牛記茶餐廳

營業中

休息中

早兩日下午3點左右去到，叫左碟切雞飯，點知黎到得一件雞頸，一隻雞尖，一件雞翼位轉彎嗰舊骨，加兩件都叫有肉連肥雞皮嘅唔知咩部位，一見到已經好唔開胃，叫左個女性職員（眼大大中年婦人，唔知係咪老闆娘）問下嗰舊係咪雞頸，因為好難接受今時今日仲會比雞頸客食，點知個中年女職員遠距離好串咁答：「我點知呀！無比雞pat pat你咪算好，仲想點？！」嗰下聽到真係呢（係我錯，叫切雞飯，無論你比雞嘅任何一個部份我都係啱嘅！碟飯加埋凍飲成5x元，我只係食左幾啖白飯！本身從未寫過食評，因為真係唔想影響人地做生意，但今次堅反感！！！可能個女人嘢知我係遊客未必回頭，所以咁嘅態度！

每次大班人去南丫島，都會光顧這間茶餐廳，雖然食物一般，但勝在面積大，一大班人到這裏用膳也ok。今次再到南丫島，貪方便再到這餐廳食午飯再行山。今次食物完全不行，侍應態度極差，薯條雞翼要等20分鐘，點知30分鐘才過，侍應已大大聲聲鬧，話我哋霸主張枱成個小時，還大聲呼喝我們；大佬呀，我們每人都有叫餐、只是雞翼薯條實在等咗太耐，食物來到又太熱，才不能快快吃完。試問食一頓飯，由落單到吃完，超過半小時是否有罪！😡😡😡總括而言，食物越做越差，侍應態度簡直離晒譜，以後也不會再幫襯。

同我高太係南丫島住左一晚訓醒起身又要搵野食高太今日興緻勃勃話想食五香肉丁出前一丁我地check out 之後就沿榕樹灣大街搵茶餐廳，本來唸住搵間有海景既食下，可能因為食飯時間，有海景啲茶記full 哂甘行行下就搵到依間牛記茶餐廳餐廳都幾大下，門口仲要有一片大空地不過一望餐牌，原來依間茶餐廳係食車仔麵我高太無得食五香肉丁出前一丁lu我叫左個咖喱汁油麵成個麵都普普通通，無咩特別無得食五香肉丁既高太唸住嗌個煎蛋出前一丁跟住侍應姐姐話無煎蛋好彩老闆娘親自處理off menu 既煎蛋俾我高太等佢唔使失望两次

今日去南丫島玩，落船後，一行人於牛記吃午餐。我們點了一碟蒜蓉炒生菜、兩個午餐，一隻BB鴿及一碟炒飯。見到張單以為自己睇錯，一碟普通炒生菜竟然收取$88 ，一個午餐才是$45啊。問問阿姐係唔係打錯價錢，佢好肯定咁答我話佢哋嘅生菜係咁嘅價錢個喎。我話你哋啲菜好特別㗎，佢答係喎。冇投訴，因為我哋點餐時冇問到價錢，也不為意餐牌有冇這道菜式 ，直覺其他菜式價錢合理，所以落單時也沒有細究。不過都唔想其他人再中伏。食物質素一般，食完之後都有些口渴。以後唔會再光顧！！

📍牛記茶餐廳🇭🇰香港南丫島榕樹灣大街39號地下🇭🇰G/F, 39 Main Street, Yung Shue Wan, Lamma Island, HK.人均消費: HKD125.味道: 👅👅👅賣相: 👀👀價格: 💰💰💰環境: 🌹🌹服務: 👨🏻👨🏻👨🏻性價比: ⭐️⭐️⭐️回頭率: 🔆🔆.行山前吃個午餐，吃飽才有氣力走！.👎🏻「白灼蝦」 普通蝦就HKD120左右，大蝦HKD2XX，最後選擇食普通基圍蝦，上桌時都心知不妙😅蝦殼軟身，入口不太新鮮，有一兩只有點霉，確實有點失望，幸好還夠入口🙈.Ⓜ️「豉椒炒蟶子」 跟蝦相比好得多，蟶子份量都可以，蟶子仔都算肥美！芡汁味道挺不錯，略嫌有點不夠鑊氣！.⭐️「燒汁薯仔一口牛」有點愕然竟然幾好味！薯仔外皮脆脆又香，口感好正！牛肉粒味道都好香濃，整碟都好惹味！.Ⓜ️「生炒牛肉飯」炒飯味道不錯，但有點濕，乾身少少好.雖然食物普通，但環境開揚舒適，感覺好街坊舒服，如果淨吃小炒應該可以👌🏻

