牧羊少年咖啡館 (Fashion Walk)

營業中

休息中

牧羊少年位於香港島嘅第一間分店終於喺銅鑼灣開幕，所以今日專登嚟到位於Fashion Walk既牧羊少年食好西🤪。。牛油果香芒烤雞沙律 $108沙律菜非常新鮮，雞肉嫩滑，着加上甜甜嘅芒果同牛油果，食落好開胃😝。。灸燒荷蘭汁豬肉排 $78豬扒燒得啱啱好，食落一啲都唔柴，咬落好Juice👍🏻。略嫌荷蘭汁有少少吾夠味，而且醬汁太多。不過整體而言，無論口感定係味道都不錯🙈。。風沙蒜香雞肉排 $78雞肉同樣都係冇得頂，口感非常鮮嫩，外皮煎得乾身脆口，炸蒜風味十足😋。。日式大阪燒風味煙三文魚薄餅 $128我薄餅嘅餅底非常之薄脆，除咗有三文魚之外，仲有好多柴魚片同海苔絲，份量好足😍。。

與好耐無見嘅朋友飯聚，揀咗呢間想試好耐嘅牧羊少年咖啡館係銅鑼灣嘅分店。17:30到已經差唔多滿座，好彩朋友預先訂咗位 我地叫咗:1) 雙重囗味蜜糖芥末黑松露薯角 - 正常薯角，無乜特別嘅評語。2) 燒汁焗八爪魚丸 - 我以為食緊炸魚蛋，失望囉……亦有嚴重嘅"伏"味，絕對無下次! 3) 三文魚籽車打芝士汁鳳尾蝦長通粉 - 蝦的確新鮮兼大隻，不過份量偏細，本來味道不錯，可惜兩款小食未食完就上菜，碟長通粉放到有啲涷咗至食，令味道扣哂分，你地可以上菜慢啲啲嗎???4) 生薑檸檬茶 - 又一"伏"味之作，$38一杯你居然係俾個茶包我??? 玩我咩?? 點解唔係menu中注明，最大問題係浸咗10-15分鐘至飲到啲薑味，檸檬去咗邊??? 早知叫杯檸檬水好過啦，結論係絕對無下次!5) 日落巴黎 - signature 甜品，的確無令人失望 又熱又碎嘅窩夫配朱古力雪糕，加上朱古力醬，無得輸!總結: 有提供紙袋俾每位客人收藏口罩，細心!甚至送每人一個新口罩，多謝晒! 食物有進步空間，並不是每一款食物都值得推薦，希望餐廳睇到後可以改善做得愈來愈好。

相信大家對牧羊少年cafe一點都不陌生, 而佢終於開到黎港島區銅鑼灣啦.點了甜品<日落巴黎>($108)🤤~ 超大份的窩夫, 朱古力雪糕, 香蕉, 配上cream & 朱古力醬, 好味.<小食拼盤>($138)🤤~ 份量又係超大份, 有雞翼, 八爪魚丸, 春卷, 仲有腸仔等... 熱辣辣又好味.<三文魚籽車打芝士汁鳳尾蝦長通粉>($108)🤤~ 好creamy又香既芝士味, 蝦大隻爽口, 味道很夾.一間值得回頭再試的文青cafe💕🫕餐廳: 牧羊少年咖啡館🍡地址: 銅鑼灣Fashion Walk地下17號舖

朋友仔傾下計，去Cafe氣氛就最好🥰，朋友仔今次帶咗我去名店坊嘅牧羊少年咖啡館，次次晚飯時間經過都見到呢度排晒長龍，難得今日早出嚟，啱啱六點鐘，唔使排隊實在太好了😋Yeah✌🏻✨香草蒜蓉牛油焗春雞配燒汁一上枱勁香😍， 令人食指大動，香草蒜蓉牛油係絕配嘅配搭，配焗雞非常香噴噴。本身呢間咖啡館主打精緻嘅主食，但呢款就出奇地大碟，配菜有黃瓜蘆筍豆角，仲有大大碟薯蓉，薯蓉有奶香，少少洋蔥碎，同埋有啲薯仔粒😋好特別✨千島海鮮pizza呢度嘅pizza非常薄，有少少似印度薄餅嗰種批底，而且綜合左兩款芝士，有雙重芝士 攞起仲有啲拉絲添，如果啲材料多啲就好啦，食完都覺得唔係好夠喉😄回頭率99.9999999%

