犇道 (已搬遷) 新店位置

同媽咪喺屯門食lunch，近近地就試吓呢間慢煮牛!! 呢間係小店座位唔係太多，lunch menu都多選擇又唔係太貴!! 媽咪叫咗豚肉叉燒拉麵($59)，叉燒半肥瘦燒得好香，如果冇記錯有四至五片，叉燒湯底拉麵糖心蛋全部都做得唔錯，媽咪都覺得幾好食!! 我就叫咗慢煮美國極級嫩肩牛排(220g)($122)，揀咗配溫泉蛋丼飯，亦可加錢配烏冬或沙律菜，牛排分量非常多，我諗有差不多10片，因為慢煮嘅關係，牛排保持到嫩滑嘅肉質，溫泉蛋加埋佢個汁撈飯，食到停唔到口呀!!! 惠顧lunch set叫特飲可以半價，大熱天時飲杯芒果沙冰消下暑，簡直一流!!!

今日去咗樓下食牛，鋪仔細細得幾張枱但係有好多人等位好多人等外賣就知有幾受歡迎啦。店肉都充滿牛嘅特色我叫左火山牛丼($92)，同柚子梳打($32)火山牛丼搭都好高好多圍住啲飯，仲有好多醬撈飯，務求令你每一啖飯都有醬同埋肉，一個人食會好飽，上面啲蛋汁浸落啲飯到好好味，十分推介！仲有好多蟹子，日式蘿蔔同菜伴碟，啲菜有千島醬喺上面對於唔識生菜既我易入口好多～另外柚子梳打好特別入邊有塊檸檬，呢杯嘢飲就不過不失啦純碎解渴，餐廳入面都有水飲你添。

我見之前有媒體報道過這間餐廳，所以來試試。晚上時間，我們等左起碼45分鐘，因為店舖座位少同埋有family一早book左位，搞到等左好耐！其實店舖已經細，仲提供訂座，一行人成7-8個人的family book左，成間店目測應該得12-15個位左右！不過，我們等待的其間服務人員同我們說不好意思有一大班人訂左位，所以要等耐少少，態度不錯，所以我們先繼續等落去。我們食左佢招牌的飯，分黑/白，味道還可以，我個人比較中意白。

最近探親戚黎到屯門碼頭附近，諗起龍門居好多平民餐廳，抵食之餘都好高質，就過咗黎呢邊食野。行過犇道，見啲餐牌入面所有菜式都好鬼吸引 價錢仲好親民添！不過講真店面真係好細，夾埋都唔知有冇5枱，不過平民餐廳都冇得要求咁多啦，至少職員服務搭救返餐牌款式勁多！好多款都想食！何耐得5個胃，最後只嗌咗5個飯類，再加一個沙律，一個小食渣，有機會一定要食埋其他菜式。芝麻醬野菜沙律 $22抵食！啲沙律菜好新鮮！份量都多，唔錯！黃金盛盒 $73必點！推薦菜品！珍寶大蝦炸得好靚，外面層炸粉炸得好完美，而且一啲都唔厚，隻蝦真係有咁大隻㗎仲好鮮甜彈牙！松葉蟹鉗又係勁好味！外層嘅杏仁脆片同蟹肉好夾呀，特別之餘打卡仲一流添！大阪唐陽金雞丼 $58Lunch menu 中最服歡迎嘅就係呢個丼。勁大份，起碼有4-5舊炸雞，竟然仲有溫泉玉子，抵到癲！慢煮安格斯牛肉拉麵 $63想平平地試下呢間鋪頭嘅招牌-慢煮牛肉嘅話，可以叫呢碗拉麵，份量大之餘，配料都非常足，啱哂唔鍾意食飯嘅人食！黃金海陸空盛宴啦丼 $238見到呢個丼又有帶子又有慢煮牛真係忍唔住啦！仲有埋海膽，每一款配菜都係招牌菜！胃口大嘅人可以叫黎獨享一碗，建議兩個人食，

