牧羊少年咖啡館 (K11購物藝術館)

營業中

休息中

今日 lunch 約左個朋友約左係舊 K11，決定簡單食個 lunch，最緊要係有個地方可以坐下傾下計，所以就揀左佢了我就叫左個意粉，佢係明太子鮮蝦意大利粉，再加追左一杯熱既 cappuccino，成個畫面都幾靚，有種 relax 既感覺明太子呢個食物係咸咸地， 但又有種獨特既海鮮味道，我自己就都幾鍾意，佢呢個意粉除左用上左明太子，重有大蝦及少量三文魚子做 topping，令到味道同口感都更豐富朋友就叫左呢個 All Day Breakfast，賣相都唔錯架，感覺幾豐富，如果女仔食，佢既份量都夠既，如果係男仔，就可能未必夠了，不過我起碼都試過條大腸仔，味道係唔錯總之唔想下下食飯 or 意粉既話，其實叫呢d傳統英式早餐都係唔錯既選擇黎架

在K11逛街時，找到了這家名叫牧羊少年咖啡館，裝潢很漂亮很文青，而且環境很舒服。由於只是想飲咖啡，所要叫了一杯烤杏仁風味咖啡，一開始不太知道兩種豆的分別，但服務員十分耐性解釋後，選了這個南義風味咖啡豆，這種咖啡豆是比較像奶油般厚實，配合果仁的天然油脂口感和香味，真的十分出色，另外再叫了一杯焦糖朱古力，朱古力味濃郁，十分美味，焦糖的甜味與朱古力撞左一起，配搭得十分好!兩個價錢也是在50以下，不算特別便宜，但是這個價錢的好飲品不容易找，普遍starbucks的咖啡也差不多價錢，但沒有驚喜。

今日同同事去左呢間餐廳食lunch，我未食過呢間，但次次lunch time經過都見到好full，所以我都好奇佢係咪真係咁吸引。黎到等位等左起碼30分鐘。。。等得黎其實無咩時間食。價錢都真係唔便宜架。。。我地一行四人，兩個揀明太子鮮蝦意粉，兩個揀all day breakfast 。要留意翻佢lunch set只包44蚊或以下既飲品，我見到比較多人叫茶飲，望落都幾吸引既。意粉類先會另外有個沙律菜上，意粉望落唔錯，蝦都有幾隻，明太子都唔算少，仲有啲三文魚籽。我都試左一啖，口感ok既。all day breakfast望落唔差，煙三文魚同個腸係好食既，但煙肉太硬。同事叫既熱朱古力，上面有cream，食完成碟野個杯朱古力仲出緊煙我叫既羅馬帝國，睇圖覺得幾得意，就叫左黎試。店員介紹可以先將青檸同糖放入口趙爛，再一個shot咁飲左個咖啡。感覺幾得意既，首先青檸加左個糖酸酸甜甜咁，再飲個咖啡係完全中和左咖啡既苦味，飲到最尾會飲到一陣濃濃既酒味。一個shot為味覺帶來左唔同既感受，都幾特別～如果唔係好多時間，而且又預左無服務既話就唔好黎食啦。水唔會有人得閒幫你倒，都未必時時有水同杯係到比你自己倒咁既

呢間店噶裝修好別致，加埋滴燈光感覺好舒服，叫左個香蒜黑松露菌義大利粉，整的都唔錯，黑松露噶香味好加分，意面煮的軟硬適中，百香果蜜桃咖啡好有驚喜，感覺唔似咖啡有小小果汁酒噶感覺啊，不過香味濃郁，幾好！

今日晚上嚟咗食牧羊少年，呢一間鋪頭都係我一直好想食嘅，原來尖沙咀都有十分方便。店內環境清幽，但座位不算多，好彩好快就有位坐。 首先，叫左香蒜黑松露醬鮮菌意大利粉。呢個意粉整體上幾好食的，但有少少乾，如果可以juicy啲就更好。另外，叫咗豬肉小漢堡。呢個真係好好食值得推介。但係好嘢通常要等，呢個新鮮製作，製作需時，我地食完意粉佢先到🤣 但係佢絕對值得等待😜 包皮好脆，豬肉多汁，仲有佢有個特製醬汁，一口咬落去超好食。而玫瑰花茶方面，呢度就有啲遜色，只係用茶包。而茶亦都不夠香，有待改善。

