瑞士咖啡室

營業中

休息中

今日約左幾個大學同學係中環食lunch，大家都話想食茶記，所以就揀左呢間都幾出名嘅懷舊冰室試一試佢。不出我所料，我都仲未行到去門口已經睇到大排長龍，起碼都排左10分鐘先入到去，但都比我想像中快，唔算話等好耐入到去D伙記都幾好招呼，有位仲同我地介紹上菜嗰條通道叫咩名，可惜我已經唔記得左環境方面，成間冰室座位都比較擠迫，位置坐得唔太舒服，但冰室黎講都已經算好好，地方都係乾淨嘅食物方面，我就order左個常餐，都係例牌有碗瑞士雞翼湯公仔麵、火腿奄列、牛油多士同杯嘢飲，而我就嗌左凍檸茶。仲大家一齊share左個西多士添呢個公仔麵就一般啦，無乜特別，無嘢好comment，普通茶記質素，雞翼亦都瑞士汁味唔重，可能放左落d湯到溝淡左啦，而肉質都係正常水平稱唔上嫩滑。但overall都正常okay接受到西多係我食咁多最高分嘅，炸得好香口，花生醬搽嘅份量都好平均，入口食落好香唔油，唔錯咁其他食物都正常茶記質素啦，中規中矩，係中環食到呢個價位嘅嘢嘢食，都開心嘅

已經幫襯咗佢很多年 大門口收錢過个女經理成日都勁冇禮貌 唔係第一次畀佢發皮氣 第一次經歷就係我隻太陽蛋未食曬 放咗響度可能有十分鐘 佢就過嚟拮我 你好快啲食咗佢 唔係賴咗我餐廳啲嘢有問題 跟住無限咁多句說話 當時態度當然唔係為咗 食客嘅健康 最近嘅經歷 就係我叫咗一份多士 女經理過嚟落單 因為同啲侍應熟 佢哋問我食乜嘢 我當時講嘅多士同女經理落單有不同 是我指錯編号畀佢 佢聽到就話我 你指錯唔好話我哋錯搞亂個廚房 既然我自己叫錯嘢當然我自己會食返啦 使乜咁惡死 所以我都還佢一句 我叫錯當然我食返啦 又唔係唔食得有毒 成日見到呢個女經理都好多時拮啲客 而家咁嘅時勢咁嘅服務態度 我哋喱D舊客仔食得耐 有感情先至繼續幫襯你 唔該你啲高層檢討下

中環其中一間比較出名既茶餐廳瑞士雞翼常餐作為招牌菜今日兩個人黎拍拖食lunch唔洗排好耐就有位了我地一個嗌左茶餐C，一個嗌左瑞士常餐茶餐C轉左蕃茄湯同通粉，五香肉丁夠香，經典茶記味道瑞士常餐既雞翼公仔面都好食，不過今日啲雞翼好似瘦左啲，味道就都唔錯牛油方包好食，面包夠軟，中間牛油溶哂入個包度 👍🏻一個餐係火腿奄列一個係炒蛋，蛋夠份量又好食，感覺好營養餐 🤩凍奶茶好飲，茶記風味，同連鎖店真係有分別樽裝奶又係我飲開既維記，岩哂 🤗兩個人$109

好耐冇來呢度食早餐。呢間餐廳係中環蛇竇之一。好傳統的環境和味道。一啲都冇外面中環的氣氛。來到蛇竇，梗係坐吓，歎吓傳統茶記咖啡。懷舊一下。 食物就係傳統茶記味道，係冇高級餐廳的水準。記住，係食懷舊和回憶的味道。值得一試

每次路過都會見到排長龍的，所以一直無過來食翻一次，今日早咗落班見到有位人唔多，馬上過來坐低先，要咗份芝士火腿西多士和瑞士雞翼公仔面，西多士裡面芝士好多，一切就流出來了，可以拉絲的，西多士脆脆地裡面好鬆軟，加埋火腿一齊食好好味，公仔面味道比較普通，無咩特別。

星期天，中環很多平時食開嘅早餐店都休息。於是要上網搜搜。最後決定去呢間茶餐廳。其實佢以瑞士雞翼出名， 不過早餐當然沒有啦。睇相以為是小店但原來地方都幾寬敞喎。枱椅報置都好有舊式咖啡室嘅風味。我地都點了極品早餐， 五香肉丁通粉配熱狗或菠蘿油。今日踫巧沒菠蘿油， 所以直接就要熱狗了。飲品要了凍鴛鴦。咖啡味跟茶味都夠互相融合味道不錯。熱狗包都算新鮮鬆軟，腸仔脆口，還伴上火腿奄列，果然豐富。最後仲有五香肉丁通粉😋。呢份早餐當真好豐富呀。

今日過嚟利源西街搵個朋友攞嘢 攞完嘢自己一個食飯就求企呢度食飯呢條巷仔都有好幾間餐廳但係間間餐廳都排晒長龍本身想試吓越南嘅但係條隊一直都冇郁等成10幾個人又曬又熱所以最後都放棄左就去返瑞士咖啡室唔想食成個set咁Heavy就揀咗搭公司三文治點知都係好heavy 個公司三文治超多餡料 有午餐肉 番茄 火腿 芝士 蛋 加埋個沙律醬食一流 但係就超肥🤭🤭🤭 又想食 又鍾意食 但係又怕肥女人真係好矛盾 🤣極速食完就走lu 中環嘅瑞士咖啡室裏面嘅設計就真係比較茶餐廳同我之前喺荔枝角嗰間瑞士咖啡室個裝修好唔同格調都亦都好唔同食物款式都會有少少出入但係味道其實都👌🏻最緊要係價錢比較平民 不過啲職員好快好急 當然上菜都係快嘅🤣

