牧羊少年咖啡館 (白楊街)

營業中

休息中

一直都是牧羊的常客,由開鋪到現在也一直支, 孩子們也很喜歡這裡,有此做了很久的女侍應也不時與我們閒聊幾句。可惜近年再來無論服務還是食物也每況愈下，以前的飲品如果茶有冷熱之選, 客人選擇較多, 但現在只有凍水果茶， 花草茶亦不合小朋友口味不明為何要除去此選擇。第二,食物也是過去的菜單比較好, 囗味上較佳, 記得以前有新加坡咖哩雞飯, 虎蝦青醬意粉, 黑椒牛柳飯等......現在的食物選擇比起以前難選擇, 日式咖哩豬扒飯 豬扒口感乾而無味道, 鰻魚螺肉意粉配搭怪異.....最後就是服務質素, 幸運的碰上老員工上班,她們會加倍用心服務, 有種牧羊少年過去與客人打成一片的宗旨, 但新面囗的員未見有那位熱誠, 有一個身型較胖的女侍應常按手機, 低頭幹自己的事而忽略客人, 要等到其他侍應見到我舉手才來幫忙。一直都覺得這𥚃是個很好的聚腳點,但自從少年不斷倍增, 覺得年輕老闆當時的初衷和熟情都不再, 如同連鎖食店一樣,此情不再。.

食過幾次，每次都排隊。半年冇去，星期日同朋友4個人去Tea, 去到見到冇人排隊仲有吉枱，但叫攞飛門口等，等咗十五分鐘，另一枱家庭客4大1小到攞飛等了不到一分鈡就有枱。好明顯玩客，有枱唔比客，賺到盡，叫啲客喺門口幫佢排隊做勢。又唔喺特價下午茶，又唔喺唔诜錢，唔好玩啦。

是日放假到太子搵食，貪這裡近旺角，食飽可以慢步到旺角行街，「牧羊少年咖啡」太子店到過幾次，但每次假期星期六去到都有數十人排隊，令我卻步轉到其他餐廳，今次大約3pm到達，竟然不用等位餐廳裝修及擺設有格調，坐得舒服，還放了許多書架放滿不同的旅遊書供閱讀。輕輕鬆鬆享受下午茶也不是難事。牧羊少年咖啡食物選擇不算多，只有一頁紙，分了 牧羊早午餐、午餐、下午茶餐及精選沙律餐，其他的便是不包飲品的小食及PIZZA。*所有套餐於星期六日及公眾假期需另+$12朋友點了牧羊早午餐Set B $80 不過不失另加了$15轉黃色沙冰 (檸檬+芒果+菠蘿)黃色沙冰味道，入口有很重的檸檬味，之後再有淡淡的芒果菠蘿味是不錯夏日消暑飲品另點了一份下午茶餐 ─ 蜜桃海鮮蕃茄蓉意大利粉,麵條有口感，醬汁適中 是日特飲：蘋果蜜桃果鮮打綠茶這裡飲品更勝食品，建議平日光顧，不用另加HK$12

兩人食，叫咗一份吉列拼盤，一個pizza，同兩杯飲品；拼盤味道無特別，只係一般煎炸野，出面食煎讓三寶晚味道會更加野味～另外，pizza就唔建議點，味道差過pizzahut好多⋯野食味道同收費成反比⋯飲品味道還可以，但要另外收費，唔抵飲～野食選擇十分少～ 兩人共收費5百蚊左右～

想跟朋友假日聚一聚，但旺角的食肆大多都很多人，不能慢慢坐、慢慢聊天。之前去過葵芳分店，亦來過這間牧羊少年幾次，感覺唔錯，所以今天又帶友人來試試😁😁環境依舊舒適，這次被安排坐連座木椅的位置，看到牆身的文字，感覺很偽文青😝😝火山辣湯雞排讚歧烏冬友人說味道普通，沒有什麼特別......蜜桃海鮮蕃茄蓉意大利粉聞起來很香，味道都十分不錯，少少微辣十分醒胃！煙三文魚炒蛋多士配雜菜沙律蔬菜很新鮮，咬下去有很清脆的聲音，三文魚炒蛋多士味道很夾，唯一美中不足是多士不夠脆。Hazelnut mocha賣相很吸引，上面厚厚的奶泡我十分喜歡！每一口口感都很rich, 不過喝了半杯已覺太膩🙈🙈🙈最尾還點了一份「日落巴黎」，waffle略嫌表面不夠脆，但配上香蕉、朱古力，整體還是很不錯！今次下午茶感覺環境還是很舒適，跟朋友聊天一流，可是食物沒之前吸引，好像lunch set比較好吃！

Fish and Chips做午餐都不錯，為繁重工作加增情趣炸魚平身炸得金黃，魚肉鮮嫩，不過食落都比較淡口，可能是冷藏魚，鮮魚還欠少許而薯條普通，大部分炸得香脆，有少部分淋味道正常冇大驚喜，不過吃完餐心情開心