「道」是一種信念與精神，每人心目中都有屬於自己一「道」，而該餐廳之「道」就是以牛肉為主角，並將日本精緻菜色與西式慢煮技術結合，創造出視覺與味覺的享受。犇（音：奔）故名思義犇道就是餐廳會堅持並奔往其信念，一直延續其精神。從牆上掛著的餐廳簡介得知這另人振奮的理念，真令人佩服！更無想到這樣意念創新、堅守信念的餐廳竟在屯門著名龍門居宵夜街旁，感謝朋友的介紹，讓我有機會與餐廳相遇慢煮牛排餐廳原來是茶餐廳的左鄰右里，光亮的門面，令人垂涎三尺的餐牌圖片，確實是街中最奪目的一所餐廳餐廳面積微形，最多大概可容納16人，所以座位與座位之間相對較擠迫，裝潢簡單以啡及黑木為主，感受舒服自在中帶有少許家庭和風感餐牌分2份為主餐牌及期間限定餐牌，小小的餐廳但提供之款式及種類不小，除了有著名的火山牛丼外，還有拉麵、烏冬、日式咖哩系列、丼、沙津及小食等，涵蓋之日式食品範疇頗多內有小小的自助水站，可自行到此取水牛丼以火山鋪滿雪的形式出現，剛呈上時都被那外貌吸引得目不轉睛，大約有10片牛肩胛肉包裹著米飯，火山頂擺放著一顆溫泉蛋，蟹籽更模仿火山爆發一刻，淋上芝士汁仿如在雪山中爆發的火山，是生動的一碟牛丼。每片牛肩胛肉經過4

之前食過一次晚市，質素不錯。今次試下上次食唔到既限量海膽系列。今次揀左: 黃金海陸空盛宴丼 $238一次過滿足5個願望😳(韓國馬糞海膽x慢煮美國極上牛排x唐揚金雞x松露醬燒帶子)十分大碗，海膽足足有半板，塊塊完整鮮甜😋帶子可以見到切開中間仲帶透明，軟屬鮮甜👍🏻牛扒經慢煮後粉嫩分佈平均，表面輕輕火炙，增加層次感。而且分量好多!!!!根本冇空檔食旁邊既沙律菜，不過飯好足夠伴著食。用既係珍珠米，粒粒分明加上適量燒汁，都控制得唔錯。整體好滿足，下次再試其他🙂

叫了個午餐定食。慢煮牛肉烏冬定食，餐飲凍咖啡及再加另外追加了一件明太子手羽。明太子手羽-有少少微辣，口感豐富有很多明太子啖啖肉👍凍咖啡-好香濃咖啡味不會太甜😋估唔到咁好飲🤭慢煮牛肉鳥冬-味增豚骨味好野味，慢煮牛肉質岩岩好不會過熟或過生。加上有一隻水煮蛋流心蛋黃👍👍加了三蚊轉烏冬，出奇的彈牙👍👍極上海膽牛排定食（150g)-韓國馬糞海膽非常新鮮，有鮮甜及海水味道👍加埋慢煮美國牛排一齊食超上😋😋😋👍

難得有間食牛嘅餐廳開係我屋企附近梗係要去食下啦，佢將啲牛疊到成層樓咁高，仲要色香味俱全，好少何我一個女仔可以食晒成碗飯，因為真係好好味呀，啲牛肉汁好濃厚，我覺得都對得住個價錢嘅，不過啲牛肉有少少薄，厚翻啲會更好！始終係小店開喺屯門～要支持一下！

收工約了住在屯門的舊同事聚，餐廳位於龍門居一帶，遠離市中心，感覺較偏遠，附近一帶小店林立，據悉是一間主打牛肉料理的餐廳。我們一行二人到達餐廳之時已經入夜，從外觀察，小店空間不大，坐位也有限，只有餐枱數張，坐下也感覺到頗為狹窄，幸好當時人流未算太多。餐牌的選擇頗多，從拉麵碗飯定食特飲應有盡有。我們點了兩款似乎是餐牌上推薦的菜式：。雪山牛丼 配香濃忌廉芝士汁 ($98, set + $28)餐牌上主打的菜式，跟餐會有前菜和沙律。主菜視覺效果真是十足，感覺就像牛肉山，堆疊得高高的，加上蟹子，就像一座噴發中的牛肉山一樣。牛肉其實只是在外面的一層，中間是白飯；牛肉是安格期牛，厚度適中，夠肉味，不會太肥，煮的時間足剛剛好，唯一值得挑剔就是不夠熱，可能是我們打卡打得太久的緣故吧！松露燒牛扒定食 150g ($98, set + $28)餐廳另一款招牌料理， 朋友叫了150 gram的牛排定食， 我試了幾片，肉質口感依然不俗，牛肉味重； 另外還有一些配菜，醬汁和白飯，整個托盤送上，感覺像日式定食，感覺係乾淨企理，150g已經好足料。套餐 (+ $28)$28套餐有味噌湯，龍蝦沙律，日本甜品，有柚子佈甸

