牧羊少年咖啡館 (K11購物藝術館)

營業中

休息中

相信唔少人都識呢間有眾多分店既咖啡館，尖沙咀鋪位比較細，每次經過都總係有人係度等位🤨呢日我地等咗十分鐘左右，同隔離檯係近到手踭貼手踭🤣▪️ 英式早午餐（7/10）💲118成個早午餐最滿意既，莫過於係加上咗好多Granola有豐富口感嘅希臘乳酪，酸酸甜甜幾開胃😌核桃杏脯包咬落脆身，食到有核桃但係唔覺有杏脯🥖個炒蛋都頗嫩滑，雞肉腸有肉汁夠Juicy，兩者都係加上咗黑松露，不過松露味欠奉🤪煙三文魚、法邊豆、蕃茄同雜菌都係零調味，整體係行清淡健康路線😅▪️ 蒜香牛油清酒珍珠帶子藍青口意大利粉（7.5/10）💲118藍青口唔係話好大隻嗰啲，但係新鮮嫩口無腥味，仲有啲彈牙嘅珍珠帶子粒，扁意粉煮得岩岩好，洋蔥同蒜味十足幾香口🧄▪️ 鳳梨Lemonade（7.5/10）💲42其實嚟呢度應該要點佢嘅咖啡，可惜我唔太鍾意咖啡🤫自家製菠蘿檸檬汁清爽解渴🍋🔎 整體評分（7.5/10）

咖啡控又出動啦尖沙咀有咩好食嘅下午茶？牧羊少年咖啡館都幾多選擇㗎！質素仲好穩定，食咗幾次都覺得OK，係可以回頭之選今次 order 咗白酒香蒜蜆肉意大利粉配一杯 Latte白酒蜆肉蒜香意粉其實唔難煮，只要蜆肉新鮮，意粉煮得有咬口，啱啱好就可以，我個人嚟講要求就係咁多😌呢碟意粉完全做到呢個效果，蜆肉驟眼睇落都有10隻，完全冇沙 意粉唔會太淋，個芯少硬有咬口得嚟又掛到汁 個白酒汁都煮得好好食，仲有少少 basil 吊返個香草味 杯 Latte 都係有正常咖啡店嘅水準

呢間分店舖面唔大，座位都幾逼，如果想要同朋友慢慢食同傾下計就唔太適合。鮮忌廉野菌三文魚意大利粉，好creamy，都幾好味但份量唔算多，男士可能未必夠食。跟餐有餐湯同飲品，冰果茶都唔需要加錢，套餐$108加1，個人覺得合理。冰果茶，唔太甜，岩岩好煙三文魚炒滑蛋法國核桃杏脯包不過不失，不過係炒蛋內面加入杏脯肉又的確係幾特別，有新鮮感，至於核桃就完全食唔到，只係睇餐牌先知有核桃肉😅個法包唔硬，都容易咬🐒整體來說，OK㕸！

喺尖沙咀睇展覽睇到肚餓，最適宜去嘆個下午茶😌牧羊少年咖啡館裏面嘅下午茶Menu都有幾多選擇，今日就試咗三個餐😛1️⃣焗千島法國核桃杏脯蝦多士（$68）雖然個名冇提及過有牛油果😆但牛油果係佔咗三分之二個多士！牛油果軟硬適中，同多士之間夾住啲粒粒核桃，口感十足，味道亦都非常夾。而蝦都比較爽，但叫蝦多士嚟講，蝦好似比牛油果搶咗🥲2️⃣BBQ醬雜椒手撕豬薄餅（$68）手撕豬分量足夠，食落都係一絲絲嘅肉，味道係普通BBQ醬味，而烤薄餅夠得夠脆👍🏻雜椒嚟講呢佢就得青椒😂但口感同味道都非常夾🤩令到成個Pizza好清新🙆🏽‍♀️3️⃣卡魯哇咖啡酒提拉米蘇（$78）最驚喜係tiramisu中間有粒粒朱古力，可惜cream太多同唔夠滑，建議兩個人share🫡如果唔係會好膩😥而中間兩層嘅手指餅比較薄，所以唔太食得出中間層餅🤔插喺出面嘅手指餅餅面好多糖粉，食落味道唔太突出😮‍💨至於酒味道較輕微。唔知係咪非傳統嘅淨化所以同想像中有出入🥴🍹飲品方面：（跟餐）人蔘烏龍茶冇人蔘味，白桃烏龍茶正常發揮，冰果茶如果嗌少冰係真係唔冰嘅🤣

約咗朋友一齊去太空館帶住個仔喺K11搵食 可能因為時間尚早冇乜餐廳咁早開門咁啱牧羊少年有位就入咗去坐叫咗一客墨汁意粉+燒汁八爪魚丸估唔到三文魚子同墨汁意粉咁夾🤤燒汁八爪魚丸都好好食又唔貴滿意度極高下次要再encore🤪

