這次改了碟上六成熟，肉很軟也算汁多，好吃！這個價錢跟質素應該在同一區內很難有別家選擇！總括來說，88元有沙拉(沙律菜很新鮮)+主菜+西湯+餐飲+小甜品，我覺得算是抵吃，滿足了胃也滿足了舌頭！…查看更多

中午沒有食太多，晚上又打完波，餓得要命。走入這餐廳，目光很自然的專注在扒餐上，貪其夠大份，能醫飽肚。沒有餐包，只得餐湯，可選紅或白，要白好了。忌廉湯幾杰身，有粟米粒在內，但我仍覺得稍為淡口，還好是溫度相當足，飲下是燙口的。頭盤有鴨胸沙律，幾好的是沙律菜大致新鮮，而且有三色椒在內，爽口好吃；鴨胸三片，靚靚的排好，不過鴨胸是雪得太久了，很硬，面頭雖有些蜜糖去調味，卻也彌補不了太多。主角來了，我揀的是西冷扒拼虎蝦。說好了牛要五成熟，來時明顯過了火，非但沒有粉紅色的夾心，切起來甚至有點困難，咬下自然是太韌。邊位帶肥的要好一點，但肉味似乎不足，仍稱不上是一塊靚西冷；虎蝦幾大隻，肉厚，可是口感不算彈牙，鮮味有限。扒餐仲跟甜品，是芒果布甸，說實在布甸並不滑溜，芒果味不很香，幸而也有一定份量的果肉在陣，才拉高一些分數。餐後的熱咖啡，很香，可惜喝起來帶點苦澀。幾十蚊的扒餐，晚上還不用加一，總不能要求太高。…查看更多

岩岩大概8點到落左去食晚飯,,,d野既好食,,,環境又有情調:)我叫左個黑椒牛柳鐵板餐,,,,等唔係等好耐,,,大約5分鐘到啦,,,不過上次爆曬場就要等耐少少lo,,,我諗大約10-15分鐘到=],,,d野真係唔錯嫁,,又飽肚,,,大家不妨去試下丫,,,,我覺得傾計都係一個唔錯o既地方,,,,岩曬男女朋友=],,,50幾蚊就有呢d環境,,,,,底食啦…查看更多