今日帶兩個寶寶去銅鑼灣同爺爺嫲嫲食晚飯，未會合之前，見有啲空檔，佢哋又肚餓，就帶佢哋去牧羊少年食啲小食燒汁焗八爪魚丸～呢度嘅八爪魚丸係鐵板上，上枱嘅時候出晒煙，夠晒熱度，有七粒，焗嘅都有炸嘅質感，香口彈牙👍👍牛油果香芒烤雞沙律～靚媽嘅膳食梗係離唔開健康嘅沙律，呢度嘅牛油果切得好靚，好似花嘅形狀咁，妹妹一見到就話好似玫瑰花啊🌹😄烤嘅雞扒無咩油👍，好健康。底下嘅沙律菜夠Flash，配料仲有車厘茄同埋芒果，配上日式胡麻醬，食落凍冰冰，好舒服！京都春日草莓窩夫配雲呢拿雪糕～帶得寶寶出街，點少得甜品，窩夫好厚身，側邊配上軟潤嘅cream，同酸酸甜甜嘅士多啤梨好夾👍食完呢個我有少少飽飽地添，好在今晚比較夜先至食晚飯😆呢度卡位係梳化位，帶小朋友嚟，都好好坐，用嚟攝個Tea time不失為一間好選擇🥰

今日路經銅鑼灣，見到牧羊少年喺度開咗，當然要入去試一試啦。先嚟一個小食，照燒汁煎乾蒜牛柳粒。牛柳肉好淋，燒汁惹味，乾蒜脆卜卜，好味呀！而且雖然話係小食，份量都唔算細呀。再叫兩款主食香炒泰國香椒膏鳳尾蝦意大利粉侍應一放低，已經聞到陣陣冬陰功香味，鳳尾蝦夠爽口，意粉極具泰風味，酸酸甜甜帶丁點微辣，值得一試。法式芥末雞肉薄餅法式芥末醬配以少少蜜糖，好夾雞肉及蘑菇；薄餅餅底鬆脆，唔錯。餐後當然要試埋甜品啦。是日蛋糕：藍莓紅絲絨蛋糕超級好食！蛋糕層層分明口感極佳，甜度亦恰到好處，真係冇得彈。法式黑糖薑汁疏乎厘配雲呢拿雪糕如果你係薑粉，呢個甜品絕對不能錯過，因為真係好夠薑！加埋黑糖，簡直係絕配，食到停唔到。最後我叫咗杯凍水果茶，望落雖然冇乜特別，但又幾好飲喎，個茶味好香。今晚呢餐實在非常滿足，下次會再返嚟幫襯。

今晚黎到銅鑼灣Fashion Walk的「牧羊少年咖啡館」吃晚餐，店內裝修幽暗有情調且具特色，適合同朋友暢敘用餐餐牌上提供各式各樣的意粉、主菜、甜品等等西式食品，也有多款咖啡飲品香煎紅𩶘魚柳配荷蘭汁紅𩶘魚柳有兩大塊，份量十足，魚皮煎到微微香脆，魚肉保留咗鮮嫩滑溜嘅感覺，有魚鮮味，配荷蘭汁更添滋味。旁邊伴以香草煙肉薯蓉，入口有粒粒薯蓉的口感京都春日草莓窩夫配雲呢拿雪糕🍦窩夫有四件，口感鬆軟，充滿蛋香。配以草莓果醬、草莓粒、鮮忌廉及雲呢拿雪糕，甜美可口鮮奶咖啡拉花精緻有心思，入口順滑，咖啡味濃厚醇香，高質素

