牛魔一人燒肉

營業中

休息中

平時通常想食日式燒肉都要一大班人, 今次搵到一間燒肉店提供一人燒肉套餐, 想食都可以隨時去, 唔使等到有friend想食燒肉先食到！所有套餐$48起, 性價比都幾高, 真係好抵呀！我試咗牛魔三重盛宴, 有牛舌、牛五花、牛板腱, 肉質鮮嫩, 充滿肉汁, 烤出來香氣四溢！每一塊肉都經過精心處理, 燒烤時嘅火候掌握得恰到好處, 令肉質保持到最佳嘅口感。而M9和牛肉眼及牛肩肉套餐都有驚喜, 牛肉肉質滑嫩, 啲牛肉配迷你湯烏冬都唔錯👍🏻！

#chuchu食在旺角📍 牛魔一人燒肉朋友推薦呢間牛魔，一人燒肉，所以就同🐷妹嚟食，超抵食CP值超高，最平$48就食到！夠光猛，坐得都好闊落，好舒服嘅！💡 抽氣做得好好，唔會食完成身油煙～—————————————————————❣️ A9 牛魔三重盛宴 $128（150g）有牛舌&牛五花&牛板腱，各有4塊；牛舌好有咬口、牛五花嫩口唔太肥、牛板腱薄身好易燒香.❣️ A10. M9和牛肉眼&牛肩肉套餐 $118（100g）和牛自慢系列 •M9和牛肉眼大大片，切得夠薄身，燒一燒就食得～牛肩肉有3件，超厚切，食落啖啖肉！兩款食落都好有牛味！✨細食嘅100g就差唔多～.❣️ 手拆純蟹粉蟹黃蘭王拌飯 （set+$58）賣相💯有滿滿手拆純蟹粉蟹黃，仲有啲蟹肉同蔥花 中間一隻橙紅色大大蘭王蛋黃！味道好香又唔會太鹹，撈勻晒！.❣️ 牛魔蘭王鵝肝炒飯 （set+$58）鵝肝表面炸過入口即溶，好好味！炒飯底都好香好夠味！.❣️ 生菜（set+$16）❣️ 冷豆腐 （set+$18）食咁多肉我哋都加左個冷盤同菜，解下膩！.❣️ 巨峰梳打（set+$15）❣️ 蜂蜜柚子茶 （set+$15）🐷妹話食燒肉一定要飲凍飲先夠爽🤣梳

今日黎到旺角行街搵食，同閨蜜行到累累地就搵間餐廳休息下，食下野，比我地發現左呢間餐廳，食法幾特別，就入黎試吓啦。首先我地點左兩個餐，一個係A9，牛舌，牛五花，牛板腱套餐（牛魔三重盛宴）配牛魔蘭王鵝肝炒飯，每個餐都可配三種醬料，有好多種可以選擇，呢個餐就選左蘋果燒汁，柚子燒汁，檸檬鹽。呢三種醬料都十分特別，其他餐廳都未見過，非常有驚喜。三款牛肉都好新鮮，入口即溶，非常好味😋。牛肉係放係鐵絲網道燒，鐘意幾成熟自己話事，非常好玩新奇又好味，一次過滿足三個願望。第二個餐係A11，和牛肉眼，西班牙黑毛豬頸肉套餐（和牛自慢系列）配手折純蟹粉蟹黃蘭王拌飯。醬料方面就選左黑松露燒汁，黑椒鹽醬，韓國辣汁。呢個拌飯就係無得頂，世界級享受。飲品方面就選左乳酪特飲同咪柑橋特飲，兩杯都少甜容易入口又唔會好邪惡，十分適合女士們。

A9.牛舌&牛五花&牛板腱套餐(128hkd)呢個餐最適合三心兩意的你，是一個牛魔王套餐，有齊3款我最鍾意的牛部位，個人最推薦必點牛舌，薄脆薄脆，口感幾好，左右反幾下就差唔多食得～A10.M9和牛肉眼&牛肩肉套餐(118hkd)肉眼會較有肉味，亦比較厚肉，有咬口，牛肩肉大大片，一啖食好爽，一個人食都夠飽，幾滿足😌手拆純蟹粉蟹黃蘭王拌烏冬(+78hkd) 加入蟹黃咸鮮咸鮮的味道，好惹味，加上蘭王蛋的濃濃蛋香，幾推薦蟹粉系列🦀Ps.店內環境光猛，食燒肉都無周圍油淋淋，清潔有做足#foodiblum日式

