犇道 (已搬遷) 新店位置

在網上發現一間專營網購的食材店，有一個套餐，388元可以品嘗到4款牛，以及一包韓國帝王蟹餃子，決定買來試下。送貨十分準時，四款牛分別有牛小排、牛三角、封門柳及牛頸脊，每一款肉都可以欣賞到誘人的石理紋。四款牛，我最喜歡的一定是牛頸脊，肉嫩，油香，牛味重。其次，當然係牛三角，油香乃4款之冠。帝王蟹較子，入口很有韓式風味，很好食。以388元來說，可以品嘗到高質美國牛肉，合理！犇道 (屯門)屯門龍門路43號龍門居商場地下91號舖

秋風起屋企人又唔想出街食，所以網購左個美國牛肉火鍋套餐，四個人慢慢打邊爐慢慢曬。$388 套餐有四款唔同既部位既牛肉（左上：美國Prime頂級牛小排片；左中：美國安格斯牛三角火鍋片；左下：美國Cap 牛頸脊火鍋片；右上：美國安格斯封門柳火鍋片）。另外，送一包韓國餃子。我地四個人，各自都有唔同既口味。最特別既係封門牛柳最左邊的：美國Prime 頂級牛小排片，脂肪比例均稱，味道突出，岩曬我。左2的：美國Cap 牛頸脊火鍋片，大大塊，有牛味。無咁油岩曬老豆食。右2的：美國安格斯牛三角火鍋片，油脂豐富，又有咬口，岩曬食肉獸家姐。最右邊的：美國安格斯封門柳火鍋片，味道好特別，牛味極濃，媽咪都幾鍾意。個韓國餃子有11隻，我地一開就放左兩隻入湯底先記得影相。搵唔到有鮑魚，但都有重香菇味，味道都唔錯既。屋企人網購完我去店度拎，我問完店員都另外有送貨服務既。

最近天氣清涼🌬係呼喚打邊爐嘅天氣🤪上網見到犇道 推出咗火鍋狂熱套餐(2-3 人)$388🍲就喺網上面訂講送貨🖥🛒呢個套餐包美國 CAP PRIME 牛小排 (1 份)🇺🇸美國安格斯封門柳(1 份)🐮美國安格斯牛頸脊(1 份)🐂美國極上牛三角(1 份)🐄再送韓國鮑魚餃子🇰🇷一個套餐可以試晒唔同口感嘅牛肉🤩牛小排嘅大理石紋勁靚😍肉質相對肥美嫩滑，口腔充滿油花嘅脂香🤤封門柳入口已經牛味好重，油花相對少🥩牛頸脊，肉質比較有咬口😆脂肪平均🥓牛三角，呢個部位非常罕有，油脂較多😉肉質鮮嫩 juicy😋韓國鮑魚餃子🥟入面有好多鮑魚粒🥰餃子味道鮮甜👍🏻

因為我叔仔係生酮人士，所以佢每餐唔可以食澱粉質，一般都以肉類蔬菜為主。佢放假前，就係網上買咗d靚牛牛返黎，當然唔好錯過啦，一次過滿足我為食嘅慾望，當然又火鍋，又燒烤啦！套餐包括：牛小排、牛三角、封門柳同牛頸脊。我哋成家人，食到停唔到口，燒烤又香，又嫩，完全保留到牛嘅牛味。火鍋比燒烤冇咁油，就算經過湯嘅洗禮，都可以食到濃郁嘅牛味。四個部位，各有唔同食法，大家又鐘意食邊種呢？可以上佢嘅網站睇下同埋佢有送貨服務嫁。

本身住屯門，呢間野平時都有食開，但係因為疫情嘅關係，而家變買凍肉，佢竟然買火鍋配料，今日懶懶地，一於去買返幾盒牛肉返屋企打邊爐啦。一去到店員就好熱心咁介紹我一啲好抵食嘅套餐，三百零蚊，有四份牛肉，仲有一包餃子，一家四口買多斤菜都已經夠食啦。牛肉新鮮，冇雪味，而且入口好滑，肉質好實淨，而且仲好鮮食，睇得出十分之新鮮，絕對唔會係僵屍肉,呢個價錢食到呢個質素，好低呀。佢包餃子係韓式餃子，都吾錯嫁，但係食唔出入面有鮑魚囉