一直想試牧羊少年，名字有趣之餘，還知道 cafe係backpack旅遊 theme, 所以等到 weekend就嚟嘆下咖啡。下午二時多，店內已坐滿人。而我們亦大約等了10分鐘就有位。 cafe設計頗特別，有很多來自世界各地嘅小擺設， postcard, hotel keys等等。今日想食甜點，所以點了個京都春日Waffle 同一杯 cappuccino. Waffle - 失望。 waffle本身很淋 (可能係 personal preference鐘意外脆內軟吧), 所以口感一般，但都算有蛋味。綠茶雪糕冇濃郁茶味，而士多啤梨醬亦跟沒有綠茶味嘅綠茶雪糕一啲都唔配。食完缺乏那種甜品滿足感。Cappuccino - 大失望！ 牛奶比例過多，還以為是latte! 但一杯出色嘅 latte又能保留咖啡香味。。。可惜呢杯 cappuccino兩頭唔到岸，牛奶味極濃，蓋過了咖啡。再者，連 cappuccino應有的 foamy輕身感都冇 (零foamy bubbles)...很失望。其實一間好嘅 cafe唔一定要有好特別嘅 theme, 但咖啡一定要好。如果連一杯咖啡都滿足唔到我，應該無下次

同朋友去咗牧羊少年咖啡茶酒館飲嘢。Mojito，個樣都幾靚，係用青檸、薄荷葉、梳打水同酒溝出嚟，酒精味唔濃，好易入口。我就飲玫瑰綠茶，可以美顏同抗氧化嘛。已經食咗嘢喇，所以只係叫咗個小食，呢個拼盤有春卷、咖哩角、薯條、洋蔥圈、魷魚圈、腸仔、芝士腸、八爪魚丸、魚柳、雞翼同雞肉串，樣樣幾件幾件，拼埋一齊都幾豐富。食落香口同脆身，可以蘸埋茄汁、沙律同芥辣一齊食。靜靜哋咁偈吓飲吓，都OK。

餐廳氣氛感覺好似好好，之前聽朋友講過下就去試下d位其實有d逼，空間好細，不過無計啦，香港地方叫左朱古力芭菲煙三文魚百吉配薯條南瓜海鮮risotto同千島海鮮pizza三個女仔分都飽既朱古力芭菲好普通😂真係唔識點寫，我覺得和民既仲好食過佢。煙三文魚百吉係幾好味，個醬汁好開胃，薯條都炸得好好，外脆內軟，有薯味重！但份量有d少。南瓜risotto都好好味，要食到好既risotto係香港都唔係易，有時過硬有時一pat野，佢煮既時候岩岩好，有咬口但唔淋唔硬，而且南瓜浸味真係有入到個飯到，好味！千島醬pizza，，，😂大家可以skip左佢，個醬係唔差不過真係唔值，，。

每次見到長龍都會放棄，今次趁著天下著大雨的日子來到這裡，這是早已聽過它大名的「牧羊少年咖啡．茶．酒館」，雨下得夠大，在門外待上廿分鐘才能入座，但不打緊，我相信是值得的。在任何時候，Cafe中總是滿座的啦~包括我光顧的這一晚~店中的氣氛蠻不俗的，這個位置就像酒吧一樣，帶點東洋，也帶點西洋的風味~感覺不錯啦~三文魚凱撒沙律 ($85)這個沙律比想像中還要大碟，兩大塊三文魚的，厚度相當足夠。沙律菜的份量也蠻豐富，而且鮮甜味美。加入牛油果醬以後，味道更佳。墨西哥風情 ($108)先談談這個薄餅的餅底，餅底的厚薄剛好，這個厚度還帶點脆，吃落一點也不滯不膩，也蠻有驚喜的。這個薄餅中加入了香辣牛肉醬、洋蔥、青椒、茄醬，因為有香辣牛肉醬的緣故，薄餅中帶有淡淡的辣味，可這點辣味一點也不刺激，反而令我更想多咬幾口。維也納樂章 ($52)這個芭菲中加入了朱古力醬、棉花糖、威化餅、布朗尼、可可米，賣相很吸引的。朱古力醬跟威化餅及可可米這個組合幾乎無敵，先是濃郁的朱古力醬，接著就是甜甜的忌廉，再來就是脆卜卜可可米跟鬆化的威化餅。平日吃甜品，尤其是朱古力甜品，總會有點「想要點鹹又想要點脆」的感覺，這個芭菲滿足了我

今日同個好耐無見的朋友聚聚，想找個坐得舒服有格調，又好味的舖頭，這間正是心目中最符合條件。環境優雅，另一邊還擺放了許多書供閱讀，很有書卷氣。牧羊少年咖啡Menu食選擇不算多，一版紙見盡。最後我們選了拿破崙雞肉長通粉($76再加$15連餐湯及包)及大食拼盤($198)餐湯及包。羅宋湯不過不失，味道夠香濃。餐包好好味，香蒜的香氣已讓人很難抗拒蘋果蜜桃果鮮打綠茶，好像約$25飲落感覺幾清爽，果味濃郁拿破崙雞肉長通粉。通粉爽滑，配合茄汁好夾，但份量略少。雞肉切得夠厚，又彈牙，夠雞味，無被香濃的醬汁搶去風頭。這個就是大食拼盤，個名改得幾好，真是為大食人士而設，份量好足，我同個friend Share食都食不完要打包。最好食是薯圈同薯仔，可能因為我本身最愛薯仔。其他的都好好味，很新鮮出爐的感覺，其他炸物都不太多油。兩個炸蟹鉗外脆內軟，製作出色。復活節假以這餐作結實在不錯的句號。

