玉子造屋 (已結業)

放假日訓到自然醒已經係中午既時間，又夠鐘去搵野食，之前經過呢間見佢個名應該係玉子專門店，一於是日午餐就揀佢。一個人唔使等位即刻入得，食物款式唔少，小妹梗係試佢個咖哩吉列豬扒蛋包飯😍😍蛋好幻滑同好濃蛋味，吉列豬扒炸得唔錯，炸粉適中，豬扒又有肉汁，新鮮熱辣上碟無得彈，而且價錢唔算貴。

未正式開前已在網絡中見到介紹, 當時係有點期待! 最近終於一試, 可惜敗興而回, 未明何似經常坐滿人.....當曰2大2小去食週末午餐. 見餐牌的錢格算中上, 心想出品定是不差. 亦可能咁自我調高左期望.點了3款食品, 全都加$25跟湯,沙律及飲品沙律及湯菜本來尚算新鮮, 但dressing味道一般而且不夠多, 有點清咬沙律菜的感覺.飲品正正常常溫泉玉子卡邦尼 $78初吃時味道真算係幾好, 不過卡邦尼成個湯意粉咁真係未食過, 因為真係太多汁, 食食下已被溝淡.咖哩吉列豬扒飯 (半熟玉子蓋飯) $88 咖哩汁未似圖畫般多, 而半熟旋風玉子其實係全熟, 沒一點柔軟感.(是否倒模煮熟的較果?) 豬扒外脆不過內亦有點柴皮, 跟juicy一點關係也沒有. 喜歡吃炸豬扒的小兒咬了幾次後都放棄再咬. 最終要切成細塊才可吃下.日式叉燒湯烏冬 $58其實沒有特別, 普普通通的一個烏冬. 反而因價錢較平而令我覺得性價比最好!

..一場黎到會盪失路既將軍澳中心，揀食晏揀左一陣，最後係地下一間專食丼飯既店鋪坐低。.叫得玉子造屋，咁就揀返玉子啦⋯.叫左個大路既咖哩吉列豬排玉子飯🥰🥰🥰加錢跟套餐會有味噌湯，沙律同餐飲附送👍.個蛋好滑有少少牛奶香😋豬排超多，厚度十足，大食如我都食唔晒。吉列豬排吉脆皮，難得唔會咬到一口粉😂😋👍.只係嫌佢個豬排咸左少少，希望店家下次落鹽唔好落得咁重手😂

唔太好食，個蛋太熟。d汁無味，個漢堡排唔好食，好細塊。成個餐食左一半就唔想食。價錢都唔平要$70up一個餐。d水好明顯係生水，d員工不停大大聲傾計，好噪。整體來說非常麻麻，唔建議去食同saizeriya 嘅漢堡排餐差唔多，應該係仲衰過，但價錢貴一折Overall I don’t recommend people to try this restaurant, it’s quite expensive and the food isn’t taste good, the staff keep chatting and it’s too noisy.

其實呢次係繼上次佢試業中嘅時候，第二次同班friend一齊去食多次佢😂😂😂😂不過唔同嘅係佢已經唔再係試業中，所以佢嘅menu多左野揀😄今次我就揀左蘑菇雞肉×忌廉菠菜三文魚配半熟玉子蓋飯人人都話試業嘅時候餐廳嘅菜品應該係會比較好，但玉子造屋嘅水準依然都keep得非常之好😊😊😊蘑菇雞肉嘅汁好濃同帶有少少嘅蘑菇味，配上頗嫩嘅雞肉，用黎送飯真係一流，相反忌廉菠菜三文魚味道比較淡，但配三文魚就啱啱好，因為個汁唔會因為太濃而搶左三文魚嘅味，食落真心啱啱好👍👍👍佢個蛋keep得真係好好，依然都仲係好滑同好有蛋味😊😊 如果大家經過將軍澳真係不妨去試下佢😍😍

