犇道 (已搬遷) 新店位置

非常時期，又想試新野﹑食好野，近近地去左位於屯門龍門居的日本餐廳，試下慢煮牛。留意左呢間餐廳一段時間，知道餐廳不設預約，只是留給即場來到的客人和外賣，於是我就同朋友黎碰一碰運氣，而又好好彩地，剛到餐廳就有一枱客埋緊單，等左一陣執枱就入到座。一入到舖頭，已經留意到餐廳的裝潢頗特別，由掛畫到裡面的擺設都睇得出老闆落左一番心機布置。店舖裡面可以俾客人坐既地方唔大但食物選擇絕對唔算少，和朋友揀左一輪，最後決定用分散策略，叫多幾款小食黎試下。前菜方面，叫左日本龍蝦沙律，同時再加多幾個小食 包括牛肉薯餅﹑明太子手羽﹑香草炸薯條等等。不得不提佢既香草炸薯條配上黑松露為材料的蘸醬，味道夾得黎唔會太膩，而明太子手羽，將去骨的雞翼包著明太子，味道辣辣地夠哂惹味之餘又啖啖肉容易食。起主菜方面，來到當然不得不試下佢個招牌菜- 雪山牛丼，用慢煮牛肉包著飯，面頭再舖上大堆蟹籽和濃厚的芝士汁，外型就好似雪山一樣，未食淨係睇個賣相已相當吸引，一食落口更是濃濃的滿足感！！！最令我和友人驚喜的是飲料方面，意想不到有不少咖啡提供選擇，而且無論是在造型上和味道上都非常出色，我和友人分別叫了紫薯拿鐵(熱)和抹茶拿鐵(冰)。整體

呢排買唔到米，屋企冇飯開，都都要搵飯食，約左朋友仔開飯，食牛牛牛。好，坐低睇下有咩好食先。二人餐，超抵食，頭盤慢煮牛肉沙律，慢煮安格斯牛肉又嫩滑，好有牛味，沙律菜夠新，正！火山牛丼，見到都唔捨得食，好有心思既火山造型，篤穿隻蛋，蛋漿留落去拌飯，牛肉裡面包住粒粒分明既飯粒，一啖食落有肉質鮮嫩牛肉、蟹籽、蛋漿加米飯，太好食！美式慢煮豬仔骨，豬仔骨烤好香，切落去骨肉分明，醬汁肉汁都充分鎖係裡面。粗薯條炸得外脆內軟，我鍾意粗薯條個口感多過幼薯條。加$12仲有日本直送布甸，飲品叫左熱柚子蜜。

屯門龍門居出曬名食宵夜，但係其實都有好多水準唔錯嘅餐廳，今次就試下呢間牛魔王餐廳！ ..🔸慢煮美國極級嫩肩牛扒 ($98/150g)牛扒數量都幾多，有7-8塊， 雖然唔算好厚但都有一定既口感， 本身份牛唔算太濃， 如果想食濃d可以加岩鹽同埋胡椒粒， 加埋個糖心蛋，更惹味！ ..🔸 黑咖哩牛肉薯餅飯 ($48)咖哩無咩辣味， 但係個牛肉薯餅炸得好脆、炸粉好薄， 外脆內軟，唔會食到成口油或者好膩， 入邊有好多薯蓉，牛肉份量少啲，好飽肚。 ..🔸 日本醬燒年糕 ($32)呢個好抵食，有成四粒，仲要大大粒， 食完好飽肚。 口感煙韌，表面鹹鹹地入面係軟軟地，好夾，如果跟餐仲要平十蚊！ ..🔸前菜 (芥辣八爪魚、龍蝦沙律、黑松露粟米)芥辣八爪魚wasabi味道突出， 八爪魚爽口。 龍蝦沙律入面仲有大大嚿肉，幾好味！ ..🔸 千層蛋糕 - 雲呢拿味 ($28)唔會太甜，不過略嫌cream有啲多，口感有少少實，大致上都可以。 ..🔸 紫薯拿鐵 好濃好香紫薯味，好香甜。

成日去龍門居掃街，都好少坐低慢慢食下野。經過見依間小店平日夜晚都坐滿哂人，食日式野依頭都少，一於試下佢！選擇都幾多有丼飯、蛋包飯、咖哩、慢煮牛扒都有！樣樣都好吸引首先叫左個松露醬燒帶子（$43），好香松露味而且個帶子燒得好滑，雖然少貴但真係好食！每個主食都可以加$28跟埋龍蝦沙律甜品同飲品！個龍蝦沙律好重wasabi味～依度有個自家製嘅黑咖喱，幾特別！所以叫咗個黑咖哩日式漢堡蛋包飯（$83）。個黑咖啡味道係比平時食開嘅日式咖喱辣少少，幾正，仲有個日式漢堡真係好多汁啲肉好鬆軟好好食！另外仲叫咗個雪山牛丼（$98）配忌廉芝士汁，賣相好吸引食落都好正，啲蛋汁加埋塊牛到係好好味，塊牛都好滑而且份量都多，正！最後食埋甜品，是日甜品係柚子味布甸，估唔到係咁好食，有淡淡柚子香一啲都唔假，仲好滑依間小店真係幾驚喜，無諗過係屋邨都有咁高質！值得一試

