牛陣 (銅鑼灣廣場一期)

營業中

休息中

Yes, the hotpot was nice. The tomato soup was smooth and tangy and the mala spicy as expected. Beef and pork are of decent quality for the price. A wide variety of condiments are available for selection - I especially enjoyed the cheesy balls...yum. Many sauces for you to mix and match. All in all a decent hotpot. But the real highlight are the Hagen Daz ice cream! Be sure to down as much as you can after the hotpot!

一年四季都適合打邊爐，今日又相約友人去烚下烚下，應該是今個星期第四次了，真係儍儍地，自己都服了自己。火鍋放題其實真係好抵，二百多元，想食嗰樣有嗰様，想食幾多攞幾多，量力而為。最重要不用自己清洗預備，省卻不少工夫。通常我會選蕃茄湯，覺得酸酸地甜甜地幾開胃。第一時間放入湯內烚的一定係牛，肥牛肥瘦適中，軟腍有牛香，薄薄的，多吃也不覺膩。其他配料擺放整齊，補足也快手，新鮮另人食得放心。

野食選擇少，飲品櫃又得幾款野飲，啲人又掛住傾計又黑口黑面咁黎招呼，叫人叫兩次先有人理，到最後食雪糕，根本聽唔到佢話夠鐘淨係話最後十幾分鐘，未夠鐘前去不左雪糕食，食完想住再不食，有個講野又唔正又無禮貌既服務員行黎同我講夠鐘唔可以再不黎食，咁點解唔係我起身既時候講？後尾我問咁係咪呢球唔可以食，第二個類似部長定經理就叫我拎埋佢，我番埋位睇時間遲左5分鐘，佢地雪糕櫃啲雪糕又硬，不又要時間，姐係我一夠鐘就比佢咁黎講？食最後球雪糕既時候又眼超超，好似無錢比咁，呢間野真係無下次！

咁多間任食火鍋店之中，我最鐘意黎呢間食。午市好抵食，牛肉質素中上，叫最基本個隻都有牛味，唔多筋。甜油湯底煮牛肉最正！配菜refill得幾快，款式應有既都有。平時任食唔會食炒飯，炒飯少有地好食。最尾當然要食雪糕。佢地既Haagen daz雪糕都係其中一個吸引人既地方，食多幾球都回本。 總結：性價比高。

對上一次喺度食大約一年前，我記得嗰時啲牛肉好似食埋都係150樓下，今日再嚟已經變到差唔多＄200 一個人店務員態度唔太有善，入到去都無人安排我坐邊，最後都係叫返普通牛肉食，因為根本問嘢佢都唔會想搭理，印象中只有一個男人係比較友善，食物一樣好食，不過如果知道係呢個價錢我寧願出去食其他野啦。

今日返夜，當然要好好慰勞下自己先。之前淨係食過一次飛驒牛，趁無乜人一於黎牛陣一試和牛既滋味2點左右到達，無乜人。座位都闊嘅。今次叫左259+1既和牛配甜豉油湯底，之前都好想試架啦甜豉油湯底一直都覺得呢個湯底係最正和牛第1轉同第2轉既質素一樣，唔會話淨係第1轉係和牛第2轉打後就cheap牛。無論係油脂分佈、口感、味道都一流，唔需要點其他醬已經好正豚肉味道都幾好架淨食和牛又好似齋左啲，有豚肉可以緩衝下

今日老公又想食牛放題，就黎左呢間牛陣食，六點幾餐廳無乜人，好快已經可以入座。我地揀左鴛鴦鍋，sukiyaki同埋麻辣湯底，麻辣湯底都幾辣，灼牛食幾刺激，sukiyaki亦唔錯，唔會太甜。任食牛質素一般都好正常，開心既係見到任食配菜有羽衣甘藍，用sukiyaki黎灼甜甜地，突出菜味，唔錯。另外有我最愛既芝士豆腐，平日火鍋叫都要成六十蚊一碟，有得任食算係唔錯。$199以上既餐都送魷魚、魚肚、帶子同魚片，魷魚特別新鮮好食，我地encore左好多次，魚肚要灼耐d，軟熟又索湯，唔錯。