瑞士咖啡室中環店今日午餐時間同屋企人嚟到呢間瑞士咖啡室食午餐瑞士咖啡室其實我曾經去過長沙荔枝角同葵涌兩間分店但今日喺利園世界呢一間比我嘅感覺就好唔同呢一間個裝修比較上復古傳統一啲感覺上會係老字號多好多年嘅品牌嘅感覺.餐廳有上下兩層 雖然午餐時間需要等位但係因為店入邊有好多位所以好快就入到去。我哋兩個女仔就帶咗一個常餐同一個公司三文治兩份share首先講返個常餐先常餐有瑞士咖啡室最出名嘅瑞士汁雞翼四隻基本上餐係跟公仔麵如果加$4呢你就可以轉米粉米線或者出前一丁跟餐除咗個面之外呢仲會有多士同埋火腿奄列有一杯嘢飲㗎公司三文治大大份我哋兩個女仔食完全係食唔晒嘅。

在中環想吃常餐，搜尋之下發現這間之前在荔枝角一直很喜歡吃的茶餐廳，不過餐牌好想有點不同，沒有我最愛的那款常餐，而且價錢都有些分別。常餐 $62可能太早來吃沒有很多人，所以店員上菜速度非常快。米粉份量非常多，而且米粉口感很彈牙，全碗米粉最精華在於瑞士雞翼下的湯，夠味之餘不會太鹹令人覺得口乾，至於雞翼有4隻，每隻都超大很飽滿，果然是餐廳招牌。另一加分點是烤多士，裡面外面都充分烤脆，牛油不會太多，咬下去很酥脆！奄列裡面有很多火腿，算是很足料，不過略嫌有點太油膩。來這裡一定要點凍鴛鴦！看似平平無奇的凍鴛鴦，事實是調配得恰到好處的一杯飲品，咖啡味很香濃，而且超級滑！

出中環行下，太熱諗住揾間野hea下坐下食下野，呀妹提議去瑞士餐廳～都算近大中環地鐵站，行左入一條小巷，入到去都幾多人，好彩有張卡位，坐得舒服啲！仲要岩岩過左兩點，可以叫下午茶👍🏾下午茶再平少少，又慳啲錢😂叫左個兩餸出前一丁，五香肉丁同煎蛋！最中意茶記檸茶，但瑞士個杯茶底有啲苦澀，檸檬又唔係好夠酸🙈 有少失望！丁面都okay嘅，因為有食過其他係得個辣字無肉味😕勝在坐得幾舒服，可以傾下計，野食又喺中環黎講算價錢相宜！

今日去食午餐，坐樓上。叫咗快餐+凍好立克。上咗杯好立克，稀水狀淡黃色有一半係冰，搞過杯嘢冇好立克粉，底亦冇熱水整溶好立克粉嘅樣，我同一位戴眼鏡呀姐話杯好立克怪怪地味喎，佢話「我話呢杯係好立克就係好立克」，我邀請佢試，但佢繼續話「總之呢杯係好立克啦！」唔肯換。作為地道香港人咁耐，唔會一杯正常凍好立克都未飲過囉。好在快餐個黑椒汁豬扒腸仔意正常。Ok fine, 其實好耐冇幫襯，依家咁好態度，決定以後都唔會再幫襯。

中環午飯時間，四周圍人頭湧湧，要不就價值不非。這間茶餐廳位於利源西街一暗處，被一眾小攤販埋藏，還有數間小食店在這暗街邊。午餐時間偶爾會出現長長人龍，要不是人太多，一般都很快可以入座，大約三五分鐘。午餐有不同的快餐，大約五至六個選擇，其中有兩個餐每天供應，另外三至四個每天轉。還有其他茶餐和常餐。這次選了茶餐，沒看清楚以為是沙嗲午肉原來餐牌沒寫沙嗲...所以比較淡多士和蛋是跟餐，一切正常。在中環這個價錢的午餐不能要求什麼吧。

行下行下好肚餓～～～於是走左入間中環瑞士咖啡。下午茶廿蚊左右，早餐三十幾左右，係中環入邊其實佢個價錢都算係有人性入邊啲裝修好有香港復古味。就連佢地嘅工作服，地板都充滿年代感。問下佢地食咩好，佢哋就推介左個瑞士常餐，其實就咁睇真係同其他茶餐無分別，但隻蛋都幾好味幾滑，多士都焗得幾香。最令我覺得可以再番食係個到啲待應都幾好客幾Nice~~~希望可以再去多次

間餐廳雖然位於中環，但係佢個位置都比較難搵，佢喺某條巷嘅中間，真係要睇住Google map先識行。佢12點前都有早餐提供，而佢嘅特餐同常餐就係全日提供。今日就試咗佢嘅常餐，有火腿雞蛋、雞翼公仔麵，加4蚊仲有懷舊嘅玻璃樽裝奶飲。雖然餐廳外面好似好污糟、好多積水，但係入面衛生都算係咁。食味嘅味道水準中上，份量都好夠，佢嘅火腿雞蛋真連埋包食真係一流，而個麵就搭有4隻雞翼，麵嘅軟硬度啱啱好，重點係有懷舊嘅玻璃樽裝奶！

平時返工忙到死，所以想增值返學，也只好在weekend。 今趟就在中環上堂，lunch 時間跟同學去了這間瑞士咖啡室。 設計十分舊式冰室，同學説如果weekday 這間冰室會由早忙到夜，基本上一定要等位。 既然講到咁正，冇理由過門不入。雖然舊裝修設計，但望落也幾乾淨。而且樓底高今日又唔忙，沒有拘謹感覺。不過午餐想吃飯，就真的冇什麼可選擇，只得幾款，其餘也是三文治或常餐之類，味道就一般，但出餐效率就十分快，趕時間吃飯一流。