牧羊少年咖啡館 (香港單車館)

營業中

休息中

今天在坑口完成工作路過附近的單車館時，發現了牧羊少年咖啡館，被其裝橫吸引了，於是同同事入去進餐點了二人set包括了小食、意粉、主菜、甜品各一款以及兩杯飲品。食物比想像中有驚喜， 金沙咸蛋鳳尾蝦，咸蛋黃的味道很濃很邪惡，蝦尾炸得香脆，同事甚至可以連殼食。俄式牛仔意大利粉醬汁不錯，麵條煮得夠彈性，牛仔肉肉味濃郁， 口感亦軟腍。法式油封鴨腿伴牛油紅酒汁，鴨腿肉嫩，伴菜薯蓉口感綿密，澳洲西蘭花新鮮，口感清脆，減少了啖啖肉的膩感。甜點特濃半熟芝士蛋糕有驚喜，蛋糕外層是酥脆薄身曲奇皮，內層芝士綿密濃郁，味道不甜不膩。餐飲選了冷泡白桃烏龍茶及紅蘿蔔蘋果橙汁，茶味清新，果汁配搭酸甜適中，喝起來不錯。

牧羊少年咖啡館地點：將軍澳坑口寶康路105-107號香港單車館地下G53號舖原來呢度有個勁大勁靚架室內單車館，因為朋友話想來玩同見識一下，就專登來到！地鐵行8-10mins 到，館內同附近都好多餐廳，可以方便醫肚架$118 avocado mango chicken salad ，超健康啦，有牛油果，mango 好腍甜甜的很清新呀！$ 68 roasted chicken with lemon cream ，期間限定架，個雞胸使到好嫩，讚！個汁creamy 又唔會膩$ 78 特濃半熟芝士tart，😂忍唔住叫份dessert ,好滑呀富芝士陣陣酸香！加上脆脆同tart 曲奇口感，真係好寫意#cafe #牧羊少年 #單車館 #alchemist #dinner #健身

位於單車館的牧羊少年咖啡館，傍晚後比平時更寧靜，很適合一個人靜下來享受美食與書本的時光，只注於味蕾與文字。🥗 單點左希臘沙律，以新鮮火箭菜、黑橄欖和初榨欖油意式黑醋汁調和，酸香醒胃，如果啲芝士大粒啲口感會更好。係咪餐廳觀察到總有啲人係會自己黎食野，咁貼心出左alone bit not lonely自由自在1人套餐: 🥩 紅酒燴牛面肉伴薯蓉、烤澳洲西蘭花牛面肉慢煮至軟嫩，紅酒醬汁濃郁卻很柔和，薯蓉細滑。西蘭花烤得微焦帶點香氣，保留脆口的口感。🍗 是拉差醬雞翼（3隻），炸得脆脆的，點辣中帶甜既是拉差蛋黃醬好惹味，雞肉嫩滑仲有肉汁。🍹 芒果熱情果茉莉乳酪奶蓋，熱情果香濃郁，茉莉幽香，奶蓋有咸味中和冇咁膩，飲落有層次感，特別配炸物。餐後想睇一陣書，飲杯 🍑 熱騰騰味道淡雅既白桃烏龍茶，茶香悠長。配上一人餐既🍰 俄式蜂蜜蛋糕， 層層細緻，蜂蜜香甜，與熱茶是完美配搭。Here is not a place to impress you but always a place to relax and feel peace while enjoying the food.

呢一間位於將軍澳單車館嘅西式餐廳好有特色🌟，所以今日就決定嚟試下啦🥳照燒汁煎乾蒜美國牛柳粒牛柳粒煎得啱啱好😛，外層微焦但內裏保持嫩滑，咬落去肉汁爆出嚟好正！照燒汁甜度適中，同炸到金香嘅乾蒜片好夾😍蒜香牛肉碎松露醬雜菇意大利粉意粉炒得夠鑊氣😌，每條都掛滿蒜香同松露醬。牛肉碎份量足，雜菇增加口感，成碟味道濃郁得嚟唔會膩🤤紅酒燴牛面肉伴薯蓉烤澳洲西蘭花 牛面肉燜到超淋🤪，紅酒汁入味得嚟帶少少甜。薯蓉打得細滑，西蘭花烤得爽脆，整體配搭好平衡💯Haagen-Dazs 雪糕杯今日嘅口味係我好鍾意嘅開心果味道❤️，開心果味道好濃郁又唔會覺得膩😝旭日（凍）楊枝甘露乳酪奶蓋（凍）

