玉子造屋 (已結業)

🍤吉列大蝦咖喱旋風蛋包飯🍛 $68超鍾意食炒蛋既我 尼到梗係點蛋包飯啦😍炒蛋整得幾滑身 食得出加左牛油同牛奶 不過我覺得蛋味可以再濃d～ 飯入面唔係單係白飯 仲加左紫菜同芝麻 吉列蝦🍤炸粉唔會好厚 炸到脆卜卜😋😋 蝦肉未係去到好彈牙同肉質鮮嫩 勝在唔太油膩 整體不過不失～▫️日式雞絲炒烏冬 $58只係一個好普通既炒烏冬 冇咩特別🤣🥞朱古力梳乎厘pancake +$35都幾有蛋香🤤 朱古力又唔會太甜👍🏼不過略嫌pancake 空氣感唔夠 質地比較綿密～

Lunch 叫咗一份豚肉鍋，從未試過食一煲咁大陣豬臭味嘅火鍋。滾左15分鐘，仍然好大陣豬味，非常難聞！！！！最恐怖嘅係，煮幾耐豬肉都係粉紅色！！！應該用左大陸豬，並不是日本豚肉。食物非常唔新鮮，菇類咬唔到，仲有蔬菜都未洗乾淨。第一次去呢間餐廳，亦都係最後一次。完全唔明白，點解可以用咁臭嘅「大陸豬肉」扮成日本鍋？煮完之後，個湯底簡直畢生難忘，豬臭味濃烈。望望周圍，冇人叫火鍋，通常都叫don, 我就知自己made a bad choice. 食完返去仲要肚痾！

將軍澳既玉子造屋實在太近，所以周不時都會幫襯下，次次都食蛋包飯，今次就決定試下其他野！小食拼盤可以揀三款小食，我地今次揀左炸雞、炸芝士同一口牛，兩款炸野熱辣辣上枱，炸雞好juicy而炸芝士都好香濃，一口牛都好好食，嫩而煮得岩岩，唔會過熟！仲有沙律包埋，夠晒大份！今次試左極上厚切牛舌丼同海鮮丼(和風汁），牛舌丼都有成四大件，件件都厚又夠淋，仲有一隻流心蛋，時間岩岩好，都唔錯! 海鮮丼就比較特別，係熟食黎，有蝦有帶子有蟹柳又三文魚，非常豐富，唔想食咁多肉都可以叫呢款一試！而且加$25有湯有沙律有野飲，兩個人加一set就唔會話太飽啦！仲有叫佢啲外填自耶全日半價，性價比黎講真心幾好！

🌎玉子造屋 (將軍澳)成年無去旅行 勁掛住去日本食過既菜式 於是去左將軍澳日本餐廳 食物包括有拉麵 疏乎厘 蛋包飯等等 回味下先 另外餐廳裝修以木色為主調 睇落去好舒服 ▫️吉列大蝦咖喱旋風蛋包飯$68賣相好吸引，旋風雞蛋整得好靚，食落去原來唔係滑滑地，硬硬地雞蛋有另一番感覺，味道唔好會好鹹。▫️照燒汁煎雞扒$62雞扒煎得外皮香脆而且香噴噴，食落肉質嫩滑，蘸上照燒汁更惹味！另外豬骨濃湯湯底比較鹹而且拉麵太軟身感覺 ▫️疏乎厘班戟$35班戟加$15就有啦，其實好底，但係口感鬆軟綿密就更好人均消費：$83環境衛生：8/10推介指數：6.9/10📍將軍澳唐德街9號將軍澳中心地下B03C號舖

