瑞士咖啡室

營業中

休息中

今日上午要係中環工作，所以打算中環食埋嘢先。之前係將軍澳附近的瑞士咖啡室結業，好掛住佢地的沙嗲牛麵，所以來到中環就約朋友去食個tea。兩個坐左係一個自閉面牆的卡位，真係老細落黎都唔驚下午茶時間當然要兩個茶餐。兩餸一丁麵加杯飲品，盛惠40元。中環來說價錢都算便宜吧。我食的是沙嗲牛餐肉一丁麵。有點失望，牛肉有很多筋，麵又太腍，感覺餐肉沒有煎過，沙嗲味又不夠香。朋友叫的是沙嗲牛雞翼一丁麵，評價一般，多筋，但食得出瑞士雞翼的瑞士汁鹵得好入味。飲品我叫的是茶走，就正常發揮。整體來說，不過不失，如果不用等位，又趕時間，都可一試。

野食黎得慢，普通一個撈麵麵要等半個鐘，催單個經理又扮聽唔到，舉手落單都比人鬧叫人放地手，成班伙計態度極差。最癲嘅係阻住佢收翻隻碟同餐具都俾人問候老母🤡🤡🤡食個lunch都可以多左個老竇食物味道一般，常餐同普通茶記差唔多，撈麵淨係比碗豉油你自己倒，完全唔係撈麵仲要超級鹹，仲要餐廳環境欠佳，又迫又污糟，樓面經常有烏蠅飛黎飛去咁既食物質素黎講價錢係超貴超唔抵，完全唔明點解仲有咁多人去食，如果唔係放飯冇乜選擇都唔會去唔建議再食同入去受氣

一個人閒日放假出咗中環～無意中喺一條巷仔發現咗間茶餐廳➡️瑞士咖啡室☕️即刻search 下佢啲評價～見都幾多好評喎😃好味指數 😋😋😋😋⚪️打卡指數 📸📸◻️◻️◻️性價比 🧮🧮🧮🧮⬜️餐廳環境 ♥️♥️♥️🤍🤍餐廳裡面都幾懷舊～依家呢類茶記應該買少見少喇～佢都有保留到舊式茶記卡位～仲有啲格仔牆磚😆去得茶記識揀梗係揀常餐🤩🤩🤩試咗個瑞士常餐($56)～估唔到都幾有驚喜😬推薦👍🏻👍🏻👍🏻瑞士常餐有❤️牛油多士🧡火腿奄列💛瑞士雞翼(4隻)配公仔麵💚餐飲（揀咗熱奶茶☕️）平時好少飲熱奶茶～但去到茶記通常都忍唔住會想試吓😌牛油多士味道香脆可口❤️火腿奄列都夠滑～～唔錯😗Signature 瑞士雞翼夠入味～而且有4隻都幾多🍗🍗🍗🍗啱曬我呢啲雞翼狂😆熱奶茶就正正常常無咩特別～～呢個茶餐都幾豐富～$56性價比又夠高～～經過附近嘅朋友不妨去試吓🥳🥳..........#瑞士咖啡室 #茶餐廳 #港式 #常餐 #瑞士雞翼 #lunch #中環 #central #chill #eatcation #eatcationgirlss #hkfoodie #hkfood #hkfoodpic #hkfoodporn #hkfoodblo

中環大街好多人一轉到直街路仔，就另一個世界價錢😂都係另一個世界呢到早餐時間夠長，去到中午12點三十幾蚊有個早餐😎👍🏻叫左一個「經典早餐」、一個「極品早餐」埋單兩個人先八十幾，但飽到食唔晒😂坦白咁講三四十蚊貨仔真係無得要求咁多，個火腿通粉同沙嗲牛麵又真係幾正喎菠蘿油～當然個菠蘿皮厚啲再脆啲，就一定更加好鮑片火腿通，唔錯唔錯呀沙嗲牛麵😋😋😋茶走經典懷舊畫作週末的早上無咩人坐得舒服，慢慢食

‘’’ 瑞 士 咖 啡 室 ‘’’隱身中環利源西街嘅古老茶餐廳，仲保留住特色嘅綠白格仔地磚、手寫餐牌，廚房竟然播緊pop music LOL。/·· 瑞士常餐 $55 ··雞翼超入味，大大隻，香口得黎唔會過咸。個麪就偏硬，一般；個湯就好唔掂，完全無味，水咁款。多士烘得夠脆，牛油🧈份量慷慨；奄列嫩滑，可惜太油。水凍奶茶略淡，茶味欠奉。☕️ 總括而言食物質素一般，無咩吸引到我再去食。ε-(´∀｀; )

