王記糖水 (已結業)

22-9-08(一)終於外賣了豬骨粥和綠豆沙回家，豬骨粥有很多材料，味濃，粥底綿。綠豆沙清甜。不過，總覺得用膠盒裝熱食不太好，下次還是堂食吧。

finally the well-known desert king in North Point!i ordered for take-out:蕃薯糖水 - 偏淡, 不太甜 just right for me. but 蕃薯糖水唔夠薑,蕃薯很多根 not in season?!芝麻糊 - 好杰, 幾香,偏淡. 黑芝麻味重. but I would prefer 大良八記芝麻糊陳腎豬骨粥 - 好多料, will not turn watery, VERY GOOD! but too salty. I'll definitely try this again, but mix it with another bowl of plain congee.

14-8-08 (四)終於找到了王記糖水，每晚(星期天休息)八時，王記就開檔了，排了一會，原來多數人都是外賣。叫了香芋椰汁喳咋和香芋椰汁黑糯米各一碗。十四元是大碗，十二元是小碗，看見價錢相差不遠，就叫了兩碗大的。原來真的大大碗，材料又豐富，真是飽得不得了。喳咋很有風味，芋頭又香又鬆化，不算很甜。黑糯米原本不大愛吃，試了幾口，原來很好吃的，不但不會硬，還有清香的味道。下次要試這裏的招牌粥。

由北角碼頭開出、廿分鐘一班的41A，是雲雲至愛的回家路線。車站行出小小，就是稱霸北角的王記。日前走左一班巴士，食碗糖水才繼續等。路口電話亭大個螢光紙牌寫住王記，剛裝修完，閑日八點幾尚有位。要了大蕃薯糖，薑味四溢，五六塊體積龐大的蕃薯，入口即化。不太夠甜，可能其他凍食的會好點。滾熱的糖水，連軟綿的薑也好吃，快快喝下去，由心暖到上黎，幸運的你試過嗎？十個客有五個要「大粥」，原來是蠔豉瘦肉的招牌粥，只此一款。下次要試。

經常路過都見人頭湧湧, 今次終於一試, 排隊時間約8分鐘, 全店只售傳統糖水, 正合我這個老土人的心意, 芋頭黑糯米的芋頭太軟, 有一pat的感覺, 黑糯米充足, 煮得軟硬適中, 是不錯的選擇, 渣渣則有點失望, 其實是很多什豆的紅豆沙, 沙的感覺太重, 而且豆蓉太多, 味覺都糊了, 糖水及豆的份量不相稱, 吃得口感乾乾的其實味道又不算是十分好味, 價錢$14細, $16大, 又不算是超平, 人龍可能是因為現在太難找到只售傳統糖水的店子吧!

夜晚八時，我們專程來北角排隊，吃王記的糖水和粥。它沒有自家鋪頭，要借人家的場，準備好已是八時十五分。本以為只做外賣，原來堂食亦可。不過坐位不多。轉入正題，我們點了綠豆沙和蠔豉豬骨粥，以解天時暑熱和祭五臟廟。蠔豉粥非常野味，蠔豉的鮮、豬骨的甜、粥底的綿，加上少許咸菜，可以一吃十碗。綠豆沙合格，但不及油麻地鵝記起沙，亦沒有果皮。下次我一定要試喳咋！

我係西營盤大,一直都覺得只有源記既糖水係無可匹敵! 但係試過王記之後,就覺得不相伯仲喎!最驚喜既係陳腎蠔豉菜乾豬骨粥,粥好綿,充滿蠔豉菜乾既香味,d陳腎入口即融,我次次都食到停唔到口,連舊豬骨都要食埋至安樂;綠/紅豆沙: 煲到起晒沙,綠豆沙充滿海帶味,紅豆沙都有好重陳皮味,唔會太甜;椰汁香芋喳咋: 椰汁味好香,香芋好唸,香氣撲鼻; 蕃薯糖水: 蕃薯好腍,唔會太甜,實在難得既好.湯圓就一般啦....排幾長龍都要食!!!