今日路經將軍澳見到一間裝修非常鮮明簡單的餐廳。餐廳除了乾淨之外，空間都好寬闊，還有嬰兒座櫈提供，合適我帶囡囡去用膳。一看餐廳名便知道餐廳食物係以雞蛋為主，正正適合我這些愛蛋之人。這個飯很不錯，口味大人細路都適合，囡囡更同我搶吃三文魚，雖然三文魚並沒有特別調味，不過配搭他的奶油醬又剛剛好。米飯以穀麥飯為主，好健康呢！非常好八爪魚的我，見到這個小食即刻心心眼，幸好有點來一吃，而且價錢不算貴，辣辣的芥末味好香，八爪魚又有咬口，是一個非常不錯的開胃小菜。最後，還叫了甜品，這個班戟好吃到停不了口，內裡軟綿綿暖暖的，而且有濃郁的蛋香味，又不會過甜，非常適合我們這些既愛吃甜品又怕肥的女士們!

今次光顧這間食肆，店舖名字頗特别，位於將軍澳中心，裝修簡潔舒適，座位闊落。馬鈴薯絲炸蝦卷很有特色，有點像中式酥卷，爽滑薯絲捲著炸蝦，香脆可口。蟹親子沙律十分清新，白蘿蔔絲拌蟹肉蟹籽日式沙律醬，健康美味，清淡而有海鲜蔬菜，非常討好。滑蛋豬扒飯份量十足，滑溜鷄蛋掛滿厚切腍滑豬扒，野菜牛肉飯同樣出色，鋪滿成碗飯，牛肉嫩滑而牛味鲜甜，令人回味。甜品為紅豆綠茶忌廉紅豆醬班戟和65%黑.朱古力雪糕班戟，班戟香滑煙韌，塗上雪糕和紅豆醬，非常美味，唔會太甜，擺設精緻，適合一家大小的甜品。

小女生喜愛吃日式咖喱，今天中午就來到玉子造屋吃她喜愛的玉子咖喱飯 。餐廳有卡位，而且可以望到外面的風景，光猛又坐得很舒適。set lunch 由四十多元至六十多元，包飲品一杯。有三文治，拉麵和飯三類選擇。也可以a la carte,餐牌主食加$25就可轉為套餐。日式咖喱很合適小女生吃，因為一點都不辣,而且也很惹味，伴著咖喱汁，可以吃上一大碗飯。小女生最愛這裡的玉子半熟蛋，旋風的造型，相當軟滑。吉列豬扒厚切，外脆內軟，這麼厚的豬扒仍不會太硬，而且份量很多，吃到很飽。鐵板牛肉飯，上枱時熱辣辣的,然後自己把雞和牛肉炒熟，加入雞蛋讓味道更豐富,配上惹味的黑椒汁，香味四溢。兵庫蟹肉焗鑲小蟹蓋$38，份量小小的，作小食就是剛好。這裡有梳乎厘班戟，我們點了草莓鮮忌廉班戟。十分喜歡梳乎厘班戟的鬆軟，而且又有陣陣的蛋香，不過這客班戟的士多啤梨醬多了一點，下麼次記得要叫少醬呢！大大杯的蘋果汁都只是$18，抵喝啊！

將軍澳最近開咗唔少食市 呢間玉子造屋開咗大概一年 食過佢幾次 覺得質素都唔錯 今次嚟到呢度就叫咗一個日式叉燒烏冬 $58呢個價錢平平哋唔算太貴 食落去烏冬幾彈牙所以都覺得己有驚喜 三塊叉燒都幾好食落肥膏唔多反而比較多瘦嘅部位 個人都幾滿意🤤🤤🤤不過呢度嘅侍應有時就掛住傾計 如果上菜同埋落單速度可以快啲就最好另外大家亦都可以試吓呢度嘅梳乎厘 雖然貴左少少 但做甜品其實都幾好食 個人覺得綠茶同埋士多啤梨味嘅都唔錯 可以一試