上次第一次食都真係幾失望，不過琴晚搵左幾間都休息，突然醒起尼間，決定比多次機會佢！係門口見到都已經滿座，拎左飛等，門口係佢出風位，真係超熱，企5到定定等，等左5係好耐就有枱，但見到店員5係好忙都5執枱又5叫飛後面廚房入面出現左另一個人見到吉枱即刻執我地先5洗白等係等既時候已經決定食！！！！！！尼個！！！！落完單，前菜尼左個沙律醬撈蟹肉！5錯，幾開胃，但d菜大家都睇到好梅... 應該係洗完放太耐，我一塊都無食跟住上左野飲，叫左忌廉朱古力咖啡冰沙，超好飲另外有杯芒果冰沙無影，不過都good good! 主角到啦！海膽！！！！！超！好！味！！！鮮甜，爽！！！！慢煮牛排今次終於煮出個水準來！！除左咁岩有少少筋，肉汁豐富，肉味夠香！！！即刻覺得值回票價！！！！！都係則邊d菜扣左少少分，黃黃舊舊咁男朋友叫左鰻魚飯，5係專長有比較下就差d, 魚骨太多，汁就5錯，蛋夠滑，黑松露點綴飯係偏冧，但我覺得軟飯好正，但男朋友反而中意硬飯，口感各有不同食飽好滿足！！！！大平反啦！

今次叫左A餐配日式滑蛋豬扒丼沙律：菜新鮮爽口，調味不錯日式滑蛋豬排丼：飯粒分明；夠熱；味道唔會太咸亦有肉味；肉既口感可以再為改善，皮淋身左少少慢煮美國prime級嫩牛扒：份量足；調味重手咗少少，遮咗D肉味；切開係粉至淺啡；肉質唔錯，平衡到有嚼頭但又唔會咬唔爛。總括而言唔錯，幾好食。薯條有薯味，但上嚟既時候係暖，可以更熱；另外可以考慮提供茄汁或鹽檸檬香草法國春雞：翼同脾既肉質唔錯，肉質方面可以再控制得好當啲，味道不過不失。醬汁嚟講：燒春雞既醬汁唔錯，但牛本身係黑椒味，所以可以考慮提供鹽抹茶千層糕：層次分明，唔易散，texture唔錯；唔算太甜，有綠茶味，平衡到苦甜味。芒果沙冰：賣相幾靚，而且杯身有手寫字，心思加分；cream同沙冰比例有少少失衡，cream多咗少少；甜度唔錯，唔會太甜，唔會會影響食肉時既味蕾。

本身想去龍門居食個狗仔粉做晚餐，點知竟然冇開，所以就去咗隔離街食晚飯！見到有間餐廳好多人等位，一於跟風食呢間！本身係想食火山同雪山嗰款，點知我哋太遲已經賣完，所以就揀咗松露燒牛扒定食同埋慢煮牛扒飯紅色嗰個係飯素嚟，另外仲有燒汁同蒜蓉醬撈飯，不過黑松露唔算好多慢煮牛肉好軟身，唔會乾身，仍然有肉汁，點蒜蓉醬好好味牛扒飯$93，牛肉同醬汁都同黑松露果款差唔多，但多咗粟米湯溫泉蛋嚟撈飯，同樣好味！另外我仲叫咗個明太子雞翼$28 ，有兩隻，都幾抵！因為太想食黑松露既關係，忍唔住叫到粒黑松露帶子$42食！呢個嘅黑松露份量真係多得誇張！好正！

