珍味地道韓食 (已結業)

幫襯咗十幾年，好食好正宗，但係點解今日至寫食評，因為懶😅咁點解有衝動寫？因為一支竹簽😄幾個月以嚟想叫部隊鍋，成日都冇，今日竟然有。八卦問吓老闆娘，原來之前冇竹簽串住啲麵皮，佢話咁樣唔得正宗，唔可以咁，所以唔供應。對於我好少事，冇串住我都唔會知。值得讚同推介，唔係淨係好味，係老闆娘嘅認真同用心做菜式！韓菜成行成市，我唔敢話佢最好，但係佢嘅認真同一絲不苟，我相信一般流水作業式嘅一定做唔到。除咗部隊鍋，仲極力推介牛肋條（非常入味）、泡菜煎餅、人參雞湯、炒年糕。如果好鍾意泡菜，一定要食同買走，佢係自家制

叫左個二人套餐 咩BBQ燒肉套餐$420真係食緊垃圾咁！完全唔知自己食緊啲乜除咗個海鮮豆腐鍋叫正常之外，個牛肋骨老靭過我呀嫲完全咬唔斷咁滯！個燒豬腩肉食左一舊咸到食咗成啖鹽咁。。忍唔住叫個侍應哥哥換過碟之後仲精彩 轉眼變咗豬肉乾！！真係黐線 連個侍應都喺廚房同個老闆娘交涉話會否太乾身 俾我哋聽到諗住叫個老闆娘出來了解吓，點知佢喺廚房大大聲一句豬腩肉好難整㗎 我唔會出去囉。。真心無奈呢間嘢真係超級難餸想試吓食x嘅人可以去幫襯！態度惡劣！嘢食難食！

一心想食韓國嘢，但由於星期六成條韓國街都人頭湧湧。。。一路行行到新柯士甸路見餐牌都係普通韓食，入面有枱於是入座喇。坐低後，就落單。。諗住食炸醬面。。點知無哂，唯有水冷面，牛肉拌飯，煎餃子。。。樓面只有一個大叔，慢活。。。但友善而且給人溫暖嘅感覺說實話3百幾蚊唔算抵，但勝在有個溫暖嘅大叔

朋友話呢間野好好食於是第二日即刻走過來試吓大推秘製牛肋骨！真係超級好食又熱又入味我諗如果有碗飯俾我我應該可以用嚟送飯食晒另外嗌咗個壽司雖然味道都OK但係就冇個牛肋條咁驚艷喇今次得我一個人食食唔到太多野下次再嚟過

前後叫左三碟餸，有人蔘雞湯、韓燒五花腩、水冷面。人蔘雞湯似係百佳包裝果隻就咁倒出黎煲，所以佢係作為第一碟上菜，湯入面好少糯米飯，d雞骨又碎，滿嘴都係渣。水冷面一上黎好清，味道好淡，梨片仲咸過碗湯。最離譜個五花腩，竟然加洋蔥就咁油煎炸，跟籃生菜同半條青瓜仔，收二百幾蚊。連蒜頭同醬都無，又乾又咸，咸到擺鹽入口，要退換。而換左第二次都係只有死咸無醃醬既味道，食紙皮咁，衰過係漢和自己煎。作為小店，真係得兩位姨姨係廚房，洗同煮都係佢兩位，廚師好似邊個都做得咁，試完都不了。

好耐之前同一位朋友發掘咗呢間驚艷嘅韓國餐廳，但近排裝修冇開門，裝修咗好幾個月（？）今晚去睇終於都重新開返啦！同朋友兩個人叫咗一份大牛肋骨 $185大大舊好厚肉，但係就比較多肥膏同以前一樣炆到好腍好入味，真係好好味然後仲叫咗一份泡菜海鮮鍋 $90店員問我哋駛唔駛轉豆腐鍋，可以揀冇咁辣咁我朋友鍾意食辣就話唔駛啦，辣啲都ok點知來到，個湯係甜嘅，幾乎冇乜辣味仲要勁細兜，計埋加一值成100蚊，堅唔抵！原本懷念以前好好味、令人驚艷嘅韓式味道宜家已經水準不再了，做咗幾年老顧客都係咁話仲有就係食飯途中餐廳好多蚊滋，仲有個冷氣無端端會熄咗

