牛陣 (德福廣場1期)

營業中

休息中

日本壽喜燒會係有值得慶祝既日子食見牛陣出左又心思思想食，甘岩朋友仔過幾日生日，於是就同佢黎食生日和牛壽喜燒啦！店舖好貼心，準備左日本正宗壽喜燒食法同埋步驟比客人參考飲品任飲架，仲有好多特別既口味野菜盛合好豐富蔬菜菇類各款都有唔止和牛，仲有牛舌同埋豚片。厚厚黑毛和牛切片，可見每片上既油脂都恰到好處和牛脂肪，可保持和牛既原汁原味細心既店員先幫我地將和牛脂肪放入鍋，再放洋蔥、京蔥炒香之後就可以放和牛落去煎啦，再淋上壽喜燒湯汁，即時濃香撲鼻將煎好既和牛，點一點用日本鮮雞蛋打勻既蛋汁食有另一翻風味！仲入口即溶架自助區有不同丸類、蔬菜、麵類選擇，但今日都係以食和牛為主最後將日式清湯加入壽喜燒鍋，擺埋冬菇、蔬菜、燒豆腐、蒟蒻絲落去煮。要食埋雪糕先走，甘先係圓滿的晚壽喜燒晚餐

好耐無食呢類打邊爐, 多數都真係港式火鍋, 呢類比較日式啲既真係小。今日會食係由於行過見到佢圖既牛好正!就入去試下!今日上左新野, 先係類似煎咁,用牛既油開左個底先放左洋蔥之類既野先,再落牛,其實仲有個汁既,唔記得左影, 好正既,啲汁會入晒味!上黎個牛既樣,得到不得了, 正,唔會比啲cheap野而最最最鍾意,係個牛舌, 正到可以一個人食3碟,太正了!跟一個蔬菜欖, 我再加埋蛋, 正,即刻無咁油啲菜係可以煎完後有比湯我地倒落去再打邊爐,掛住食,唔記得影!調味任你自調!任食埋單兩個人$636 飲品任飲, 梗係不是平到爆,但絕對合理!

今日經過九龍灣，好想食牛肉火鍋。就去左尼間位於德福廣場既牛陣火鍋。任飲任食食足90分鐘。我地點左$179嚴選牛肉。買單每人200$有找。好。講番有咩食先。佢入面既款式唔算多但貴於精。佢有平時任食火鍋的配料，大家都可以係相到睇到。所以我都唔多講。但有一點要必提的，尼間牛陣有好多特別蔬菜選擇。有我最愛的羽衣甘藍。羽衣甘藍含有豐富維他命。100克羽衣甘藍含有4克纖維，多過2個橙，屬於高纖食品。任食羽衣甘藍真係好開心。仲有另一款特別蔬菜係冰菜。平時餐廳比較少尼兩款蔬菜。所以鐘意食蔬菜既朋友仔，尼間真係選擇之一。所以係尼到加左好多分😍😍😍講番牛肉，我地用$179買既牛肉。唔好預左真係好好食。可以入口，唔難食，又飲食。算係甘啦。如果你真係對牛肉有要求，可以選擇$179以上的套餐。仲有，佢個甜品係haagen dazs雪糕。有好多款味道，花生，朱古力，雲尼拿曲奇🍪等。鐘意食雪糕既朋友仔，尼到又係必選之一呀。而我本身對雪糕麻麻地，所以都係鐘意食乳酪雪糕。

今日同老公喺德福食個 lunch，想試下日式涮涮煱，唔想太趕時間，我們揀咗90分鐘嚴選套放題，汽水可以任飲。店內環境好整齊，枱與枱會用木板間開，保持私人空間。出面自選區有不同款式的瓜菜，菇類，豆腐等，原來黄帝菜即是春菊，很喜歡這個菜。也有丸類、腸仔、牙菜、蘿蔔、蓮藕、竽絲、烏冬、拉麵......醬油區有不同的醬油、豉油、辣椒粒、麻醬、芫茜、蔥粒......揀選了甜甜地嘅壽喜燒湯底，火煱嘅火力好夠，keep住滾。我們選擇嘅套裝包咗任飲汽水，落order侍應便會送上，有汽水有凍茶。不用落單，會先來兩碟牛及一碟豬，賣相不錯。牛肉脂肪含量好均勻，淥幾妙就啱啱好可以吃，因為是壽喜燒湯底關係，已經有香甜嘅湯汁，不用沾豉油都好好吃。豬肉都好好食，淥熟晒都唔覺得韌。當然最後一定要試埋佢嘅雪糕，六款味道任君選擇。

