玉子造屋 (已結業)

今次點左一個火山燒牛肉丼，免頭有一個蛋黃，有一啲白色嘅奶油。實物圖文有啲不相符，餐牌上嘅牛肉仲有少少粉紅色感覺會比較多汁，但事實上牛肉已全熟口感比較乾。清酒煮蜆同平時嘅唔同，酒味唔太濃但感覺似係醬油煮嘅湯，就咁飲湯味道較咸，但配合蜆就幾入味

來到將軍澳工作, 見到門面似是日系風格的就選擇這裏午餐, 點知原來是土炮製作扮日本仔野本身想試餐牌裏面嘅嘢但係原來要晚市先供應 隨便選了午餐餐牌入面的飯, 冷烏冬和招牌甜品pancake點了日式牛肉飯, 諗住大路嘢應該實穩陣啦, 點知也會中伏牛肉飯上的肥牛是用上了最廉價的冰鮮肥牛, 無一塊是成功可以咬得開的, 像牛肉乾一樣, 米飯中竟然帶有米袋布碎的殘渣, 伴着的雜菜淡而無味重點是, 吃完之後腸胃不適導致屙毆肚痛徵狀維持了兩天, 只吃了熟食居然也遇到這個情況, 衛生環境可想言之是如何冷烏冬我沒有吃就不作評論, 招牌Pancake 也絕對是名過於實埋單二人二百多元的午餐, 這個價位的午餐有許多選擇, 這個故事教訓我來到陌生地方不要隨便亂試餐廳

今次來到玉子造屋打算嚐鮮除了吃了正餐外還特意點了一個草莓班戟然而班戟質素並不理想缺乏空氣感非常容易扁塌味道一般粉太多因此很膩唯獨旁邊的草莓和雪糕為它稍稍昇華有點不值這個價錢

罕有出現在將軍澳區，朋友約我去玉子造屋吃個飯。我們點了多款菜式，有胡麻豆腐野菜沙律、清酒煮蜆、壽喜燒、芥末八爪魚、龍蝦蟹肉親子丼，再加上柚子梳打、巨峰提子乳酸，今餐非常豐盛。我個人特別喜歡壽喜燒，醬油味湯底，邊爐方式，一直都是我的至愛。鍋裡有鳴門卷、靈芝菇、秀珍菇、粟米芯、蘿蔔、生菜、豆腐，主角當然是牛肉。另外要推介一下龍蝦親子飯，有半隻龍蝦在飯碗上，很吸睛，‘認真無得輸’，橙色的是龍蝦膏，親子飯有一層炒蛋在上面，飯底不是白飯，是炒飯，內裡不知道加了什麼，但炒得爽口，好夠味。有驚喜～很可能是店鋪主打菜。推推推～！

好耐無嚟將軍澳，一出地鐵站就係幾個大商場貫穿。一路喺popcorn穿出去將軍澳中心落到地面就見到呢間日式餐廳一個人不如就去食碟頭飯啦!haha點左個唐揚炸雞咖哩旋風半熟蛋飯 $78(要加一) ，另可加$25配味噌湯,沙律同野飲。賣相好吸引! 而且咖哩味好香濃，蛋皮睇落同menu一樣。唐揚炸雞岩岩炸起，幾嫩~唔會有厚厚嘅炸粉喺面。打開蛋面入面嘅飯撈左飯素，食落豐富左味覺。係平時嘅咖哩飯少見嘅下次試埋招牌Pancake先!

玉子造屋位置喺商場地下位置,屬商場嘅邊緣位置不是在商場的正中心，鋪頭外面係向街嘅出入口。 聽朋友講正常情況係要排隊等位， 今日同我一齊好好彩竟然唔使等位仲有梳化位坐。裝修清簡感覺光猛舒服， 座位亦很闊落。只是梳化位後是通道，感覺有人會走動。睇一睇餐牌嘅選擇唔算太花巧，配搭性高，柯打一個魚生飯、一份牛飯。前菜對於我們多汁怪係唔夠，但幾啖菜唔好意思再問多啲汁。每個餐跟麵豉湯，唔會太咸，豆腐粒較多。兩碗飯賣相美好，味道ok,牛肉嘅質地韌咗啲，不過有牛味道㗎。 配上冇得輸嘅流心蛋一隻。魚生飯個人感覺一般，也許不合我們口味，根子足夠份量圍滿碗邊，中間雞蛋撈飯，魚有點腥，整個口感、味道很奇怪。套餐有飲品，我喜歡飲品味道濃厚，絕不慳材料。由於唔太啱我哋口味，唔敢再叫甜品。