朋友是蛋怪🥚任何和蛋相關的不論鹹甜都愛吃🥚玉子燒更是瘋狂🤪💛🥚而這次就來吃蛋包飯🥚💛是她點名要來這家的🥚雖然沒太多特別(就只因為近她家哈哈🤭但質素也不錯喔💛如果再路過可能encoreee🥚!－♡🥚吉列大蝦旋風蛋包飯＄88:我點配咖哩汁，咖哩味道正正常常，連同薯仔粒蘿蔔粒，是典型日式咖哩的風格和味道，完全不辣為我而設🤣💛; 旋風蛋很綿很嫩很滑，金黃色的一個旋風掛着半熟蛋汁外型超討好🥚，餓鬼一見急不及待就要吃🤤💛，最後隆重登場的就是蝦！炸蝦正正正正正，四隻都脆卜卜熱辣辣，脆漿不厚好喜歡，沾咖哩汁後變成不得了的好吃🤤🥚💛！·🥚熔岩芝士漢堡旋風蛋包飯＄98:朋友也選擇咖哩汁，跟我都一樣～她的漢堡扒也很值得試全因牛肉味好重🤤💛，外層煎很香，然後再鋪一塊芝士🧀，融哂落去好正好好味🤣！不過呢…我覺得由於芝士只有在外面，裡面就沒芝士味了🙈🙈所以我一直就住塊芝士黎食🤣🧀💛！但整體味道不錯的💛！♡－其實這個價錢我預期會有飲品包埋一set，但其實沒有的🤣🤣雖然不算太貴，但感覺有些美中不足～如果有就好了😗呢間住將軍澳既朋友可以一試💛！

將軍澳玉子造屋好幾次經過此地方，都好想入去食下嘢，只是時間未配搭到，好幾次都錯過左。咁啱朋友約將軍澳見面，於是便由我選擇呢間食下午茶了。好多座位都係靠近窗邊，開揚闊落，記享受又舒服㗎。套餐也不錯呢又可加甜品配搭！😁日式牛肉野菜丼配麵豉湯和前菜~~好大碗日本珍珠飯，牛肉也多呢！厚切吉列豬排配沙律蟹棒冷烏冬~~豬排係好大件，肉質鬆厚外係脆皮，入口淡淡肉再食埋蟹肉冷烏冬配搭，感覺味道好夾呢！令入口不算太肥膩！而且好夠份量。飲品~熱情果乳酸和荔枝梳打套餐可加$35配甜品添~~叫左二份食😁窩夫兩件(綠茶紅豆)和梳乎厘班戟(士多啤梨)飯後甜品係最享受的配搭。窩夫甜甜配一口雪糕食係好滋味。梳乎厘班戟好鬆軟不算太甜，廚師手勢一流，軟滑滑好似跳緊舞呢！玉子造屋我哋都叫埋玉子唧雞蛋布丁😁每人一隻添，下午茶真是滿足啊！

之前間唔中都有幫襯呢間玉子造屋，但好似次次黎都改左唔同既餐牌，今日為左用餐飲券，黎多次食晚餐，順便睇下會唔會又有新菜式，6點幾黎到即刻有位唔使排隊。不過對於我地坐既位有少少唔滿意，因為對正收銀機，侍應成日係呢到行黎行去，入單埋單，我覺得幾煩。服務上，我覺得比以前好左，可能生意好返，侍應多野做d，唔得閒傾計Hea，落單埋單答野都有禮物。枱面有一樽水自己倒，留意返，入面冇檸檬片，所以唔係檸檬水，只係水喉水。今次我用左係OpenRice買既餐飲券，用$80就可以買到$100既券，等於8折，不過提提大家，記得要落單前同侍應講，佢會用機即刻兌換，否則，我見有另一台客食完先講，侍應唔俾佢用。睇睇佢既主餐牌，比較簡單，一共得4版，但係都有唔同類型既款式，呢一版就係新菜式，我見個晚，壽喜燒同埋豆腐野菜鍋都幾多人食，不過就同張相係有少少分別，得上面既鍋，唔會有下面既爐，所以食得慢d食物係會凍。當然仲有佢地既招牌旋風蛋包飯。沙律同小食就唔係好吸引，款式普通，價錢都係偏貴。最後一版都係唔太吸引，始終呢間係日式餐廳，唔係拉麵店唔係西餐，所以呢幾款似係fusion菜咁，之前食過拉麵一般，唔及出面拉麵店，所以今次