《貼地．有質素．日式店》.呢間小店真係好有heart💛雖然細細間，但係食物都有番咁上下質素，仲大大份擺盤都幾靚添㗎！.🔻慢燒極上牛扒丼 220g評分：8/10價錢：$128屋企冇慢煮棒，咁出街見到有得食梗梗係要試吓啦！牛味唔算濃，但都幾嫰滑，而且夠晒juicy😋重點係唔貴CP值高.🔻吉列豬扒旋風蛋評分：7.5/10價錢：$68個份量真係勁多！正常女仔好難食得晒🙈味道都唔錯，如果個蛋再滑少少更好。另外除咗黑咖喱汁，仲有蕃茄汁同忌廉芝士汁，都好多選擇.🔻明太子雞翼評分：7.5/10價錢：$32鍾意明太子嘅朋友一定要試吓🤤入面真係好多明太子好正.🔻加配御定食- 焦糖雞蛋布丁- 話梅柑桔柚子蜜- 龍蝦沙律評分：7/10價錢：餐加$28個話梅柚子蜜好好飲！龍蝦沙律都啖啖肉，至於布丁係獨立包裝細細個咁就普通啦.📍犇道 (屯門)屯門龍門路43號龍門居商場地下91號舖

龍門居美食多不容置疑，平時掃街掃得多，今次係龍門居發掘到間平民既日式小店，牛魔王當然要入去試吓見佢個名有咁多隻牛，都知呢間餐廳係以牛為主題，叫咗個慢燒極上牛排丼，牛肉味濃，燒到大約7成熟，脂肪比例平均，咬落質感軟腍唔會韌，配合埋溫泉蛋汁同牛肉汁好夾，個人認為加啲海鹽係啲牛肉味道更突出另一個主菜叫咗滑蛋吉列豬扒丼，份量十足，豬扒同個碗既大小差不多，而且滑蛋同洋蔥鋪滿哂成個飯面，每食一啖都會食到哂幾樣既配料，而且豬扒唔厚粉而厚肉，有賣相有內涵小食試左明太子手羽同極上牛肉壽司三件，明太子手羽非常有驚喜，值得推介，一咬落去好juicy,外皮香脆，內裡佈滿明太子，帶有微微既辣味，而且啖啖肉，下次再黎必定會叫呢個小食極上牛肉壽司既擺盤精緻，壽司大大件，薄切既牛肉食落有另類既滋味，牛味依然突出，配埋wasabi同秘製既牛肉汁好夾今次兩個丼都追加左28蚊轉做套餐，餐前有個龍蝦沙律，誠意十足，細細球既沙律好足料，食到啖啖龍蝦肉，鮮甜又彈牙仲送埋飲品同日本既焦糖布甸🍮做甜品，好滿足既一餐呢間小店雖然麻雀雖小，但都令人有唔少驚喜，擺盤精緻有誠意，而且食物有質素，價錢合理，去開掃街既朋友仔記得入去支持下啦！

見咁高評分，特登黎試下。犇道，睇個名都強烈推介你食牛。叫左兩個 Lunch set - 吉列豬扒 黑松露炒蛋 配蕃茄湯烏冬- 牛肩肉丼吉列豬扒冇豬味，茄膏湯烏冬都係意料中事最期待嘅牛肩肉竟然係梳打牛除左梳打粉味，完全冇牛味食一舊，有一刻懷疑自己嘅味覺，再食一舊，好肯定舊牛一定係用左大量鬆肉粉醃只有梳打粉味嘅牛，咬唔爛，仲可以有渣，夠竟係用d咩質素嘅牛🤷🏻‍♀️唯一一樣可以讚嘅 係炒蛋上有一大篤松露$225 兩個人嘅 Lunch 🤷🏻‍♀️