今天不幸進入了這間店。 我們點了咖哩雞飯和石斑飯。食物質素非常一般，味道淡，而且有點涼，份量少。 咖哩飯雞的分量很少， 雞沒有雞味，咖哩沒有咖哩味，而且雞的分量十分少，是我吃過最差的咖哩雞飯。 六十二元沒有飲品。 就算無法做得好吃，最少人用一點心機做出來，起碼不要送冷冰冰的飯給客人吃，分量也正常一點，價錢不要收60多元就可以了。粟米斑球飯，分量十分少，不好吃，粟米汁入面沒有蛋花，鱼肉好像在吃紙一樣。 60多元又是沒有飲品。請老闆娘給我們一杯水最後也是有沒有。 五六十元的午飯沒有飲品，如要飲品就要加15元，最後我們放棄了。我希望沒有其他人受害，也許不希望這間店影響到南丫島對外的印象。

我叫左碟干炒牛河，等左15分鐘都未有😡，我聽到佢同後面張枱講牛河賣哂，但佢同我講喎，😡跟著我問佢碟河粉有未，佢先同我講，😡我問佢點解唔出聲？😡佢就話，我點知呀，😡冇我去街市買比你呀，😡跟著我就話你係咪做生意㗎？😡佢就話係咁架喇！😡假期入到去消費，點知南丫島呢間餐廳會係咁！😡我真係好失望！😡

紫菜肉碎湯飯，25分鐘先有。算.....最大獲係豉椒骨炒麵d麵有好多炸到黑晒，儘力揀都揀唔晒，食落口好苦。同阿姐講，火都都黎！炸麵係咁的，少少燶。換其他要等多20分鐘，你係咪玩x我？以後唔會再黎。😡😡😡😡😡

一年多前，搬進了南丫島榕樹灣。這個小海灣，被自然景色環抱，有如渡假般的悠閒氣氛。而榕樹灣大街是這個社區裡最熱鬧的地方。商店、餐廳、酒吧、菜販，聚集於此。喜愛港式茶餐廳，喜愛港式常餐，喜歡港式奶茶。即使搬進了離島，喜歡的事物還是沒改變。只要一段時間沒嘗到，心裡的「癮」就會暗暗發作。南丫島榕樹灣大街有三間茶餐廳。每一間我都試過最少三遍了。其中面積最大的是牛記。一些怕熱或嬌身慣養的香港人，可能不會喜歡牛記。因為他是有蓋的露天茶餐廳，所以沒有冷氣！不過，這是我最常去的茶餐廳。有時候吃早餐或常餐，有時候吃碟頭飯，有時候則吃晚飯小菜。整體價格實惠，晚飯小菜的消費較高但合理。　小菜給我的印象是「有心做」。至少，菜色的擺盤整齊有序，不是胡亂堆砌的。像我們推薦的「香橙骨」，墊底的橙片是以扇形排出的一個圓圈。中式牛柳、魚香茄子等等小菜也好吃。高於一般茶餐廳的平均水準。有時候不想自己煮飯，牛記是其中一個我們吃晚飯的地方。兩個人點兩、三個小菜，配一客白飯，兩百元上下就可以吃得開心滿足。　我最愛的港式早餐必定要有：沙嗲牛肉麵、炒蛋、多士、奶茶。麵身偏硬，是我喜歡的。沙嗲牛肉最濃而且最入味。多士香脆加上半融牛油，

在放假的時候或敨會到離島閒逛一下，可以消磨一下時間，今天選址為南丫島，一來可以行下山，二來又可以在這島上食番一餐也可以。雖然南丫島並不太多選擇，但是只要不太過揀擇的話，也許選擇到餐廳。今均來到牛記茶餐廳，雖只是茶記一間，但可以求其一餐也可以吧。沙爹牛肉餐肉米粉和多士炒蛋是女友的選擇，是一個普通的米粉和炒蛋，雖然在下沒吃過，但是相信味道也許與其他沒有分別吧。粟米叉燒飯是在下午餐，粟米做的醬汁清甜，叉燒是全廋的，沒半點肥脂在內，為喜歡半肥廋叉燒的朋友來說，一點也不好吃，但是為在下來說，沒有半點問題，只要是不靱也不太嚡的話，那就好了，而且幾軟腍的。餐飲選了熱奶茶和熱可力。奶茶有茶香和醇厚茶味，不澀夠順滑吧。醫肚後，可繼續今天的環島遊，過一個愉快周未。

