犇殿台灣火鍋 (東港城)

營業中

休息中

早幾日天氣咁凍，就好想打邊爐😋😋見屋企附近新開左間犇殿台灣火鍋，於是黎左試佢地既午市90分鐘吃到飽任食套餐🍲🍲-🐮澳洲M7和牛 $255/位✨呢款套餐可以任點澳洲M7和牛、手切琵琶牛肉、美國黑毛和牛腰脊肉、美國牛板腱、美國極黑牛三叉、安格斯牛小排等～～每位仲會贈送一客海鮮盤，有海蝦、海蜆、台灣透抽、半殼青口、手打魚滑等，十分豐富🤩🤩湯底我地揀左滋補養生人蔘鍋，人蔘份量好多！！仲有紅棗、豆腐一齊熬煮，味道濃郁！淥牛肉🍖、蔬菜🥬食都好夾～～牛肉都好高質！每款叫左試試😋😋澳洲M7和牛重油香！肉質嫩滑，仲入口即溶添～～手切琵琶牛肉切到好厚，非常有咬口！而且重牛味🤤🤤安格斯牛小排都好juicy，口感軟綿！整體回本指數好高👍🏻👍🏻自助配料選擇好多，款款都好新鮮！！出面比較少見既羽衣甘藍都有！推薦用蓮藕、南瓜一齊熬湯❤️❤️墨汁花枝丸、台灣貢丸都唔錯～～仲有自家製滷肉飯、杞子芋圓糖水供應，咩都可以試下😍😍除左任食放題，佢地都有提供60分鐘午市定量套餐～～價錢只係$68起，已經可以享用自助區，感覺好抵🤩🤩下次同屋企人再黎試下先🥰🥰

成個月無出街食飯啦，屈到個人好悶，淨係在家煮飯，煮來煮去都係嗰幾味。老公話要出去食餐飯，鬆一鬆。我哋來這新開的火鍋店試一試。環境唔錯，燈光足夠，座位闊落，但通道較窄，未知與收銀柜不是近門口有冇關係，要職員很繁忙的行來行去，顧客想去攞自助食物時會容易碰撞。職員有禮貌哋介紹食物，QR code落單方便，但仍有少少甩單，自取食物種類多，蔬菜新鮮，但飲品及甜品種類就少。食物有水準，份量足夠，食後沒有口渴感，收碟快，值得一試👍🏽

叫左二十次頂多來左8次，從來冇試過去一間漏單咁勁，下次都係建議返大家去牛大人和一鍋堂食，就算日牛唰唰鍋都好過佢，最少唔會漏單，叫M7和牛嘅套餐係，叫其他我或者食物呢就9秒九嚟到，大叫M7最少15分鐘先來一次，特登咁樣拖慢個時間，時間又唔係無限得90分鐘根本食唔到幾多野，食完仲要係肚餓嘅，價錢唔係收得特別平但係任何配料都要另外加錢，例如鴨血之類嘅，性價比非常低，慣性刻意漏單呢個行為係最惡劣

今日情人節帶另一半去「犇殿」將軍澳東港城新店，食呢個買一送一嘅鹿兒島黑和牛餐，除咗每人有2碟定量指定鹿兒島和牛，配料丸類、蔬菜、菇類可以出自助吧枱任取任食，另外都有啲熟食， 滷肉飯， 雞腳， 芋圓....供應講番個鹿兒島和牛，肉質分量完全符合廣告相嘅推介， 油花分佈好豐富， 脂肪之細膩入口啖啖肉，口感嫩滑，真係好食好食👍😋另外想提吓服務方面，全店服務真的不錯，每個員工幾忙碌，見對客都有笑容有要求即去處理，其中想點名讚吓一名員工 Candice ，佢嘅服務態度我真的好欣賞👍

wow~晚市停堂食，中午食得開心啲！60分鐘嘅午市定量套餐，已經可以自選湯底＋任食自助配料吧！豐富開心齊齊碌🥳$108起90分鐘午市吃到飽$68起60分鐘午市定量套餐冬天一定要開心邊爐啦！蔬菜吧配料多過20款，我試過無限添嘅台南肉燥飯、藥膳雞腳、台式芋圓都好唔錯😍而吃到飽套餐，更加可以無限量任食空運高質肉類，飲品及甜品，確保你可以飽住走🤪60分鐘定量火鍋套餐，最啱我哋分秒必爭上班族，定價親⺠，有不同價錢的套餐隨心選擇~ $68-$155已包湯底、指定肉類、自助配料吧＋一款甜品飲品🤩定量套餐都可以任食超過25種配料，🥢台式貢丸、包心丸、王子麵、新鮮蔬菜、豆卜等等都是任選噢🤓單是醬料已有超過十款選擇，每天不同的台灣美食，都可以試勻啦~$68-$78：阿嬤燒酒雞/美國豬梅花，升級$115-$155套餐：更有美國極黑牛三叉、澳洲M7和牛等高質肉類❤一個價錢食出多重滋味，台式美食迷，係午後可以超抵價錢品嚐古早風味！