珠記冰室

營業中

休息中

我好少去OPENRICE 度留言, 今次我真係想不吐不快.今日我約左朋友去珠記食野. 我12:45PM 去到.我朋友就未到. 一入到去, 就同個女職員講2位.佢就指左張3人枱俾我, 叫我坐低...我坐低睇緊餐牌...睇睇下..佢行過黎同我講...「你個朋友幾時到? 如果佢再吾到, 我就要俾第二個人坐呢張枱..你要讓返出黎架啦」個時我望望錶, 我只係坐低左5分鐘..我見四周圍都係吉枱..我正想打俾朋友, 問下佢去到邊, 電話還未接通, 個女職員就立即返轉頭,就叫我起身讓返個位出黎...有三個客要坐我張枱...佢叫我企係出面等 (出面係落緊雨GE)...其實我唔介意人齊先入坐, 我明白繁忙時間, 搵食係緊張D. 但係你當初明知我一個人黎, 點解又俾枱我?5 分鐘後又要我起身讓返張枱出黎,仲要語氣好差. (我全個過程都係十分被動, 聽佢指令)再者, 我本人係一個大肚婆...我未去過一間餐廳會咁樣對D 大肚婆.呢間餐廳D職員太無人情味啦...我唔會再黎試....

原來公司附近開左呢間冰室, 尋日就黎呢度食個LUNCH試試. 叫左:黑椒牛扒拼腸仔飯+熱奶茶黑椒牛扒拼腸仔飯: 賣相幾好! 估唔到會用隻咁靚既碟上! 黑椒汁都好多, 汁裡頭仲有唔少紅椒同埋洋蔥粒, 微辣好惹味! 黑椒汁亦煮得幾香幾好味! 牛扒唔細份, 肉質都OK 唔會韌, 腸仔都有兩條, 份量幾足. 白飯飯質都幾好!! 整體都相當滿意! 熱奶茶:睇落顏色較淡, 不過味道唔錯, 茶奶比例適中，一杯標準的好味港式奶茶就是最好的描述.價錢同附近的茶記都差不多, 但質素比較好, 地方都乾淨, 下次如果唔洗等位都會再黎幫襯! 

因為某網站的介紹，日常在觀塘活動的我，找了一天專程過來會一會。位置有點距離，近海邊，應該附近上班的客源較多。星期六午餐時段，位置多得很。來冰室，當然要吃最港式的茶餐廳特餐常餐還是快餐。其實萬變不離其宗，都是蛋呀多士呀加麵加飲品。來茶餐廳一定飲的是凍檸茶（加3蚊），加了錢還超小杯，有點失望。多士，炒蛋，米粉都是一般。多士看著焦，入口卻不脆，炒蛋不算滑，腸仔來貨也沒什麼評價了。沙嗲牛米粉，就是平常茶餐廳的沙嗲牛。普通就算了，當嘗新餐廳。但吃完，怎麼肚子還有空虛的感覺。好空虛哦～～～～～～結賬39+3（凍飲）=42花了42元，吃了空虛的午餐，物價升得太高了，錢好難儲啊～～～～～～～

食飯時間大家都分秒必爭~同同事們準時出去~都要等左一陣位~入到去~入面人頭湧湧~好多人~本身想食意粉，但係要1:30先有~最後我地都叫左特餐B~同事叫左~煎蛋~我叫左炒蛋~係facebook 度，見D人講佢的炒蛋好食~同X牛的有的揮~(但我比較鐘意華X的炒蛋~)呢度的炒蛋都好滑，香蛋味~沙嗲牛肉米~估唔到仲有腸仔~~~個沙嗲都幾香~幾夠濃~唔會好淡~份量都幾多~牛肉都易咬開~同事叫左公仔面~Facebook 其中一個推介，就係呢到的奶茶~滑都幾滑，但係茶味就唔夠濃~似飲緊奶多D~lol~呢到仲有果汁選~同事都叫左西柚汁~無咩特別~比較特別的就係~唔使加錢~lol~

