牛角次男坊 (已結業)

今日午餐去咗九龍灣搵嘢食，去到淘大見到牛角次男坊，試咗佢signature嘅次男坊丼，價錢係$86冇嘢飲,介紹寫到有16 cm高， 黎到賣相的確係幾靚，亦都幾高，不過原來下面嘅飯就比較少🥹🥹個汁夠味嘅，只要你唔係肚餓，其實都好夠食嘅，但男仔食應該都唔夠，性價比都係一般。但有機會下次都會再嚟試吓其他嘢嘅！

今天天氣嚴熱，一個人到九龍灣附近；見到有間 #牛角次男坊 ，其實從來未食過這店，上網看看，見食評描述的吸引，再看現場餐牌相片，十分吸引；原本我是牛肉控，但近排食牛太多，今天就改改食豚肉😋點了豚肉丼 （西班牙豚梅肉），賣相極之吸引，套餐包埋野飲；進食時，一揭開豚肉，是芽菜拱托住，原來火山爆發不是滿滿的豚肉，是我見識少😭評價：豚肉份量有點失望，唯味道十分香口，豚肉味濃，算是挽回些少分數😋推薦：⭐⭐⭐⭐總結⭐⭐⭐ - ⭐⭐⭐⭐，扣分扣在份量不似預期，但味道口感佳，值得一試#九龍灣美食 #hkfoodies #openeice #collar #豚肉 #香港美食 #日式料理

肉多過飯嘅日式丼飯店🦦之前先知牛角除了烤肉原來仲有一家叫牛角次男坊嘅丼飯店，所以經過九龍灣淘大發現就去咗食💮-牛角次男坊丼肉係即叫即烤嘅，上菜嘅時候熱騰騰嘅烤肉香氣撲鼻🔥牛肉選用美國草飼牛腹腩，用日式醬汁燒烤非常入味，肉嘅分量比得非常慷慨，保證每一啖飯都可以配上肉，一整碗肉同飯堆到成座山咁高，好彩有啲芽菜配住吃，如果唔係一定會膩😵‍💫-暴雪蔥鹽豚肉丼豚肉有令我驚喜！！簡單鹽烤將豚肉烤得焦香滿分，豚肉肥瘦恰到好處，焦香緩衝了豚肉脂肪嘅油膩感，滿滿大蔥嘅香氣令豚肉油香結構更豐富，而且肉嘅份量毫不吝嗇，🦦係非常有誠意嘅一個豚肉飯

一早知新開牛角姊妹店，咁岩經過見到，停低望下見好似好抵就試下首先係門口落左呵打比哂錢再入去自己搵位坐低等，我地叫左一個2人餐，2個飯，1個小食，1隻溫泉蛋，1客沙律，再加2枝茶都係$165，好抵食餐具同水之類係自助式，等左5-10分鐘就有得食牛陸次男坊丼啲牛肉堆到好似山咁高其實中間果啲係芽菜牛肉本身用牛角次男坊獨家醬汁醃好咗，配堆芽菜同飯食就可以中和番個味，個醬汁都幾好食，另外仲有牛角汁提供，唔夠味可以自己加新瀉雞松阪丼雞的口味同一般雞肉唔同，一樣都係醃咗，好食

🙋🏻‍♂️餓底探員今日去咗九龍灣調查呢間出自牛角旗下嘅燒肉丼，絕對有信心保證，試問點可以錯過呢⁡🥩🍚 牛角次男坊丼 $86📸表示啲燒牛肉疊到成座富士山咁壯觀，雖然底層有芽菜墊住，但其實份量都算好多，大約重500g，睇見都夠igable啦🙋🏻‍♂️表示個牛肉係美國草飼牛腹腩，即叫即燒，食落軟稔juicy，個飯仲選用咗世界米王之稱嘅日本產越光米，親民價錢就食到高質上乘嘅燒肉丼，餓底真心推介⁡📈吃貨指數😋好味度 8.5/10🔙返啅度 8.5/10

-牛角除左有得食燒肉之外🥩原來都平價版既燒肉丼🤤味道一啲都唔差👍🏼無時間慢慢燒肉食 食呢個止下癮都好☺️———————————————————-🍴牛角次男坊丼($86)呢款燒肉丼應該都係佢地招牌之一眼見有唔少人都叫呢款😯肉個方面 佢地用左草飼牛腹腩🐮食落唔會乾爭爭 仲帶些少肥肉而且仲堆到成座山咁高⛰😂肉下面仲有啲芽菜比你解下膩🤭整體好唔錯~lunch想食好啲 呢個都係一個唔錯既選擇😌