單車公園俾人休憩散步嘅地方，就有一個華麗嘅咖啡室，連小朋友也愛上。餐牌選擇多，一般二人食二人餐好足夠，除咗冇pizza點之外都可以食到多款美食。下次唯有單點Pizza試吓⭐️⭐️⭐️⭐️⭐️蜜糖南瓜忌廉長通粉 大推💕😆又有南瓜醬嘅味道亦有腰果粒嘅口感，入味💕💕💕美國豬肋骨 多肉 唔係鞋 好滑入口鬆軟 而且大量蕃薯條 及配菜 二人餐好足夠！雞翼中的是拉差醬是靈魂嘅精髓 💗不是一般嘅黑糖茶/不喜甜可以選 /桂花味較重最後甜品係Häagen-Dazs雪糕，冇得揀嘅情況下亦都有最新最流行嘅開心果味雪糕，有驚喜！場內增添咗好多小朋友而設嘅/ 又有顏色筆派發好啱帶小朋友嚟食 ！

今次呢個將軍澳美食之旅真係好正🍽️我哋先食咗牛油果莎莎墨西哥脆片🥑啲脆片搭配新鮮嘅牛油果莎莎口感超級好 再加埋酸忌廉🥣經典配搭 好食然後就嚟到金沙咸蛋黃鳳尾蝦意大利粉🍝呢道意粉將鹹香嘅沙咸蛋黃同鮮蝦結合麵條 吸咗好多醬汁 跟住係咖啡羊架☕呢個羊肉用咖啡調味 肉質嫩滑 香味十足真係驚喜 配菜方面有烤澳洲西留花同日本南瓜🥦呢個搭配清新又唔膩 最後當然唔可以唔飲品啦 焦糖可可朱古力 濃郁又香甜 薄奶泡咖啡好幼滑 真係好幸福 再加埋Haagen-Dazs開心果雪糕杯🍨滑順又唔膩 完美收尾🎉

今日約咗朋友喺將軍澳跑步，跑完去咗單車館地下嘅牧羊少年食晚飯！單車館外面仲有個天空之鏡，超靚，靜靜地影下相、諗下野，都好享受～ 📸呢間牧羊少年的裝修真係有格調，同其他分店唔一樣，好新好靚，坐得舒服！❤️我哋加$58嗌咗set晚餐，有前菜同甜品。前菜就係係拉差醬雞翼，外脆內嫩，微辣既是拉差醬真係惹味十足，食完停唔到口！🔥主菜方面，我哋嗌咗金沙鹹蛋黃鳳尾蝦意粉，咸蛋黃包住鳳尾蝦，再配埋意粉，簡直係fusion菜既代表作！仲試咗白酒香蒜大蜆意大利粉，蜆肉新鮮冇沙，白酒加蒜味簡直係賣點，味蕾被刺激到飛起！🤩最後係開心果味嘅Haagen-Dazs雪糕杯，開心果仁香濃，唔會太甜，完美作為飯後甜品嚟個滿足句號！🍦呢度真係一流，大家去完單車館記得來試下啦！🌟

最近才發現將軍澳單車館內有一間裝潢雅緻餐廳。歡樂葡萄咖啡跟葡萄嘅元素好夾，隱約葡萄清甜嘅味道又不失咖啡嘅濃厚，比例恰當。希臘沙律沙律菜十分新鮮爽甜，醒胃。慢煮BBQ醬美國豬肋骨伴番薯條普羅旺斯燉菜豬肋骨肉會略為黏骨，但輕輕一撕，便會分離，肉質保持柔軟彈牙。肉味濃郁。惹味嘅醬汁夠曬入味。番薯條外脆內軟，軟糯綿綿口感，停不了。法國蘋果撻配冧酒提子雪糕餅底非常酥化，濃濃蘋果香，微酸的味道跑出來，不膩喉。