見天氣涼涼地，就想打邊爐 （香港人都係鐘意打邊爐），見到犇道喺網上有個$388套餐，啱哂一家三口，於是即刻網上訂購，即日就有，打開望到肉質新鮮夾鮮嫩，即刻當晚要開爐食左佢至得套餐有四款口味 ： 牛小排,安格斯封門柳, 安格斯牛頸脊同極上牛三角 ，款款都咁好味，😋 juicy 又滑滑，個人就最鐘意牛頸脊，好嫩滑。但家人就鍾意牛小排多啲，話啖啖肉，又多汁。其實封門柳同牛三角都又滑有牛味。仲有佢嘅蟹肉水餃 🥟 都好好味，蟹肉甜，真係大滿足。唔使出街就食到高質嘅食物，真係可以放心選購。

位於屯門的犇道🔸，是一間主打高質慢煮牛肉的小店。店舖有實體餐廳，同時有提供外送牛肉上門🥰的服務，讓全香港的市民都能品嚐到犇道的美味啦! 適逢十一中秋佳節，點選兩個套餐與家人👩🏻👨🏻👧🏻品嚐!犇道慢煮牛排盛宴套餐 $598+$98/4人(特價) $732(原價)  ◢套餐✨包括:  慢煮美國 PRIME帶骨肉眼🥩 900g-1kg (可以+$98轉巨型斧頭扒)、澳洲M5和牛肉眼200g、蒜香牛油智利藍青口250g 和 犇道法式紅酒燉和牛🍷550g。另外，頭50位訂購或門市自取客人，可免費獲贈 蜜糖芥未博多手撕雞🍗250g。愛吃牛牛的朋友，不能錯過這個慢煮牛肉大餐啦😈! 斧頭扒兩面用高火煎兩次💁🏻‍♀️，每次2至3分鐘即可。青口和燉和牛可加熱即食，而手撕雞則解凍後凍食。只需30分鐘，便可以在家中享受慢煮牛肉盛宴，超適合開派對和慶祝食用呀! 巨型斧頭扒又重又厚🤩，氣派十足，肉質超嫩😍，牛味極濃🥰，醬汁濃香惹味🥳，非常好吃，人人吃得滿足又滿腹，大力推介呀!犇道火鍋狂熱套餐 $388/3人(特價) $468(原價)◢套餐✨包括: 美國CAP PRIME牛小排🥩200g、美國安格斯封門柳200g、美

食過幾次 幾次都執漏野之前就爭甜品，今次就比少可樂！另外叫左兩個220g既牛飯，啲牛勁難咬開，同之前完全唔同，講明左幾點去自取餐，又遲遲未有 ！真係唔會再幫襯！！！

屯門出左間叫牛牛牛嘅小店，好有驚喜，d午餐好抵食又好有質素，又係一間無限encho嘅小店❤️⭐️拉絲芝士金雞丼雞肉燒得好嫩滑好juicy啖啖肉，再配埋邪惡嘅拉絲cheese 好難唔好食！加埋個sauces調得好balance唔會太咸，食落亦唔會好有負擔，係令你想一啖接一啖甘食落去。⭐️火炙叉燒香蔥丼叉燒好夠厚，因為係火炙原故個邊邊燒得脆脆，配埋照燒汁同温泉蛋送白飯一流。⭐️慢煮安格斯牛肉拉麵呢個拉面真係大推，佢個安格斯牛煮得好霖仲要好香牛味，而拉麵湯底好夠濃郁。⭐️鮮檸檬紅茶凍檸茶一杯冇乜特別，不過紅茶都幾香，唔會煲過龍，正正常常啦！