路過韓國街，簡一d細間鋪頭試。一開門，得一枱客人，感覺會唔會中伏之後，陸續都有人入嚟。今晚叫了一個有泡菜海鮮鍋，韓式炸雞，海鮮芝士炒飯。泡菜海鮮鍋味道不過不失，有點偏甜，份量算少。海鮮芝士炒飯 同 茶餐廳嘅楊州炒飯 賣相差不多，只不過加左芝士。韓式炸雞 真系跌曬眼鏡，炸雞整得好失敗，我自己系屋企整都好食過佢。雞腌得唔夠，無味，乾爭爭，炸得唔夠脆。

因為讀書時期都在佐敦附近渡過，所以朋友們都會好努力地尋找附近的小店美食。 偶爾一次撞進了珍味便深深被她的炆牛肋骨吸引住，所以今晚相約朋友到來食晚餐！一坐下，老闆娘便替我們送上六款韓式小菜。我最喜歡吃她們家的甜蕃薯，入口冰凍，而且蕃薯口感綿密，每次都吃光光！之後我們點了一個套餐，包含了豆腐海鮮湯和一個炆牛肋骨，餐點還會附上海帶湯及白飯2碗。豆腐湯帶點微辣，吃著很開胃，而且豆腐較滑，送上白飯是一流的配搭！今晚的主角牛肋骨！牛肋骨及肉都易分離，肉質夠腍，加入蘿蔔及薯仔更能鎖住肉汁，十分入味。不過可能是因為套餐關係，只有三件牛肋骨。我們還單點了一份紫菜包飯，不過飯卷味道偏淡，而且紫菜不是太脆，水準一般。

This Korean restaurant is very small restaurant in TST. I ordered seafood tofu stew. The stew is very small and the food is very simple. But the taste is not bad. It's like small restaurant in Korea. They serve 2 side dishes, rice and seaweed soup. It might be not good choise for you if you prefer big restaurant. But it's good enough for my lunch. 

尋日男友提議去呢間餐廳, 睇左啲食評好兩極化(P.S.連”OK”都係負面), 但本住支持小店就去試下。去到餐廳差唔多八點鐘, 點左一個二人餐(HK$330),包牛肋骨, 泡菜海鮮鍋, 田園素煎餅, 有兩碗飯同兩罐汽水。我地另外叫左個芝士炒年糕(HK$98)。先講食物質素: 牛肋骨OK。煎餅的確好似其他食評咁講,係冇味既, "田園素"完全係咩都冇咁滯。泡菜海鮮鍋裡面既海鮮係得兩三粒細蝦,兩隻細蜆同埋3粒(真係粒, 連片都唔算) 好細既魷魚,好似就見唔到有泡菜,全部係豆腐。呢個餐要HK$330 完全係overpriced。芝士炒年糕又係份量細。我地兩個食左45分鐘, 大概8:45PM 就食完。舖面哥哥見我地食得快過其他枱,就過黎清理枱面仲叫我地慢慢坐。點知過左5分鐘, 有兩個客入黎, 舖面哥哥想叫佢地入去裡面迫少少既二人枱(同埋其實我地坐緊嗰張4人都可以拆多張2人枱), 但係入面個職員阿姐竟然叫嗰2個客唔好入住, 仲對住舖面大叫 “C枱食完啦”。咁樣擺明係趕客, 我地自己叫左埋單, 因為咁差既態度我都唔想繼續坐,同埋下次真係唔會再黎。

尖沙咀有條街係開滿大大小小既韓國食店，而呢間位置就比較隔涉，離the ONE都有10分鐘路程。所以即使係星期5都會有位，人多時坐得會有D迫。今晚食$280既晚餐，埋單加一$300多D，除開都係百幾蚊1個人，今時今日係TST食dinner真係好少...海帶湯清清地，油左少少。通常我唔會飲晒，因留肚飲海鮮豆腐湯呢度既kimchi有好多款，辣既款式亦唔會太辣，加上自家製，所以每次黎都有唔同kimchi食，應該係我係香港食過最好食既kimchi之一!今次我仲買左一盒蘿蔔，實在太好味!跟餐送白飯一碗，唔通呢個係一人餐...?呢個簡直係我最愛!可以揀唔辣，我呢個係小辣。最正係滑66既豆腐，撈埋蛋黃一齊食，配一口白飯，噢媽咪啊牛肋骨約4-5件，好冧入味，啖啖肉!但個人就覺得牆汁甜左D仲有個炒粉絲，油左少少，掛住食唔記得影

