珊瑚堡 (已結業)

第1次係lee到食環境好大活動範圍高好舒服我地3個人叫左五香肉丁面餐x2 & 豬面餐 不過佢居然單=.=我等到佢地食完我個份先黎除左面仲有1隻太陽egg同1條腸仔仲有餐包$18好抵食d野食同茶餐廳一樣噤多油但環境真係好舒服所以俾個笑佢

參觀完濕地公園很累，返到天水圍市中心，在銀座找地方醫肚，看到此店店面不錯，於是趁機微服私訪一下。進店便發現原來此店於商場設入口，但位處酒店內，給人感覺地方闊落和高檔。難怪商場入口的counter是無人的。自己走到裡面的counter，以為這次會有人吧，豈料還是無人。卻見很多服務員在前面走來走去，但無一個有意欲想過來詢問幾多位，難道不歡迎我們？等了約一分鐘，我們趁一個服務員轉身向我們這方向時大呼了唔該，他便只好走過來問我們幾多位。對了，平時去街坊茶餐廳也是這樣的。跟他入去，看見此店比想像中大，不過還有不少空枱。他領我們到一張還在執拾中的枱便放低menu走人。哦，招呼都慳番。那女服務員還在慢慢清理，我們又站著等，但周圍都是空桌。好啦終於坐低，無人理我們，我們只好翻開menu看，翻看了好一會，有服務員突然走過來，以為她咁醒目主動幫我們點菜或介紹荼單，點知佢示意我們拿開menu，因為阻著她擺放墊枱紙和餐具。這些東西suppose是在我們坐下前預備好的吧。跟著我們問她問口寫著的餐在那裡看，她便放低了一張紙條。原來此餐廳唔suppose顧客order問口黑板上寫著的較便宜晚餐所以要收埋寫在一張紙條

今年係我同男友第二年情人節. 本身book左essence架, 但由於功\課太忙, 冇時間去交錢, so......結果去左呢度食. 我地每人叫左個情人節dinner.包括:餐\包- 唔熱的南瓜魚翅湯- 熱d會好d, 但都ok煙鴨胸煙salmon salad - 麻麻, d鴨胸唔掂, 煙salmon ok. d salad菜好似唔太fresh.牛柳拼鵝肝配意粉(我同男友都係揀呢個) - 意粉勁少, 又碎晒, 好似人地食剩咁既樣. 牛柳我話要5成熟, 佢\整到好似9成咁. 鵝肝勁大舊!!! 意料之外! 雖然唔係超級好食, 但份量好多, 呢個價錢黎講, 係好抵!tiramisu - 睇個樣好似唔係好掂, 但食落又ok ge, 好重酒味!餐\茶- 我杯熱檸茶, 茶餐\廳野. 男友杯凍檸茶, 佢\話好苦, 飲左半杯就唔飲.以呢個價錢黎講, 係食得過既.另外, 講講service. 由於情人節關係, 今晚全場full, d侍應忙到爆, 踢晒腳, 係度跑. 呢樣唔係幾好啦. 人地靜靜地食緊情人節晚餐\, 你地係度跑黎跑去! 總之d service麻麻啦.by the way...今晚都係開心的.t

聖誕正日走左去老遠的天水圍開飯這間珊瑚堡的裝潢不其他的GRAND可能是在酒店附近的關係吧由於要睇戲所以提早六點開餐ORDER左個聖誕什扒餐同普通的大蝦拼牛柳餐除左主菜有分別外就係多左個聖誕禮物包同火雞沙律其他全無分別但就相差$60味道同份量都合適經過開的話可以去試下

去完下白泥, 同女友出天水圍行嘉湖銀座, 唔知食咩好, 本來走去紅樹林但見佢人不多, 又唔多想去場內其他椰林閣旗下食肆同埋茶餐廳, 見到呢度$41(未加一)已有一個餐就入左去.自從上次葵芳間維苑等食等左九個字之後, 對維苑集團旗下的餐廳沒多大好感, 但見它加入左咁多新元素, 於是姑且一試.入到去見到人都幾多, 同紅樹林相差很多, 小弟叫了鐵板西冷牛扒, 八成熟, 都係一般貨色, 無甚驚喜, 女友叫左個雞扒, 都OK.但天水圍呢間分店位處酒店, 俾四五十蚊食個餐有酒店Feel, 計落其實又幾抵.埋單連加一$99, 下次都去得過既, 如果唔想去椰林閣旗下果陣時.

之前來過呢度食野，覺得都過得去。不過，今日去食lunch，真係有有的揾笨ge感覺。叫左個白汁帶子蝦焗飯，$53，係佢個menu 入邊呢款唔算平，其他都係$2x,$3x,食扒都係$4x，諗住見佢張相都okay，就試下啦。等左35分鐘都未來，跟住叫個待應跟，問佢係咪冇落單，好彩都唔係，冇耐就來左，可能焗飯耐的啫。個飯來左，材料得3隻蝦, 1隻好似手指尾指甲咁上下大ge 帶子(有冇搞錯，咁就個名叫帶子焗飯), 1隻連殼ge花甲物體，少少椰菜，1舊西蘭花。味道一般。好彩個餐飲咖啡都過得去。埋單$53加一，比左$60。真係去大X樂，大X活食過焗豬仲好食過。

食tea 食物方面, 款式多, 味道一般(行貨野, 好難煮得差)但係環境真係正, 每檯相隔好遠, 好少客, 大卡位係軟座位,環境好靜, 黎飲野, 傾計, 唔好對食物有大期望