新年前同朋友去德福買下野，行完梗係要搵食啦！去到門口又唔太駛等位！太好！又可以坐耐少少傾下計！我地睇左好耐，見到有正宗壽喜燒，有侍應教點食，又見牛肉都好靚！我地就決定呢叫個！其實堅抵食，二百尾食到和牛，油花勁靚，仲要出面野任飲任食！唔錯！終於黎齊哂野，完來都幾多，仲話任食 🤣🤣 首先侍應教我地用牛脂起左個鍋，再落洋蔥同大蔥爆香，咁你就可以落幾片牛肉落鑊，再落汁去煮黎食！最後夾上黎點雞蛋食 👍🏻👍🏻👍🏻我地最後食左 4盤和牛，一黎都幾薄下！不過真係正 👍🏻 盤盤都係靚果道好！野飲選擇唔多！火鍋梗係唔好飲有汽飲品啦！蝕呀 🤣🤣🤣

朋友今日生日, 緊係要搵d 正野賀一賀佢啦, 喺呢d 喜慶節日, 緊係去食餐壽喜燒啦😋佢住九龍灣德福花園, 最近有得食壽喜燒既就係德福廣場一期呢間牛陣, 未正式到食飯時間已經大排長龍😣人山人海, 座無虛席我地叫既係$289一位呢個日本產黑毛和牛餐, 牛陣d 和牛咁靚, 肉脂分佈平均, 而且每塊都厚薄剛剛好, 識食既緊係要叫壽喜燒啦😝跟住同左職員講要食壽喜燒, 職員就叫我地首先將日本雞蛋喺碗內打勻待用職員就會為你烹調, 首先佢會落2粒和牛牛脂肪, 用黎炒香洋蔥同埋京蔥放入和牛每面炙2秒, 加入秘製壽喜燒甘露就大功告成浸一浸蛋漿食, 又滑又香, 和牛味亦濃, 放入口內真係極高享受🤤唔好唔記得食埋d 洋蔥同京蔥, 佢地吸收晒和牛既精華, 係極香極好味架😍食到上下就叫職員加湯變火鍋, 呢個係比較清既鰹魚湯底蔬菜同醬油係自助, 點做混醬隨你喜歡

好耐冇食牛陣打邊爐喇, 突然間超想食, gogogo!!!去到發現除左打邊爐之外, 而家多左壽喜燒喎, 可以2食, 爽喔!$289位, 都算幾抵食打邊爐點可以唔飲野呢, 加少少錢就可以任飲喇, 咁梗係加埋啦~好多種飲品揀丫~~Sukiyaki~~~有Menu教埋點整sukiyaki...唔洗驚唔識整呢!我地叫左和牛套餐...和牛好靚, 肉和脂肪比例均勻, 每片都入口即溶!!!淨係食和牛都回本呀!!!仲有牛舌同豚肉...職員教我地燒, 好貼心丫蔬菜拼盤唔夠食都唔緊要, 出面自助區可以拎呢...自助區有更多食物種類選擇...蔬菜, 丸頖, 粉麵飯樣樣有~~食完sukiyaki就打邊爐咯, 將好多材料一齊放晒落去恰下恰下, 非常豐富!! 食完正餐就梗係食甜品啦~~haagen dazs雪糕, 正呀!!仲有成6款口味揀添食到捧住個肚走, 想食靚牛既朋友就不妨黎食啦

偶像出身嘢，日式sukiyaki 火鍋🍲，又係試吓囉。 食材同平時一樣，淨係鍋底改變左。呢次好特別，成個鍋都好似係自己煮出嚟咁，有一個好詳細嘅介紹指導你點樣去完成呢一個sukiyaki. 甜豉油湯底，加入牛脂肪剪一陣，再加洋蔥，然後放入肥牛煎幾下，最後點買發開咗嘅生雞蛋蛋做醬汁，非常幼滑！ 又真係幾好食。