很久之前在此吃過非常不錯的卡邦尼意粉，偶然在外賣APP再看到，那就試試其他菜式。蒜蓉牛油炒孢子甘藍佐泰國蘆筍十分苦澀，應該沒有汆水。海鹽黑椒香煎鴨胸十分軟淋，不過味道及口感竟然非常像滷水內臟，友人說慢煮的話也會有類似的味道，不過這不是漫煮吧？啤酒煮奶油藍青口不是最新鮮，但也並非不新鮮到咬不斷的那種，奶油汁的味道也不錯，算中上水平。韓式洋釀雞翼外表令人垂涎欲滴，吃起來還好，不過不失。魚湯輕炒西蘭花有點苦，應該也是沒有汆水吧？日式醬油蝦爽口、彈牙，惟味道一般。金沙鹹蛋黃鳳尾蝦鹹蛋黃非常多，蝦肉也爽口、彈牙。牛油果香芒烤雞沙律配胡麻醬烤雞味道及肉質不錯，芒果生熟度剛剛好，蔬菜並非最新鮮。照燒汁煎乾蒜美國牛粒吃起來羶味很重，也咬不斷，像在吃羊肉似的。

1) 千島香芒牛油果雞肉薄餅 2) 和風三文魚籽蜆肉意大利粉 3) 是拉差醬法國雞翼 ::: 唔知係咪肚餓既影響 意粉好驚喜服務：waitress好貼心咁keep住fill水，timing岩岩好係 飲完無耐就有人fill（細微位，但加分⭕️)1）pizza勁多cheese，勁拉絲😋，不過牛油果係未熟透再一齊焗既，食落無咁香 同有少許苦2）望落去同間間西餐一樣樣既意粉，但食落好驚喜，意粉軟硬度好適中，有彈性，味道都係預期水準3）雞翼熱辣辣上菜，好香好脆口，而所謂既拉差醬其實係自己點佢個醬，辣辣地幾香口，不過就咁食都好好味，岩哂想食辣同唔識得辣既朋友share！成個menu都勁多野想試，下次一定要試到佢既甜品同

-之前和朋友去了🇭🇰尖沙咀K11牧羊少年咖啡館食個下午茶☕️這次我叫的是英式早午餐($118)🥣跟餐還有忌廉湯和凍飲🥤我們都點了凍美式咖啡 不錯的 咖啡味濃郁 餐裡面有有黑松露炒蛋 乳酪 雜菌 蕃茄 煙三文魚 豬肉腸 仲有杏脯包份量比我想像中大😆我都食唔哂炒蛋配上黑松露 炒蛋炒到好滑身😋底下仲有塊杏脯包 再配上希臘乳酪 乳酪味道比較濃郁🧡另外餐廳仲有素食的全日早餐🥣而朋友就點了黃金咸蛋忌廉鳳尾蝦意大利粉($108)意粉🍝超有驚喜 很好吃 香香的咸蛋味食落唔會覺得好漏 蝦好彈牙🦐鍾意咸蛋味的朋友 可以去試試 超級推介🧡另外牧羊少年的薄餅🍕同小食都好味😋食物有水準 有時我都會外賣返屋企食餐廳仲有甜品窩夫 岩哂大家下午茶

今次呢間Cafe其實都有好多分店，本身係以旅遊做主題。後來慢慢開始擴張，但仍然喺其他分店到可以感受到舒適同慢活嘅感覺～日式大阪燒風味煙三文魚薄餅🍕 $138日本大阪燒嘅元素再加西式薄餅，食落都好夾✨ 煙三文魚俾得好慷慨，除咗邊邊之外啖啖都食到三文魚😍醬汁用咗黃芥辣，食落都有少少攻鼻🤣pizza底係偏薄嗰種，邊邊好脆，但餅底都係略嫌有啲硬。不過整體食落都好夾✨4/5😋抹茶心太軟流心蛋糕配雲呢拿雪糕 🍦$78睇落去細細個，仲要呢個價錢感覺有啲貴🤣但一食落口真係有驚喜嘅感覺✨抹茶味好香好濃，而且個蛋糕表面焗到微脆，無論味道同口感都好好😍 一開始食覺得係滿足嘅甜，但食到最後就會覺得有啲膩。如果減返啲甜度應該會更加好食✨4.3/5😋蘋果蜜桃鮮打紅茶 $54 (少甜)食咗重口味嘅嘢，想飲返啲fresh嘅嘢中和🤣一開始飲落口覺得好新奇，唔可以話佢冇味但係感覺就係唔太甜又唔太酸又冇乜特別突出嘅味道。我諗呢種就係健康嘅味道🤣但飲得出紅茶幾香，而且真係鮮榨啲蘋果落去，飲到好真實嘅蘋果味，仲有啲蘋果皮～3/5😋其實仲有好多fusion菜都想試，但佢一個Pizza份量都好多，食唔到咁多🤣 坐卡位感覺上就比較迫