屯門間珊瑚堡好佢多多聲我係23-8-06去呢間野度食lunch...客就麻麻多啦,都有起碼4至5個付應但係我食完呢次之後都唔會再黎呢間...好後悔當初點解唔揀食椰林閣...首先我地有四個人去食...冇人帶位...都算喇,佢環境係唔錯既...但係d waiter真係好有問題...我地完全冇人招呼,都算喇,之後水都冇杯...要我地講加台先識比...叫佢比一杯熬水變兩杯...都唔介意喇呢d...落完order...等到成半個鐘d野先黎...玩野咩,我嗌左個22蚊既拉麵餐,個叉燒超少,個吉列蝦餅好細舊之後個麵又淡而無味...唉...隔離個台仲慘...佢嗌鐵板,個waiter成個汁倒瀉係件衫到,仲要比個客...個客完全呆左...之後都係食唔哂走人...但係價錢真係幾平既...但係我從此之後都唔會再黎呢間

上星期日，我同親戚去左呢間野食，我未試過去呢間食牛扒又好似幾出名，所以就試下；平時食開牛柳5成熟，所以就照叫5成熟。我舅父跟我說，這餐廳的9成也有血，我叫5成一定噴血，我沒理會、照要。點知唔知係個廚師唔成整5成熟＼對眼有問題＼定係以為我講笑，牛柳出左黎，要我用比平時多好多o既力，先可以切開牛柳，而且入面係全白！！！！全白呀～～～～唔好講笑。我件牛扒比我舅父母果2份9成、8成仲要白，佢o地都有DD血，我係全無血，5成熟變50成熟？！唔識烤牛，叫我入去烤呀嘛～(P.S.唔識烤牛，烤得都好過佢)浪費左成件牛扒，因為大家相討後，覺得係廚師唔識煮，所以最後都無換過件，只係反映一下。(P.S.要食牛扒就唔去好呢間)

位處酒店1/F , 一踏入餐廳個FEEL一流, 裝修豪華, 地方寬敞, 陽光直達舖內, 坐位舒適; 打開餐牌, 午餐由廿多元起, 即暗喜, 一行三人叫了三個午餐, 先來湯, 不過不失; 主菜來了, 滷肉大碗飯, 完全沒煙(即冷冰冰),滷肉又硬乾, 肥肉堅韌, 味淡; 芝士焗魚柳飯, 又是淡而無味不香; 焗肉醬意粉, 又酸又爛.其實這種西式食品, 非常容易整, 在家自己整都容易不過, 都唔明幾間珊瑚堡都可以請到d咁差既廚師, 真佩服, 唔知佢老闆有冇去試食呢?雖然價錢平, 但都唔可比d咁野人食; 我會再黎, 但唔會黎食飯, 只會同朋友家人黎飲杯野傾下計, 當lounge咁都唔錯.

第一次去果陣佢岩岩開張冇耐~環境=正,,果陣岩岩又係聖誕節,望出去果陣有棵大聖誕樹,..好令..記得果次d玻璃太clean了-.-,,我望得太入神,撞左-.-..哈哈d野食真係比起天水圍其他既好好多好多lunch時間d野食又唔算係貴,不過晚餐時間就好似d酒店咁貴-,-..不過質量很高最深刻既食物係果度既鐵板燒..好味呀.,,,不過d待應麻麻..明明都大過我=.=講野果陣細細聲怕怕羞羞咁=.-聽唔到佢講乜,叫佢講多次都係聽唔到-.-可能我有問題啦-.-。

下午茶都還可呀!但係早餐d服務真係頂唔順特別係有個有粒墨係個咀隔離既女侍應,佢落單比我既感覺就係好似係大排檔叫炸兩行街一樣,叫左野食之後等成半個鐘有多,之後催下佢啦,個金毛經理就好似求奇應左我地就算,足足催左3次,仲係話d野出緊。奉勸大家下午茶就冇問題,早餐就唔咪搞啦!!!

漸入佳境, 記得初開張時, 禮拜六日至peak 時間見晒真章, 立立亂, 到呢次幫襯時, 無論上菜速度服務效率已上軌道. 呢個位置改建做餐廳後, 多一個好地方作晚餐選擇. 環境方面, 柔和燈光, 簡約裝修, 但要當心場中間果part 隱型梯級, 地方夠晒大, 與間有成幾呎通道, 酒店餐廳而有咁大眾化價錢. 的確吸引到好多街坊幫襯. 酒店lobby 樓梯上記得要去番正門登記.菜式有貴有平, 由前排日式和牛兩舊幾一位餐到四草晚餐都有.

環境舒適,,service幾好..系tsw食tea既好選擇..而且夠clean..連鎖式營..質素有番咁上下..先講下野食...小妹食既系下午茶..炒粉同焗飯果d大大碟..但炒野真系好多油囉..真系1啖粉1啖油...好吾好食方面..刀只系入得口但你食完會覺得好似只為填飽個肚而設..味道真系普通到吾可以再普通..cheese cake真系好吾惦...好似食到d咩沙冰咁..根本未溶冰解凍..食左少少刀已經想放棄吾食..價錢有平有貴..如果想食野既..咁就要諗下環境為先定野食為先..為野食..最好刀系吾好黎呢間喇

病入膏肓, 但相約了久違的朋友, 不願推卻. 選了在天水圍吃tea.朋友預知遲到, 我便在家多看一隻vcd. 玻璃之城. 看到雷雨交加, 黎明舒淇車中相擁一幕, 朋友到了.在銀座逛, 慨嘆天水圍沒多少好餐廳, 聽說有新開業者珊瑚堡, 姑且一試.原來, 餐廳正在酒店二樓. 眺望下層大堂, 景緻好.食物方面, 椰林閣質素. 無突破.不過, 換個角度看, $20一個tea, 可享受酒店級環境, 閒坐一兩小時, 超值.說著說著, 落地玻璃外天一黑, 下起大雨來.多得這雨勢.