今日第一次去坑口參觀香港單車館，場館好大、設備好新。入面仲有埋餐廳，牧羊少年開張不久，入去chill下先。之前喺旺角鬧市雅蘭中心食過，今次去到人流比少嘅香港單車館入邊食，又別有一番風味。佢哋有一個好抵食嘅，$428二人套餐，原本個餐價值高達$568。［小食］：灸燒荷蘭汁豬肉排🐷--豬肉排啖啖肉又不油膩，而且好開胃。［意粉🍝］：有本土特色嘅避風塘炒蟹肉意大利粉。將香港人最熟悉的口味融入意大利粉入邊，食落有份特別情懷。［主菜］法國餐廳先搵到嘅咖啡羊架伴露絲瑪莉燒汁（烤澳洲西蘭花同日本南瓜🎃）。羊架🐑外脆肉嫩，而且咬落去唔會太膻，份量岩岩好。性價比高，選依款超抵食。［飲品🥤］黑糖咖啡半價加配：芒果熱情果茉莉茶乳酪奶蓋。面頭一陣乳香，飲到下面又有清新嘅熱情果果籽，為仲夏帶來一股清新的口感。甜品係Häagen-Dazs雪糕，兩份各100mL，好滿足😌

將軍澳貴為美食沙漠，想要揾間坐得舒服、啲嘢好食嘅餐廳都唔容易。單車館嘅「#牧羊少年咖啡館」重開之後第一次嚟，同朋友一齊食個tea傾吓計，的確係一個好地方👍🏻我哋每人叫咗個Tea Set：🥪#牛油果煙三文魚炒滑蛋 + #酸種無花果核桃包 ：自從近年開始返做gym生活，喺有得揀嘅情況下，我多數都會揀個健康又飽肚嘅🤭 味道方面係幾好食，餸多過包，但慢慢食真係食到有啲飽，最後唔洗食dinner咁滯😹😵‍💫 🌮#烤雜菌鷹嘴豆蓉多士：望落去細舊啲，但加咗啲芝士同調味料（冇記錯嘅話好似係七味粉之類）後，都幾豐富😀 味道亦唔錯，可以一試😉🍵#抹茶牛奶：通常去親cafe，我都會揀嘅飲品😻 個人認為抹茶味可以再濃啲～咁啱撞正長假，下午茶時間都係得好少人，所以可以盡情傾計同嘆茶🙂‍↕️整體嚟講嘢係好食，可惜地點真係唔太就腳，如果唔係住附近都應該好少人會想入嚟🫠 

餐廳環境幽靜，望住個人工湖食飯～好舒服。叫左個<與你分享2人套餐>, 包好多野，好豐富(小食）照燒汁煎乾蒜美國牛柳粒：肉冧有牛味，搭配蒜味香口，正常發揮。(意粉）金沙咸蛋黃鳳尾蝦意大利粉：十分creamy, 味道清新，意粉汁加左d 檸檬汁，再提一提味，特別喜歡意粉的軟硬度，煙煙韌韌，整體好適合夏天的口味。(主菜）慢煮 BBQ 醬美國豬肋骨 伴 蕃薯條普羅旺斯燉菜：豬肋條煮得好冧，bbq醬香口少辣，蕃薯條香脆，個檸檬刁草醬幾好食。(飲品）芒果茉莉茶忌廉芝士奶蓋 (凍) : 香香芒果味，沒有糖漿的死甜，同奶蓋都好夾，欣賞！(飲品）冰梨無花果白桃烏龍芝士奶蓋 (凍) : 桃香味濃，梨味清香，兩隻水果好夾。有果肉，不太甜，有驚喜！(甜品） Häagen-Dazs 雪糕杯兩杯：開心果味呀！！！！！！總結而言，成餐飯都食得好舒服，餐廳有空間感，野食好食，有景，重點！！！飲管不是紙飲管。作為一個放工想舒舒服服食餐飯既打工仔，可以安心係度同朋友食一個long dinner❤️


