牛陣 (銅鑼灣廣場一期)

營業中

休息中

同一大班朋友嚟慶祝最好不過。侍應介紹依排最輕嘅泰國冬陰公湯，配埋牛肉牛舌豬肉同埋海鮮，味道一流。湯底係事先係你面前煮個加入香茅，lime，八角，等嘅材料炒埋一齊再加湯，超入味。再加上可以喺出邊自助攞唔同嘅配菜，佢哋佢哋仲有烏冬同公仔麵添。本人好鍾意食菇，佢哋有幾款唔同嘅菇可以滿足晒我一個願望。甜品仲有哈根達斯添。飲品仲可以叫啤酒，有綠茶同埋汽水，超鄭我。仲有唔同嘅遠慮例如有馬體院蛋角同埋魚蛋。醬汁方便有炸蒜頭，蔥，生蒜，燒汁，酸汁。超正。依個餐仲包埋一支isee isee嘅芒果糯米雪條

All you can eat hotpot on a friday night! Wanted to have hotpot with reasonable price, therefore went for all you can eat style. We ordered the thai dong yum soup base for hotpot which is on promotion, with the all you can drink Chang beer Waitress helped with the soup base by first frying the seafood food and seasoning up, then pour the Dong Yum soup. The soup was the highlight of the night, all vegetable are soaked with the domyum soup and it's so yummy. The beef are with good quality as usual

係銅鑼灣睇完戲想打邊爐 去食個牛陣火鍋放題見到有個DIY湯底，即刻叫黎食先上個鍋同香料 比我地自己逐樣逐樣放落鍋炒又可以表演下廚藝先用牛油（牛既脂肪）炒香，再落香料同埋菇，將菇炒到金黃色再菇海鮮有蝦、魷魚、蠔、元貝炒熟哂香料同配料 就落冬陰公湯啦好香呀！飲左一碗湯先酸酸辣辣咁！用呢個湯再煮火鍋配料再黎就叫澳洲穀飼牛正呀！個人習慣滾十幾秒就食得入口即溶，湯底唔會蓋過牛味好香，食完仲可以任加亦都可以試下個青咖哩男朋友食得辣都覺得有小小辣點一點來食好香咖哩味 辣得黎帶點甜，仲要係熱既就咁入口都食得再黎就係出面任選配料好多選擇，219一位性價比都算高，岩哂食好多野既我地重點仲要有Haagen-dazs任食呀四種口味食返幾球都返返黎總括黎講係唔錯既

早排男人留意到呢間餐廳出左新湯底，而小妹一向鐘意打邊爐🤩男人梗係拉小妹去試新野啦🤤無得去泰國，唯有食返個冬蔭功湯底當去左啦😂跟餐仲有手工雪條食！！！呢間手工雪條勁出名，出名好味但好貴，依家包埋🤩抵呀冬蔭功湯底，原來配料要自己炒😱有得玩又有得食😂😂炒完就落冬蔭功湯啦～～ 湯底好香，唔算太辣，愛辣嘅話，可以自行加辣椒🌶️冬蔭功Set，除左牛豬任食外，仲跟埋任食海鮮同牛舌🤩 任食黎講，牛肉嘅質素相當唔錯，反而豬肉就弱啲，所以後期，小妹同男人主攻牛同海鮮🤤海鮮隻蠔真係唔錯！飲品一向任飲，但冬蔭功set嘅話，泰國象啤都係任飲，岩哂男人呀😆是晚有4款雪糕可以任食🤤🤤🤤小妹梗係食返兩球先啦❤️❤️❤️重點黎啦！！！！！！泰式芒果糯米飯雪條😱😱😱😱超好味，好似真係食緊糯米飯咁🤤不得了呀！呢個set真係值回票價呀👍🏻

今日去咗食牛陣最新推出嘅冬陰公DIY火鍋湯底，一坐低店員首先就俾咗menu 我地睇，然後逐樣材料咁樣介紹。我地揀好左後，店員就幫我地炮製個diy湯底！首先落嘅係幾粒牛肉油脂粒係用嚟炒香嗰個鍋先，仲有兩隻大蝦！之後就落咗唔同泰式嘅香料，有辣椒香茅薑片蒜頭，炒晒之後就可以落返個冬陰公湯底。我哋首先落咗肥牛落去，肥牛嘅脂肪同埋肉質分明，非常之襯返冬陰公湯底。跟餐配嘅香茅蜜糖茶同火鍋簡直係絕配，小小嘅香茅味再加埋蜜糖十分之消制，又唔會太飽肚，啱晒易啲任食打邊爐。咁冬陰公湯底當然要襯返啲海鮮啦，我哋嘅套餐係包括任叫海鮮嘅。海鮮就包括帶子、魷魚。自助材料區方面都十分之多選擇，店員強烈推介冬陰公湯底配公仔麵食，平時我打邊爐都好少落公仔麵，多數落烏冬，見店員強烈推介公仔麵，今次就不妨一試。食落就真係不得了，冬陰公湯底同公仔麵簡直係絕配，我同朋友都特登食多咗幾個公仔。