每個月有啲日子會特別想食牛補充鐵質，有一次經過呢間牛角次男坊，見到好大隻字寫住黯然銷魂飯，就停低睇吓佢啲飯丼，不過最後都係外賣咗牛飯，外賣仲要有折，感覺幾抵。🤤牛角次男坊丼 $86好大碗嘅燒汁牛肉飯，牛肉份量係多到可以舖成一座小山，一開始係唔知由邊度食起好🤣再加上惹味嘅燒汁，味道好夾，係好開胃嘅一餐，牛肉唔會好乾身，咬落去都好juicy。

星期一12:36入座，得四五張枱，冇諗過都要等半個鐘先有得食，追咗幾次單佢哋話因為好多外賣，期間有見佢哋送外賣出嚟，有正常兩三單外賣，但未至於做幾十個order咁誇張，所以話因為送外賣搞到要等半個鐘未免太誇張。期間已經有幾台客都追問侍應，有啲話趕住返工，我都有問侍應佢竟然答話個牛肉要燒，但我心諗燒極都冇理由半個鐘，牛扒都燒完啦。最後終於見到碗飯，食落去啲牛暖嘅，又唔係嗰種真係燒到熱辣辣，賣相好似好靚但其實我覺得味道一般，唔係好值呢個價錢，雖然侍應都算有禮貌，不過如果廚房唔改，唔會再幫襯。

疫情期間都好少堂食，好多時都叫外賣！呢個牛角次男坊嘅牛肉飯真係好正呀！🔸B. 牛角次男坊丼(草飼牛腹腩) (正價💰$86 外賣自取💰$67.1)有好多好多牛肉，真係一座山咁高。視覺效果一流，望到都開心！😆牛肉係用牛角燒肉汁醃製，肉下面有芽菜，好爽脆，亦會包埋四塊紫菜，撈飯食真係正！外賣價真係抵食！🔸G. 安格斯牛頸脊丼 (正價💰$118. 外賣自取💰$92.8)呢個飯就無堆到一座山咁高，但都有數唔盡嘅牛肉，起碼有15塊😂塊塊都有啲厚度架！牛肉味濃，亦好嫩，唔會有肥膏！想食好啲就食呢個安格斯飯啦！(之前都食過E. 暴雪蔥鹽豚肉丼，不過啲豚肉對我嚟講太肥，之後就無再食過了)店舖嘅服務同外賣包裝都好好，真係值得一試呀！😋👍🏻評分: 8/10😋😋

自從第五波疫情以來，都少左堂食，更加唔好話去燒肉啦。但係有時心癮都會想食燒肉，今次經過淘大商場，居然比我見到有牛角次男坊，一定要食下🤭😋注意返，因為之前疫情嚴重佢哋都冇堂食（但係唔知依家有冇）等咗15分鐘，跟住拎返屋企食。～～～～～～～～～～～～～～～～～～～～♡ 牛角次男坊丼 $67 (9.5/10)呢個丼真係完全係性價比之王啦～因為超多舊牛肉啊，食到冇停口😋用上咗草飼牛腹腩，呢個部位咬落去有力，但係又唔會咬唔爛同多肥肉，伴埋香甜醬汁真係冇得啖(=ﾟωﾟ)ﾉ粒粒珍珠米配埋醬汁同埋肉，好想燒肉呀(ToT)/~~~我望住張相又再一次流曬口水🥲♡ 暴雪蔥鹽豚肉丼 $56 (7.5/10)呢個就我屋企人叫嘅，雖然豬肉都好多，屋企人都話唔錯，但係我就覺得唔算話太特別啦，係一個合格都OK嘅豚丼，但係焦少少就好啦～～～～～～～～～～～～～～～～～～～～～係而家呢一段，大家都唔敢燒肉嘅時候，食一下呢啲丼飯其實都幾過癮，雖然冇得堂食，不過外賣翻去感覺都幾吸引同埋安全d呢～順帶一提佢包裝都做得幾華麗下。

