班蘭葉印尼餐廳

營業中

休息中

班蘭雞飯成日以為班蘭淨係可以整甜品，點知原來整飯都得個喎！意外地斑蘭味嘅飯一啲都唔怪，原先以為啲飯會甜甜地 🙈 其實只係飯有班蘭葉嘅香味，清清地咁幾好食～ 美中不足嘅係，啲飯癡到一嚿嚿咁，中間有啲位啲班蘭撈得唔係太均勻 🙈雞啲骨位有少少血，唔算太熟，但正因為咁啲雞肉好嫩滑，而且鹹鹹地個味調得幾好 👍🏻 仲有少少應該係印尼沙律，撈左啲印尼花生醬，充滿椰香幾特別 😆高良薑鴨髀菇撈麵一上枱見到隻鴨髀好似好乾咁，但食落去啲肉係鬆軟嘅，而且炸得好酥好香，又有鴨味 😍 至於個麵…… 係營多撈麵嚟㗎 😂墨魚丸沙嗲串燒粒粒墨魚丸都又大又肥美 🤤 而且係彈牙有墨魚粒㗎！佢面果個醬好好食，我覺得好味到唔需要再點沙嗲醬 🙈雞肉沙嗲串燒火候控制得幾好，雞依然 juicy 唔會乾 👍🏻 Again，佢個燒烤醬真係好好味 😂 完全可以走沙爹醬 🙈炸蔬菜餅可能因為已經擺咗一段時間，佢唔算太脆，同埋有少少難咬，但係佢炸得好香，而且佢用咗啲印尼調味料，食落去香香辣辣咁，如果新鮮炸起應該會好好食 😆印尼咖啡涼粉冰呢度嘅飲品簡直係花多眼亂，正當我迷失緊自己嘅時候，印尼姐姐推介我飲呢個咖啡涼粉冰，結果一試真係發現冇介紹錯！👍

今日去開銅鑼灣經過呢間 班蘭葉印尼餐廳 原本以為佢剩係得出面嘅嘢食可以買 原來入邊都有堂食位 見到幾得意就決定入去試吓🙈 入去坐低一睇個餐牌 勁多選擇🤩 全部都圖文並茂 顏色好豐富 花多眼亂🫢睇咗一陣就揀咗嘢食啦😆 羊肉沙嗲 $58好好食😍 好鍾意食羊嗰陣味 燒得出色仲有肉汁 調味啱啱好 個沙嗲汁同出面嗰啲有少少唔同 好香又有少少辣 絕配😋 原條魚花膠湯粉皮 $108花膠湯好香有膠原蛋白 女人最鍾意🫢 粉皮都煮得好滑身 條魚燒得啱啱好同埋真係超香 魚肉好容易就起咗出嚟 啖啖肉又鮮甜 仲有魚汁喺入邊 唔需要點任何醬汁已經好好味👍🏻 燒雞班蘭尖塔飯 $98班蘭飯配半隻燒雞😋 班蘭飯好香 本身以為係甜 不過就唔係啦 幾好味值得一試👍🏻 燒雞最怕燒得老咗 好彩佢唔係 雞髀好滑 雞胸都唔錯 加埋佢獨特嘅醬汁 一啖雞再配一口班蘭飯 好味😋 龍眼冰 $30鮮甜龍眼肉爽口 感覺好fresh 班蘭沙冰 $42好大杯呀🤣 班蘭味沙冰真係第一次飲 唔會好甜仲啱晒打卡 整體來講呢間 班蘭葉印尼餐廳 食物有驚喜 感覺食到正宗嘅印尼菜 店員好Nice👍🏻主食同飲品都好大碟 門外仲有啲小食可以買返屋企試 但好飽