🔥牛魔三重盛宴牛舌&牛五花&牛板腱套餐有150/250g可選餐套配有沙律 味增湯 醬料🍲選了黑松露燒汁 黑椒鹽醬 韓國辣汁跟餐飯麵可加錢轉手折純蟹粉蟹黃蘭王拌飯🍚足量蟹粉蟹醬 加上濃郁蛋黃🍳.🔥和牛自慢系列M9和牛肉眼&牛肩肉套餐有100/200g可選餐套配有沙律 味增湯 醬料💦選了黑松露燒汁 蘋果燒汁 檸檬鹽跟餐烏冬 口感富彈性 不錯🙌🏻.跟餐飲品🥤日式綠茶雲抹支裝乳酪特飲/價錢很親民設每人一個獨立爐頭多款肉類配搭組合 糧尾恩物✅

近年好興一人燒肉，周圍都開咗好多類似嘅餐廳，所以有時一個人諗唔到食咩，左近仲有一間燒肉，又可以隆重咁樣食好嘢，又唔怕得自己一個人食唔晒。食完都好飽，而且好滿足🥰今日就去咗旺角嘅牛魔，佢套餐有好多唔同肉類選擇，我就揀咗一個可以試盡幾款唔同肉嘅牛舌·牛五花·牛板鍵套餐，佢嘅套餐分咗150G同250G，仲可以揀唔要飯要烏冬。佢嘅牛肉味道唔錯，份量都還好，唔算好少。環境坐得都好舒服，整體嚟講係一個唔錯嘅體驗。

如果你1個人又鍾意食燒肉，旺角嘅牛魔一人燒肉可以一試。呢度嘅一人套餐款式多，選擇夠多元化。我就試咗佢哋嘅牛肉系列，首先，牛肉味濃郁同嫩滑配埋個醬汁，再加上紫菜飯，真係簡直係絕配，真係食到停唔到口！好好食！除咗牛肉，佢哋仲有好多唔同既一人套餐可以選擇，下次可以試下唔同款。總結，牛魔一人燒肉嘅燒肉質素一流，環境整潔舒適，服務又親切熱情。無論你係自己一個人來享受定同朋友一齊嚟食，呢度絕對都係你最佳嘅選擇。

香港越開越多一人燒肉店，選擇很多，19款套餐，包含白飯、沙津、湯品，性價比高，價錢親民。新開的燒肉店，地方寬敞，企理，乾淨，不會很濃烈油煙味，抽風系統蠻好。每張枱都有一個小小的燒爐，供一人燒烤之用。牛魔三重盛宴三個部位，牛舌、牛板鍵、牛五花，其他牛肉分別有100g或200g的份量，自選3款醬汁，蘸牛肉，牛肉薄片，很快便燒成棕啡色。這款牛板鍵油脂分佈均勻，不肥膩，牛味香濃。牛五花則較油香。另外還有極尚和牛系列，如日本A4和牛西冷、澳洲M9肉眼牛排等等。

今日去咗「牛魔一人燒肉」食飯，餐廳氣氛真係好好，好適合一個人靜靜地享受燒肉嘅樂趣。首先試咗個「牛魔三重盛宴」套餐，有牛舌、牛五花同牛板腱，三款牛肉各有特色。牛舌爽口彈牙，牛五花肥瘦適中，燒完之後油脂香濃，牛板腱就肉質鮮嫩，入口即化，真係好滿足。另外點咗個「牛魔蘭王紫菜月見拌飯」，飯粒飽滿，配上蘭王蛋黃同紫菜，撈勻之後口感滑溜，蛋香濃郁，同燒肉一齊食簡直係絕配。仲試咗「和牛自慢系列」嘅和牛肉眼牛肩肉套餐，和牛肉眼油花分布均勻，燒完之後肉質軟嫩，牛肩肉就帶有少少嚼勁，肉味濃郁，真係食到停唔到口。總括嚟講，「牛魔一人燒肉」無論係食材質素定係餐廳氣氛都做得好好，一個人食燒肉都可以食得好享受，絕對值得再encore！