銅鑼灣嘅牧羊少年裝修得好靚，佈置好有品味，配上店裏放的音樂，整體感覺休閒舒服。照燒汁煎乾蒜牛柳粒，睇菜單以為份量好細，上枱都幾多。牛肉口感鬆軟，燒汁甜甜地幾好食。法式芥末雞肉薄餅，上枱時熱辣辣，批底是薄批，批邊香脆，配上淡淡的芥末香味，唔油膩又可口。香炒泰國香椒糕鳳尾蝦意大利粉，呢個有驚喜，非常香泰國香料味，同時竟然唔辣，鍾意食泰國菜又怕辣嘅係必點之選。玫瑰可可朱古力有淡淡的玫瑰香味，而且唔只頭一啖有，感覺好優雅，朱古力味亦算香濃，唯一係cream多左少少，飲落去有d似奶昔，但都仍然幾好飲。甜品叫咗法式黑糖薑汁疏乎厘配雲尼拿雪糕，味道非常薑，鍾意食薑嘅人會愛死呢個甜品。疏乎厘幾鬆軟，上枱時熱到會燙嘴，要俾啲耐性食。是日蛋糕有三款，揀咗藍莓紅絲絨蛋糕，非常有驚喜。莓味香甜，蛋糕口感濕潤，甜得來清新唔死甜，呢個可以瘋狂encore。整體來講，呢餐非常滿意，全部菜式都冇伏，特別係銅鑼灣來講算抵食，下次會再嚟。

又約咗一班姊妹食好西兼吹水啦 今日去咗銅鑼灣嘅呢間牧羊少年咖啡店 係黃色小店嚟㗎 入面坐得舒服之餘 嘢食仲好好食添 可惜有限時啦小食叫咗個是拉差醬法國雞翼 外皮炸得超香脆好似食緊薯片咁 入面仲係嫩滑多汁嘅雞肉 再 點埋酸酸辣辣嘅是拉差醬非常開胃 又唔會太膩千島海鮮pizza pizza係薄底非常香脆 上面加上海量嘅千島醬非常邪惡 上面嘅海鮮亦唔惹少 成個餡料夠曬豐富法式蘋果撻配雲呢拿雪糕 超期待食甜品 上面係一層層酸酸甜甜嘅蘋果加上輕微嘅肉桂味 下面係酥皮非常脆卜卜 再加上一球甜而不膩嘅雲呢拿雪糕 簡直係絕配

今日尊登出銅鑼灣，去牧羊少年咖啡館潮聖新開幕無耐，裝修型格，坐位又好舒適，氣氛一流，啱晒坐低慢慢傾下計泰國香椒膏蝦意粉：意粉彈牙有咬口，每條都被醬汁包裹，香濃椰汁，香茅味，非常美味香煎保濕豬鞍：肉色粉嫩，用叉一拮，真係充滿肉汁，食落一d都唔乾，配上蘋果蓉，可以解除油膩感，薯蓉亦做得出色，有牛油香，而且好細滑金沙蛋黃鳳尾蝦：有8隻，而且好大隻，外層由蛋黃包住爽脆嘅蝦肉，真係食唔停口牛油果香芒烤雞沙律：夏日必叫之選，夠曬清涼，蔬菜爽口，芒果略帶酸味，牛油果新鮮軟滑，配上芝麻醬，輕食人士必點！Tiramisu : 香濃咖啡味，芝士中間有餅屑同朱古力粒，層次分明，有一種木糠蛋糕嘅感覺，不會過甜，食多一杯都無負擔！

呢間我諗大家都食過啦 😆宜家終於開到去港島區啦！好中意佢地用書同旅遊為主題📚 好似去左台灣既ᴄᴀꜰᴇ咁！▫️千島海鮮薄餅（$138）▫️比起厚批我更愛薄批呢！佢個邊仲好脆口，個千島醬唔算好濃味我覺得岩岩好 👍🏻▫️香炒泰國鳳尾蝦意粉（$108）▫️呢款意粉超好食！🥰 有少少辣同甜，有d 似冬陰公，同埋個鳳尾蝦好彈牙！▫️ ꜰʟᴀᴛ ᴡʜɪᴛᴇ & ᴄᴏᴄᴏ ᴄʜᴏᴄᴏʟᴀᴛᴇ▫️飲品有驚喜！咖啡奶泡比例剛好，入口香滑，不過相比咖啡我更愛呢杯真· ᴄᴏᴄᴏ🤤 佢係用左意大利可可朱古力加牛奶同忌廉加熱煮成，所以佢比較杰身同濃郁！好好飲