味道：⭐️⭐️一聽個名顧名思義就係一間以「蛋」為主題嘅餐廳🍳❶吉列豬扒旋風蛋包飯 $98食物同餐牌既圖片毫無差異👍🏻日式咖喱入口唔甜而不辣🥘可惜厚切豬扒好「鞋」同乾蛋係全熟而非半熟😫食落完全唔滑同炒蛋冇咩分別 仲要冇蛋味🤯幸好既係白飯入面有飯素 先冇咁dry個人為性價比低🙊

這間在十字路口旁邊商場地舖 《玉子造屋》 一向好受學生哥歡迎。午市多款套餐， 拉麵，玉子咖哩飯， 燒魚也有不少選擇。最近更加添兒童餐， 顏色好豐富，綜合飯糰，意粉，玉子 ，炸蝦。。 大人見到都想食😋蒲燒鰻魚定食配沙律 ( 海苔溫泉蛋飯)很久沒有食鰻魚飯， 今日可慢慢品嚐。每款套餐都包括前菜，味噌湯。 前菜係螺肉， 熱辣辣麵豉湯打開了胃口。 蒲燒鰻魚， 入口融化夠肥美， 醬汁香濃， 所以選了溫泉蛋飯比較配襯。個飯嘅份量好大， 不過就略為乾了一點， 撈勻蛋汁鰻魚肉吃更添美味。『巨峰提子乳酸』 跟餐加$15乳酸味道較強， 唔會太甜所以提子味道 唔會好濃烈。小朋友點了『白桃梳打』， 也有 一些黃桃肉， 味道似乎唔錯。雞蛋布丁跟餐加$10有蛋香， 布丁實心得來非常幼滑， 甜度啱啱好！日式豚肉餃子拉麵 （豬骨濃湯午市套餐 )$62Share 了少許， 麵條好彈牙， 湯底濃郁，滿口豬骨嘅精華美味又唔會太鹹！ 溏心蛋勁油潤 睇見都想食！😋😋梳乎厘班戟(抹茶, 紅豆)  跟餐加$30梳乎厘班戟即叫即做， 趁熱吃最美味。好香嘅牛油同雞蛋味， 質感輕盈柔軟， 又唔會有太多空氣。 旁邊的不是抹茶雪糕， 而係類

之前同屋企人食過一次覺得唔差，見到最近做緊好平既外賣自取，但我地決定坐低慢慢食。叫左一個2人餐，份量真係幾多下，可以選擇2款小食、2款主食加2杯飲品。《精選2人餐 $248》《南瓜炸薯餅》炸得金黃香脆，非常熱辣辣，炸漿唔厚唔油，內裡軟綿綿，有少少南瓜的甜味。《唐揚炸雞件》有4-5件，大大件幾多肉，另配上辣醬，味道有少少似韓式辣醬，酸酸辣辣。《日式豆腐野菜鍋》除左旋風蛋包飯，仲有鍋物選擇。日式豆腐野菜鍋與壽喜燒鍋，揀左前者。豆腐係主角，每邊煎到金黃色，香濃滑溜；奶白色湯底亦做得不錯，有豆香甜甜地，好岩放埋d白飯落去，當湯飯一齊食。另外有粟米芯、翠玉瓜、紅蘿蔔、菌類等配料，整體幾豐富。《豬軟骨旋風蛋包飯》旋風蛋煎得岩岩好，唔會過老，不過就比較易凍。我幾中意佢地加左d飯素落白飯，令味道有所提升。咖喱豬軟骨份量都有唔少，大概5-6件，肉質夠腍唔會乾巴巴，咖喱帶點辛口偏甜，容易入口《焦糖香蕉窩夫 $68》窩夫香脆鬆軟，有蛋香味，配上軟綿綿的焦糖香蕉已經幾好味。另外有鮮奶油同Oreo雪糕，一暖一凍好滋味。