星期日大約十二點半左右， 一家四口的第一次 食牛陣嘅午餐， 當中有選擇係60分鐘定食定或1h30鐘頭嘅定食, 仲分1h30任食, 門口带位 小姐 勁冇禮貌 又唔講清楚 ，怎樣開始吃， 肉到咗 原來自己攞菜 淨係話肉冇得添食， 汽水都冇得飲， 我哋第一次試啫， 應該講清楚明白嗎？ 非常冇禮貌 ，攞食物枱烏冬冇人 添加 㗎 ！菜好多水浸住，雪糕排曬隊 都唔緊要， 其實應該職員要留意下食物枱的需要但是他們四個人聚埋一齊嘻嘻哈哈！好似好開心咁我絕對相信呢間公司好重視工作人員但唔重視客人囉！未夠一個鐘 開始收錢呀 ！一個鐘大約爭7分鐘 ，通知我們走，態度非常不友善， 冇下次 收費合理 食德好谷氣

想試下好耐，我食一個鐘69蚊嗰個。一碟肉，清湯湯底（其實我覺得係滾水啫），其他出面buffet枱嘅野任食，唔包野飲。對我黎講ok嘅，因為食唔到好多野。如果你係食肉獸就叫99蚊肉任食啦～buffet枱嘅野都係基本野，炸物係薯條，有4款醬可以揀，唔係只得茄汁，呢個真係加分呀！水有熱有凍都有綠茶茶包，都算係咁啦！雪糕係H字牌，可以任食。唔會雪到勁硬，每日都有4隻味提供。有曲奇，焦糖，士多啤梨同熱情果，但冇我最愛嘅朱古力味囉埋單連加一都係$76，食到勁飽！我覺得呢餐真係好抵食

-🦄牛陣-晚市牛肉放題 Hkd179Rating🌕🌕🌕🌗🌑-2/7既星期一補假🤭🤭🤭緊係要食豪啲啲 迎接返工😵晚市既牛肉放題都係第一次食呢個套餐包括牛肉同豚肉🐂🐖而火鍋湯底就揀咗豚骨湯但係湯底唔夠香如果可以再濃啲會好啲🤔🤔牛肉係可以任添架!!!!👍🏻👍🏻食多幾碟牛咩都抵返曬啦haha🤪呢個放題勝在出面有自助火鍋配料吧如果覺得唔夠飽可以出去拎而出面嘅配料有超多🤩喺蔬菜方面有生菜娃娃菜蕃茄等等而肉類有雞肉魚肉😈仲有芝士腸豆卜魚蛋蟲草花etc 佢仲有得選擇烏冬公仔面同拉麵🍜而且醬汁方面有日式醬油 麻醬 etc先講食嗰方面 牛肉食落唔會太韌😇個人認為所有配料配麻醬食都係最好嘅👍🏻如果大家唔想食麵嘅話可以選擇健康穀米飯打開飯煲都覺得香😌另外仲有咖哩牛肉 薯條 炸雞肉 等等而最吸引嘅係自助雪糕吧😝😝😝有藍莓朱古力咖啡士多啤梨味一次過可以食晒4隻味👍🏻🤤跟肥膏做好朋友Again And Again💘-

晚市90分鐘放題入坐未夠90分鐘要求客人離座好彩入座時自己有計時 未被它們影響大家光顧這分店 記得要自行計時牛肉級數 首碟最靚及新鮮次碟開始 牛肉級數越來越差及較多肥肉服務員又少及態度麻麻 送肉速度慢附近牛一或牛涮鍋 質素及服務較好這間銅鑼灣分店是光顧數次牛陣 最差的一次 亦不會再有下次機會。

同父母去食生日飯用六月生日免費果優惠卜咗六點直接入去坐低揀咗個＄３４９黑豚肉特選和牛餐之後見到有個大滿足嘩！有驚喜咼！點知淨係送咗一碟兩隻蠔，兩隻帶子，兩隻魷魚仔。之後店長話賣晒我同阿媽都覺得係佢唔想俾我地食所以話賣晒，點可能咁早就沽清？呢碟係第一碟牛，啲牛味都唔錯中段既牛最後既牛牛既雪花差別太大，好似係食到最後先送啲好嘢出黎。黑豚肉由坐低果刻開始計９０分鐘揀餐用咗幾分鐘，送餐又用咗幾分鐘，食既時候都無９０分鐘最後仲要SHARP趕我地走。成個感覺都好CHEAP牛陣係一間好CHEAP既放題店。無下次