跟好友們約了很久的聚會終於成行啦！中午竟然選擇任食火鍋這種要時間要食量的餐廳。它可以選擇60分鐘或90分鐘任食。而不同鍋底選擇價錢亦不同。我們選了兩款混合鍋底：柚子葉、番茄。我一開始對柚子葉鍋底滿有期望的，但食下發現味比較淡，只有隱約的柚子香。相反番茄鍋底挺特出，濃濃番茄味。在等湯熱的時候，我當然把握時間先吃它的咖哩飯。飯和咖哩是分開放的，可以按自己需要調配分量，還可以選炒飯底。味道其實不錯。雖然是任食，但肉類是限定的。不過以60分鐘時間來說都算足夠。有牛有猪，不過吃下分別不大。至於任食方面，首推當時是丸類。最驚喜的是它的芝士豆腐，是芝心的。另外有個正方形的丸也挺特別。除了丸類，其實菜、菇等都不錯，特別是用番茄湯底更味道鮮甜。最後少不了一試雪糕。我四款口味都試了，都不錯。最驚喜是它的原味乳酸雪糕，很清涼解膩，適合任食火鍋。以150左右的價錢有這質素都算抵食。但事後友人向我反映食物偏咸，很口渴。可能是用了太多醬汁的原故。我覺得不用醬汁可以更清楚吃到湯底味反而更佳。

年初三，通常都唔洗拜年，咁就梗係出街食餐豐富啲，一於去間任飲任食，瘋狂食餐飯勁今次黎到牛陣，雖然佢有好多分店，但我就第一次來食呢間牛涮鍋，咁佢同其他同類店一樣，有得揀唔同價格嘅牛肉，至於咁鬼窮既我就揀最平嘅牛肉嚟食啦湯底嘅選擇，今次就試吓味道濃郁嘅咖喱啦日式咖哩甜甜地，應該同牛肉好夾任飲嘅汽水選擇都好多，超過10幾款入面無料，但香氣都足除左牛，所有餐都有豚肉，薄切豚肉比相像中幼嫩！脂肪同肉比例合適，入口即溶至於牛肉方面，一見個牛肉就個心寒一寒❄脂肪分佈好唔平均小弟嘗試左2盤牛肉，質素都係咁雖然呢個係最平果款牛肉，只不過薄切牛肉竟然可以咁難咬開，非常新奇所以最後都只係追加豚肉，牛涮鍋變豚涮鍋除左牛同豚肉有得追加之外，都有個自助bar 比你自己夾，食幾多拎幾多，又唔驚佢寫左紙又唔黎丸類都唔錯，其中推薦芝心丸，熱辣辣既流心芝士非常搶味，芝士味濃最後最值得一提係佢個甜品-Haagen danz有四款口味，士多啤梨、藍莓、比利時朱古力同士多啤梨乳酪絕對滿足到雪糕狂既我，最後食雪糕都抵番明明係為左食牛先黎食牛涮鍋，即使其他配套幾咁好，主角做到咁差都無用😢埋單220