🌈燒雞斑蘭尖㙮飯 $98呢個飯可以自己揀斑蘭飯/椰汁飯/黃姜飯 吸睛的青綠色飯係斑蘭飯呢 食落有淡淡的斑蘭味同椰汁味 份量都頗多 而賣相同擺盤都不錯不錯 有成半隻燒雞 不過味道就一般 冇咩印尼香料味 同網上面的圖有出入🤔但燒得幾好既 脆的 入面雞肉唔算多汁 唔柴的 另外仲有炸雞蛋(本身以為係咩炸物 切開原來真係一隻雞蛋)炸豆腐 印尼特色黃豆餅(個人不太喜歡 係碎壓左的豆豆) 重點係個汁 冇轉其他汁 係default果個 errr係好辣的辣椒油 同啲野食唔算太夾😕整體來講還好的 再食就未必會叫呢個🌈印尼四大天王飯 $79Menu太多選擇 真係好難揀 樣樣都想食 結果見到呢個寫係必食就叫左 餐牌係冇寫到四大天王飯係有啲乜嘢😂上到嚟咪知😉呢個飯啱晒啲樣樣都想食少少的人 可以一次過試晒四款不同印尼獨特煮法同醬汁🤓有巴東牛肉 海南雞 Gado Gado 沙甸魚 我最中意係巴東牛肉 個汁係好惹味 牛肉又好淋 配飯一流 而海南雞就一般般啦 Gado Gado之前我都唔知咩嚟 但之前食過 從此之後我就稱佢為沙嗲雜菜沙律🤣我唔係特別中意食 沙甸魚就一邊食一邊覺得自己係印尼海邊😂明唔明🌈牛肉沙嗲串燒 三串

唔知大家有冇食過🇮🇩印尼菜呢🤔🤔印尼撈麵我就食得多🤣印尼菜呢我自己就第一次食🙈🙈前排經過呢間小店，諗住買舊班蘭蛋糕過下口癮，就俾我發現原來入面係餐廳黎🤣🤣🤣仲以為淨係賣小食添🤭就咁係出面睇真係唔會知，個感覺好似尋寶咁，搵到間隱世餐廳🤪入到去雖然位置有限，但真係座無虛席😨😨仲以為好多都係印尼食客幫襯返😆點知原來全部都係香港人黎，應該都係一間唔錯既餐廳🫢🐟原條魚花膠湯粉皮 $98（轉燒魚+$10）呢條燒魚真係值得讚下😆😆魚皮勁脆口，真係食到chopchop聲🫢仲要魚肉超多，淨係食魚都飽飽地🫠花膠湯粉皮都幾入味👍🏻🍚啦斯啦媽班蘭飯 $88見到有綠色班蘭飯，就好想試下🙈🙈真係未食過綠色既飯🤣食落真係有好清香既班蘭味道💚🍚 我覺得都幾特別～～仲配埋炸雞、炸雞蛋、三角形狀既印尼小食同埋一啲小魚乾花生小食咁🤪不過真係估唔到呢到既炸雞都幾好食，好脆好香口，唔會好厚炸粉👍🏻👍🏻👍🏻炸雞蛋都幾得意😹😹🥡炸秋葵 $48平時好少食炸秋葵，所以就叫下，都係唔會令人失望既🤪🤪🍹印尼咖啡涼粉冰 $38呢杯幾特別，甜甜地既，但有咖啡味又有涼粉趙下咁，都唔錯～～🍹珍多冰 $28呢杯平時食泰國同越南嘢果陣就飲得多啦🙈 但

晚市堂食算係叫開放左一排，不過都係最近先約番friend 放工後食好野～呢間印尼餐廳係openrice 人氣似乎幾高，又係正銅鑼灣中心地段夠晒就腳。佢門口販賣住各樣特色印尼小食，則跟小路而入，別有洞天～先叫d 串燒過下口癮，佢d 羊肉本身已經一d 都唔酥，再搽上醬汁去燒，甜甜辣辣，再點埋另附既沙嗲醬，又多種花生既香氣，令人流晒口水...第一次聽"破雞" 呢個名字，所以貪得意叫左個黃薑破雞雜錦飯。哦原來都係燒雞果類，隻雞充滿香茅同薑黃粉既味道，係燒得稍為有d  乾身。成碟飯擺盤幾靚，配以炸豆腐，青瓜，蕃茄等多種蔬菜，果隻辣醬超級辣的！仲試左個湯粉皮，都係d 唔常見既食物。滑滑既粉皮，浸係花膠湯入面，熱熱的連埋湯食一流。剪碎左既花膠如蛋花一般，再加埋似乎係蟲草，應該十分養顏～呢個舊肉叫左燒牛仔骨，都係接近頭先羊肉串既醬汁，但食落肉質又較為有咬口～飲品menu 琳瑯滿目，附埋圖好似樣樣都好想試咁... 朋友點左杯斑蘭沙冰，同平時食開既斑蘭蛋糕一樣，都係果隻青綠色的！我就試左咖啡味，巧靚呀～有cream 有車厘子同蛋卷，打咭一流又好飲。