全港擁有40間餐廳的飲食集團在疫情以及政府的抗疫措施雙重夾擊下終於招架不住，前日宣佈由2月28日（今日）起暫停營業，所以昨日要出去撐一下！.記得兩年前曾去過荃灣廣場分店一次，當時我評為伏食，今次再食感覺良好得多！.先講講昨日情況，雖然餐廳堂食唔算多客，但外賣好多。眼見樓面只得兩個員工，一直忙於落單，出餐，出外賣等，相信廚房亦做到冧檔。員工在柯打時不忘溫馨提示要等大概35分鐘，無問題，辛苦晒各位前線員工！食物方面，今次叫左新瀉雞松阪丼 $76，似係平時牛角食既新瀉雞頸肉，少少爽脆，燒汁味濃。配料有蔥絲，蔥花，紫菜碎，當然要加$9叫隻溫泉蛋做牛角飯，溫馨提示，自助吧有兩款燒汁可以加。加$8升級套餐有罐汽水及味噌湯，另外再加$15 叫左個唐揚雞肉，4件炸雞不覺油膩，肉質唔乾唔柴，抵食。.最後想講，我真心欣賞呢個老細黃傑龍，一直以來都表示不裁員，不減薪，今次亦稱過千員工放有薪假（雖有戴定頭盔指若長期需停業則有機會變無薪假），但我覺得都算是與員工共渡難關的良心企業。抵撐！頂住阿！

雖然佢餐具要+$2 真樣賣返俾佢 叫佢減$2勁又餐具 要幾多 哈哈今次第四次幫親啦第一次 細佬無預我但 食左佢舊送食完一舊肉都樣再食架啦再者上次 叫左 牛肉今次試牛舌但佢 無 牛肉咁 濃香汁味比較遜色 因牛肉出色 所以 今次對期望既牛舌失望了 重要牛舌 無芽菜的下次都係會食返牛 重指定4款有優惠都幾好食既～但佢每次俾既紫菜都 ….唔知點樣一齊食先至好如果佢係同牛角個碗飯咁 鋪面就好味啦而家牛角包紫菜有得賣 可自加落去就 真心好味

牛角大家應該無食過都係人地口中聽過，相信大家都知道佢地既燒肉品質唔錯，今次我就試左牛角副線既餐廳次男坊，黎試試佢地既牛肉丼有幾出色😋🐠牛角次男坊丼 $86一座牛肉丼山上枱，滿滿燒汁既牛肉係表面，牛肉入面有一層芽菜，而飯底就係紫菜配日本飯，牛肉肉質尚可，芽菜略為無味，但牛肉既醬汁搞伴入飯入面一齊食非常搭配，快餐丼飯來説算高質。🐠鴨肝豚肉丼 $126鴨肝食落無乜焦香味，好似無乜點煎過就上碗，有d失色，豚肉方面相比牛肉之下牛角依然係牛做得出色一點，豚肉肉質較韌。PS. 如果大家係想食個高質小小而又快既lunch我覺得係十分不錯既選擇👍🏻可以來試試😋

次男坊係牛角🐮期下的丼飯店🍚，平時都成日食牛角，今次就試試佢副線，宜家外賣有自取78折！！但係排隊叫外賣既人都幾多下😅🔹牛角次男坊丼 （$8味噌湯）$75.1佢個外賣盒都好特別，個蓋係突起半圓形，一打開就見牛肉搭到好高🤣🤣但係原來下面係有芽菜墊高左牛肉。呢款牛肉🐮係草飼牛腹腩，牛肉都多既但係有少少🤏🏻韌，牛肉偏乾但係牛肉夠味，加埋飯一齊食都ok ! 醬汁下飯底，建議拌勻食，不然食到最尾飯會鹹🤣加左$8味噌湯，但係好普通，同平時其喺店飲到差唔多！

疫情嚴重，好多人都吾敢堂食了，所以佢堂食都已經冇咩人，星期六諗住叫外賣午餐，12:37pm落單，1點先有得拎🙄🙄🙄明明都係一碗飯鋪幾塊肉喺面🙄🙄餐具仲要收兩蚊份，真係好支持環保🙄🙄叫左招牌次男牛丼，碗飯係吾熱ge，但肉都算多片，外賣自取有78折，承惠$67.1，下面有堆芽菜托高佢，上面d白飯係冇汁嘅，食左一半先知原來d汁係晒下面，所以食到下面就好鹹。總括嚟講性價比一般，要等咁耐我下次都唔會再幫襯。