牧羊少年咖啡館 (香港文化博物館)

營業中

休息中

呢日同屋企人去咗文化博物館行下，行到攰攰地決定坐底食個下午茶～就入咗博物館入面既餐廳食等咗大概廿分鍾到入到去好多人呢～啲位有少少迫同大機會要搭枱睇到menu 原來係牧羊少年黎😂 同呢度係self serve 要自己去買飛落order。要咗兩杯latte，黎到個樣都幾靚仔喎，不過好可惜個溫度唔夠熱有啲失望。呢個clam 意粉，雖然食落唔錯份量都正常，不過隻碟有崩位感覺唔係幾好。👌🏼日落巴黎呢個甜品值得一讚，個雪糕質素好好好濃唔易溶，而個窩夫就夠厚身，外脆內軟，不過好可惜既係，佢隻碟又係多處崩咗，真係大殺風景！呢個軟包有跟薯條同少少沙律個包啲料呀味道都係中規中距啦，如果熱返少少會好啲。薯條睇個色水都知又係差少少～呢個下午茶每人百幾蚊左右，對比咁既質素真係差少少

之前都有食過牧羊少年，不過文化博物館呢一間就係第一次食。星期六既下午時段，都幾多人食，要在外等位，之後安排坐係信箱隔離既矮枱。水牛城雞翼配藍芝士醬 $68雞翼比期望中差一點，因為個皮太厚同太硬，入面亦都有D生，好大雪味。芝士肉醬薯條(牛肉) $62薯條不錯，芝士既味真係好勁，非常膩，反而點雞翼個藍芝士醬就幾夾幾好味。拿破崙煙豬腿意大利粉 $68煙豬腿意大利粉，其實即係類似火腿扒意大利粉，唔錯，有D菇，意粉D汁幾濃味，豬腿亦不錯。食物味道不錯，亦唔算好細碟，價錢中等吧，原本看來以為是又貴又細碟的cafe類型，最後都很飽的，可能因為芝士真的很飽。坐在信箱旁邊，看著貼著每一日的日期的抽屜，入面真的裝著了客人寫的信呢，感覺不錯，挺有風格，有機會會試一下慢遞。現場有賣名信片，亦有印仔可以吸在名信片上。PS 不過有幾位侍應常常係收銀處旁大聲傾計，說話又比較粗俗。

朋友生日食晚飯，餐廳係博物館旁邊，地點偏僻，要走路，但不算遠，很好找。可惜set餐冇折，難得有折扣卡。食物中上，抵食，環境有情調，餐廳係先選食物，俾錢，拿牌，等食物慢慢送出，其間侍應收拾勤快，潔淨，值得再黎！大食四方套餐（$598）八爪魚好多，菜新鮮，醬汁係醋，配牛油果好味味道濃郁，但略厭份量不夠食物夠熱，肉醬更加冇得輸，可惜薯條不夠脆，但會推薦。只是個人比較愛薯條配茄汁！熱烘烘，咬下去有汁，肉厚可惜粉更厚餅底脆，驚喜！第一次食薄餅會想配千島醬，最後配Tabasco食，醬汁怪怪的，醬汁像變壞了？！冇驚喜！因為配料係上面已嘗過，只係加左薯殼，感覺有點好笑最不明白係四個人，為何只有三件？窩夫很美，像藝術品士多啤梨新鮮，果醬很搭。很美！

Weekend同朋友約埋去coffee shop hea 一個晏就，我第一次黎呢間牧羊少年咖啡位置方便，較近車公廟MTR，沙田行過黎都得。多人，但唔算難等位，我同朋友等左5-10分鐘就有位一到左就食lunch先 salad, pasta呢個pasta 唔錯三文魚子和風蜆肉意大利粉食下野、同朋友吹下水，唔覺唔覺就依經3點，下午茶時間今日target係想食呢到既waffle ，點知去到cahsier點餐先知賣哂（晴天霹靂☹️⚡️⚡️⚡️☀️）點知3點左就賣哂waffle ，點解 😭😭😭不過呢到環境、食物水準、價錢 都值得encore