9月11 大晴天幾年前經常光臨的私心小店（但一直未開展食評之旅），原來經已退步到我真的失望了......意粉煮得好，軟硬適中，材料都豐富，不過對比幾年前的味道就大不如前，中等水平全日早餐都不過不失，但無食出鮮味可言；炸雞翼如果唔連皮食，可以話係無味，靠泰式是拉差辣醬提味甜品方面，以前的伯爵茶蘋果窩夫比較好食，今次無論顏色、擺盤、味道都稍有遜色表現出色的只有香蕉雪糕可樂餅，外脆薄皮，加上花生醬、雪糕、香蕉，都算係全晚唯一的驚喜不過不得不提，我習慣傲慢的服務態度，只要食物味道有水準，我絕對唔會介意服務方面的問題；但今次的傲慢服務態度，真心令我唔會再次光臨，或者再等好幾年先再來啦

Everytime when I visit, I feel the heart from this shop. Food is freshly made. The staffs are all young people (with a bit shy). The coffee always ask me to come back again.

K11呢間牧羊少年比較細，是晚坐左係吧枱位置今晚只係想heahea地 悠悠閒閒咁食個飯，覺得呢到都幾合適叫左個明太子鮮蝦意粉有少少三文魚籽更添鮮味小食方面叫左秋葵胡麻餃子 & 豬肉小漢堡餃子不錯但豬肉漢堡反而有少少驚喜因為超級 Juice!! 咬第一口就爆曬汁個豬肉小漢堡是要等一陣先到佢個胡椒味都幾出，包是烘過 仍然容易咬既程度，都有點誠意。因為5點半後叫兩樣野食飲品半價 所以叫左特色咖啡試試花生風暴好濃奶同花生味，有點似奶醬花生醬多士味道加埋變左咖啡咁樣有花生碎粒係入邊同埋佢有兩種咖啡豆可以簡我簡左甘味重的結束晚餐就好好休息了

牧羊少年都係我想試嘅餐廳之一，原來K11都有，咁今日晚餐就食呢間啦。餐廳坐位較少，等左大約半個鐘終於可以入座。我地叫左2個意粉同2個小食。香蒜黑松露醬鮮菌意大利粉($88)一黎到見到賣相已經覺得有啲伏，意粉太乾，食落一啲黑松露味都無，同想像有太大出入，失望。鮮忌廉煙三文魚意大利粉($96)醬汁比較淡，一啲都唔creamy。三文魚份量太少。雖然意粉係有啲失望，但好彩2個小食都正正常常。黑松露醬炸薯角($58)薯角即叫即炸，脆。配埋黑松露醬好味。是差拉醬配炸雞翼($62)雞翼皮脆肉嫩，配帶有少辣嘅是差拉醬都不錯。另外，繁忙時段只有兩位服務員，餐牌餐具水都要我地叫先俾。總結，等候時間太長，服務同食物質素有待改善，應該唔會再光顧了。

由於用餐時，餐廳太多客人，而無法拍攝餐廳的環境。基本上是像酒吧的格局，高雅的擺設。有一個世界地圖裝飾在牆壁之上，配合餐廳原來旅行的主題。當時氣氛十分之熱鬧。記憶久遠的時候，試食過一次葵青的分店，就沒有興趣再試。這次純粹在當下太想食明太子意粉。忌廉三文魚意粉，味道正常，沒有特別驚喜⋯三文魚還有點乾身。這次最期待的明帶子鮮蝦意粉，明帶子加意粉是絕配。除了明帶子和大隻大隻的鮮蝦外，還是粒粒魚子和櫻花蝦。有微辣的櫻花蝦非常可口和令人食慾大增。這個意粉可以一試。飲品方式是非常有特色，都是非一般的咖啡。上面是奶油啤酒咖啡，味道很特別，啤酒的果香味搭上咖啡的苦澀滋味。應該是格格不入，但一入口是令人意想不到。很夾。但有點膩。另外一杯是百香果蜜桃咖啡，果味濃郁。飲落不太像咖啡，更像果汁酒的味道。喜歡百香果的朋友可以一試。

難的可以約齊人,一班Friend 出尖沙咀,一定食野飲酒直落👯‍♂️。其中一個朋友好鐘意旅行,所以去佐呢間cafe。之前去過另一間分店,感覺舒服d,冇咁多人。呢間係商場入面,店面細,而且坐位迫,坐Bar 枱就冇咁舒服。香草青醬雞肉意粉 評分:3.9/5意粉硬度對我來說可以硬多一點,青醬味道不錯,不過油份少了上,不然會再滑身D。蘋果伯爵醬花型窩夫 評分:3.7/5窩夫真心覺得唔錯 ,個底本身唔甜,烤出黎外脆內軟,蘋果都煮得啊錯!不過個cream好似有D多,因為佢係普通甜cream,雪糕就只有甜味 ,就算夾住窩夫成都有點甜 . 酒心朱古力 $52評分:3.8/5酒味都幾濃,唔會俾朱古力蓋哂!