我與朋友相約到將軍澳中心商場飯聚，飯聚之前先閒逛商場，商場位於將軍澳港鐵站旁，交通方便，是將軍澳南的一項大型物業連商場，我們選擇在「玉子造屋」吃日式午膳。日式雪花牛肉野菜丼，瘦多肥少的雪花牛肉肉味濃郁，白飯吸收肉汁更添美味。野菜有白灼紅蘿蔔、椰菜與瓜片，清甜清脆沒有油膩。和風滑蛋吉列豬扒丼，滑蛋非常嫩滑，與飯同吃有濕潤口感，蛋味也香濃。厚切的吉列豬扒肉質鬆軟可口。處理得很乾爽，共享香、脆、爽，美味的前菜。味噌湯，切得細細粒的豆腐很可愛呵！嘗過很足份量的午飯， 熱情果乳酸&巨峰提子乳酸為我們幫助消化，也為我們下個甜品，打開胃納。落柯打即造的Oreo曲奇醬班戟，賣相很吸引，曲奇醬與香噴噴的班戟軟又綿，入口即溶化，舌尖上的最高享受！

琴晚我Fd同我食生日飯上網見到呢間好似都OK 就揀咗呢一間首先櫃位無人 但寫住入去前 要用消毒液搽手 （我Fd無搽但我搽左） 我地行到鋪頭中間 職員就話我Fd要出去搽手先好入來（個職員見到卒緊手 知我手已經消毒左）態度係好強硬 完全無提示嘅語氣同我Fd講 問題出係要走個時啦 我地傾得幾開心 跟著有個女staff就過來話佢地9:15分要清潔 我睇一睇個鐘9:13分 我心諗唔係啊嘛 如果要清潔要關嘅 點解唔早啲通知呢 要清潔個時就要趕人走咁我就食快啲啦 跟住我Fd都話食快啲啊 個女staff一直望住我地啦 你已經用說話趕我地走 點解仲用目光趕我地呢望住點食得落啊 後尾都差沙律食唔到😢走個時 見到員工圍埋一臺4個人食pizza.....至於野食方面 西冷牛扒 熱度唔夠 好硬要咬好耐先吞到 炸野唔熱軟林林2人套餐個個最後呢生日餐 食得匆匆忙忙

吃了二人晚餐，供$300多，只得兩個碟頭飯和檸水，吉野家都好過佢。但每人平均要$150一個吉野家餐？抵唔抵食就見人見知，但一定唔會再幫襯，因為食物質素一般，又唔夠熱。

態度極差，原本想試下野食，唔會再黎。3點黎到，已不是繁忙時間，係門口已經見到啲staff係度hea，明明望到都客人都唔幫客人入座，要叫唔該先會行過黎。講野語氣唔禮貌，我地好語氣問可否坐卡位，點知個經理態度好差話未執呀，你要既等下先。之後亦完全沒有執枱的意欲，仲發悔氣係我地張枱格離執餐具set執到裝修咁嘈，已經冇想食既意欲，完全係趕客咁款。而家疫情生意慘淡仲咁既態度，完全好似唔想做野唔想做人生意，完全係做客人要受氣服務態度差到咁，犀利！

同朋友一入門口冇服務 一個背向門口既女侍應 玩緊電話直到朋友同佢講 2位唔該 佢先有反應點左吉列大蝦旋風蛋包飯$88👎🏻👎🏻👎🏻👎🏻👎🏻吉列蝦仲差過食放題 咖喱汁還好成個飯唔熱🙂🤦🏿‍♂️雜菜係吉野X個D蛋唔係蛋包飯嗰款蛋 冇蛋汁 全熟 又唔滑極上厚切牛舌丼$85👎🏻👎🏻👎🏻👎🏻👎🏻牛好普通 冇牛味 得大塊成個飯都係唔熱蛋係滷水蛋明明喱個係日式飯 唔係應該係加溫泉蛋咩🤷🏿‍♂️最好係煙三文魚溫泉蛋沙拉$68因為唔洗功夫 本身就凍 所以好食兩個人本身對玉子造屋好有期望今次嚟完 唔會再嚟👎🏻 差到一個點仲要收服務費 都唔明邊有服務🤔