琭玥玖 (已易手) 新餐廳

知道粉嶺新開咗米線舖之後，心情真係好激動，星期六晚經過看見人頭湧湧。而且好多食物都已經沽清！好有興趣試吓佢嘅王牌鮮蝦米線🍜😍😍😍😗不過賣晒，好在仲有水煮魚，老公叫咗水煮魚小辣，諗起以前食水煮魚都係返大陸食。好懷念滑嘟嘟嘅魚肉。果然沒有令我哋失望，聽聞大廚係跟米芝蓮一星嘅師傅學習川菜❤️ 呢度嘅價錢好親民，可能嚟得呢度食嘅都係街坊😉水煮魚果然係滑嘟嘟👍🏼非常好味，麻辣夠香！食到我老公流晒大汗😊但係總括嚟講係好味。我就叫咗雞肉墨丸米線，我唔係太食得辣㗎，呢度有bb 辣選擇，啱晒我哋呢啲唔食得辣又想食辣嘅人😗我加$8 可以有埋冷泡茶。玫瑰烏龍茶，味道濃郁不錯佢嘅餸菜份量好多，比出邊嘅餐廳都多😋如果有芽菜韭菜就更加好啦！ 即係話如果有啲基本配菜嘅話會更加正。

酸菜魚米線💛麻辣湯米線 （風琴豆卜，陳皮魚蛋，魚腐）💛棒棒雲吞💛冷泡茶 （玫瑰烏龍）💁🏽‍♀️想食小食可考慮跟餐-兩個湯拍埋試就知酸菜個湯底一家係分開煮，酸菜味正（男小編：可惜醋酸味大過酸菜味）麻辣個湯就大路，絕對可以撼一撼同區附近間譚仔-棒棒雲吞個花生醬幾正，有啲辣幾正.不過整體都只係一間米線店，酸菜魚米線唔係麻王或者大陸太二個款煮法（冇淋滾油同冇一堆火椒八角），而且個魚應該係急凍魚柳黎，不過一分錢一分貨冇怨言係北區黎講罕有既黃店類型🤤🤤

這小店的裝修毫不起眼，而且偏在一角，但估不到無論招牌米線和小食，都一直保持水準。招牌菜之一的麻辣水煮魚米線，魚塊無骨嫰滑，魚塊份量也足夠，湯底喝了也不口渴，而且麻和辣也照顧得到，試過了以後就印象難忘。我一般是吃小辣就相當夠味，也試過了中辣的味道，對我來說會大標汗呢! 另外也試了這家的雙拼米線配鎮江肉，麻辣的度數當然比不上水煮魚，但也是同一湯底，最驚喜是它的鎮江肉，味道非常正宗，蘸上醋來吃，平衡了麻辣的味道，簡直美妙絕搭! 下次還想試試雞絲粉皮和口水雞! I'll be back !!!! 星期五下午三時去買外賣，也等候了差不多 20 分鐘，客人仍是絡繹不絕。已經不是午市時間，還有那麼多本區客，真不明白為何到目前為止Open Rice 只得負評。即使要跨區，很多時候也找不到這樣的份量和質數的川菜水準。如今可以在北區範圍，離家不到 10 分鐘就吃到，可以考慮納入本人的北區飯堂之列。無論如何，自己親自吃過才知道，什麼叫做真材實料，絕不欺場! 抵食指數: ⭐⭐⭐⭐環境衛生: ⭐⭐⭐⭐服務: ⭐⭐⭐⭐⭐返炒指數: ⭐⭐⭐⭐⭐(堂食不需小費)

有日行過屋企樓下，見到有間新開的米線，試一試食左佢地的招牌菜，酸菜魚米線，佢地仲可以選擇BB辣、小辣、中辣。食後報告係，個魚啖啖肉，而且仲好有魚味，湯底好入味，米線好彈牙，好好味😋朋友們可以黎試下一班黎生仔仲要好有禮貌、好細心咁介紹佢地的食物，要比個讚你哋🥳🥳

新開試下大碗可惜清湯無味，米線太硬朋友食麻辣，唔覺好味另一朋友食酸菜魚，也覺得唔好味好味自然多人幫襯本身我最憎啲人分化，食飯要食黃色國安法，食肆收斂了可以有正常啲的環境和裝修食嘢

8月9號見佢新開張好多人，經開都唔敢排隊，因為知道無論堂食同外賣都要等起碼一個鐘。直到今日終於得閒去試，店員態度其實真係唔錯，但奈何食物真係比起出面嘅川菜真係好難食，應該係幾乎冇得比較，尤其是個湯底好淡口，又冇鹹味，只食到好重醋味，我叫嘅中辣，辣到係OK。而且配料款式好少，基本上唔需要加工嘅魚皮餃竟然啱啱開店都冇貨...米線份量十足，因為個湯底味道問題，令我食唔到落去，仲剩返大半碗，我覺得佢太過有名無實，真係冇下次👎🏻Sorry

