影片
更多
2020-11-01
1975 瀏覽
之前間唔中都有幫襯呢間玉子造屋，但好似次次黎都改左唔同既餐牌，今日為左用餐飲券，黎多次食晚餐，順便睇下會唔會又有新菜式，6點幾黎到即刻有位唔使排隊。不過對於我地坐既位有少少唔滿意，因為對正收銀機，侍應成日係呢到行黎行去，入單埋單，我覺得幾煩。服務上，我覺得比以前好左，可能生意好返，侍應多野做d，唔得閒傾計Hea，落單埋單答野都有禮物。枱面有一樽水自己倒，留意返，入面冇檸檬片，所以唔係檸檬水，只係水喉水。今次我用左係OpenRice買既餐飲券，用$80就可以買到$100既券，等於8折，不過提提大家，記得要落單前同侍應講，佢會用機即刻兌換，否則，我見有另一台客食完先講，侍應唔俾佢用。睇睇佢既主餐牌，比較簡單，一共得4版，但係都有唔同類型既款式，呢一版就係新菜式，我見個晚，壽喜燒同埋豆腐野菜鍋都幾多人食，不過就同張相係有少少分別，得上面既鍋，唔會有下面既爐，所以食得慢d食物係會凍。當然仲有佢地既招牌旋風蛋包飯。沙律同小食就唔係好吸引，款式普通，價錢都係偏貴。最後一版都係唔太吸引，始終呢間係日式餐廳，唔係拉麵店唔係西餐，所以呢幾款似係fusion菜咁，之前食過拉麵一般，唔及出面拉麵店，所以今次
不過對於我地坐既位有少少唔滿意，因為對正收銀機，侍應成日係呢到行黎行去，入單埋單，我覺得幾煩。
服務上，我覺得比以前好左，可能生意好返，侍應多野做d，唔得閒傾計Hea，落單埋單答野都有禮物。
枱面有一樽水自己倒，留意返，入面冇檸檬片，所以唔係檸檬水，只係水喉水。
今次我用左係OpenRice買既餐飲券，用$80就可以買到$100既券，等於8折，不過提提大家，記得要落單前同侍應講，佢會用機即刻兌換，否則，我見有另一台客食完先講，侍應唔俾佢用。
睇睇佢既主餐牌，比較簡單，一共得4版，但係都有唔同類型既款式，呢一版就係新菜式，我見個晚，壽喜燒同埋豆腐野菜鍋都幾多人食，不過就同張相係有少少分別，得上面既鍋，唔會有下面既爐，所以食得慢d食物係會凍。
當然仲有佢地既招牌旋風蛋包飯。
沙律同小食就唔係好吸引，款式普通，價錢都係偏貴。
最後一版都係唔太吸引，始終呢間係日式餐廳，唔係拉麵店唔係西餐，所以呢幾款似係fusion菜咁，之前食過拉麵一般，唔及出面拉麵店，所以今次都唔試啦。
今次仲要有新menu，係二人套餐$248，2款前菜+2款主菜，仲包飲品，幾抵，但係我比較細食，所以都冇試到，如果大食人士/男仔，都可以試下呢個套餐。
生炸巨人雞髀蛋包飯
$82
21 瀏覽
0 讚好
0 留言
落單後大約10分鐘就黎左呢個飯，見到個巨雞髀，真係嚇到個心離一離，真係大都嚇親，好彩佢有俾隻碟我切雞髀。
味道方面，雞髀幾好食，一開始驚入面唔熟，但係切開係全熟，雞皮唔係好肥，炸得好脆，食到卡卡聲，雞肉都好juicy軟身，做到外脆內軟，讚👍🏻
攞開左隻雞髀，就可以睇到隻旋風蛋啦，蛋有少少奶味，好食，但除左個旋風外型，其實冇咩特別。
蛋下面包住d飯，飯好硬身，仲落左d七味粉，食落似糙米飯，個人唔鍾意食。
咖哩汁有2款可以簡，日式咖哩汁/番茄咖哩汁，我今次就簡左日式，好香好好味，唔辣，撈飯幾易入口，亦都可以cover左飯既難食。
但係點解呢個飯我只係俾3星呢？因為成個配搭非常唔夾，炸雞髀係港式街道小食，旋風蛋同咖哩係日式，飯就大陸米，分開食係好食，但一齊食就係好奇怪，而且唔開胃，實在可惜。
鹽燒鯖魚飯
$88
11 瀏覽
0 讚好
0 留言
另外我地叫左鯖魚飯，飯要加$10，正常白飯，都幾細碗，但成個set就好日式，本身條鯖魚都唔大，所以比例上都ok。
鯖魚好好食，非常香鹽燒味，魚皮好脆，加檸檬更加香，魚肉係淋夠嫩，骨唔算多，但都要小心食。
最後埋單$87，計埋加一，呢到食物偏貴，餐飲券作用不大，只係平左$20，性價比唔高，本身諗住碌卡，但侍應話$100以內只收現金，不過我唔見店入面有寫呢個規則，好彩我地有帶現金，走既時候7點幾，見到門口開始有人排隊，所以唔想排隊就要早d黎啦。
張貼
