王家沙．花樣年華 (太古城中心)

營業中

休息中

這間王家沙，都開左好多年，但一次都無食過。今次食完，一定無下次！其他上海鋪一定好過佢。除咗裝修好少少之外，今次食三樣嘢都令人失望！呢個雲吞雞湯啲雲吞不好吃，入面係一舊啡色好似醃製左好耐嘅加工肉咁，湯同雞都正常。不過$68得咁細碗….呢個排骨粗炒有好多料，不過全部唔夠味，完全無鑊氣！又係失望之作！上海小籠包仲衰，一睇就知個皮厚，一食落，入面舊肉又係無乜味…上海鋪連小籠包都做得唔好，點得呀？全餐飯最好味係前菜嗰碟花生…希望廚師真係可以好好改進！

after halleween，we goes drink tea and taste 上海food！I went there during Halloween! Because we played all night, I just went to hk sytle yum tea and hk style dim sum directly in the morning. It happens that there is also a choice of dim dum!even we had order special food famous of Sheung Hoi小籠包👏🏻👏🏻👏🏻擔擔麵👍👍👍The place is very comfortable ga.👻but i think the spoon need clean more should be better😉

招牌蟹粉小籠包 128蟹粉味都好出眾，食完蟹嘅味道會留喺口腔好耐。皮有少少厚，但係咁樣先會包逼住晒所有嘅汁。鮮菜肉雲吞 62估佢唔到竟然用紫菜湯底，即刻令到成個菜式嘅顏色同味道都加咗分。炸饅頭 32以前小朋友成日食呢一個菜式，呢度炸到外皮啱啱好脆，唔會太乾，點多多煉奶係perfect上海話梅骨 118我喺未食就骨之前先食咗個梅，嘩，粒梅好食過出面買果啲陳年話梅！跟住再食個骨，酸酸甜甜又多軟骨！真係超級好食九黃炒鱔糊 128超多份量，魚肉彈牙，九黃超級新鮮，醬汁調味啱啱好，唔會太過咸太油膩。上海擔擔麵 78大概係我食過最好食嘅擔擔面。湯底有非常濃郁嘅花生香同埋豬肉碎！面嘅質地非常之彈牙，冇一啖都扯上好濃郁嘅花生湯。我本身好飽嘅都食哂！豆沙鍋餅唔太甜外皮香脆。紅豆蓉都非常之出色，下次會試埋佢其他嘅甜品。

一個下午茶，真不想花時間寫，但怕一眾食客中伏。$68滬式下午茶有上海粗炒、炒飯或年糕，還有兩件上海點心，小籠包、胡椒餅等，還有豆漿，雖然有點妙想天開，但店名花樣年華，又在太古城，應該唔會差，加上只是下午茶優惠是常態吧！坐低就知中伏，原來是黃加沙的，此店在我經驗一直是上海劣食店。下午茶要茶錢$12一位，加一，埋單$88,唔緊要，畢竟這裡是太古城嘛！最慘係保持一貫劣食質素。胡椒餅勉強入到口，粗炒是吃過最難吃的粗炒，只有色無味，只有那種低級麵粉的「糠」味。麵質好'汋 "'即是無上海粗麵的咬口。一整天好心情被破壞殆盡！

好耐都無食過上海野突然經過花樣年華發覺啲嘢又幾啱食一於入去睇睇招牌蟹粉小籠包 $78食上海一定要點小籠包食一籠有5隻 非常抵食 抵過酒樓幾十蚊先得1隻而且每隻都足料 勁多蟹粉 湯汁豐富四喜烤麩 $68非常入味 又有木耳 花生 素食之選醉嘉美雞 $108平時醉雞最怕唔入味但呢個做得非常好用左一個好深嘅盅黎醃 食落啖啖酒香雞用上嘉美雞 唔會好肥 有雞味 肉又滑真係必食之選鎮江肴肉 $78晶瑩通透 點醋凍食好清新 無油膩感陳醋海蜇頭 $88非常爽口彈牙 酸酸地 好開胃

同朋友兩個人由中環去到太古城開OpenRice找晚飯食，開OpenRice見到王家沙找了商場地點，入去坐低，打開餐牌未叫餐，再看OpenRice見到訂位有八五折，佢當時全個場係一枱客都無，時間大概6:30pm,我再問個職員我哋睇OpenRice過嚟, 是否即訂位有八五折優惠，佢話我已坐低唔通叫你出去呀，冇得咁樣做（職員態度有啲看不起我們😡）其實我乜都未落單，我們行返出去當作另一個客再入嚟都得，況且佢又唔係坐爆曬人當時一台客都無，睇佢怎樣招呼客人，俾唔俾你OpenRice訂位有八五折的優惠，當然佢冇俾我們優惠啦！算了！其二，食物又不給星級，但價錢就10分升級，我們兩個人食晚飯，合共額外比了$70餘元是（包括：加一服務費、2人茶錢、和（最搞笑）的是整一碟唔話俾你知要收錢的，所謂花生🥜的前菜，「我們完全感受到這是個：俾人狗眼服務的態度和升級的價錢，但係又無星級的食物質素嘅食店」對這間食店十分失望😞