我也頗久沒來南丫島, 加上新年關係, 不太知道有什麼好食。而且中午打算求其吃一點, 看見這間「牛記茶餐廳」蠻多人, 就在這裡吃了。所謂的泰式扎肉湯米, 湯底好清, 泰式是指扎肉, 就是這樣而已, 一點也沒有泰式的酸和辣。而叉燒炒蛋飯更搞笑, 炒蛋先上來, 還以為是送錯了, 一問下才知道是叉炒炒蛋飯的炒蛋, 和叉燒分開送上來, 理由是不同部門製作, 而所謂的炒蛋其實只是普通煎蛋。叉燒也不太差, 不會好乾硬, 甜甜地, 只是這個飯要七十多元有點貴吧。見每樣食物都貼了新價錢, 好像新年期間有特別收費, 還是新年開始加了價?

這日同朋友去南丫島行山，正式出發前在這裡食飯充足電這個就是我叫的土魷肉餅飯($48)，味道口感還可以，不過個土魷餅細了些，以及略為太鹹有些搶了魷魚的味道。至於奶茶味道不錯，夠香滑。大家的戰績一覽。

5月3日, 一家人來到南丫島郊遊, 差不多2點多撘船來到所以不想吃太飽, 免得晚上吃不下... 行下行下嚟到呢間牛記, 見到佢露天位好似幾有feel, 食嘅人都唔少, 佢又有下午茶餐咁可以食少少唔會太飽, 我地就入咗去食~::: 雞翼薯條 :::雞翼只有2隻真係少, 雞翼個面好油, 唔夠味, 中間肉質係冇味嘅, 炸得太乾... 而薯條就白哂哂, 唔脆又淋patpat咁, 好失望... 作為呢d簡單港式小吃, 可能遊客會ok嘅, 但係我地食茶餐廳大嘅, 又點會接受呢?::: 生炒牛肉飯 :::生炒牛肉飯牛肉份量唔少, 但係好似牛肉係佢呢度嘅主打, 牛肉十分之冇味, 亦都唔鐘意佢嗰種入口即溶嘅質地... 連帶成個炒飯都好淡口... 冇炒氣又冇鑊氣, 跟住d飯仲有d係一舊舊未炒開, 又冇色水咁...::: 凍檸茶 :::凍檸茶算係最正常, 起碼夠凍, 炎炎夏日最需要一杯凍飲, 檸味又可以開開胃~呢度食物確實係唔掂, 又唔明咁多人嚟食, 可能佢有地利, 係主要遊覽道路必經落腳地... 但係咁樣嘅質素, 外國人就呃到, 香港人就可免則免...

唔知係唔係以為自己山寨王,坐低無耐比個帶眼鏡,體形魁梧的小姐粗聲粗氣問你食乜, 仲要用D晦氣說話鬧你. 勁 !  食物質數普遍, 叫左個炒飯, 淡而無味, 環境差, 又無冷氣 !

清明時節多繽紛 路上行人要小心。話說今天走了八千里路雲和月,汗流夾背咁既樣。見呢間牛記好多人，就入去試試。等左10分鐘到，坐低叫野食。要試一間野既水準，揚州炒飯小不免，跟住就係豉椒排骨炒麵。點知唔洗5分鐘就黎到，但係d飯一舊舊冇炒過;d狗靜係係到吠冇食過。除手拿舊都塞飽人。以我縱橫食壇咁多年,係普通餐廳叫揚州炒飯跟本係伏硬,而呢個揚州炒飯跟本就係伏中之伏,相信其他地方試唔到。d排骨紅到年初四咁既樣，d麵好醜，但它很温柔，就像tempo般，無論我怎樣和它搏拳，甚至入它中路，它仍是不會斷仿佛對著我說，你太年輕了。算. 本來想飲杯凍奶茶解下渴啦，點知等左半個鐘都未黎，咁就想埋單走啦，唔想搞大佢。當我準備拎起張單埋單時，呀姐手拿數杯凍飲，如風似箭,飛奔直下落荒而逃般，叫我拎最低果杯凍奶茶。好，心諗係未咁忙，即刻chur番啖，杯野ok啦。咁就埋單啦，嘩個老細服務態度很好，那把"唔該"既聲音有初戀的感覺，爽過爽浪，那個帶點親切而燦爛既笑容，就像嘲笑我們這班遊客。祝牛記能夠將南丫文化發揚光大,在南丫島屹立不倒,生意蒸蒸日上,客似雲來,恰似一江春水向東流。