牧羊少年。。想像自己係牧羊少女，咁就入去試試。午餐叫左牛油果香芒烤雞沙律配胡麻醬(我冇叫羊😆冇配合餐廳主題)呢個餐好多沙律菜，成個碟底都係菜（新鮮）少食蔬菜的人士就叫呢款👍，再食埋牛油果半個，芒果半個，烤雞夠味好食，有啲驚食唔晒會浪費食物，好在可以坐一個鐘頭九個字，咁就慢慢食埋佢。餐湯係椰菜花湯餐飲係冰水果茶，唔使叫少甜，少甜就太淡了。如果想飲咖啡，就要推介台灣咖啡大師林東源先生的創意咖啡系列，名為:糖蓮子牛奶凍咖啡上面嗰啲蓮子唔會(好甜)咖啡都好容易入口(我好怕太濃帶苦)我就鐘意呢個味道，值得試吓。

豬扒的肉質尚算汁多，但豬肉本身的味道沒有醃好，有豬肉的燥味很重，沒有用胡椒粉癖腥味，切得厚的部份，都未熟透呈粉紅色。去的那天人比較多，可能廚房做唔切，所以品質差啲。

其實我想食薯條同雞翼㗎咋~點知我個friend竟然提議叫<<小食拼盤>>($138)👀完全開正我嗰範!!最鍾意乜都試吓乜都食一啖😋不過兩個人share咁大盆小食又點止得一啖🫣除咗雞翼得三隻之外，全部嘢都係四件或以上!腸仔控嘅我好鍾意食佢啲黑松露豬肉腸同煙辣腸!不過入口係最高油份嘅相對上🥱但明明佢係唯一唔炸🤔其他樣樣都炸到卜卜脆兼熱辣辣🤩八爪魚丸好彈牙🐙蕃薯條味道天然! 唔會有死甜好假嘅感覺🍠春卷最普通但點埋沙律醬都好yum yum🫔<<流心蛋腐乳卡邦尼意大利粉>>($108)可能我太期待carbonara點同腐乳crossover喇😐最終係失望嘅🫠腐乳味一啲都唔出! 唔講直頭以為係普通carbonara!不過佢嘅汁好濃稠，撈埋溫泉蛋，成件事就更掛汁🍝應該要叫杯果茶解吓膩!!!!!但我仲點咗<<抹茶可可朱古力>>($50)🤦🏻‍♀️最邪惡係佢有成吋厚嘅cream😱我唔敢撈勻呀!! 我唔想食完呢餐肥廿磅🧟‍♀️但真心講! 無論係朱古力味定係抹茶味都好濃!誠意推介呢杯肥仔嘢俾大家💚🤎

鹹蛋黃蝦球意粉好濃郁，但比我想像中無咁鹹，食落唔會好漏，可以食晒蝦球好彈牙，一啲都唔會好「梅」！素All Day Breakfast 好豐富！有細細碗蜜糖穀物乳酪！落咗啲蜜糖中和咗乳酪嘅酸味，好味👍🏻所以配料都好好食、好有味道！雖然環境比較迫，但工作人員態度好好值得再去試其他野食

休閒好去處，文青感覺，坐高枱感覺唔錯，k11嚟講，算抵食的午餐！首先杯果茶唔錯，南瓜湯濃郁，意粉汁略為稀，味道較清，啱晒喜歡清淡的你，雞亦大大隻 ，炸得都不會乾 ，如果外皮再脆d就好喇😍

💛牧羊少年咖啡館·呢間我成日都見有人推介 而且佢都幾多分店 奈何我屋企附近又無渦 而當我專登去其他地區既時候又唔想食呢啲連鎖店🫢所以我係真係前排發現office附近有先第一次食佢🤣🤣·厚切芝士雞扒蕃茄漢堡包配酸忌廉蕃薯條$108 l 鮮忌廉黑松露醬雜菌意大利粉$88佢menu嘅選擇唔算好多 都係cafe常見既野食 不過佢個burger好有驚喜🍔佢個麵包好鬆軟 而且仲係熱熱地既😈之後佢塊雞扒真係超大塊 而且勁多汁 配埋啲蕃茄同芝士超級juicy🤤🤤之後佢個番薯條都唔錯 質感好好 而且好甜 不過就真係超大兜🍠😂之後佢個黑松露雜菌意粉都唔錯嘅 意粉質地ok而且都好掛汁🍝·#rbyeat#rbycafe#rby💛#rby尖沙咀 #rby旺角 #rby太子 #rby葵芳 #rby銅鑼灣 #rby將軍澳 #rby沙田 #rby屯門·📍尖沙咀河內道18號K11購物藝術館B2樓27號舖📍旺角彌敦道639號雅蘭中心1樓103號舖📍太子白楊街27-29號嘉安大廈地下1號舖📍葵芳興寧路12號葵青劇院地下2號舖📍銅鑼灣記利佐治街11-19號Fashion Walk地下17號舖📍將軍澳寶康路105-107號香港