150g慢煮牛排塊牛排好香牛肉味，牛排嘅口感係軟淋感，唔會好乾硬，牛排丼上面仲有温泉蛋、粟米同菜，牛肉上面啲汁好香，而飯嘅份量唔係話好多，但係都好夠飽慢煮安格斯牛肉拉麵個拉麵嘅口感適中，唔會太淋又唔會太硬，個湯底好香濃，唔會好淡，啲安格斯牛肉好大塊，而且好香，亦唔會有好多肥膏，脂肪比例適中，口感係好軟淋淋，整個拉麵份量都好多迷你鰻魚丼個鰻魚好厚，而且燒得好香，啲鰻魚汁都好香，而且個鰻魚仲要係冇乜骨，鰻魚嘅口感唔會燒到好乾硬，啲飯吸左啲鰻魚汁好正🤤醬油唐揚炸雞炸雞嘅口感唔係話特別脆，不過外皮嘅邊邊位都仲有啲脆，入面啲雞肉好軟熟明太子手羽燒個明太子手羽燒燒得好香，入面有啲明太子，啲明太子好香，個口感都一樣好鬆軟吉列珍寶大蝦個外皮好香脆，而且入面個蝦好爽口日本燒年糕個年糕好煙銀，好似食緊麻糬感🤤英式奶茶個奶茶味道唔會好甜，亦唔會好苦，味道適中，奶茶味好香濃，不過就有話特別好味有機玄米綠茶玄米茶嘅味好香，佢係用茶包沖的，所以好香，而且係有機，好健康🥰

呢間餐廳其實都食過幾次所以好值得為佢打一篇食評環境唔算大 但食物嘅質素會令你再一次嚟今次就唔食牛先啦 試吓佢其他嘅食物日本漢堡蛋包飯一嚟到就讚嘆個蛋包得勁靚好似個富士山咁樣有層次啲蛋好似麥當勞滑蛋咁滑加咗牛油落去更加之香塊漢堡扒好厚 非常之濃味香草汁帶出飯香及蛋香所以好抵食一份就已經食滯咗平時嚟呢度食得多牛今次都想試吓佢嘅鰻魚係咪都咁值得欣賞同樣地都係厚切嘅鰻魚燒得好靚啱啱好鰻魚嘅肉質唔會話諗都散晒有啲咬口 一啖飯一啖鰻魚一啖滑蛋十分享受 高質！今次款小食叫咗唐揚雞炸到唔乾 保留到雞油嗰種香味外脆內軟 雞肉嘅肉質好滑而雞翼雞皮亦都唔太肥膩所以可以一次過食埋唐揚雞配上沙律醬 好滋味咁多舊都清得晒 證明正！每叫一個餐都其實包左碗麵豉湯同埋沙律 麵豉湯熱辣辣在配搭埋清新嘅沙律 令到餐飯有一個美好嘅開始好飽啦！下次再嚟啦

住龍門居的老友大力推薦，龍門路43號龍門居商場地下91號舖，犇（音）奔道，見餐廳門外有數人買外賣回家，我們點左慢煮美國極嫩肩牛排🥩烏冬有(220g$128)(150g$98)，慢煮牛肉非常嫩滑，肉質香濃，超級好吃😋超美味烏冬煙煙韌韌，蕃茄湯底湯味濃，超正餐飲熱可可朱古力和柚子蜜， 真不錯👍👍日本醬燒年糕$26，質感煙韌有口感， 沾甜醬油，味道很配合。珍寶吉烈大蝦🍤$48，炸得鬆脆可口，大大隻，真是滿口滿足感。明太子手羽$28，明太子塞滿滿入雞翼內，脹脹卜卜香脆，無得輸。吃完這餐我謝老友推介，店鋪雖細細，人情味濃，老板娘友善親切，有很多街坊食客都回頭再吃。

慢燒極上牛排丼$93 150g/$123 200g我就揀左$93 150g 佢個牛排好香牛肉味，佢啲牛肉汁好香，牛排嘅口感好軟熟，唔會好乾好硬，個牛排丼有温泉蛋、牛排、飯、粟米同菜，佢飯嘅份量唔係話好多，但係都好夠飽，整個牛排丼都好好味個牛排丼餐只要加$28就可以有龍蝦沙律、味噌湯、日本甜品個味噌湯好濃味噌味，好香，而個龍蝦沙律，佢入面有龍蝦肉的，今次我食嘅日本甜品佢布甸🍮黑咖哩唐揚炸雞飯$56個黑咖哩汁如果多啲就好了，個黑咖哩汁味道有微微嘅辣味，而且都好香咖哩味，啲炸雞就比較淋，唔係太脆，但係都好香雞味滑蛋豬排丼$58佢嘅滑蛋分量唔算多，但蛋香味好香，而且個蛋仲有洋蔥，令到個滑蛋香左好多個豬排唔係話好脆，不過邊邊位都仲有小小脆，個豬排好大塊，而且佢好香，飯嘅份量都係夠飽抹茶蛋糕$28個抹茶蛋糕中間個層係有紅豆，而且仲加左啲士多啤梨醬，令到個口感同味道都更有層次同更加好味，個蛋糕唔會好淋好多cream感，抹茶味都好香濃，個抹茶蛋糕真係好出色👍🏻