四個人買四份$128慢煮牛，一打開味唔錯，但係一放落口咬，D筋多到咬唔開，起碼咬左10分鐘先食到 ，未食完個飯我地就放棄左，未試過食百幾蚊嘅牛係咁嘅質素，叫多飯都冇多到，以後唔會再食。

火山牛丼（$98）望落係火山🌋爆發樣，一送上枱好震撼，肉都好多塊，長薄片，食落都有燒嘅味，但可能為左整個型一上枱都變左微溫。肉嫩，汁都好食，送飯一流。慢燒極上牛排丼（150g/$98）牛量多，慢煮關係肉質嫩有肉汁係毋庸置疑，送埋流心蛋送飯，係令人食完一啖又一啖嘅。慢煮prime極級嫩肩牛排定食配黑松露菌醬燒（150g/$98)喱個牛同上面果個都係一樣，只係多左黑松露配搭，多個濃味啲嘅昇華。可惜就少左流心蛋。有味噌湯同中華沙律送。

用户户送叫左兩個外賣定食，份量超級少，220g牛肉可能只得100g, 連飯也少過外賣膠盒的一半。用餐體驗非常非常差，不推薦。份量之外，質素也很一般，整餐300蚊可以有更好的選擇。

▷慢煮牛肉拉麵 $65▶拉絲芝士金雞丼 $58▷迷你鰻魚丼 $43屯門牛牛牛應該點讀？個慢煮牛好食，拉麵質感唔錯，唔係勁廢個隻即食麵版拉麵。拉芝雞件影相一流，雞件都大大塊又多汁，不過夾芝士食到一半有少少滯。午市套餐可以用優惠價加配個細鰻魚飯，塊鰻魚都好厚肉！整體性價比好高，而且有做埋外賣app，唔使出街都食到💁🏻‍♀️仲有寄賣～﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣犇道屯門龍門路43號龍門居商場地下91號舖

朋友就住係龍門居，我呢晚特登過尼等佢帶我起食野。佢推薦呢間犇道專食牛既，抵食唔貴。我地叫左個2人餐$268，有一個扒、一口和牛粒丼、沙律和兩杯野飲。先尼沙律既牛係比較爽身既，好fresh，食落味道唔錯。一口和牛粒丼既牛係唔同嘅質感，充滿牛肉味而且咬落唔會好韌、同癡牙，加上個汁同啲蒜食落非常惹味。個慢煮牛扒係最正既，咬落好鮮嫩淋滑，慢煮嘅牛扒功夫係最多，唔同一般煎牛扒，所以食得出相當有質素而且保留牛肉味道！另外配上面頭黑松露菌，成塊牛肉嘅味道有提升多一個層次、味道好夾。出面食一定搵唔到咁平靚正嘅質素！係值得再尼食過！我哋另外加錢要咗個日本千層蛋糕，係日本空運過嚟嘅，跟餐加$22就可以食到，好抵食。

今日，同個朋友一齊去咗呢間犇道食，我哋揀咗自選二人餐。之後，揀咗一個慢煮牛肉沙律，冇諗過咁大份而且牛肉好大塊唔會太鹹味道適中，牛肉嘅味道都比嫩滑啲菜都好新鮮，菜份量都多。之後，我哋又揀咗兩個主菜。 第一個：一口牛肉丼 牛肉唔會太老又香滑而且執有多分量十足出乎意料之外兩人份量竟然有咁多最特別嘅係，一咬落去，你會發現好似食緊現場即整嘅味道，好新鮮。 第二個：火山牛肉丼 賣相已經非常之吸引😊😍好似火山爆發咁🤪由個頂望落，已經見到有一個溫泉蛋。側面就會見到好多蟹子同埋啲醬汁，另外每一塊牛肉緊緊的包着米用匙羹刮落去，會發覺原來入邊仲有芝麻同埋紫菜味道真係一層一層。都有唔同嘅驚喜而且啲汁都比較多。不過味道係回味無窮，最後全部比我地食曬。哈哈😄～