8號風球下沒有地方去，於是乎去了太古城走走，經過王家沙，很久沒有去，於是入去嘗嘗晚餐。叫了小籠包，擔擔面，鹹肉津白，和高力豆沙。前菜有花生，不過要收$12。鹹肉津白味道可以，但鹹肉很肥。擔擔面的份量不俗。小籠包汁很多，但外皮有點硬。高力豆沙有四個，味道可以。整體來說，食物的質素可以，賣相不特別吸引，不過份量就比其他同類的餐廳多一點。而在太古城也沒有類似的上海菜，如果真的很想吃上海菜，也可以嘗試這間餐廳。

今日去咗太古城探朋友，去之前簡單搵咗間餐廳食飯😛自己不嬲都好鍾意食上海菜，好耐冇食王家沙 ～一於再去試吓睇吓水準有冇變😁前菜仍然揀咗自己最愛嘅三絲粉皮三絲粉皮已經包含咗火腿絲丶雞絲丶青瓜絲配上非常香濃既麻醬混合起來天衣無縫👍四喜烤麩 醬汁好入味 麵筋朔滿醬汁 配上雲耳爽口又好吃！必叫嘅招牌蟹粉小籠包，皮薄餡靚，再加上蟹粉，肉質鮮甜，食嗰時要小心啲因為太多肉汁啦！🤣小菜則叫咗溫泉蛋賽螃蟹 將蛋白炒成一碟再配上溫泉蛋～加上醋 每一口都係滿足當然仲要叫啲飯同面🍗上海粗炒大大碟，作為主食相當足夠，麵條煮得剛剛好，又有咬口，再配上香菇同椰菜， 簡簡單單但係非常好食😋排骨菜飯排骨大大塊，炸得好香口，配上菜飯必食之選！呢間餐廳食物質素唔錯，想食上海菜嘅不妨嚟呢度試吓❤️

午餐farewell同事，成個太古城唯一一間唔洗排隊，但趕時間冇計，6個人硬上。揀左個4人商務套餐，夠膽死上左個甜品先再主食，食食下先上個前菜-前菜應該係隔左1個禮拜既食材，我隻狗聞到都調頭走嗰隻；主食個小龍包皮厚過紙皮，四季豆咸過海鹽，紅燒豆腐難食到喊，豆沙鍋餅皮厚餡薄，經典之作

四喜烤麩 @$68: 煙煙韌韌, 是豆類製品, 又不會太鹹或太酸, 挺特別的一道小前菜, 蟲草花螺頭燉雞湯 @$88: 燉湯味道很香濃, 很香甜, 很足料, 而且熱辣辣, 讚!!! 樟茶鴨 (半隻) @$188: 此鴨的外層脆皮像炸子雞般薄脆, 而且很入味, 但缺乏煙燻香氣, 此鴨還配了六個小白麵包, 小白麵包軟綿綿的, 而且滿滿的小麥香氣, 我猜應該是餐廳自家製的, 讚!!!... 金牌蟹粉生煎包 @$78: 生煎包煎得很飽滿, 漲卜卜的, 生煎包包底也是很香脆的, 只是生煎包內的湯餡略遜一籌, 欠缺juicy口感,,, 高力豆沙球 @$58: 就是蛋白包裹著豆沙餡, 口感軟綿綿的, 空氣感滿滿的, 自製鮮豆漿 @$26: 滿滿的豆味, 也沒有太甜, 不錯不錯,,,

已有一段時間無去王家沙食嘢，今晚和友人行太古城，見到新開的王家沙，大家都好想試下。店子面積相當大，裝修雅緻，座位寬敞舒適， 乾淨整齊 ，令人心情很放鬆。正宗酸辣湯$58~ 酸辣湯配料很豐富，有蝦仁，青豆，筍絲，木耳絲，豬紅和肉絲， 酸辣度適中，很不錯。蟲草花螺頭燉雞湯$88~ 湯料有蟲草花，雞肉和螺頭，湯很清很甜，好滋潤。蘇式鮮肉小籠包$58~ 小籠包皮很薄，餡料的肉碎又滑又鮮甜，湯汁很多，美味。京蔥爆羊肉$118~羊肉肉質軟腍，羊味濃郁，配上大量京葱，十分惹味。以潤餅包住一齊食又有另一番滋味。溫泉蛋賽螃蟹$98~滑溜的炒蛋白再加上一隻温泉蛋，煙肉碎和毛豆，清中帶蛋香，口感滑嫩，正！石鍋鮑魚飯$138~飯多汁濕潤，鲍汁味鮮甜，雞肉亦滑嫩，如果鲍魚可切粒撈進飯中更好。