🧚🏻‍♀️今日去食好特別嘅印尼菜，驚喜滿滿🤤🤤 初時以為印尼菜會好重香料味，但估唔到印尼菜嘅香料恰到好處，又開胃又好食，真係想飽到上心口都仲繼續想食🥹 Encore list!! 🐟雜菜燒魚飯呢個燒魚外脆內juicy, 魚肉嫩滑又唔會腥, 燒到剛剛好脆卜卜，必試❤️‍🔥 老闆娘話呢條黑鰂魚用咗18種香料味醃製，唔會太重味但又剛好蓋咗魚嘅腥味，淨係只有鮮味😋😋吃貨嘉嘉同愛吃魚嘅男朋友一致比100分！佢嘅班蘭飯亦好香，愛吃班蘭蛋糕嘅朋友記得要加錢轉班蘭飯！🍛印尼四大天王飯呢個飯集合咗巴東牛肉、海南雞、沙嗲雜菜同沙甸魚🐔🐮🐠 巴東牛肉用上牛筋腩，香茅味好重好開胃，超級好食！ 雜菜係吃貨嘉嘉意想不到好食，不停食，甜甜地又好開胃！雞就似一般海南雞，沙甸魚就好送飯。仲有！一定要轉椰漿飯，好食到爆炸！ 🤤🥹🥹 佢個飯唔係芒果椰汁糯米飯嘅感覺，而係好似好香唔識形容嘅飯⋯唔鐘意食飯嘅吃貨嘉嘉一啖接一啖⋯求求大家要試下！ 入面仲有小魚乾同蒜頭🐮沙嗲牛肉串一定要點佢個沙嗲汁食！好好食嘅沙嗲🤤🤤🤤牛肉帶小小肥，牛香味更加出💚珍多冰上面椰奶下面係椰糖，喜歡椰糖嘅朋友仔先好叫，味道偏甜另一杯班蘭沙冰就岩哂啲喜歡微甜嘅

去開cwb都經過哩度好多次，不過一直都冇黎試反正又冇食過印尼菜，今次決定一於入嚟試吓入到去職員大部份都係印尼人，不過佢哋都識聽同講廣東話。店舖幾有印尼嘅特色Menu頁數太多，以下只係節錄：主菜亦都有分飯類同面類，超級多唔同嘅選擇。仲有甜品同埋小食啲嘢飲都好靚，整到好似啲甜品沙冰咁出邊睇以為環境好細，不過原來都幾大。店舖生意都幾好，堂食生意同外賣生意都多，環境嗰啲燈都幾有印尼特色我哋叫左：1️⃣啦斯啦媽班蘭飯個斑蘭飯係綠色，仲要整成一個類似城堡咁嘅形狀，都幾得意。最特別係佢附上兩對手套俾你，入鄉隨俗嘅我哋梗係都試吓用手食嘅滋味啦！個飯比想像中好味，幾香口，小小鹹鹹地咁。餸有炸雞、雞蛋、魚仔同花生、辣魚仔同埋印尼餅（？）。個三角形印尼餅我覺得冇乜味道，但個炸雞好脆口，就咁食都得因為加咗個辣醬嘅話都幾辣。魚仔同花生作為下酒菜都唔錯㗎！雖然冇嗌走不過就咁食，都好開胃😋2️⃣芝士炸碎雞撈麵呢個面係典型嘅印尼撈麵，即係平時我哋都買到嘅indo noodle ，呢個雞同上面嗰個計分別唔算好大，只係配埋啲芝士絲一齊食，更加食到芝士嘅美味。個人覺得呢個撈麵反而係有少少唔抵，嗌斑蘭飯會抵啲3️⃣蝦卷呢個蝦卷好味啦，入

