影片
港鐵旺角站 E2 出口, 步行約1分鐘
繼續閱讀
電話號碼
23871118
66962382 (WhatsApp)
開飯介紹
價錢親民的一人主題日式燒肉店，供應的肉類以牛肉為主，提供不同分量照顧各類型食客需要。另外亦供應麵食及拌飯，帶給大家更多選擇。
繼續閱讀
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
有關獎賞計劃
1224 瀏覽
有朋友推薦我終於去左呢間牛魔，以一人燒肉為主，話說我未曾喺香港嘅一人燒肉店，佢話個情人節套餐好平之餘，仲有NMN送，話呢個牛魔YAKINIKU MOREx伊胞CYTOLOGICS雙情人祭二人燒肉Set，有朋友超推介呢個餐，隻日本出嘅NMN好唔好我未知，但我純粹覺得個餐都幾吸引，於是第二日走咗去食。有日本和牛西冷，海鮮，黑毛豬五花位，雞肉，仲有飯有湯有沙律，如果二人胃口不大，分分鐘食唔哂，$398，其實都幾超值。加錢可以要特別野，叫左個蟹黃飯，仲有海膽飯，全部唔止睇落好食，味道都好唔錯。另外試多個牛魔三重盛宴，牛舌，牛五花，牛板腱嘅套餐。牛舌好食到要再加。當日見樣樣好食再加串燒，牛肉他他等等，全部合格有餘。怪不得呢類一人燒肉餐咁流行，觀乎平日的下午有勁多中學生，可見想食好燒肉而又唔太貴，牛魔YAKINIKU MORE係一個幾好選擇。驚過左情人節無呢個set？唔驚呀，而家promotion 做到下個月白色情人節，白色情人節就送另一款適合男士嘅NMN，平時簡單食下好野又唔貴，去下啦。
繼續閱讀
估唔到1人燒肉都咁高質😳嚟到旺角「牛魔」諗住簡單食個快飯，點知俾佢個M9和牛肉眼吸引咗！仲可以加配甲羅燒，咁啱有2人枱立即入去試吓😋M9和牛肉眼&西班牙黑毛豬頸肉套餐 ⭐️⭐️⭐️⭐️⭐️呢個餐要加肉先夠喉，M9和牛燒2燒就食得剛剛好，肉味濃入口會化開，配少少鹽已經好好食😋黑毛豬頸肉夠晒爽口啖啖肉，唔好牛嘅可以食豬頸肉一樣咁正👍🏻牛舌牛五花牛板腱套餐 ⭐️⭐️⭐️⭐️⭐️一次過滿足3個願望嘅set，如果三心兩意可以叫呢個餐呀～朋友話一場嚟到所以都叫咗加大，肉片加至250g勁豐富😍牛魔蘭王紫菜月見拌飯 ⭐️⭐️⭐️⭐️⭐️基本上蘭王蛋拌飯就無得輸啦，配埋紫菜就更出色❤️加少少錢就有更好嘅享受認真值得呀！蟹粉蟹黃蘭王拌烏冬 ⭐️⭐️⭐️⭐️蟹粉蟹黃另外上，我問店員攞多隻碗仔，鍾意拌幾多落烏冬都可以！蟹粉蟹黃鮮甜好正，不過感覺同烏冬未算最夾，下次試埋拌大光麵先得！日本原隻甲羅燒 ⭐️⭐️⭐️⭐️⭐️見到有得加配甲羅燒，唔諗啦即刻加！蟹膏好甜好鮮味🦀用來配少少飯食一流呀！牛魔黑松露和牛他他 ⭐️⭐️⭐️⭐️⭐️估唔到一人燒肉都有高級燒肉店先食到嘅和牛他他🐮生和牛粒拌上酸酸甜甜嘅蘋果，加埋黑松露好惹味，配埋和牛嘅油脂真心推介！串燒：雞腎及雞軟骨 ⭐️⭐️⭐️⭐️⭐️食返串串燒令今餐更加完美，脆口雞軟骨調味唔錯，雞腎亦唔會有內臟腥味值得一試呢！
繼續閱讀