平時打邊爐好少會揀日式, 多數食港式, 今次見到6月生日免費(當然只係生日嗰個), 有個朋友咁岩係6月生日, 即刻去試試! 既然有個免費, 梗係揀最貴嘅特選黑毛和牛set, 叫完之後侍應自動波拎咗兩碟牛肉，一碟豬，一個海鮮拼盤，另外仲可以出去拎吓其他配料，配料同豬唔洗點講，正正常常. 牛肉好食，雖然肉味唔重，但夠肥肉稔，唔好睇海鮮拼盤其貌不揚，原來都幾甜！之後牛肉同海鮮都要加碼限時90分鐘嘅任食，仲有15分鐘完既時候會黎提提last order, 最後仲食埋哈根大師雪糕, 埋單兩個人4百蚊都唔洗，超抵!!不過講真，唔係有呢個優惠平時真係唔會黎，始終覺得港式打邊爐正d

打邊爐差不多係我頭號最愛的野食😘成班朋友一齊烚下烚下就最開心。同埋岩曬無肉不歡既我。行過見牛陣有個套餐「黑豚肉及特選和牛套餐」$349 標榜係日本鹿兒島直送🔊無限加追豬牛😍😍唔洗就住就住咁食。盡情放縱鹿兒島和牛雪花紋好靚，但有點兒薄。5成熟就岩岩好。輕灼幾下就食得賣相比$199個個靚好多☺️☺️入口嫩滑，牛味濃郁。要不停咁Encore🙈另外佢地個套餐重包埋牛舌牛舌同樣選料高質。牛舌帶有爽勁的口感-外面有很多蔬菜及自選汁醬。任由自己喜愛自取。不得不提佢地有蟲草花，在外邊不輕易食到🤗最後要講緊係Haagen-Dazs雪糕🍦都係任食包埋架。當日有多款口味。最少食左4球😘可惜店員招呼並未理想，有點不耐煩，及未到時候就要last call，一到時間就過黎關左個火。話要立即交枱走。如果吾係就要加錢加時。非常不人道，個陣都差不多10:30，外面都無人排隊，真係遲走5-10分鐘都吾得

今日二十幾個人一齊去食牛陣慶功宴因為我地一次留咁多位 所以要比少少訂金入座先叫左湯底湯底六款選擇都算多我食果個鍋就叫左經典麻辣湯底湯底唔洗五分鐘就上左檯 超快佢既麻辣都唔算得微微辣我覺得辣度適中 唔會辣到蓋過食物味道我地今日叫左最貴既黑豚肉既特選和牛套餐係我最豪食既一次牛陣d牛肉超靚見到d雪花紋非常均勻我地前前後後加左好多次牛肉有見過唔同既盤 但佢話d牛肉係一樣既雪花紋都係咁靚 只不過係有一d會肥dd食落口牛肉超嫩 肥肉比例剛剛好而且好重牛味黑豚肉我覺得唔夠肥 食落會覺得有少少鞋但都可以接受肉味都好足夠我地個餐可以叫埋海鮮有帶子 蠔 魷魚仔但我冇食到因為今日主要食牛肉所以冇咩食其他配料食左好少量既丸同埋菜兩者都ok 丸唔會有學味 d菜望落都靚仔最後再喺麻辣湯度食埋d公仔麵 正啊飲品既選擇都幾多啤酒係Asahi 以任食舖頭黎講比較少見最可惜既係今日個雪糕冇我鍾意既味道而且食到九點幾 士多啤梨已經得返個底90分鐘時間稍微短左少少如果可以有120分鐘已經會食得滿足d但三百幾蚊加上今晚d肉既質素我係好滿意既

昨日天氣寒冷，所以下午六點三已經到達食店， 我們揀選了$179的嚴選牛肉 ，入去之後第一轉牛是可以和靚的，但係再review嗰陣，佢會攞一啲質素比第一轉差的牛肉，當問夥記的時候，他便說是第二個部位，基本上在其他食牛肉鍋的任食地方，是不會有這種情形發生，雖然價錢唔係特別貴，但係可以去其他的鋪頭， 出到外面有任食的蔬菜和丸類是滿意的，包括有雞肉和龍利魚柳，蔬菜的款式也很多，最好的就是有哈根達雪糕免費任食，所以如果食佢幾個球，其實是可以維皮的

男朋友知道我中意食牛，就帶我黎牛陣打邊爐，仲試左最新推出既冬戀美鍋，可以食到鹿兒島既美人和牛～～ 呢個set冬戀美鍋( $329)，可以食到鹿兒島既美人和牛🐮、澳洲牛肉同豬肋肉🐽，雞肉，所有既火鍋配料、各式汽水/Asahi啤酒、Haagen Dazs雪糕都係任飲任食，最後仲送一個水信玄餅～湯底係骨膠原雞湯底，雞件嫩滑，夠晒滋補～ 附上一個蔬菜籃，都幾特別～ 和牛既質素好高🤤🤤🤤，雪花紋平均，和牛味油脂香濃，入口即溶，一定要encore! 仲有豚肉同另外一款牛肉揀，但我覺得既然叫得呢個套餐，一定要不停點美人和牛先能回本吧！ 至於其他既火鍋配料，我覺得配料款式唔算多，選擇較為大眾化～ 另有白飯可以食～ 飲品櫃 食到最後要食番幾球雪糕先覺滿足😽😽. 餐牌