主打慢煮牛排o既屋邨小店，成間店舖只有十零個位。一面牆貼o左好多相，雖然都有個別明星，但更加多o既卻係員工同埋親朋o既合照，相中每個人都充滿歡笑，俾人感覺好親切貼地。開心，是可以感染的。餐廳無加一，menu 都係日式o既熱食為主。一個主食加$28 可以升做一人set，會有埋湯、沙律同甜品。湯係味噌湯，沙律係龍蝦沙律，其中呢個沙律唔好睇佢只係side dish，真係激好食！又多蟹肉又鮮甜，已經混入適量o既wasabi。我見其他食評中有人提到佢係翻頭幫襯，覺得上次跟餐太少特登叫o左全個大沙律($32)！我地試o左餐廳o既招牌料理之一，松露燒牛扒定食。有兩個價錢，叫o左個細的($98/150g)。用上美國prime 認證o既牛肩肉，用料上盛，加上黑松露慢煮，香氣四溢；菇菌o既氣息之間，又帶點煙燻肉o既味覺。日本漢堡蛋包飯($82) 係menu 上o既人氣之選！可以配選三款醬汁，o係店員姐姐推介之下，試o左自家黑咖哩汁；我見佢黑咖哩飯本身自己都獨自有另外一個系列，應該會幾唔錯！實物賣相好靚好吸睛，漢堡扒厚身鬆化，雞蛋用上日本蛋，蛋味濃郁。咖哩o既黑色原來源自黑朱古力同咖啡，味道獨特，辣度大約輕

-#小肥屯門遊小肥真係都唔知幾耐無入屯門搵食😂(要多得遠自屯門的朋友急Call入去交收🙉😂)交收完餓餓地就重回舊地食碗牛丼翻尋味啦😋🍚🐮一年前食過既份量足料牛排丼🥩😆將極級嫩肩牛煎香至大約五成熟剛剛好🐮🔥雖然唔係入口即溶既口感🐮🙈但肉質依然夠滑嫩Juicy食落一啲都唔韌呢😆🥩加配既炸雞沾上份量剛好既炸粉食落唔會太厚粉之餘😋食落肉質都算滑嫩Juicy的😋🐔配合Creamy醬汁更係Perfect Match😆🤤龍門居民鬧市內既犇丼食堂🍱絕對係區內居民以及學生哥上班一族既恩物呢🐮🤤

今日同事心血來潮話想食好西，於是就提議食牛牛牛道（佢話唔識讀嘅字有邊讀邊）。其實龍門一帶都唔少嘢食，而犇道主打日本雞蛋同食材，仲貼埋係門口當眼位，店內裝修都好Grand，符合到食好西嘅條件。可能太多人唔識讀餐牌名稱，所以餐牌有教你中文正確讀音（即奔道）餐牌選擇多到要諗好耐張枱亦有教學說明慢煮熟度，對於唔常食嘅人有好大幫助！先黎前菜+飲品，栗米係冷盤個種，咬住黎等嘢食上，過下口癮柚子沙冰 (原價$38, 跟餐半價$19) & 鮮檸檬紅茶 (午市跟餐免費)檸檬紅茶個茶底好純，只有個茶膽唔重覆使用太多次先做到呢個效果，檸檬片亦切得好工整，加上用不鏽鋼杯盛載令我覺得細節位有花心思。細節決定成敗，我有預感今餐唔會差。慢煮美國極級嫩肩牛排(150g) $92同示意圖一樣條理分明，嫩肩牛排已切好一片片，而每件牛排都沾有燒汁，入口即溶，仲要無渣，極度推薦溫泉蛋白裡透紅，將蛋汁撈飯食真係正。配菜用沙律菜、栗米，唔會喧賓奪主，食落幾Fresh。小食：明太子手羽$12、珍寶吉列大蝦$18蝦嘅size比我兩隻手指仲要大，難怪叫珍寶吉列大蝦。炸粉感覺唔明顯，反而感受到啖啖蝦肉，炸得脆又唔油膩，配合千島醬食真係一

近排想食下小店，又掛住佢既慢煮牛肉，所以今次都係揀返犇道🙂lunch set每款都好富貴，今次食返慢煮美國極級嫩肩牛扒set。一個set有飲品，前菜同主食。慢煮牛肉顏色好粉嫩🥰望落都胃口大開。食落有肉味，有口感之餘，每口都有肉汁😋連埋溫泉蛋同飯一啖放入口，好滿足🥰跟餐加左個小食，明太子手羽😋次次都會追加。鍾意佢冇骨，啖啖肉😋雞皮炸得好香脆，又唔會好油，仲有肉汁😋整體食物唔錯，店員亦有禮。整體都唔錯👍🏻