服務態度雖然好好 環境都舒服 但食過一次 d水凖可以同一款湯底 我叫酸辣二碗都可以有分別 我個碗就勁淡戊戊 夜晚去到可以已經幾款餸都賣哂我食過一次 唔會再食了😔😔🙏🏻🙏🏻

平時行過都見到會有幾個人等外賣滿心期待試呢個水煮魚米線價錢$58 分湯＋$2一拎到個樣 覺得咁細碗 紙碗可能環保啲？但透晒啲辣油瀉晒 賣相差過用膠碗打開無乜香味有幾塊魚肉 係又梅又無魚味😞我叫左中辣 但得個辣字但無其他應有嘅香味 連調味都無乜一個字失望仲要呢個價錢🤯 感覺唔到誠意附近太多食肆/更好選擇應該都無機試第二次🙊但奇怪已經開左一段時間點解仲keep住有人幫襯唔通只係我唔好彩 / 太夜味道唔同左 / 定我應該叫酸菜魚一個謎！P.S. 原來細碗都無問題因為太唔好味 食一半就掉左了

夠辣 大大碗好飽肚🤤仲有冷泡茶好夠味四季春☺️幫襯第二次等候時間改善好掋讚👍🏻今次15min就到手啦😊米線好食 牛肉新鮮 重點係口水雞爽滑😍😜會再次幫親～～

我淨係買過兩次，體驗就已經唔係幾好。第一次就買酸辣小辣米線+雲吞+明明就係津路嘅冷泡茶套餐。米線食落就得醋味同超越其他同行小辣辣度嘅辣味。真係辣死我。我唔知係佢加多咗辣油定本身咁辣。雲吞無乜特別，但個醬幾好味。至於明明係津路嘅冷泡茶，店員就放漏咗俾我，明明就加咗錢，但就無得飲。第二次就買麻辣+口水雞+汽水。食第一啖就覺得唔對路，麻辣好似唔係咁嘅味。食落個口就完全感覺唔到啲麻嘅感覺。反而食到酸味。食落又無第一次食咁辣。真係好鬼奇怪。至於口水雞，我就覺得只係唔啱我口味。綜合來說，我就唔知係我運氣唔好啲店員連續兩次出錯係我度、定真係咁嘅味。如果真係一碗得醋味同辣味和一碗無麻嘅酸辣米線嘅話，粉嶺有更好嘅選擇

新開張個晚路過 見到好多野沽清 第二晚 自己圍內試食第三日 下午去 見已提早截單。。結果今日終於走左去試 落單果陣收銀妹妹已經話堂食都要預一個小時 都有左心理準備最尾等左50分鐘 但結果真係失望本身要左套餐 麻中辣 腩肉加豬潤小食(半份)揀左 雞絲粉皮 等既過程 聽到收銀妹妹同客人講 舖頭比外面既較辣 勸d客可以揀bb辣所以期望佢辣度有番咁上下 首先佢來左粉皮先 一食麻醬 就認得出係李x記。。普普通通 而且由於套餐得半份 用既碗又偏大 睇落較難看 雖然係方便客人攪拌 而且個碗身沾左麻醬 我一掂果陣發覺奶野隔左一分鐘無耐 米線都來左 單睇貌相係幾好 但麻中辣? 睇湯面 清湯加左少少辣油咁款 一試啖湯 一來沒麻 二來辣度如果跟譚仔可能真係得小小辣 腩肉份量都算多 切得又薄身 但本身無撈咩辣油或蒜蓉 所以色水死白死白 又無乜味 豬潤無過熟 爽口 但同樣色水暗沈 米線份量係多 比起坊間係用芽菜墊高佢就真係多米線 少青少芽另外飲左啖湯 發覺唔對路後 叫左靚仔加辣 結果加左匙辣椒醬 試左少少 有陣豆豉味 唔香不太辣 比起潮州粉麵隻辣椒油還要差總結來講 其實真係唔明點解可以整咁耐 見舖面開放式廚房

見新開同朋友過黎試，12點15點餐 13點先上餸，眼見後面叫外賣個啲都已經可以取餐。根本兼顧唔到外賣同堂食。等左20分鐘已經開始叫佢地跟下，好似冇一回事咁，足足等左45分鐘先黎。 你有你繼續等，佢有佢繼續做外賣唔理。

今晚一試⋯就bad list了這間，店員有heart但食物質素差分別叫了2碗，先講水煮魚米線，魚塊尚算可以接手，湯無味唔辣，米線過分淋⋯⋯另一碗，酸辣米線，一樣叫了豬潤、腩肉、豆卜及腐皮，全部無味，皆因個酸辣湯底零鹽分，零味，比清水好小小，好失望⋯完全談不上係一碗入到口的粉麵，以上2碗吃了兩啖就⋯sorry,頂唔順，好在小食口水雞是嫩的。新開張，希望老細留意下食品質素。