小妹是all day breakfast愛好者住馬鞍山有提供英式早餐的餐廳寥寥可數係沙田/大圍食開既就必有幾間呢間牧羊少年就是其中一間在閒日也有供應all day breakfast餐廳是自助形式 水呀 餐巾呀 餐具呀都是自己serve自己沒有加一服務費all day breakfast $85維也納咖啡$34相比起隔離新城市廣場內的Simply Lixx及Parkvixx供應的英式早餐 價錢已算大眾化環境冇咁嘈同冇咁迫

本來去香港文化博物館已經係一個消閒好去處， 四周環境幽靜，感覺好舒適。呢間餐廳更加配合咗四周圍嘅環境氣氛， 一入到去高樓底，充滿西方特色嘅座位擺設 ， 仲有好聽嘅英文歌。行完博物館 ，想舒適咁搵個位坐低嘆杯咖啡， 呢間餐廳絕對係首選， 好過好多連鎖大牌子嘅咖啡店。今次試咗我一向最愛嘅hazelnut Latte 拉花都幾靚， 飲落都幾香幾滑。呢間餐廳主張慢活， 希望都市人能夠慢慢享受一下， 唔使成日匆匆忙忙。仲有個幾特別嘅服務， 就係可以買張明信片喺指定日子，餐廳會可以代為寄番畀自己， 令你可以回想返之前嘅感受。

今早專登去沙田香港文化博物館參觀「數碼敦煌」展覽，便去這間餐廳醫肚。先說環境，這間餐廳可以透過落地玻璃看到外面的翠綠大樹，店內樓底很高，十分開揚，空間感強，枱與枱之間都算闊落，悠閒慢活，很有文青風格，感覺就好像坐在台灣的cafe似的。再說食物，車打芝士汁鮮蝦意大利粉份量充足，意份軟硬度剛剛好，鮮蝦夠大，整體來說，味道不錯。最出色的是英式咸牛肉牛角包配薯條，牛角包酥皮鬆化，薯條是我最愛的粗條，仍然微暖，新鮮可口。

意粉及甜品都好味又好看。餐具同水都係自助，很方便。地方又夠大。親子一流。我地兩父女都好鍾意呢度！忌廉鮮蝦意粉 - 汁同意粉都好味綠茶雪糕窩夫 - 整得好靚，份量大又好味！維也納咖啡 - 👍

呢間餐廳係開係文化博物館格離成間餐廳既感覺都係好文青FEEL食物既價錢唔算好平兩個人一人一個主食同埋各一杯飲品埋單都每人要過百蚊不過環境係唔錯可能因為附近都冇咩其他餐廳紅日呢到都幾旺場下我就叫左呢個白汁帶子意大利粉味道唔錯 調味得幾濃郁帶子都算大粒同埋仲會有其他配料例如磨菇同洋蔥咁意粉亦都煮得岩岩好 仲有D彈牙唔會過淋而飲品方面係值得一讚首先佢都幾大杯下好岩同朋友一路飲一路慢慢吹水而兩杯之中我比較鐘意朱古力佢上面仲有D CREAM係到好濃郁既朱古力味就算飲耐左D冰融左都唔會變得太淡幾出色!整體而言未試過既話可以試下!

我係閒日夜晚去既，因為地方較為偏僻，冇嘜人，去到好多位揀。環境唔錯，好舒服，但係音樂可以再細聲返少少😂叫左個蝦意粉同漢堡小食，個小食幾好味，不過個3個包原來咁細舊，哈哈！幾cute！但個意粉就認真麻麻啦，淨係食到麵粉味.. 一般一般！之後仲叫左甜品，幾正，$75，有4大舊窩夫，2個人都食唔哂😛我最滿意係杯棒子咖啡！靚到唔捨得飲！我聽fd講，係一個叫小馬既男仔拉既花，仲話佢苦練左好耐。欣賞佢，感恩飲到佢沖既咖啡同遇到佢既拉花！btw，9pm last order！