跟友人在旺角開餐，見有間#牛魔一人燒肉 ，套餐都有成10多款，包埋味噌湯、沙律前菜同主食，進入都唔會覺得有油煙味，食完唔怕個身有陣味。點了2個套餐跟友人分享～M9和牛肉眼併牛肩肉，配上手拆純蟹粉蟹黃蘭王拌烏冬。和牛肉眼大大片，呈現粉嫩色，夾起時已覺得好柔軟，輕輕燒一會待轉色便食得，肉質嫩滑且入口即溶😋。牛肩肉則牛味香，肉質有咀嚼感，蟹粉蟹黃蘭王拌烏冬，拌勻一併食，真係好捧啊。牛魔三重盛宴，有牛舌、牛五花及牛板腱，配上烏冬再加$要隻溫泉蛋。3款肉都各有特色, 色澤均勻, 牛味香濃且肉質嫩滑，友人特愛食牛舌，話十分之爽彈。飲品都係要朝日啤酒，配燒肉就係正啊！

今日特意光顧了牛魔一人燒肉店，佢哋嘅燒肉真係勁正，而且醬汁勁好味。首先我叫咗一份A9套餐，「牛魔三重盛宴」，包括牛舌、牛五花和牛板腱，加大升級到250克。搭配了新鮮沙拉、濃郁的味增湯以及多款醬料，每個套餐可以自選三款醬料，我簡左如黑椒鹽醬、韓國辣汁和檸檬鹽。個黑椒鹽醬真係超級好食，強烈推薦。而主食方面，我叫咗個蟹黃拌飯，有純蟹粉和蟹黃，好香好好味而A11套餐 和牛自慢系列，都唔錯，有牛肉眼和西班牙黑毛豬頸肉。同樣配有沙拉、味增湯和多款特色醬料。今次我就配咗烏冬，烏冬配住啲肉一齊食，都好正，而且將燒肉擺入烏冬湯裏便就可以沖刷過多嘅油分，令成件事好完美。

位於旺角嘅牛魔一人燒肉🐮，環境光猛舒適，播住日語歌曲甚有氣氛爐邊抽風幾好，店內沒有半點油煙味座位方面設有一人座席，亦有4-6人大枱無論一個人或一班朋友都想燒肉都好適合仲可以按食量選擇燒肉份量，亦可以額外加配燒肉🤤🥩M9和牛肉眼&西班牙黑毛豬頸肉(200g) $188M9澳洲和牛色澤紅潤、雪花均勻❄️可以調校火候，用細火已經可以微微烤熟，令和牛避免過熟雖然係自己燒烤，但和牛油花充足，仍然入口即融🥰🐷西班牙黑毛豬頸肉相對厚身，適合大火灼燒口感爽口彈牙，帶有油脂香味🐮牛魔三重盛宴(250g) $168三重盛宴包含牛舌、牛五花&牛板腱一次過試到三種燒肉，令人滿足😋牛板腱口感軟綿，肉味頗濃牛舌入口柔軟，咬落彈牙牛五花油脂滿滿🍱每個套餐都附有沙律🥗、味增湯、主食及三款自選醬料+$58升級手拆純蟹粉蟹黃蘭王拌飯🦀蟹粉蟹黃份量十足，鮮味濃郁配上鮮紅蘭王蛋，蛋香四溢仲帶有點點蟹肉，呢個升級物有所值👍🏻值得一提店內共有九款不同燒肉醬料可供選擇以下醬料值得推薦🍊柚子胡椒汁：來自日本九州的風味，帶有柚子香+微微辣味🍋檸檬鹽：檸檬酸味衝擊鹽的鹹味，醒神開胃🍄黑松露燒汁：有燒汁鹹味之餘，仲可以細味出黑松露香氣