📍 瑞士咖啡室中環利源西街12號地下.🤤各式三文治(蛋+咸牛)💰$30 (w/ hot drinks).🤤熱奶茶💰+$0.返工之前食早餐真係要好有毅力甚至乎要破釜沉舟 特登前一日唔買定早餐 一係出去食早餐 一係直接餓到放lunch7點都唔夠就要起身 我落床之前都仲掙扎緊 不如瞓多陣 餓死就餓死不如射波 eat is my life最後 算啦都醒咗 落床啦去食個靚早餐再返工.早餐同下午茶 都係鍾情於港式所以先特登返中環搵間咖啡室食早餐.間嘢located喺啲橫街 仲要舊式茶記入之前已經有心理準備環境衞生會麻麻雖然好怕污糟 不過為咗食 可以取捨但原來比佢嘅地理位置外表呃咗入面係裝修過乾淨企理modern嘅 姐係連鎖茶記格局坐得舒服 安心又開心新裝之餘 同時保留啲年代感例如stuff嘅衣著係統一繡餐廳名嘅白恤衫又例如佢啲牆同地下都係舊舊地少少殘.其實我諗咗好耐食唔食西多/多士比起咸早餐 更加鍾意食甜早餐聽講早餐想食甜 其實係因為唔夠瞓true though我真係日日都唔夠瞓但最後覺得甜嘢好似好肥 就叫咗蛋牛治烘底熱辣辣嘅餡 烘脆咗嘅皮 仲有就黎滴出黎嘅牛油成個組合真係無得輸.熱奶茶 正呀 好

瑞士咖啡室 網址: https://s.openrice.com/QrbS0tcS000~uXSHzAw地址: 中環利源西街12號地下電話: 21110841=====================落大雨狂風雷暴，趕返公司前醫肚先估佢唔到有呢期好hit 架low carb 餐，$50 似all day breakfast包飲品嚴格來講係dirty keto 因太多加工肉類，ham 同煙鴨胸肉，但食到夠蛋白質，且比生酮低碳人多個外食選擇。個蛋omlette 都有幾多火腿絲，但個菇同菠菜味道偏淡口，而加工肉又濃味左d而追求健康就唔好食太多加工肉啦,但值得支持架，話曬低糖飲食是健康潮流

中環老字號, 雖然係橫街, 但知名度極高, 經常都好多食客. 舖面唔大, 但有好多個員工, 聽佢地既對答, 相處應該好融洽, 不過佢地對食客既態度, 就更似親人一樣, 有D人可能接受唔倒, 但感覺得到既, 係佢地一D都唔造作.早餐款式其實唔算多, 但同一樣野, 做一千次, 一萬次, 就可以做到極至, 哩個可能就係佢可以屹立不倒既秘決.看似同其他茶記一樣, 不過佢隻蛋, 感覺更有蛋味, 煎蛋之餘, 個蛋黃可以做到太陽蛋咁流心. 多士烘得唔會好硬身, 脆得黎, 搽左牛油既位置, 熱力剛好令牛油融化, 令到包既中心軟身, 哩D就係真真正正既外脆內軟.麵底唔係用出前一丁既, 不過可以加錢改, 五香肉丁亦都唔係用大牌子, 不過就好似硬身左少少, so far so good啦. 飲品其實出名係飲樽裝鮮奶既, 我本身諗住嗌朱古力奶, 點知掛住覆訊息, 唔小心淨係叫左朱古力, 到上左枱先知, 不過就唔好意思再換喇.

又到中環尋老伴，這回老伴心有所屬，甫碰面便長駒直進，轉入小販舖立林的利源西街。從一邊窄小的路段往下行，「瑞士咖啡室」之招牌映進眼簾。小的本以為是甚麼特色小店，居然老伴把小的帶到茶餐廳來，還別過頭來說一句：「妳喜歡地道嘛！」小的饒有興致，想著這家普通不過的茶餐廳到底有多地道。瑞士咖啡室雖位處陝窄的街巷，然而其門面卻不少。有趣的是隨了門前的一列檯椅，往下走幾級樓梯，裡面別有洞天，更廣闊的廳堂與廚房均置其中。大概是由於利源西街為一條斜巷，於是門前小半位置以斜坡的較高端作水平，及至深入內堂則以坡段底部拉橫，遂有這樣的設計。當餐廳位處隱閉的窄巷，兼之有往下深進的佈置，對於中環的辦工人員，這實是一蛇王的好地方。難怪老伴表示此乃中環歷史悠久的地道小店。安坐過後看看餐牌，以為這兒會有甚麼特色名菜？不好意思，這只是普通不過的茶餐廳。由於小的早在家中吃了個豐富的遲午飯，故於這下午茶時段肚子仍覺甚飽，遂點了客西多。老伴見到有他至愛的焗茄汁豬扒當然不能錯過，誰知店員態度惡劣地表示沒有。不是標明11時後供應的嗎？何解沒有？而且這一位職員打從一開始已表現得極不友善，未坐好已催著問咱們吃甚麼，咱們瀏覧餐牌又顯得不耐