今日去左觀塘另一間茶餐廳 - 珠記冰室之前經過時已經見到唔少人排隊，今日亦唔例外，入到去都幾多人攞籌等緊位，規則係要等齊人先入， 5位嚟左4位都唔入得，齊人後仲要露面俾佢見到真係齊人先俾入。咁嚴格喺呢類型餐廳嚟講應該較少見。 點左個常餐，沙爹牛肉腸仔通+炒蛋+多士+飲品。老實講，很普通。炒蛋應該係用左牛奶炒，味道不錯但今時今日嚟講都唔係咩新鮮事。通粉同多士就同普通唔駛點等位o既茶餐廳分別不大，牛肉唔係特別嫩特別好味，多士又唔係多牛油又唔係厚。餐廳叫做冰室但只有裝修有冰室風味，食物則無。或者只是餐廳o既入座規則令我產生over-expectation。試一次就夠！

依家通常聽到一d餐廳叫什麼冰室，食棧，cafe，叫得呢d名聽起嚟感覺會高尚一點，又會好味d嘢感覺。剛在觀塘開了不久嘅珠記冰室，位置都有點難塭，初初開嘅時候有個牌放喺路口就比較明顯，依家無左，我估依家做熟客為主。如果我唔熟觀塘，應該就唔識塭。早餐食過幾次，傳統冰室食品，炒蛋多士加一碗湯面之類，味道比普通餐廳出色。午餐都係第一次試，午餐拒有常餐選擇，或者快餐，仲有一些特別套餐(炸雞腿，沙律，配奶茶)。我地一行幾日，有幾個食左常餐。炒蛋，多士，通粉加飲品。味道不錯，炒蛋炒得很滑。有3位點了快餐，快餐分量多，男士一定夠飽。而我就點左咸魚肉餅飯，肉餅住家風味為主，味道夠鮮，肉不會太乾。但係個咸魚味道，唔夠香，食落唔似咸魚，有待改進。值得讚賞嘅我覺得係套餐配嘅飲品，免費可以選擇鮮果汁，大支玻璃瓶可樂，還可以加錢飲特飲，紅豆冰，紅豆奶茶和咖啡奶茶。飲品選比茶餐廳多。光是鮮果汁已是愛瘦身嘅一族必選。

見到雜誌介紹有間新冰室 裝修都幾特別 懷舊feel~其中一個賣點係珠記冰室其實以前係灣仔好出名 終於可以搵到舖位重開 吸引左好多人黎回味一下！星期六既下午，沿住開源道行到尾，暫時沒有招牌 但見到懷舊牆紙 所以估到就係呢間喇！ 餐廳都幾大 前半部全是摺枱摺櫈 後半部係卡位 今日沒有坐滿 隨便找個位置坐低！望望餐牌 都幾多野食 價錢都可接受炒旦餐飽- 炒旦睇落好老，但食落都好多汁，內函好過外表。夾埋塊飽食真係一流！叉燒火腿通- 正常，湯底比望落更入味。通粉較硬。香蒜雞扒炒公仔麵- 味道唔錯，有李錦聯講果隻條理分明。配菜芽菜較多。雞扒唔算老。但見到佢同時煮出3碟，而我個碟夾雜豬排，公仔麵亦較碎，分薄哂個份量，嬲嬲@@炸脾- 肉較淡，肉質老，但皮極脆。令人失望既炸脾。

話說珠記係我公司附近，上個月岩岩開個陣就食過一次下午茶，感覺係below average既一間茶記，決心唔會再幫襯點知呢一個月都間唔中係FB睇到珠記好耐歷史，只係搬咗鋪，佢啲沙嗲牛肉好出名，又有澳牛level既炒蛋同奶茶，所以今日再次挑戰，希望珠記已經回復惜日水準！！總括而言，好期待。。繼續期待進步。。