呢間糖水舖絕對係北角入面一個奇蹟。只係小小一架車仔，就吸引到各路人馬，到時到後就企定定排隊等買糖水...今日小弟亦係其中一份子。對我嚟講，佢哋最出色嘅並唔係乜嘢紅豆沙或蕃薯糖水，而係嗰碗陳腎蠔豉菜乾豬骨粥...煲得老火，D味完全入晒碗粥入面。最精彩嘅就係豬骨，夠味之餘肉又夠淰糯。揸住佢係咁啃，回味無窮...什麼鮑參翅肚，行開一邊la...

人人都話好, 點知昨天去吃很失望, 我和兩個朋友要了芝麻糊, 另一人要了蕃薯糖水, 朋友說芝麻抄"龍"了, 所以換了紅豆沙, 黑糥米, 只是一般, 蕃薯糖水不夠薑, 亦不夠甜, 都唔知點解要排隊!

今日想吃西米露，竟然打了蛇饼，等了一会才到我们，另order了雪耳露加汤圆。付钱时才知道，加价了，一碗要14元。雪耳露甜度刚好，清潤。我觉得这里的西米露是最好吃的，芋头大块兼不会太粉，加点花奶，简直享受。汤圆不是强项，宁愿到福元食。加了价仍要来。

日期：2008年3月1日一到九十點就會好多人黎排隊買湯水食，今次我同男友就買粥黎食”陳腎豬骨蠔豉粥”，好夠料，ｄ粥仲好綿添！之前都有食過佢地整既番薯湯水，腐竹蛋，喳喳都唔錯架，唔怪得連揸車人，買完撘的士走既人都會冒名黎買番屋企嘆下．

聽講呢度D喳咋唔錯，特登試下點知都幾多人排隊等等左一陣，買左一碗細芝麻糊，一碗細喳咋，兩個人分芝麻糊OK，但係結左少少喳咋就好香，竽頭好粉，唔錯見到好多人買粥，睇個樣都好似唔錯等我下次試下先

等太座收工。嚟到佢公司附近，接近八點鐘，人龍又响呢度再次出現...上次嚟到舊舖位，見到變咗第二間舖，以為執咗笠，好生失望；之後發覺原來佢哋搬咗去隔籬個舖，再戰江湖...太座仍响公司開緊會。百無聊賴，於是又排吓隊...等緊之際腦袋不斷盤算: "究竟買豬骨粥定糖水好呢?"...最後決定買碗喳咋...花奶下得極重手，香味撲鼻；料極足，豆亦夠淰，跟廟街源記水準可謂不相伯仲。呢度更優勝嘅係芋頭夠大粒之餘又夠"粉"，食得極之高興....下次一定嚟個"雙併" --- 粥加糖水，打孖嚟，先滿足...

還記得對上一次食是春天時份，轉眼已步入冬季走到書局街，行來行去也不見鋪頭，已為執了，點知原來遷到了近在咫尺的隔離泰國食店鋪子小了，雖然是茶記的格局，不過位子很少很迫，一來沒有了當年的懷舊味，二來堂食亦都坐得不舒服。可幸的是粥品味道一點也沒變，依然是那家庭feel的陳腎豬骨粥。豬骨一大舊過，肉已完全離骨，一啜豬肉就如蒸魚肉一樣滑落，好淋，粥煮得綿綿有菜乾香，15蚊可以食到咁正既粥真係超值﹗見門口排隊買甜品的人真的多得不得了，下次一定要小試先﹗

星期六，八時幾出發，先與友人到北角的王記食粥從沒有來過，你睇個餐牌就知佢成間野只係開晚上八點至凌晨三點，真係......全店就係賣呢十樣野，個豬骨粥真係好好味，真正用豬骨加入粥一齊煲，唔似其他地方叫先放入白粥入面勁入味，蠔鼓全部溶於粥內，味道一流，怪不得門外叫外賣的大排長龍，只係14蚊碗，夜晚去開一定要試番碗