為慶祝收到碩士offer，男朋友帶左我黎牛陣食壽喜燒。佢話牛陣既壽喜燒好正宗，識食一定要黎呢到食！我之前未食過，俾佢講到我都非常期待工作人員好有耐心解釋一次壽喜燒的正宗食法，而喺餐枱上都有一個說明，我地跟住簡單程序就可以啦。1. 一開始將蛋打匀作為之後備用2. 將牛脂肪放入鍋塗匀，之後放下洋蔥、京蔥炒香3. 跟住我哋就可以放和牛肉片落鍋煎香，中間可以落大約兩湯匙嘅壽喜燒湯汁4. 煎好就將肉沾上蛋汁享用牛肉片真係好新鮮，入口好嫩滑，煎香左再沾上蛋汁真係好好味！由於和牛可以無限添加，我地差不多食左三碟，食到蛋汁都冇晒。真係好滿足！享受完壽喜燒後，可以將肉、皇帝菜、白菜、冬菇、燒豆腐、蒟蒻絲放入鍋中，再加上壽喜燒湯汁同日本清湯，就可以用黎打邊爐。火鍋配料有豬肉、牛舌同黑毛和牛，全部都好新鮮，加左湯打邊爐都別有風味，湯味清甜。個晚餐仲有汽水同Asahi 罐裝啤酒送👍🏻，最吸引當然係有Haagen Daz 雪糕食，有六款口味選擇！最意想不到係食完之後，餐廳仲送左兩支芒果糯米雪條俾我地食，認真抵食！

辛苦左成個學期今日考晒試梗係要食返餐好慶祝下啦咁啱想食日本菜識食一定係去食牛陣湯底入味牛肉質素又高價錢又合理👍🏻....今次叫咗個和牛壽喜燒套餐佢唔係就咁壽喜燒汁打邊爐咁簡單而係先用和牛脂肪查個煲再搵啲京蔥爆香佢之後就輕輕咁燒下啲和牛再加上少少壽喜燒醬汁略燒多幾秒最後加蛋汁一齊食真係超好食店員話呢個先係壽喜燒最正宗既食法😮😮我之前好抗拒食生蛋但係呢個組合真係超級夾一定要試👍🏻如果唔想食燒嘅可以用壽喜汁再加湯底變成打邊爐一樣咁入味咁好食另外要讚既係再落order叫牛啲質素都係咁高唔會一碟差過一碟🤨....至於其他打邊爐配菜都係同其他大同小異甜品就有haagen dazs雪糕呢個都係回本位之一食完正餐可以畢番幾杯🤤🤤

日本人食壽喜燒是因為有喜事或大事慶祝！一年過去，老公和我都加了人工和出了花紅，一定要好好慶祝！識食一定揀牛陣吃日本正宗的壽喜燒慶祝！我們選擇了日本產特選黑毛和牛套餐$329一位！店員教我們正宗的壽喜燒食法，超讚！首先將和牛的肥膏落鍋，煎出牛油，再放入大蔥和洋蔥一同爆香！之後就到重頭戲，放入和牛，再倒入兩羹壽喜燒醬汁， 散發出陣陣香味，未食已經流曬口水!燒好的和牛再沾上蛋汁，真的不得了！和牛的牛肉味很濃郁、壽喜燒醬汁的甜味再加上蛋汁的鮮味，簡直一絕!而且和牛切得夠薄，油花分佈平均，有入口即溶的感覺!之後加入上湯，就開始打邊爐!!我們總共足足吃了10盤和牛! 而且每一盤和牛質素都非常高! 自助區的選擇非常豐富，而且很新鮮! 有冰菜，羽衣甘藍，生菜，各式菇菌，南瓜，芋頭等等!還有雞肉，雞滑，脆皮腸，牛丸，龍蝦丸，魚腐等等！啤酒汽水飲品任飲!還有最正的Haagen Dazs雪糕任食，太正了!