The Alchemist is a great little spot to relax and enjoy a good meal surrounded by quirky homages to various places around the world.Having been a few times prior to today, I was excited to discover fish and chips on the lunch menu. However I was very dissapointed to discover, once my meal arrived, that there was no malt vinegar I could add to bring out the flavour.As a native Brit I would liken this to serving sushi without soy sauce; the two should go hand in hand. I'll still be back, but pleas

差唔多晏晝就帶佢哋兩個落去屋企附近嘅「牧羊少年」食Lunch以前剛開業嘅時侯嚟食過真係好好味...但係今次就我哋嚟嘅時侯都差唔多十二點幾應該都係正午嘅時侯最多人但係門口都只不過得一枱朋友等緊我哋只係等第二張枱！可能因為星期六少D人？裡面坐滿好多文青...哈哈！真係咩店坐咩人所以我帶住兩個小朋友入嚟食好似格格不入咁裡面環境都係同以前嚟過嘅一樣！充滿旅遊氣息，有好想自己一個人揹住背囊流浪嘅衝動後尾都嚟咗D小朋友先至覺得冇咁怪！哈哈我叫咗一碟肉醬意粉同埋一個All-day-breakfast!仲記得呢度嘅All-day-breakfast好靚同好好食呢度嘅餐牌都好有Style，好似自己去咗台灣咁！呢度仲有個書櫃，聽聞係可以自己帶本旅遊書就換一杯免費咖啡飲不過都係開業嗰陣嘅Gimmick，隔咗一排都唔係太見過仲有人帶書嚟換咖啡本來諗住叫Hysan走出去睇吓有冇書可以睇係係係....我明！我知道全部都係旅遊書，但係我諗住可能會有D文青Style有卡通插畫嘅旅遊書嘛！唔睇書就食嘢啦！先嚟咗個餐湯羅宋湯同餐包個餐包都仲好似以前咁好食，不過個湯就酸咗少少Hysan同芊芊飲咗一啖就唔肯再走之後就嚟肉醬意

牧羊少年本肥牛來了很多次， 但是都很少來食下午茶。原因？ 無他。 牧羊少年實在太受歡迎， 假期星期六任何時間都滿坐般， 所以都沒來吃過下午茶， 因為本牛覺得下午茶能夠靜靜享受很重要。 今日和牛女去旺角覆診， 看完就想想有什麼地方能慢慢享受美食， 那時就想起“牧羊少年”因為一陣要食晚餐， 所以只能小吃一頓Hea一Hea。牛女選擇左食窩夫， 英式窩夫正正是她的至愛。飲品方面佢因為已經有小牛仔係肚度， 所以選擇有限， 今次佢就選擇朱古力碎片茶。本著肥牛之名， 緊係選擇好食特別既野， 不過今次我食左個比較常見既野。唔知係唔係比較難處理， 牛女哥個窩夫食晒一段時間佢都未出現， 不過無所謂的，時間耐好閒事， 最緊要美味原本本住普通一食既心態， 但是上到來幾有驚喜。我就喜歡飲凍野， 沙冰岩晒我。美味既食物配上唔錯既環境， 今個DAYOFF日雖然是去覆診， 但是很寫意， Good Day!

今日同老婆去太子探好兄弟個B，之後一齊食晚飯，好兄弟推介左間西餐廳試下，係佢樓下一轉彎就到。入到餐廳幾得意，D擺設幾靚，好有外國FEEL，但係餐廳入面比較黑，我厭佢黑左D，我睇MENU都有D辛苦。我叫左個「香蒜黑椒鴨胸意大利粉」，上菜時個碟好大…意粉我覺得好少..仲要成$74，我真係食2啖就食晒…意粉黑椒味重，令我覺得有D辣，可能係廚師落重手左，對於我呢D唔太食得辣的真係要狂飲水。鴨胸廚師切到細細片，幾貼心，但無奈的鴨胸偏鹹，我麻麻地鍾意。反而意粉炒得幾香，廚師落蒜頭應該落左唔少，好香蒜味，意粉都只係有少少林身，烚的時候無過左火位。我地最後唔夠飽仲叫左個「大食拼盤」一齊SHARE食，佢既食物都係普通野，無乜特色，一枝枝金黃色的薯條我覺得炸得幾脆，輕輕一咬都脆卜卜，又粗，食的時候唔會覺得油(份量細左D，唔夠4個人分)，一陣好香的薯仔味。其中有一樣係廚師腸，我睇左真係O左咀..因為佢的確係街市買到的廚師腸..無特別..最後一個就係沙嗲雞肉串，有2串…但係一D沙嗲味都無，食落仲要係凍既…呢個「大食拼盤」真係唔值$168…