究竟有鷄先定有蛋先? 呢個問題相信唔知幾時先有真正答案!  但我今晚就肯定係呢度開餐之前食過佢嘅洋食之選 - 忌廉菠菜三文魚，令人耐唔耐就想食多次!今晚見到佢門口有新餐牌，多左火鍋同丼既然有新餐牌，當然想試新野啦，一於黎個丼丼餐，今晚係牛豚大比拼!首先出場有呢客特盛牛扒丼 ($108)，擺盤靚仔，一片片牛扒舖滿碗面，側邊以溫室菜苗圍邊，畫面上令人聯上到牛同青草，好新鮮呢.......!!牛扒燒至外香內仍然保持嫩紅色，肉質相當鬆軟，一咬就食到，相當滋味!飯粒加入飯素，就咁單食都OK，軟硬度適中，用筷子都可以夾到黎食!中間有隻鮮鷄蛋，可以撈均飯粒一齊食，蛋汁增加左飯粒及牛扒嘅香滑度，呢隻蛋加得好呀!另一客為豚肉生薑燒丼 ($75)，亦係豚肉舖滿飯面，中間有隻鮮蛋，再灑上少少蔥粒!豚肉片類似煙肉般肥瘦度，唔想食咁多肥肉部份都可以輕易分開，加入薑汁調味，減低膩感，唯薑汁味唔算太出，濃味些少會仲惹味!都係同一個飯底，加入飯素好惹胃口混入蛋汁就更易入口，就算飯嘅份量都唔少，要清晒成碗都無難度!粟米天婦羅唔係好多地方食到，呢到就有岩鹽粟米天婦羅 ($45)，一客兩球，炸至微金黃色!入口熱辣辣又唔係好

由於工作忙了很多，所以現在我再沒有太多時間寫食評了今次只是隨便略略介紹一下便算了因為路程遙遠，所以我差不多從來沒去過將軍澳，今天為了試這間餐廳的鰻魚三食，而專登山長水遠來到將軍澳中心可惜的是，希望愈大，失望愈大，這間餐廳的食物味道完全不似預期我們一行五人，叫了4份主菜，1份甜品，主菜並不包括飲品的，我們額外另加$25把1份主菜轉為套餐，套餐包括麵豉湯，沙律和飲品 No.1 【特盛鰻魚丼三食】我把這份升級成套餐，所以送了麵豉湯和沙律，而飲品則選了冰果茶麵豉湯雖然十分濃郁，可惜味道太咸了，而沙律味道則正正常常，沒有什麼特別由於索價$105，所以鰻魚份量都算多，每塊十分厚身之餘亦肉質飽滿，而且口感又不會太煙韌，味道不錯的可是，鰻魚下面的白飯簡直是失敗之作！白飯明顯太多水份了，導致口感太淋，整份白飯都黏稠在一起，十分難吃本來已經難吃了，加了其他配料和泡湯後的白飯更是【人間極品】，味道簡直令人畢生難忘！No.2 【原味班戟】（配楓糖醬和忌廉）班戟製作需時30分鐘，作為一位甜品控，而且又不趕時間，當然要慢慢等這份班戟十分便宜，只需$45，不過當然一分錢一分貨，班戟除了只有一塊，外形更不太豐盈飽滿，

今日放學行過將軍澳，見有D肚餓，但Popcorn 的餐廳貴到飛起，一於決定走過隔離試下玉子造屋。入到去我一心就只係想蛋包飯，但見到炸蝦，炸豬扒又怕細份唔夠食，加上錢財有限就叫左個中等價錢的蕃茄咖哩豬軟骨蛋包飯。老實講又蕃茄，又咖哩，我都驚驚地，完全唔覺得會夾得埋，但勇於嘗試係好事，一於一邊驚，一邊等💪🏻過左5分鐘，碟飯已經送左來我枱面，貌相唔錯，但真是有的細⋯⋯即刻試下D咖哩，冇好濃的蕃茄味，反而有小小的甜味，唔辣但好清新。跟著試下個蛋包飯，有淡淡的牛油同牛奶香味，加埋D飯加左料，唔係白飯，食落去香而不油，而豬軟骨亦煮到好入味，軟硬適中，整體來講味道唔錯，幾好食。可惜的是價錢有D貴，而且份量小，一個蛋包飯就用左$90，冇嘢飲，返到屋企仲要搵嘢食。但對於細食的人來講可能就剛剛好，大家不妨試試