韓國街近幾年由金巴利街擴展出柯士甸路，韓國菜館於該位置愈開愈多，雖然多為小店但感覺亦算百家爭鳴，各有各精彩。事次珍味餐廳個招牌觀感有啲似本地人開，睇見嗰時都有懷疑會唔會係魚目混珠，不過友人食過話味道味道不俗，今次一齊同行就更有信心一試。小小餐館貌似家庭式經營，座底未睇餐牌見掛牆套餐牛肋骨餐就己經成為目標，雖然跟餐有海鮮鍋及煎餅，另再加一客炒年糕。餐前泡菜對食韓國菜來說是常識吧，六款泡菜小吃都很美味，海帶湯亦用料十足。先來泡菜海鮮鍋， 雖然石鍋不算大，大量豆腐配以蝦肉、鮮蜆及泡菜，鍋料充足加香辣惹味。牛肋骨多肉又多汁，入味程度印証炆足時間火候，略甜的調醬料幫助提昇牛肉味。田園素煎餅既香又脆但又完全唔油膩，點小量加入芝麻的醬油將清淡煎餅注入鮮味。點傳統炒年糕時吩咐要小辣，獨特嘅醬汁甜味更見特出，年糕保持彈牙黏韌，伴以蔬菜魚肉片。一客白飯伴各款餸菜，三個人食碟碟份量都剛剛好。

韓國街選擇太多，餓起上黎根本唔會續個睇食評。所以誤打誤撞入左呢間。入到黎係一間好溫馨既小店，起初見少人仲擔心會唔會唔好食。個韓國老闆娘推薦我地叫二人套餐 見幾抵就叫左 配菜黎到好好食 尤其個薯仔好想瘋狂叫佢添 個炆牛肋骨實在太屈機好食啦🤘🏻🤘🏻🤘🏻勁入味 啲肉又煮到勁淋 好似食西餐slow cook barbecue ribs果啲感覺 好滋味 配白飯一流 啲汁勁正 海鮮煎餅係即煎好脆好熱 又唔油 好少係出面食到咁既海鮮煎餅 新鮮熱辣！食過幾次叫過雞湯同泡菜湯就覺得不過不失，但套餐包埋都幾抵食，有湯有飯有肉。另外推薦水冷面，炸雞，年糕都好食！呢間舖已成為我既首選韓國菜，好味抵食。二人餐3個人share係岩岩好。試過請一班人食飯叫套餐再另叫餸，成枱餸，埋單抵到你唔信。

無論午餐或晚餐都有幫襯，成條街，呢幾年見住不少韓式餐廳又開又摺，係呢間小店厄立不倒。首先要讚一讚佢哋醃製嘅韓式小食，味道真係唔錯，尤其是蘿蔔絲，不會過辣，而且酸甜剛好店內有兩種食物我認為係值得推介嘅，第一就係牛肋骨，第二就係係韓式煎餅，邊煎到脆脆地，兩款都做得很好。但牛肋骨午餐，成為90大元，頗為貴，但有陣時忍唔住都會去食甜甜地，送飯一流。今次食左韓式豬肉，鐵板上，少少辣，好送飯，配上清清地既海帶湯，成為$68。

這是目前在香港吃到的最地道的韓餐之一，石鍋拌飯必點，記得多放一下辣醬和黑色的醬汁（因人而異，勿放過多）；炸醬麵味道偏淡一丟丟，因為好久沒吃了，加些醬汁也覺得入味足夠；泡菜煎餅，酥脆；highlight免費小菜，泡菜真的好好吃!!很地道。老闆人特別客氣，很nice地幫忙加水（下午人不是很多），給人感覺非常舒服，走得時候也感謝我們光臨👍店面雖然有點小，但很溫馨，茶好喝，菜好吃，服務態度也很周到，喜歡到還會再來!