平日夜晚9點半去食，得嗰幾枱，係都再迫你搭枱，周圍仲大把空位，啲梳化又污糟，有油，用濕紙巾抹完成張紙巾黑晒。周圍大把位，佢無端端帶兩位坐隔離，張枱我哋已經放咗一半食物，我哋同個侍應講，周圍咁多枱，可唔可以唔好坐得咁迫，加上張枱又冇隔板，如果搭枱，真係手踭撞手踭咁食，之後個男員工好唔滿意咁走開咗。之後有個金髮四眼男侍應同長髮女侍應講，坐得唔舒服咪食囉，仲發脾氣大力掟嘢。隔咗一陣，個男侍應報復，又特登帶第二枱兩位坐我哋隔離，其實成個場有好多兩位都係坐4人枱，佢偏要帶我哋嗰張，我就知佢想報復。我同佢講，你個場爆棚搭枱真係冇問題，但周圍都係空位，點解要啲客坐得咁迫，之後嗰兩個客都走咗去第二張枱坐，仲要係打橫坐，我哋都係打對面坐。金髮四眼男侍應唔份氣，係咁捉住長髮女侍應係度話我哋，仲要大大聲話呢度唔俾搭枱架咩，咁嘅態度真係想博俾人打，當然我哋會容忍，無謂同呢啲小朋友嘈。當晚未夠10點鐘，個金髮四眼男侍應已經不停喺門口講截咗單啦！唔做架啦！我心諗你哋收11點，10點未夠就趕客唔做生意，希望佢老闆會睇到呢篇食評，認真考慮吓請啲乜嘢質素嘅員工，而唔係請啲倒米嘅員工。

之前朋友 farewell me 食過一次，感覺價錢和Quality 都恰到好處，今晚再食多次～ 預祝情人節豬頸肉 texture都彈牙，爽口。但我一開始燒嘅時候發現豬頸肉燒極都係白色，當然啦、豬係白肉嚟㗎嘛～ 所以要顏色好睇，要燒的時候搽埋燒肉汁先得。除咗套餐嘅特色醬汁之外，張枱其實就擺咗連埋有掃掃🧹的醬汁瓶～ 可以幫豬肉加上顏色。我自己就鍾意食M9和牛肉眼多過和牛西冷，當然就各有千秋。肉眼肉味就比較濃一啲，脂肪無相對上就冇咁多；和牛西冷一聽「和牛」二字你都明白啦😉我無估到係牛魔一人燒連甲羅燒都玩埋、蟹殼和鵪鶉蛋、蟹膏連蟹殼上枱。下次或者我自己帶埋梳打餅配埋一齊食😂

香港人一向鍾意食燒肉，市面上越來越多主打一人燒肉嘅餐廳，啱晒想獨自享受燒肉樂趣嘅朋友，或者趕時間嘅上班族！🔥🥩🥢😍每份套餐包沙律、味噌湯、飯或烏冬，仲有9款醬汁任選3款，每份燒肉套餐都好豐富飽肚。😋👍🏻✨ 牛舌・牛五花・牛板腱套餐 ($168)，呢個套餐絕對係牛魔王的肉肉組合之選，三款肉的重量約250g。牛舌口感薄薄柔軟，牛五花油脂豐富，牛板腱肉質嫩滑，牛味最濃。三款牛肉的味道、肥瘦各有不同，燒完後點上自選醬汁（黑松露燒汁、蘋果燒汁、柚子燒汁），味道酸甜更加開胃。周邊配料加購了蘭王蛋（+$10）撈烏冬，蛋汁令烏冬食起上嚟更加香濃順滑。🥗🍲🐮🥩✨ M9和牛肉眼・西班牙黑毛豬頸肉套餐 ($188)，約200g的重量。如果想食得豪啲，可以試吓呢個M9和牛肉眼套餐。和牛肉眼幾有質感，油脂更重、肉質更細嫩。西班牙黑毛豬頸肉肉質鬆軟彈牙，帶有微微嘅焦香，兩款肉都有相當的質素。🐷🐮🥩🔥「一人獨享燒肉」套餐選擇多樣化，價錢合理，最興奮的時刻莫過於燒肉燒至脂肪的位置時嗆起火來，自己燒自己食，同樣也是一種樂趣。😎🥩🥢🔥