公司對面開左間新既冰室，同事話好出名既，好多雜誌都有寫，又點點點 搞到我成日好想食同好有期望 成日見到排好長同要等，搞到一次又一次都食唔到今日同同事專登提早出門為左試下佢地究竟有幾好，12.15就去，去到果然唔使排隊，不過呢我地被安排搭台搭台唔緊要，但係搭張勁細台迫到呢.....明明有張大少少都唔肯比我地坐，又話會滴水又話個張仲細，咪玩啦 4對眼都覺得個張台大d 都唔比我地Anyway 為左食冇緊要啦，我地即睇menu，選擇又唔多...唉...咁睇完冇咩好揀 我就叫左個特餐B 而且又好多人叫，同事都係叫同樣野... 特餐b，沙爹牛肉腸仔麵 配炒滑蛋+厚多士因為太迫，之後個麵同野飲都因為迫到冇手影相食物方面，炒蛋係滑好有口感，不過冇蛋香味，厚多士焗左有一段時間，有d 硬！食左一塊就冇食了。個沙爹牛肉麵真係好普通，沙爹汁唔夠多撈左入去淡哂，牛肉就不過不失啦，麵當然冇加$5 換一丁啦，因為我想試唔係一丁會係咩面，個面都仲ok 唔使加錢換一丁都可以，而腸仔好怪，好似煎得唔夠耐，冇香味生生地！overall 真心覺得普通，下次試下其他野啦

屋邨茶餐廳珠記冰室，10年前係囍帖街我好多朋友都有幫襯，執左後大家都開始唔記得, 不過近排珠記係觀塘工廠區重開，我地成班朋友都好興奮, 聽講廚房仲請黎前澳洲牛奶公司、鴻星等班底做廚我個日去其實係下午茶時間, 無乜人, 我本身唔肚餓, 但見到得奬公仔面真係無理由唔食, 但叫左亦無令我後悔, 公仔面炒得超乾身, 唔油好香, 豬扒亦好入味, 只係可惜....點解咁少!! 哈~係因為太好味, 定我大食左? 如果LUNCH TIME食一定唔夠, 要叫夠2碟先得, 超好味!!! 另外叫埋杯懷舊紅豆冰, 真係一粒粒紅豆架, 正奶茶水準依舊, 好重茶味奶亦好香, 奶醬多出寄大份, 都幾厚, 其他D茶記, 呢份奶醬多己經叫2份囉, 所以好抵食

早前睇飲食雜誌介紹了一間係囍貼街10年前留守到最後既茶餐廳，上個月係觀塘重開。作為灣仔既街坊真係忍唔住要去拾回那些年既味道！我地一行三人叫左兩款特餐同一個特色炒飯！通都係喜歡試下「推介」既款式先啦！先講特餐！份炒蛋好滑呢，而火腿义燒丁都好足料！讚呀！而家好少食到咁足料既茶餐了！媽媽就叫左個炒飯，飯粒粒飯都好完整，軟硬適中，米飯味香！連媽媽都一路食都一路大讚，仲忍唔住問下米既來源！哈哈！不得不提下杯凍奶茶，早前見到有d blog 寫得佢麻麻地，但我一試下又覺得茶味濃郁，奶既配合亦適中！幾好呀！今日太飽了，下次要試下埋杯咖啡先得！講番句公度說話，呢間茶餐廳都真係好有heart, 我地去到既時候，茶餐廳已經有8成滿，但店內同事仍然好有禮貌招待！總結一下！剛剛去完旅行返黎，就係懷念著d HK style 既茶餐廳，珠記真係無令我失望呢！係要留意下既，或者係個入口有點唔明顯，要搵一下先搵到個門口呢！