今次去坑口揾朋友，順便去左單車館呢間餐廳，係會令我回頭的餐廳 👍👍👍餐廳裝修好新好靚，坐得好舒服ga ❤️❤️ 我哋叫咗一個二人套餐 $428 ，每一道菜都令人印象深刻，真係好好食。
🌟🌟 日式唐揚一口炸雞配芥末蛋黃醬，炸雞外皮脆口，熱辣辣，入面嘅肉質鮮嫩多汁，配上嗰個芥末蛋黃醬，味道剛剛好，好開胃 👍👍👍👍
🌟🌟龍蝦汁鳳尾蝦意大利粉，每一條意粉都掛住嗰個汁，鳳尾蝦大大粒，新鮮彈牙，好掂 👍👍👍👍👍
🌟🌟慢煮BBQ醬美國豬肋骨，配埋蕃薯條同普羅旺斯燉菜，食完會好滿足 👍🌟🌟冰梨無花果白桃烏龍芝士奶蓋（凍），這個係好出色的，層次感好豐富，奶蓋同茶底配合得啱啱好，個味正到 😋😋😋👍👍👍👍👍
🌟🌟甜品係Haagen-Dazs雪糕杯，仲要係我至愛嘅開心果味，完美咁結束咗呢一餐
我同朋友來，大家要AA ga ma, 張單計埋人均消費 🤭 每人二百幾蚊，食得好滿足 🥳 下次會再來 🫶🏻🫶🏻

牧羊少年延續一貫文青旅行風格店內以木系傢俬、復古地圖、旅行書籍裝飾，搭配柔和的燈光，氛圍悠閒放鬆😌落地玻璃引入自然光，部分座位可眺望單車館周邊綠景🌳🍽️法式油封鴨腿伴牛油紅酒汁・薯蓉・烤澳洲西蘭花 鴨腿外皮煎至酥脆，肉質軟嫩不柴油封處理得恰到好處搭配微甜的嘅紅酒牛油汁，更顯層次😋薯蓉綿密奶香濃郁，簡單但出色🍝香草青醬雞肉蘆筍意大利粉羅勒青醬香氣濃郁，醬汁均勻沾上麵條雞肉嫩滑，蘆筍清脆加$58可以升級「自由自在1人套餐」有小食、Haagen-Dazs 雪糕杯、飲品🐙燒汁焗八爪魚丸 外層微焦脆，口感Q彈爽口☕️朱古力牛奶咖啡朱古力與咖啡比例平衡，奶泡綿密窩夫🧇日落巴黎窩夫外脆內軟，搭配焦糖脆餅雪糕同冧酒提子雪糕，冷熱交融😍冧酒提子香氣濃郁，甜而不膩！

冇諗過喺將軍澳單車館咁隱世嘅角落竟然收埋咗間咁chill嘅Cafe成間舖頭佈滿綠植同木系裝修真係好似去咗個迷你森林咁🌿 今次叫左個$498嘅二人餐 真心抵食-避風塘炒蟹肉意粉勁多蟹肉 蒜香味超濃 又夠濃味, 意粉炒得夠乾身-白桃烏龍芝士奶蓋茶底清甜 帶有桃味 奶蓋厚身-栗子燕麥奶沙冰上層既栗子蓉超多 仲有原粒栗子🌰燕麥奶又夠香-照燒汁牛柳粒估唔到「小食」都可以咁有份量牛柳粒超Juicy 咬落去肉汁爆出嚟照燒汁甜甜哋 加埋炸蒜片 好好食 -鹽麴比目魚魚皮煎到脆卜卜 魚肉夠嫩滑 最正係佢啲魚油 香到呢配菜嘅西蘭花同燉菜都唔hea 夠晒有心思 -Haagen-Dazs雪糕正常發揮 但士多啤梨味好清新🍓 呢間絕對係將軍澳隱世好店 食物質素拍得住出面既西餐廳 但價錢合理好多環境又靚又舒服 同FD嚟打卡傾計一流唯一缺點係位置有啲難搵 不過食完就知值得既

豐滿二人晚餐🥰荷蘭醬香煎豬扒,作為前菜佢都幾大份,豬扒好淋, 荷蘭醬好creamy,類似蛋黃醬咁.香草青醬雞肉蘆筍意大利粉-清新又健康,份量多.再配上芝士,松子粒,口感更豐富.法式油封鴨腿伴牛油紅酒汁.鴨腿外皮脆,肉嫩.薯蓉幼滑,配上西蘭花.食到依度已經好飽.最尾仲有haagen dazs雪糕,更完美飲品好多選擇,牛奶可可朱古力,超級香濃朱古力,再加埋cream.芒果奶酪,清新健康.😋😋💰HKD$428餐廳環境好舒服,空間感夠,座位又寬落,岩哂同朋友傾計👍🏻👍🏻