今日一個人嚟到將軍澳中心處理啲事，做完晒喺附近見到有一間餐廳環境好雅緻，令到日本熊嘅我即刻好想入去試吓，玉子係日本名物,我已經有差唔多兩年無返過日本,一定又會你係東京,七到去見到有午餐下午茶餐同埋甜品，但係今日想食海鮮，叫咗一個芝士龍蝦茄汁意粉，加多$45就會有三樣前菜牛舌，中華沙律，螺肉，蜆肉麵豉湯同飲品，一上枱龍蝦爆膏，意粉好彈牙冇煮過龍唔會太油，牛舌好好食，下次有時間我會帶埋甜品控朋友一齊食，應該佢會好開心。

聽到餐廳名叫”玉子造屋”，大既都估到主打係雞蛋類食物。但反而今晚我地極少叫有玉子既菜式。我地點了胡麻豆腐野菜沙律、清酒煮蜆、壽喜燒、芥末八爪魚、龍蝦蟹肉親子丼，今餐非常豐盛。壽喜燒絕對係我的最愛，甜甜既醬油味湯底配上主角牛肉，而鍋裡更有鳴門卷及多款菇菌。另一推介龍蝦親子飯，見到有半隻滿滿龍蝦膏既龍蝦在飯碗上即刻出現心心眼，呢個係唯一有玉子既菜式，而特別在飯底唔係白飯，而係炒飯，炒得爽口夠味👍🏻。

終於試到想食好耐既玉子造屋！望餐牌都已經覺得好吸引 價錢都算唔貴 Openrice既好評又多 未去就已經好期待😋去到見門口都多人等緊位 但等既時間都唔算長 大概20分鐘就可以入去 餐廳內環境光亮 枱同枱之間空間充足 唔會好逼👍🏻當日我地嗌左紅酒汁漢堡飯&蕃茄咖哩豬軟骨飯 另外我地再加馬鈴薯絲炸蝦卷 馬鈴薯絲炸蝦卷偏厚粉 唔算太好味 但紅酒汁漢堡飯 份量大 無論係蛋定係漢堡排都好好味👍🏻同埋最好既地方係可以揀滑蛋定太陽蛋！Overall黎講 值得一試！😋

總算完成大部分裝修的將軍澳中心，有好幾間新餐廳開張，今天在晚餐時段到這家蛋料理餐廳一嚐。在沙律中放秋葵還滿適合的，蔬菜切成小塊算方便放入口，一磚豆腐放在沙律上有點淒涼的感覺，淋上芝麻醬汁，$58一般般。蛋料理專門店的滑蛋包飯真的挺好吃，蛋夠滑也夠香，裡面的飯加了拌飯香鬆炒過，值得再訪。然後上圖兩份配菜及醬汁都不怎麼樣，更可說失分，如要點半熟玉子飯的餐點可跳過菠菜奶油三文魚($95)及味噌南瓜汁炸蝦($75)。燒三文魚稍微有丁點過鹹，不過半生熟剛剛好而且有好幾片。三文魚子很迷你，也沒像餐牌上那樣鋪滿白飯面。親子丼配的是白飯和wasabi醬油、生蛋黃，食材只是組合在一起，沒擦出火花，$108完全不值。班戟滿驚喜的，點餐時店員表明製作需時三十分鐘，沒要求店員上甜品便已送上桌。日式厚班戟算鬆軟，雲呢拿雪糕和牛乳醬都意外地不甜，跟班戟挺搭。杏仁片的存在感很低。威化餅跟朱古力榖物粒就沒甚麼特別，只是裝飾而已。布丁反而是要求店員才會送上，這個放雞蛋的小杯尚稱得上美觀，但奇怪的是半隻蛋殼布丁，怎麼會這麼小？一般雞蛋也不至於這麼小一隻。布丁也算滑，但$15的布丁很普通。其實店舖裝修挺好看的，特別是天花板

第一次去玉子造屋，入到OpenRice發現可以食埋呢個八折現金券，即買即用，心諗幾底未試吓囉。比咗$475.2，買咗6張現金券，當$600用，最後食咗$600.1，啱啱好，冇收過一毫子。仲要，最後6張現金券，送6個甜品(雞蛋布丁)，加埋2人餐果2個，總共有8個雞蛋布丁，吃唔哂，仲可以打包走石燒厚切美國牛扒(500gm)二人餐(原價$398)嗰塊牛扒超厚，放在熱石上枱，由客人自己控制幾多成熟，超正，個人喜歡5成熟，唔使擔心廚房煮得太熟，自己操刀塊牛扒又大又厚，應該唔止500gm蟹肉、和風野菜沙律嘩，好大碟，啲野菜又爽又脆，夾埋啲蟹子沙律醬，好正，只係蟹柳略少特色小食拼盤其中啲牛肉粒好正蜆肉味增湯用了充足，真係成碗飲晒，渣都冇得剩溫泉蛋香蔥海苔飯太好味啦，唔記得影相雞蛋布丁凍檸茶好大杯啊，爽日式叉燒拉麵＋豆腐海苔味增湯＋野菜沙律＋凍檸茶(原價$100)65%黑朱古力、鮮忌廉班戟(原價$48)好味又大份買現金券，只係用$475.2，可以食咁多嘢，一定要再Encore