今天是年三十晚，跟夥伴下午兩點逛了一圈維園花市，人山人海，又熱死人，所以走馬看花後就急急離開現場。原本想在九龍灣找一家餐館吃下午茶，可能因為是年三十晚，所以下午茶時段很多餐館都不提供下午茶了！我跟夥伴説不如早 d 吃晚餐，就當我們已經吃了團圆飯。到了德福商場的牛陣分店已經是四點鐘了，以為餐廳可能提早收鋪讓員工回家吃團年飯，點知餐廳如常開門營業。雖然到達餐廳時已經是四点鐘，可是餐牌還是有午市的放題，所以心裡暗暗歡喜。服務人員都很年輕，十多二十來歲，個個非常有禮貌有耐心，面帶笑容，值得讚揚。我和夥伴叫了最便宜的九十分鐘放題，$129。如果選擇六十分鐘的放題就更加便宜。不過本人覺得六十分鐘太趕了，會很倉促，會讓自己肚子不消化。雖然我們點的是最便宜的放題，可是有牛，有豬，有雞，還有外面吧台任拿蔬菜和肉圓等等，已經很豐富了！最讓我垂涎的是 haagen dazs 雪糕，任拿不嬲。可能是我們吃得早，當天餐廳祇有十來個食客，所以我和夥伴吃得很舒服，就這樣一起慶祝團圆。在我們五點三十分結帳時，外面的食客陸續進來餐廳，我和夥伴都慶幸來早了。我並沒有拍肉類的照片，因為其他食客都拍了，你們參考他們的便可以了

只要天氣一冷，就好想圍著吃火鍋了！我一直以黎都係牛陣既粉絲貪佢任食得黎！食物款式算多同埋平均！而且舖面乾淨同埋服務良！七點鐘來吃晚餐！來到時間剛剛好不需要排隊！要了新推出美人鍋！又叫美肌骨膠原雞白湯！個湯底係好似話真係用隻雞熬出來！但能否補到骨膠原就真係要經常食先知！而食物方面！最令人一見難忘的是鹿兒島和牛！係任食但要點！賣相靚靚雪花紋分佈都幾平均！稍為在鍋底滾幾下就可以食！牛味十足，完全不需用醬料！再試試澳洲牛肉，牛味濃郁但是肉身較鞋！同和牛嫩滑度是天淵之别！豚肉肉質尚為幼滑，肉味一般！宜沾點醬油增加味道！一個半鐘的用餐時間！一邊吃一邊聊天其實好免強！自助區有雞肉，雞滑，脆皮腸！龍蝦丸、魚腐等！蔬菜選擇很多及各式菇菌等等.....自己挑選感覺較健康吃起來很開心！還有最正的Haagen Dazs雪糕任食！可惜雪得太硬太實！弱質小女子要從一大桶雪糕中！挖一個球亦非易事！整體黎講,一次唔錯既美食體驗！

一直都好想試下呢間日式邊爐lunch，但由於同朋友夾唔啱時間一直未有機會試到，今日終於有機會試呢到嘅午餐有分放題同定量2種, 定量只包一碟牛肉，而放題就係牛肉任食，另外無論係揀食放題同定量都可以係餐廳嘅食物bar到攞野食嘅而今次我就叫咗個最basic嘅定量餐試下牛肉每位一碟，質素普普通通啦湯就配咗清湯，如果配其他湯底係要加10蚊嘅bar台食物款式包羅萬有,要肉有肉要菜有菜醬料都係出面個bar到配,我推介黃金燒汁配蒜蓉連haagen dazs雪糕都係任食靜係呢樣已經回本啦連和牛咖哩都有總括嚟講以呢個價錢食到咁多嘢簡值係超值 呢到環境又好,適合一大班朋友吹水食飯有機會會再嚟幫襯

我地兩男兩女一行四人去咗德福商場嘅牛陣，一入到去侍應超級有禮貌，介紹我哋食啲乜嘢，之後我哋叫咗兩個鍋，食物到嘅時候侍應仲過嚟教我地點樣開始食，服務超級窩心！所以未食已經感覺到開心嘅感覺，咁我哋就開始首先燒牛肉，佢哋嘅牛肉加埋個醬汁簡直無得輸，還有豬肉海鮮都超級好味，仲可以出去自助吧枱攞個款嘅新鮮菇菜，燒到一半仲可以加湯打邊爐，如果鍾意食牛肉嘅人真係要去試吓，因為佢哋呢度啲樓肥瘦適中可算是靚啊，飲品都算多選擇，價錢不算太貴普通大眾市民都可以食得起，所以這間店值得推介