今晚有個幾特別嘅體驗，就係初嘗香港嘅印尼菜。今次搵黎呢間位於銅鑼灣嘅印尼菜，係因為之前有朋友試過覺得地道又抵食，所以推介嘅本身以為會唔會主要係印尼食客幫襯，點知原來全部香港食客🤣menu野食多到你唔信，而且大碟又抵食，真心高性價比呀！班蘭雞飯（$68)綠色嘅班蘭飯，其實我唔太熟班蘭係咩味，但食落係有微微香同覺得帶有啲椰香味，總之係冇普通白飯咁寡嘅。啲雞勁肥美多肉而且好新鮮，呢個價同呢個質素，比十個like巴東牛肉花膠湯粉皮（$78）花膠湯清清地幾唔錯，粉皮份量極之多，呢兩樣配搭以往真係未試過。至於個巴東雞就比較濃味，match到以前去印尼旅行記憶中果種偏濃味野食。啲牛好冧，其實好好食墨魚丸沙爹串（$48)墨魚丸大大粒咬落夠彈牙，微微帶辣，簡簡單單但又勁滋味相信比較少人嗌串燒會嗌丸😂但呢個真心好想推介下！啲特飲都好好飲呀👉🏻呢兩杯分別係箭葉果混吉蜜（$28) &桂皮箭果蜜（$28)

今日倆公婆撑枱腳，過大海維園😂😂很多工人姐姐聚腳的地方。左轉右轉去到一所小店(班蘭印尼餐廳)門口有很多人買小吃，小店專賣印尼土產食品，吸引了很多思鄉工人姐姐到來光顧。抱着不防一試心態入内點食，室雅何須大只要有heart就得啦🙂入內有印尼店員招呼，不用擔心印尼店員能操流利廣東話，還好細心介紹食品(大鄉里🤫🤫我)1.印尼花膠湯班蘭雞粉皮~非常之特別花膠雞湯底配粉皮，粉皮滑溜溜，煙煙韌韌配上稀稠濃花膠雞湯底👍👍👍再配上黄油滑嫰雞件一試難忘。2.黄薑破雞雜錦飯轉椰漿飯~椰漿飯好有椰漿味，而飯中帶有微辣，無辣不歡的我，加入勁辣印尼秘製辣椒醬，再混入飯中一起慢慢品嚐飯有飯香嫩綿綿，辣椒令味蕾刺激增添層次感，配上炸雞又有令個口感，炸豆腐油而不膩，炸黃豆餅外脆內軟3.印尼咖啡涼粉冰~咖啡帶甘味，吮一口咖啡帶涼粉絲頗有趣4.班蘭沙冰~班蘭清香略帶奶香頗有兒時感覺👍👍👍食飽飽後，有客人訂了一盤極華麗美食好似(盆菜)，真令我大開眼界👍👍👍👍

尋晚第一次去印尼🇮🇩，啲嘢又幾鬼好食，門口打卡仲好正添📸！巴東牛肉飯🐃第一次食竟然係喺澳洲，食過之後非常難忘。今次食返正宗印尼版本。肉質仍然鬆軟，啖啖肉得來，冇嗰種牛腩嘅肥膩感。沙嗲汁配菜出奇地好食，超級豐富多款式嘅配菜，非常爽口。泰國米粒粒分明而細長，非常好撈飯又唔會一pat pat。印尼秘製汁燒魚飯🐟奶綠色嘅班蘭飯實在太吸引，非常香，唔需要額外撈汁已經好好食。俾足成條燒魚你，配一個秘製香辣汁。燒魚本身已經好夠味，重點係佢個甜甜地嘅脆皮，所以肥啲都要連皮食啊！雞肉黃金餅🫔分量大到O咗嘴，餡料同想像中都有唔同。黃金係有蛋有雜菜有芝士，幻想下有啲菠菜蛋餅嘅感覺，但係春卷嘅脆皮，當然仲有好多爽脆嘅蔬菜啦。個汁就甜甜辣辣，點小小都唔錯㗎。黑糯米特飲🧉餐廳可以比客人選擇少甜，減甜後減少負擔，黑糯米本身都唔係用糖水浸個種，可以食返原材料原味。斑斕蘭沙冰🌿貴餐廳嘅斑蘭真心冇得輸，沙冰震驚到我朋友，加上食物都係偏香脆同多味道，有清新嘅斑蘭特飲中和下就非常啱了。