牛気、牛一、牛角就聽得多也吃得多，牛陣倒沒聽說過。直到在大埔超級城看見其了分店，才知道又是吃牛肉涮涮鍋的店。而平安夜在銅鑼灣胡亂逛的我，本想到 Outback 吃個 Prime Rib 卻巧合是節慶時分，一大幫不同年齡層的情況在等位。而正正安置於對面的牛陣卻無人問津。在此情況下，與友人一致贊成去吃牛陣，反正就是要吃到牛肉才滿足。來到對面，還是象徵式的等了五分鐘才入座。看了餐牌一會兒便點了店內為二等級的神戶和牛以及黑毛豬。但對於湯底選擇方面卻毫無頭緒，最後聽從了店員推薦，選了牛陣精選的雞湯。在等上菜期間，雙眼不忘掃描四周環境。店鋪的佈置與另一間涮涮鍋專門店牛気相比，是較為頰窄。不論是蔬菜類、肉丸以及甜品等的食物選項都少得多，幸好還有我火鍋必吃的冬瓜以及豆腐。但有一點要提醒的是，巴枱的名牌與食物可謂是完全不對應的，麻油上的牌是寫豉油的，生菜上的名牌寫的是南瓜，食物巴上的食材都放得很亂，在放菜的盤上會有秀珍菇的出現，如此類推，所以我想店內的食物牌都是形同虛設。而醬油巴的枱面有不同的醬汁四濺在桌面上，所以我都快快拿完醬汁便回座。而甜品方面較為吸精的是放置了 H 字頭的雪糕做賣點，每日都有數種口

負評。15人訂位，訂金1000， 只有12人枱3個爐。3個煱湯底必須全單一樣，不然要加錢。其實我地一行人食野都係為左開心下啫。估唔到呢間野竟然咁串。叫佢經理出黎話公司規矩係咁。。。。。。原來呢間公司係規定左15個人要坐12個位。規定左人15個人黎就一定要1張單埋單。我地成班野都未食就已經感受到火煱既熱力。從心入面滲出黎。呢舖真係要打夠二百字先可以負評先可以收工。朋友，我地唔駛坐咁埋培養感情既。你地檢討下啦牛陣。

晚9:30入坐開餐，叫左放題任食90分鐘，點知牛肉似肉乾，纖維十足，有假牙的要小心，其他食品質素一般，打邊爐野無乜特别；另外整晚服務無人理，舉手叫服務員當睇唔到，加湯要自做，十一時夠鐘拿罐飲品，即比黑面部長話過左鐘唔可以再拿野飲旁邊枱想取雪糕食的也比部長訓示，果然盡忠職守！

呢排心情差，放工就約男朋友去揾食，務求大吃大喝，食到有飽死的感覺，所以我決定幫襯任食打邊爐。而我男朋友之前公司請食牛陣(佢係九龍灣分店食)，之後對佢地的牛讚不絕口，又搞到我心思思想食下。於是，我琴日去左食牛陣。我地揀左上級澳洲穀飼肥牛任食打邊爐。 我地六點半左右入坐，5分鐘湯底黎齊曬，主角肥牛等左勁耐，我齋煲湯底 15分鐘 == 終於，黎左兩底肥牛，兩底豬。等左勁耐的我地，好快咁KO佢地。 7點左右，我地再order 2底肥牛，點知今次仲離譜，經三催四請以下，我地order的肥牛半個鐘先黎= =上枱個陣己經7:30pm 再食多兩啖，7:40pm牛陣的職員己經要我地埋單 總結一下，琴晚1.5小時，我地兩個人食左4底肥牛，2底豬，再加出面的bar枱的菜。我一心想大食大喝先黎食牛陣，但我竟然食唔飽。我比食自助餐的價錢，但可以食的食物同吉野家差唔多，只係多少少肥牛== 今餐我不但冇減壓，反而食到成肚氣。銅鑼灣牛陣唔該好以任食火煱自稱，其實你地以上菜速度限制食量!唔好賴樓面忙，個日(星期2)完全唔受用，有一半坐位係空的。 

Went there with friends last night! Food was really worth the price for all you can eat! The only problem I had was the service needs improvement! But it was really worth it! For 4 adults and 2 kids was only 1k was very surprised!

牛任食　有４種級別選最高級別　牛既肉地會相對比較滑　脂肪分佈會比較好４：６到　食落口感會好食ｄ！牛既質素係唔錯既但打邊爐無理由只食牛　其他菜式就無咁新鮮　有時就會見到ｄ虫飛飛下＝　＝　諗起呢到唔太敢食醬料方面有好多選擇 都係全店比較有特色既野我中意食佢既沙爹醬 小小甜得黎帶辣!