由將軍澳入屯門拜年 首先就要食餐晏仔先連翠河都冇開 見到呢間玉子屋 咁就入去試下啦好彩老爺奶奶醒目佢哋嗌咗一個牛丼套餐你可以選 溫泉蛋或炒蛋碗飯份量多到可以兩個老人家一齊分享牛肉份量足，又夠嫩口，只係牛味唔夠濃牛舌丼啲配菜就唔係好受歡迎啦不過啲薄切牛舌我覺得幾好味喎又多片，食唔曬添喎仲有個咖哩豚肉烏冬呢個認真麻麻，豚肉非常鞋口可能味道太濃，食完之後令人昏昏欲睡 no good加25蚊呢可以有套餐有沙律有味噌湯仲有一杯冰茶杯熱情果茶唔太甜，啱老人家飲喎初一有開都無加三三個餐3XX都化算但平日食呢就唔係咁值咯

今日嚟到出名食旋風蛋包飯嘅餐廳食晏，叫咗個菠菜奶油忌廉三文魚x蘑菇雞肉半熟旋風蛋包飯，本身對呢個返好高期望，等咗大概10分鐘到，一開始上菜個賣相係幾好，但食落去只係覺得普通炒蛋配白飯，菠菜奶油忌廉三文魚奶油味好重，菠菜較少，而且三文魚煎得都算香，但就有少少怪味，可能係我食唔慣，至於蘑菇雞肉，蘑菇汁此燒汁，冇乜蘑菇味，雞肉煮得太熟，食落唔嫩滑，兩隻汁溝埋食得個濃味，但呢個飯冇套餐都要成$88 ，仲要收+1 ，買單仲要$96，我覺得呢個質素最多只係值60幾蚊。雖然佢環境幾好，餐廳內又有播音樂，而且環境都算乾淨，但真係好貴，冇優惠嘅話下次唔會再嚟食。

被美麗玉子吸引，就拉咗老公入去搵玉子～玉子有三款presentation，醬油流心蛋/半熟玉子蓋飯/和風太陽蛋。呢度除左主打玉子，亦好多其他選擇，坐低後經理簡單介紹，但肚子空間有限，好多嘢都想試～～～紅酒汁漢堡半熟玉子蓋飯賣相吸引，個蛋好似朵花咁，好靚呀！而且仲好好味～各食材調味適中，紅酒汁也很出色！玉子滑滑～入面嘅飯唔係白飯，係調過味嘅，有陣木魚味～驚喜～漢堡扒厚身，牛味濃！嫩！唔乾身！加咗$25跟餐，有柚子醋沙律、麵豉湯同餐飲。麵豉湯都唔似係開粉嘅hea嘢，唔會得個咸字，個底有好多料架～而餐飲我揀咗是日果茶～菠蘿味～清新，唔會好甜牛蒡醬油漬開胃好味又有益！同埋都不常見到餐廳會有。岩鹽粟米天婦羅有啲餐廳餐牌底會加一行細字「圖片只供參考」，好多時都係實物比圖片削，但呢個粟米天婦羅就圖片比實物削！圖片係一塊餅，但實物係一粒波！好充實，成粒都係粟米！好似直接將罐粟米蓉炸成球！甜甜地，好好味呀！65%黑朱古力·雪糕·班戟鬆軟唔會甜到漏，雲呢嗱雪糕香滑每款食物均比圖片吸引！係間食完會再返去食嘅餐廳！#用心處理#食物精美#食得開心