I used OpenRice to order take away for dinner. When I ordered, it stated that the restaurant pick up time was until 9:30pm. So I believed the restaurant opened until 9:30pm, and ordered ~8:30pm.I walked to the restaurant after paying online. When I arrived there around the expected pick-up time(~9:00pm), the restaurant staff told me that they’re closed! And said they didn’t accept the order! Asked me to cancel the order myself! 😡If you are closed, why it is still available to order takeaway? 😡I

呢間印尼菜鋪頭又細又迫，但食品非常好味 特別推介燒雞班蘭尖塔飯，各款式的串燒，椰汁珍多冰，班蘭蛋糕，都令我一試難忘，價錢又合理，服務員和藹可親。如果可以擴大舖頭就好啦！

星期六晏就2點到達，唔洗得位就直入餐廳。1️⃣味道：2️⃣服務：餐牌選擇繁多，唔熟印尼菜頭都痛。女餐廳老闆都有向我哋仔細介紹推介菜式，值得一讚👍🏻。3️⃣環境：如果唔係坐卡位（2張4人枱），都幾迫。當時我同友人就坐咗係1張普通4人枱，隔唔夠一個身位旁邊就另一張2人枱，清楚聽到哂旁邊情侶嘅一字一句🙈餐廳應該準備緊Party food，係我哋食嘅成程，兩位貌似餐廳老闆係旁邊2張枱砌緊拼盤同雕花，無帶手套。我地食咗成個鐘，佢哋就係非廚房範圍整咗咁耐，到我哋走都未整完。明白小店地方有限，但都略嫌唔衛生🙈。4️⃣價錢：假日午餐人均$100，用餐60分鐘。想食特色快餐又係銅鑼灣，都建議可以試吓。

朋友之前食過呢間印尼餐廳，對佢既食物念念不忘，今日約埋我一齊再食過🤤🤤一向對印尼食物認識唔多，今日食完真係大開眼界，原來印尼野都可以咁好味同咁多款式🥰🥰🥰🌟燒雞班蘭尖塔飯 $98燒雞份量十足，雞肉嫰滑唔鞋口👍🏻👍🏻，用秘製醬汁醃過既雞超惹味！🤤尖塔飯係班蘭口味，飯香撲鼻，口感煙韌🤩🌟雞肉黃金餅 $58呢款小食未免太抵食了吧😱$58有5大件！本身以為細細件，出到黎有d嚇親😯因為驚食唔晒😵完全係主食既份量黎！🤣外皮炸到黃金色，餡料有雞肉同雜菜，食落香辣，不點醬也很夠味！口感亦非常豐富👍🏻👍🏻😋🌟巴東牛肉花膠湯粉皮 $78巴東牛肉好正宗同煮到好入味👍🏻👍🏻粉皮吸晒花膠湯既味道，都唔錯👍🏻😝🌟牛油果沙冰 🥑 $48呢杯沙冰都係超大杯！味道清甜，不過牛油果味唔太濃郁，但都幾特別，值得一試！🌟印尼咖啡涼粉冰 $38香濃咖啡味，配涼粉條食都幾特別😋📍班蘭葉印尼餐廳 (銅鑼灣)銅鑼灣糖街1-5號銅鑼灣商業大廈地下B2舖

疫情姐姐好少出去，今日生日專登叫左個生日飯比佢，開心又好食😄😄😄燒雞好好食，唔辣👍🏼👍🏼👍🏼沙爹汁都好好味👍🏼事頭婆同餐廳嘅人都好好👍🏼誠意推介