成日行過龍門居啲人都話依間＂牛牛牛＂唔錯，今日就決定去試一試佢！入面雖然舖仔細細但估唔到裝修都幾有特色，有啲牛既poster係到之餘仲有啲poster係介紹佢地自己舖頭同埋慢煮牛既，等食既人可以對依樣野有多少少理解MENU頁數唔會話好多，不過都已經包括左好多唔同慢煮牛既食法係網上外賣平台買幾次ORDER仲有DISCOUNT添松露燒牛排定食90g ($98)90g 黎到既時候其實一啲都唔細件，松露味好香同埋唔係淨係得啲醬係到，而真係一片片係到一齊燒，所以個味夠曬出。而且可能係因為慢煮既關係，有種入口即溶既感覺，配埋佢既兩隻汁或者鹽既話個牛味更加出更香飯方面仲要係日本既珍珠米，好正火山牛丼($92)依個我地就加左餐既+28蚊就有沙律麵豉湯同布甸，布甸仲有得簡味咖至於個飯呢非常足料，個蛋係流心蛋黎既，拎黎撈飯一流，加上啲牛脂肪都好平均，所有野加埋真係無得頂之後我再嗌多柚子沙冰(跟餐+$28)估唔到又幾大杯，而且柚子味好重，好清新好甜，加上仲有少少柚子食下，物超所值總括黎講，依間野都真係算非常唔錯，而且係依區黎講都算叫做少數有特色既舖頭，希望依啲小店可以一直做落去啦

這個招牌有夠霸氣！👆店面設計2人餐單參考（飽足程度：★★★★☆）：松露燒牛排定食(150G) x2明太子手羽(2隻) x1極上燒牛肉壽司(3件) x1No Service ChargeTOTAL HK$308👆松露燒牛排定食(150G)  $88+28（推薦指數：★★★★★）很好吃！這可是特選美國頂級嫩肩牛肉🐂👆松露燒牛排定食(150G)  $88+28（推薦指數：★★★★★）👆極上燒牛肉壽司(3件) $48（推薦指數：★★★★☆）將頂級的慢煮安格斯牛肉做成手握壽司，在配上松露魚子，親切價錢，頂級享受。👆極上燒牛肉壽司(3件) $48（推薦指數：★★★★☆）👆明太子手羽(2隻) $28（推薦指數：★★★☆☆）👆餐湯、沙律、甜品 $28（推薦指數：★★★☆☆）

這天餓底來到龍門居附近工作，當然要襯此機會發掘下附近的小店，見這間牛肉專門店的名字是三個牛字咁得意，一於試下。店內只有十多個座位，坐下後不一會就滿座了，似乎頗受歡迎。餓底跟同事都很喜歡吃牛肉，第一次來，我們點了人氣No.1的慢燒極上牛排丼定食及松露燒牛扒定食。等食時周圍望，望到個期間限定的海膽牛排，好特別的組合！要告訴餓底的一個非常愛吃海膽的朋友先得！龍蝦沙律：一球雪糕的大小，出乎意料地好味，蝦味極濃！好想再食多球🤣松露燒牛扒定食：這是220g，好大份呀！吃第一舊牛肉先什麼都不沾，嚐一嚐牛肉本身的味道，想不到牛肉同黑松露醬都幾夾，肉質又剛剛好，不會太腍或太韌，Yummy！😋吃第二舊就沾少少鹽，調了味更好味！另外還有兩款醬汁，分別是：紫蘇汁&牛扒汁，前者酸酸地後者味道豐富，令這個燒牛扒至少有四種味道，正呀！👍🏻慢燒極上牛排丼定食：又是份量超多的220g！這個牛肉淋有有黑椒及甜甜地的醬油，比燒牛扒的味道濃郁些，再加上沙律菜、栗米&溫泉蛋，好送飯呀！柚子布甸：小小一個，味道幾清新，比較creamy的布甸質感，用紙匙羹幾環保！兩款牛肉的肉質及肉味都很不錯，又大大份，如果住附近餓底應該會常來。臨