在商場左逛右逛，落到地下，發現呢一間＜玉子造屋＞，這個時候剛好過了午飯時間，人也不算多，看了看門口的餐牌，於是便決定入去食lunch。入去後，侍應給了我餐牌。餐牌上的款式不多，最後選了“滑蛋吉列唐揚雞丼”連飲品~“凍奶茶”。滑蛋吉列唐揚雞丼首先，賣相係幾得下，表面有很多滑蛋，滑蛋食落去係幾滑下，加上適量既蔥花，旁邊有很多洋蔥，飯也加上了一些香料，令到d飯食落很有口感和香既感覺😗但當我吃第一口唐揚雞的時候，瞬間扣分，而且係“好難頂”☹因為佢既唐揚雞整得好咸。補充一點：餐牌寫既係“吉列唐揚雞”，但上到黎只不過係普通既唐揚雞，吉列就好似平時吉列豬扒一樣，表面有吉列既一小粒一小粒咁，食落去係脆口既。份量方面：飯既份量係足夠既，但唐揚雞只得4小舊，以呢個價錢黎講算係偏貴。凍奶茶味道普普通通啦。

最近將軍澳中心更翻新完成，打造區內新食場，引入不同國家的特色餐廳。⭐️「玉子造屋」 顧名思義係由雞蛋🥚為主打食材的日式餐廳，於晚飯時間到達都好快地安排入座，坐於近窗位置的梳化位紅酒汁漢堡飯🍛蛋係採用日本嘅無菌蛋，半熟玉子做出旋風形狀， 頗滑味道較淡，配上帶有蔬菜的醬汁，滑蛋中嘅飯都有啲心思嘅，味道有啲鹹香。漢堡肉質豐富。龍蝦蟹肉親子丼🦞🦀🍱貌相相當吸引，店員都相當體貼附有小碟裝起龍蝦方便食😊一試都帶點鮮味，蟹鉗肉質肥美，可惜是玉子有啲熟，未算太滑，份量頗大份餐牌上既甜品係依家好流行嘅日式Pancake，而且店鋪環境開揚，枱與枱之間空間都算足夠同舒服，有機會可再黎😉

小食方面我就叫左個兵庫蟹肉釀小蟹蓋同埋都幾新鮮, 又足料, 唔錯架!丼飯我就揀左個牛舌丼, 因為都想食下肉,份量都幾多同埋肉質好有口感!不過出菜時間長, 建議呢個位可以提升

今日约咗朋友去將軍澳行街，行完揾下附近有乜地方可以坐低食野，有一排冇食日本野，我地見有間有間玉子造屋，招牌大大的，吸引眼球，裝修佈局幾舒適，於是就入去坐低食野。我倆商量後，就決定叫兩份主食share食，每份加💰35仲可以配埋甜品同飲品添先來三文魚凱撒沙律，沙律菜很新鮮，菜爽脆，煎三文魚片冇腥味跟著清酒煮蜆，用日本清酒煮的蜆肉辟咗蜆肉的腥味，很清甜，大大粒接著黑松露牛油焗菌，有冬菇，雞肶菇切粒同秀珍菇，黑松露香味濃郁，帶出咗菇的鮮味，三種菇有唔同的爽口感，又唔鹹跟住就來個日式豚肉鍋配白飯，侍應拿來時即時加熱火鍋，豚肉薄切，剛剛熟就夾起黎食，好冧，唔靱，仲有多款配菜，有芋絲、粟米芯、娃娃菜、金菇同日式魚旦，配料豐富甜品我地都揀咗士多啤梨班㦸，班㦸賣相很吸引，望落夠哂鬆軟，士多啤梨醬鋪面，加埋淡忌廉一齊食，咬落鬆軟，入口即溶，有蛋香味，又唔太甜，好食！雖然我地座既位置比較偏D，侍應都不時幫我地拎走吃完既器皿，清理枱面，我地食完野就继續吹水，約大半個鐘後先埋單，都算係可以傾下計，食下野既好地方😄