今日好多野做，放飯就同同事一齊去鄰近的香港文化博物館的牧羊少年慢遞館開飯，貪呢度易搵位可以抖耐d氣。一入到去就有種好relax嘅感覺，樓底很高，空間感強，的確係舒緩緊迫工作情緒嘅好地方。呢度食野要自己先到收銀處落單俾錢先，然後有侍應送餐。黎呢度我多數會叫all day breakfast 同iced mocha，今日懶得諗所以都唔例外丫。All day breakfast 最好食嘅係牛角酥，酥脆又充滿牛油香；其次係磨菇，雖然細細粒但菇味香濃；豬柳漢堡同麥記的不一樣，調味適中又柔軟有彈性，唔錯架；豬肉腸就有少少似貢丸味；炒蛋就唔多夠滑同蛋味淡。其餘的焗豆呀、火腿呀、蕃茄呀、煙三文魚都係果d咁樣樣囉。杯mocha依舊香濃，今次唔記得叫少甜，飲到尾就有點漏。整體而言，呢度好好hea，食物唔好咁多要求都可以嘅。

這間cafe 平日晚上會比較安靜，很適合係度慢慢食下野傾下計。而且食完野唔駛趕住走，相比起附近沙田新城巿周圍都只係可以坐90分鐘，係一個唔錯既選擇。不過佢位置好偏僻，有人帶路會好啲。食物質素我覺得幾好，價錢大概八十至一百蚊一個主菜，飲野另外嗌，大概三四十蚊。甜品六十至八九十。對於可以有一個安靜既晚上黎講，都算係咁。要出去點餐，侍應會送餐。出面有水機自己斟冷熱水，拎額外的餐具和碟。晚上9時last order。

聽過朋友講過大圍近城門河有一間好有style既咖啡室,今日黎到真係非常舒服,裝修有格調,真係可以係度hea幾個鐘頭都得。咁我地就叫左個青椒磨菇洋蔥炒意粉,囗味非常清新,又少少辣,好惹味。又叫左個牛角包配薯條,牛角包酥皮好好味,正

行博物館之前醫下肚，可惜呢餐lunch令我非常失望。三文魚子和風蜆肉意大利粉先君子後小人，意粉係唔差嘅。意粉韌度啱啱好，雖然意粉汁個味道偏甜，但勝在夠多蜆肉，都算唔錯。八爪魚牛油果藜麥沙律配黑醋汁但個個沙律就食到我好唔高興啦。啲菜有苦味，八爪魚冇八爪魚本身嘅鮮甜美，再加佢冇seasoned 過，所以擺入口淡而無味。最嬲係個牛油果，好生！食落口又硬又實，完全冇熟牛油果creamy嘅口感同埋甘香嘅味道。 菜都話睇唔出佢苦唔苦，牛油果起肉同砌時一定知道佢熟唔熟。廚房明知生，仲照上俾客人，仲要個沙律唔平嫁成80幾蚊。我眼見其他食客叫嘅all day breakfast同薯條呀果啲嗰啲賣相都唔錯，可能喺牧羊少年呢間餐廳叫沙律係我一個錯誤嘅決定啦。

星期日連綿大雨，最好的活動莫過於去行博物館。剛巧沙田文化博物館正舉辦「數碼敦煌 - 天上人間的故事」展覽，便即刻飛車入沙田，預算消磨一個下午。看了一會敦煌展，開始覺得有點兒肚餓，便到地下的「牧羊少年」攞籌，凖備祭祭午臟廟。可能已過2點半，只需要等5張枱便有位。我們隨即點了鮮忌廉白菌吞拿魚意大利粉丶英式咸牛肉牛角包配薯條，及一杯拿鐡。「牧羊少年」的餐廳設計新頴而不花巧，雖然滿座，但座位舒適而不會有壓迫感。點單丶餐具及水都是自助，我是完全不介意自助，最緊要自助區方便及乾淨，這點「牧羊少年」完全無問題。食物方面，先講牛角包配薯條，牛角麵包中間夾了咸牛肉、芝士丶蕃茄及生菜，很香口。咸牛肉是一片片而非罐頭，清新可口又健康。而旁邊的薯條也很好味，香脆！意粉方面，白菌汁做得唔錯，濃淡恰宜，加埋吞拿魚和白菌，別有一番風味，意粉亦能做到十分之彈牙。咖啡亦香濃，拉花漂亮。整體來説，飲品及食物都是水凖之作，其美中不足或改善之處，一是牛角包旁的沙律菜不夠新鮮及量應多少少；二是意粉的吞拿魚要加多一點或最好有些粗粒，吞拿魚味才會較出及濃郁。意粉上枱前亦可加少少香草，顏色變得更吸引。