又到一個月一次嘅老細請食飯今日去帶咗我去位於太古城嘅王家沙花樣年華度食上海菜上海燻魚 全部大大嚿 外皮酸酸甜甜 入面魚肉夠曬彈牙醉嘉美雞 十分驚喜 分量唔大不過雞味濃郁 個雞皮都做到爽脆雞肉嫩滑 酒香十足蘇式小籠包 每一隻都係新鮮人手包 外皮夠薄入面嘅湯汁爆出嚟 仲有鮮甜嘅肉香一流紅燒獅子頭烤菜 超級巨型嘅豬肉波波 做到鬆化多汁韭黃炒鱔糊 香味十足鱔糊夠曬入味 鮮甜彈牙甜品就叫咗高力豆沙 外皮有脆卜卜嘅砂糖 面層係非常鬆軟一啲都唔油膩嘅麵團 仲蛋香十足 內裏包上熱辣辣嘅豆沙 非常綿密

舒服和美味既上海家常菜十幾年前王家沙開係太古坊，搬左黎太古城我都只係食過一兩次今次約左媽媽佢地一齊食上海菜，連老人家都好滿意點左上海粗抄，蕃茄豬扒抄飯，炸饅頭，東玻肉，埋單$550 好抵好正。東玻肉一大塊咁上，自己煮唔到，侍應可幫你剪開，一剪九，入口即溶，超正。唔好怕肥share食係ok既。仲有個夾包同肉一齊食。上海粗抄，色水夠，麵彈牙，唔油蕃茄豬扒抄飯豬扒正呀，蕃茄不是我杯茶，抄飯香口炸饅頭，一客多件，加埋練奶，你太古地段真係抵到你唔信仲有擔擔麵，揀左唔辣，麵質係正既，湯底麻醬味重，好味！室內播住柔和音樂加上好靚既裝修，令仔賞心悅目。

王家沙 - 花樣年華今日介紹一間位於太古城的中菜館，相信大家都聽過這個名字，就是主打上海菜的王家沙，餐廳內部環境古色古香，濃厚的中國風。四季烤麩 $68前菜點了最喜歡的烤麩，口感軟綿，醬汁入味。蘇式鮮肉小籠包 $58上海菜點會唔少得小籠包，皮薄餡料飽滿。鮮肉胡椒餅 $52肉汁超多的胡椒餅。枝竹百頁結紅燒肉鍋 $138炆煮得腍身入味的紅燒肉，索滿紅燒肉醬汁的枝竹和百頁結，伴飯超夾。石鍋鮑魚飯 $138超級豪華的原隻鮑魚石鍋飯，大大隻鮑魚加上鑊氣十足底味夠的炒飯。 芝麻豆沙餅 $48甜品有香濃豆沙味的芝麻餅。

今日食評有✍🏻 王家沙@太古試食指數⭐️⭐店舖衛生⭐⭐侍應態度⭐️⭐⭐⭐((每項5⭐️為滿分)) ·一向對王家沙出品有信心可惜太古分店就有失水準我哋嘗試用客觀嘅角度去評價一下佢哋嘅食物1️⃣唔辣擔擔麵⭐⭐/5擔擔面湯底好稀好多配料喺面但係食唔到花生嘅香味面底正正常常用「鼎記」嘅水準去做比較係有啲唔公平但以擔擔麵出名嘅王家沙今晚真心唔掂2️⃣排骨菜飯⭐⭐⭐/3性價比高成碟菜飯夠兩個人份量可惜唔夠熱 排骨卻有驚喜👍🏻香脆唔肥膩3️⃣酸辣湯⭐⭐/5湯料係足仲有幾粒蝦仁🍤不過個㳄打得唔好好多生粉粒我要逐粒挑出來🥲4️⃣流沙奶皇包⭐⭐/5如果佢個名單單叫奶皇包就ok冇流沙仍然比兩粒星係因為夠熱同埋個包夠大5️⃣小籠包⭐/5Oh no 的出品係夠熱不過啲湯汁冇晒外型塔晒皮厚餡肉ok鮮提供嘅薑絲粗幼不一好冇心機咁切失望6️⃣紅棗糕⭐⭐/5等了近20分鐘的甜品以為一定有驚喜點知係蒸到過熱嘅糕點太多水份令玫瑰花造型嘅糕點變咗型·二人460不甚滿意的一餐可加分嘅係侍應的服務算係勤快·599Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講