牧羊少年一開始開喺新界嘅時候已經好想去，但係由於一直抽唔到時間去，最近得知道佢竟然開咗嚟銅鑼灣緊係要去試試同男朋友因為唔係好肚餓所以我哋叫咗一份主食share，另外再叫多兩個嘢飲香煎鯛魚配薯蓉，份量一啲都唔細，有兩大塊鯛魚扒，肉質非常嫩滑，而且充滿魚油香味，配埋佢哋嘅秘製醬汁更加帶出豐富味道。另外旁邊配搭嘅薯蓉亦都相當出色飲品方面一般選擇藍莓乳酪，相當足料係好濃郁嘅乳酪而且用新鮮藍莓炮製，感覺非常健康令一杯係新鮮果汁，配一件手工製作嘅伯爵茶鳳梨酥。整體環境好而且食物質素都優質，CP值相當高

This is Hong Kong’s first travel-themed cafe ☕️ and they also organize activities related to art, culture and tourism including travel sharing and photography 📷exhibitions etc... This is my first time visit to their newest branch in Fashion Walk, it is cozy in stylish design. 香港第一間以✈️ 旅遊為主題嘅咖啡店，除咗餐飲服務外，估唔到嘅係佢地仲會定期舉辦同藝術、文化、旅遊有關嘅活動，包括旅遊分享會，攝影展等等！ 深受客人，文青嘅支持🤩今次第一次去佢哋最新開喺銅鑼灣Fashion Walk分店，設計簡約型格，以灰色為主調，非常舒服！

今日約咗朋友去銅鑼灣行街和吃晚飯，地點揀選了一間好有文青feel 的牧羊少年咖啡館。由於兩個人都係「細胃」的朋友，所以叫了一個主食和兩款小食，之後再揀多個甜品滿足二人對甜食的渴求。🤣燒汁焗八爪魚丸八爪魚丸爽口彈牙，數量都挺多的，沾染了甜甜的燒汁的八爪魚丸也特別好吃，性價比很高。香煎黑椒蒜蓉日本帆立貝帆立貝好鮮甜，屬中size，食落有淡淡的蒜蓉香，而其黑椒味則令人更加開胃。日式大阪燒風味煙三文魚薄餅當Pizza送上的時候，其薄薄的木魚碎在熱騰騰的薄餅上舞動，非常吸睛。更沒想過的是，原來大阪燒風味都可以和煙三文魚如此配搭，實在值得一試。日落巴黎（香蕉朱古力窩夫配朱古力雪糕）相信大部份人對窩夫都難以抗拒，窩夫有蛋香，伴隨的Cream 非常幼滑、美味，大家仲可以自己加幾多朱古力醬，夠哂貼心！整體而言，這間餐廳無論食物同環境非常高質，絕對可以再encore!

牧羊少終於黎到香港島喇由多年前既將軍澳單車公園既分店食開牧羊少羊，今日唔駛過海終於係銅鑼灣都食到喇。以旅遊為主題既咖啡店，黎到銅鑼灣都會變得cyber左，好時尚好乾淨既感覺。而座位十分寛闊舒適，店務員數量多亦很主動幫手。今日最好食既係意粉，咸蛋味超鮮，鮮蝦好爽新鮮既，食完仲想n call, 但都係留肚試其他喇。個窩夫真係十分大份，講明兩人份量，兩個多女仔下午茶share食加飲品差不多。然後十分期待既小食拼盤，呢個差不多每枱必點。有雞翼，冬卷，兩款彩，薯角，墨魚丸，亦係適合多人分享，3-4以上就差唔多喇。最後以pizza和朱古力作終結