在旺角的「牛魔一人燒肉」，我被人潮吸引進去，餐牌上的一人燒肉套餐令我心動不已。價格從$48起，真是親民。點了M9和牛肉眼&牛肩肉套餐，以及M9和牛肉眼&西班牙黑毛豬頸肉套餐，附送的飯或迷你烏冬、牛骨湯和沙律都令人期待。我還選擇了$58的升級，換來手拆純蟹粉蘭黃蛋王拌飯及拌烏冬，這搭配燒肉的滋味實在無法抵擋。每一口都感受到肉質鮮嫩，與蟹粉的鮮香交融，讓人一試成主顧。用餐過程中，若覺得意猶未盡，還可以追加肉類和海鮮。我們選擇了日本原隻甲羅燒和特大虎蝦，這些附加的選擇更是大大提升了滿足感。整體而言，這次用餐體驗不僅美味，價格亦合理，讓我對這家餐廳留下深刻印象。下次再來旺角時，必定會重返！
繼續閱讀
暑假未到，盡量約朋友出街飲飲食食😌我地揀左一間「牛魔一人燒肉」因為朋友說看起來很流行這樣吃🤣進去店內，服務員便熱情地給我們安排坐位可能是我們去得太早，看起來空間好大，坐得也很舒服我們點了2份「牛五花西班牙黑毛豬五花套餐」 及 1份「牛五花雞腿肉套餐」，都是200g的套餐包含了，一湯一沙律還可以選擇要飯或烏冬（2選1）醬汁可在12種裏選3種感覺好貼心，好像知道我們都需要不同味蕾的刺激😆送來的餐看上去不多，但吃下來真的肚子都滿滿👍
繼續閱讀
餐廳：牛魔一人燒肉地點：旺角豉油街菜式：日式燒肉餐牌：一人燒肉套餐一共有15款，分100/150/200/250/300g，價錢唔同，包御飯或者迷你烏冬，牛骨湯同沙律。御飯或者迷你烏冬都可以升級，可以加錢追加燒肉/小食/飲品等。落單用QR code。M9和牛肉眼牛肩肉套餐(和牛自慢系列) 200g $188 另加一M9和牛肉眼兩大片，切得夠厚身，帶少少肥膏，燒一陣就食得。食落好有牛味，而口感嫩口，正！牛肩肉有六件，好厚切，脂肪唔多，食落啖啖肉。跟有檸檬角比你自己調味。M9和牛肉眼西班牙黑毛豬頸肉套餐(和牛自慢系列) 200g $188 另加一M9和牛肉眼西班牙黑毛豬頸肉套餐除左M9和牛肉眼之外，就有6片西班牙黑毛豬頸肉。豬頸肉肥瘦適中，口感爽脆。好欣賞呢度醬汁好flexible，可以從12款醬汁當中自選3款，好貼心。呢度肉類本身冇加醬汁，所以自選醬汁好重要。每款醬汁都好有特色，任君選擇。今日試左蘋果燒汁，黑松露燒汁，韓國辣汁，焙煎胡麻汁，檸檬鹽，柚子燒汁。跟餐沙律係簡單雜菜加粟米粒沙律，醬汁係黑胡麻醬。跟餐牛骨湯有豆腐粒同蔥花，唔會太鹹。烏冬份量係一細碗。手拆純蟹粉蟹黃蘭王拌大光麵/烏冬 加$78 另加一手拆純蟹粉蟹黃蘭王拌烏冬原來分量好多，烏冬用木兜上，中間一隻橙紅色大大蘭王！手拆純蟹粉蟹黃另上，係熱辣辣，蟹粉蟹黃撈有蟹肉加蔥花。我成兜倒落去撈烏冬，味道係剛好，口感滑溜而唔會過鹹帶適量蟹味。日本甲羅燒 $40 另加一日本甲羅燒蟹蓋放有好多灰色蟹膏，加有雞蛋黃，蔥花同蟹籽，蟹膏份量好多。蟹膏滑溜有好有蟹味，撈飯一流。伴有檸檬角。特大虎蝦 $28 另加一特大虎蝦真係幾大隻，蝦頭有膏，蝦肉爽口又鮮甜。伴有檸檬角。鳳梨特飲，柑橘特飲 各加$15柑橘特飲同鳳梨特飲都有粒粒椰果可以咬，而柑橘特飲味道清淡，都夠解渴。鳳梨特飲就甜少少，不過都唔會過甜。今餐所有肉類海鮮都好正，食完唔會成頭成身油烟味。每個座位都提供較剪方便自己將燒肉剪細入口。餐廳裝修乾净衛生。
繼續閱讀