同事說有新茶餐廳剛開，於是，好奇的我便第一時間去試試。中午十二時三十分，入到去座位都差不多坐滿，幸好，有一張四人枱，卡位也比想像中闊落。聞說這間店請了曾任職澳洲牛奶公司廚師，所以二話不說就叫咗特餐，「沙嗲牛肉通心粉配香腸」！食具用鐵造的，感覺幾懷舊，用鐡碟的沙嗲牛肉通心粉配香腸，賣相幾好！入口沙嗲牛肉軟硬適中，不過沒有牛肉味，沙嗲亦唔夠香！這條香腸可以用難食形容，唔熱又有雪味！通心粉軟硬度適中，但湯底夠熱，味道還可以！厚切多士，烤得夠脆，兩面夠均勻，塗夠牛油，咸香味十足!食完個餐，梗係要飲一杯奶茶先可以算完滿，原本想試一試熱奶茶，但我哋用了５分鐘叫人去落單，店員話會叫其他人過來，再用了５分鐘等加三次叫人帶單。最後，過程需時十幾分鐘先可以落單，有點燥，所以要叫杯凍飲平衡一下！老實說，奶茶不夠滑，茶味夠濃夠香，可能冰塊多茶味比其他奶茶較淡。明顯地佢哋好似未配合到中午時間嘅繁忙。附近沒有太多這種茶餐廳，所以我會再來試多一次！

同事說開源道新開了一間懷舊冰室...山長水遠由牛頭角行過去一試...叫了一個常餐...賣相比茶記整潔...通粉的湯底很香濃...雖然吃得出是用味粉開的...叉燒火腿都算足料...叉燒尤其好吃...肥瘦適中而且頗香口...炒蛋就最出色...炒得恰到好處之餘...沒有外面那些炒滑蛋太誇張的油份或奶量...但口感仍然很滑...陣陣蛋香之餘...感覺亦十分健康...現在很難吃到這種炒蛋了...厚多士方面...可能不夠熱...很硬...吃了一半就放棄了...價錢比一般茶記稍貴...可能環境是一大賣點吧...vintage的冰室裝修加上工廠大廈的超高樓底...還要是採光度十足的地鋪...算幾特別的...

最近看到雜誌介紹呢間「復活」的冰室，見d相影得唔錯⋯就同老公去一試虛實😀用google map沿開源道一路行，好容易就搵到了！個門口比較鬼鼠⋯爭d行過左😛一入去，就有人招呼入入面坐🙂店鋪光猛，座位也比想像中闊落~看看餐牌，好快就決定了吃雜誌介紹的常餐！ 火腿叉燒意⋯老公話九成會中伏⋯⋯結果堅中了！湯底淡而無味，我要落鹽⋯⋯叉燒又硬又無味！意粉過粗不彈牙！😞多士不脆不夠牛油⋯⋯實屬一般。到佢最「出名」的炒蛋⋯⋯算滑但無蛋香，說它拍得住澳牛也太誇張了吧！進步空間很大🤔 來到我最期待的奶茶⋯⋯唸住呢d老牌冰室奶茶實無死啦⋯⋯誰知也是失望而回⋯奶味太重欠缺茶味⋯而且上枱時也是凍冰冰的⋯⋯作為一杯熱奶茶已輸了一半⋯👎🏻 老公也是吃常餐，他吃腸仔沙爹牛肉麵，腸仔炸過味道正常，沙嗲牛味道不過不失，沙嗲不算淡牛肉又唔會話好霉，整體黎講係……很普通老實說，本來也不想給負評⋯⋯但唸唸下⋯確實無咩值得回味⋯期待小店的進步吧😄

以前利東街舊舖未去過, 知道係觀塘新開又近返工地點去拜訪下。舖面裝修, 環境有大排檔味道, 夠闊落, 樓底高, 唔會迫夾。擺設餐具也很別致。據聞請了澳牛及鴻星的廚師助陣, 就特別點了叉燒湯意、多士炒蛋試吓水準。平時都常去澳牛、華星食常餐, 相比之下味道卻差DD。叉燒湯意個湯底唔夠濃, 無咩味, 份量少了點。炒蛋入口香滑, 蛋香濃郁下次再去試下炒出前一丁, 炸雞髀希望有驚喜。