前幾日少有地冇帶飯，所以lunch time就跟左d同事去瑞士咖啡室食lunch喇！去到11點幾仲有早餐供應（佢地既早餐係由7點供應到12點嫁，正！）今次係我第一次去（同事們都覺得難以置信，係附近返左咁耐工，居然可以冇食過鼎鼎大名既瑞士咖啡室！我真係個大鄉里呀！）。去到第一個感覺係好懷舊，好似返返去80年代咁！叫左個早餐F，有牛油多士、西煎雙蛋同埋雪菜肉絲米粉，配埋凍飲先＄39，係中環黎講真係好抵食！味道方面算唔錯，個牛油多士好脆、西煎雙蛋同埋雪菜肉絲米粉就不過不失啦。下次想黎試試佢個瑞士常餐！同事們個個都話佢個瑞士汁好好食嫁！最後想講既係呢d港式懷舊茶餐廳真係買少見少喇，大家要多多支持佢地，好好保留呢d香港既地道飲食文化呀！

炸雞髀好好食，浸雞皮夠脆又香口，啲雞肉好滑，唔會好乾！出面好少搵到炸得咁好食嘅炸雞髀。同埋佢係超級大件！不過重口味嘅我嫌佢唔係好夠味，所以自己再落咗鹽喺面。沙律都好大份！唔錯！幾抵食。不過我覺得啲員工好似有啲惡

食過《瑞士咖啡室》既你，應該都知招牌瑞士雞翼係小店既皇牌😋 除左雞翼之外，仲有咩值得一試呢？今次叫左個tea set外賣，試下佢個餐肉炒蛋菠蘿包啦。✨餐肉炒蛋菠蘿包✨配熱飲一杯💲31菠蘿包🍍🥯可以話係港式麵包既經典。今時今日已經進化到另一個層次。菠蘿包夾乜乜乜🤣 即使係外賣送到黎，個菠蘿包仲暖暖地架🤤菠蘿包外皮金黃酥脆，麵包軟腍，夾著炒蛋同餐肉，好滿足吖！口感豐富，炒蛋好滑，餐肉肉質緊緻。令人一啖又一啖 食到唔停口😜 建議可以加啲蕃茄，可以解膩之餘，感覺上健康d。👍🏻

喺Office做嘢做到頭昏腦脹就去咗瑞士咖啡室食個靚下午茶叉一叉電！🔺芝士火腿西多士🍞坊間茶餐廳嘅西多士嘅餡多數係花生醬嘅，但呢度就有好邪惡嘅芝士火腿做餡所以就想試吓！個西多士熱辣辣一切開個芝士有少少流心嘅🤤芝士愛好者嘅我一見到就心心眼😍我覺得個芝士火腿西多士都幾創新而成功，我下次食西多士都唔會想食傳統嗰種。其實食晒成份係會有啲膩嘅，但我又唔捨得食淨因為實在太好食啦！下次叫埋朋友仔Share一齊食會好好多！

嚟到3點3又係食下午茶時間🤣，叫咗兩個下午茶同人share，樣樣食啲都幾好，外賣質素來講算唔錯😊。公司三文治。一般般，裏面嘅餡主要有餐肉，炒蛋，芝士，火腿。都係可能因為外賣嘅關係，本來烘底嘅包黎到都已經唔係烘底，不過送嚟到依然係熱熱地，的芝士依然係溶緊，可能有餐肉嘅關係，個包有啲似餐肉炒蛋三文治😂，其他未都被餐肉蓋過咗。餐肉炒蛋菠蘿包。菠蘿包面依然酥脆，暖暖地嘅炒蛋，加上一片厚身嘅香煎午餐肉，仲脆脆地架🤤。因為足料嘅關係所以一啖係咬唔晒🤣，要撳扁個包先至勉強可以咬得到🤫。味道係幾好，菠蘿包都酥脆，但係可能因為炒蛋或者外賣嘅關係，包底有啲濕，如果堂食應該會再好食啲🤤。

老細請食下午茶，一式一樣腿蛋治檸茶唔洗爭。不過不失，但始終外賣凍左都會爭啲，蛋幾滑嘅，同其他茶餐廳問題一樣啦， 啲料集中中間，側邊剩係得兩塊包😂 $27中環區算係咁啦