今天早上獨自來到尖沙咀，閒逛著來到Alchemist cafe. 之前有試過太子分店的，覺得質素不錯，星期六早上來一個悠閒的brunch relax 一下。花生風暴 $33 （原價$66，點餐餐飲半價）我喜歡花生醬，見有花生醬口味咖啡當要試。看外觀以為會甜到開眼，幸而沒有想像的甜，有淡淡花生香味，一點點花生醉的口感，挺不錯的。Cream topping 就沒有食了，否則應會太甜太滯。素食早晨全餐 $88以我的食量，一般不能把整份早晨全餐吃完。這裡有素食走肉選擇，份量於我剛好。這是一份不過不失的早餐，牛角包沒有特別好吃，薯角算香脆不過我比較喜歡月薯餅。其他食材正常水準。算是不錯的食all day breakfast 的選㨂。

呢度5:30pm前入坐，都仲趕得切叫佢地個午餐。今晚要係尖沙咀拎d野比人，咁就順便出埋去食個早少少嘅dinner。餐牌上面有三個字，一望到，我就會兩眼發光…香蒜黑松露鮮菌意大利粉，「黑松露」呢三個字好似放大咗，要引我注意嗎?哈哈哈! 結果，我叫咗呢個意粉。由於係午餐，會有個小小沙律同$44以下嘅飲品。呢個意粉嘅鮮菇要讚，份量夠、味道都好，以黑松露再提升菇味指素，加上有d切薄片嘅蒜片，好香口。飲品我叫咗熱飲：蜂平浪靜 (其實係茶包：洋甘菊、雲呢拿香料、蜂蜜香料)。有少少似某某外國茶包品牌嘅雲呢拿茶包味道，但佢賣相真係又幾呃like﹐木托盤、茶壺、小茶杯，非常精美。

之Le個早餐好好食好滿足～少有地方凍奶茶都咁好飲～因為佢用左黑白奶，奶味好像滑好濃～個太陽旦又煎得岩岩好～唔會太生或太熟～地方坐得舒服～可以好好咁嘆番個早餐！又唔會太多人～非常推介～前去過葵芳果間，原來同果間係唔同既！記得果間係好多小食，但le 間無乜，得雞翼岩食！不過佢d特飲做得幾好，d味幾rich但如同小朋友黎就小心，因好多野都辣辣地，諗住叫個意粉畀小朋友食但都食唔到不過其實幾惹味既，黑椒味濃，味道絕對唔錯～開頭有d失望係因為小食類型太少而好彩個all day breadfast都岩阿女食～d菇煎得幾香，煙肉亦不會太硬，岩岩好，蕃茄仔幾甜～我女至愛，滑旦幾滑水牛城雞翼同想像中唔太同，唔算辣，有d睇唔出係水牛城，軟失色甜品叫左個蘋果伯爵果醬窩夫,好好味！但唔記得映相！我女食左好多～店面好細，環境都叫幾迫，同埋廁所都行得較遠，要去到扶手電梯果邊

尖沙咀分店，地理位置最方便，店舖風格也最像咖啡廳。跟其他分店相比，這裡個咖啡選擇是最多，食物以輕食為主。闊別幾年沒訪，不知道水準怎麼了。始終最愛喝「啡你莫薯」，是番薯泥打成奶泡製成的咖啡。咖啡放上一片焦糖燒過的番薯，職員建議先吃掉那片番薯，再呷咖啡。水準還在，不過沒第一次喝那份驚喜。食物方面，點了一客煙三文魚凱撒沙拉、煙三文魚炒蛋蜜糖包、煙鴨胸意粉。煙三文魚凱撒沙拉是新品推出，聯乘桂格的產品。就是加點燕麥、燕麥脆脆，有點像平日吃早餐般。煙三文魚炒蛋蜜糖包麵包稍為烤過，但不脆。喜愛煙三文魚的我，當然很快便吃掉。