牛角日本燒肉專門店 (德福廣場2期)

營業中

休息中

早排引發軒然大波的餐廳，我都好耐冇食了，真係唔明點可以食到$2000，因為我今晚二人惠顧，只需$300！溫泉玉子凱撒沙律（$59）-清新一下的蔬菜，不過我略嫌個蛋汁同個沙律好似唔係好夾咁。香蔥牛舌（$55）-有4片，薄薄地一塊牛舌，再加d香蔥同檸檬汁，好正呀！雞腿肉（鹽醬）（$46）-我比較鍾意稍為調味的燒肉，鹽醬就發揮到呢個作用，唔會搶走左個味道。雞腿肉燒過後，簡直係皮脆肉嫩！豚肉燒（薑蓉）（$46）-肥豬肉永遠都係咁吸引，脂肪燒過後更香口呢！洋蔥（$25）-份量都幾多，洋蔥燒過後更香甜！牛油金菇（$22）-金菇索左牛油汁後，再加d檯頭供應的鹽味調味醬，原來效果出奇地好！白飯（$12）香蔥溫泉玉子飯（$35）-下次都係就咁食白飯算了，呢個飯唔係太抵食。牛肋肉四品盛合（免費）-由於我係會員的關係，食滿$300就可以送呢個牛肋肉拼盤，好抵呀，份量又多，做會員真係抵！埋單會員關係免加一，$300食到飽飽！

食左個AA餐，另加牛舌同豬腸，份量唔夠飽肚，建議加碗飯等啲客覺得抵食少少。肉類質素一般，比團購樓上舖嗰啲bbq放題好，唔會油浸肉同專登整得唔好食等你食少啲（陰謀論，哈哈！），牛舌六塊有兩塊有渣趙唔到，差！梅酒一般，choya 好飲好多。有app 攞位，讚讚讚讚讚！

本身今天要返工，觀塘收工都9:00，所以近近地去九龍灣食，9:15到，因為冇訂枱，9:45先有位，之前老婆20:25已經到左等事不宜遲，介紹下先，9:00後特價食物，不過因為會員，本身有九折，加上唔係咁啱食，所以都係食其他野牛油帶子，算幾好食，叫左兩份王樣，腹胸肉，未解凍就拎出嚟，食落就可以接受厚切牛舌，保持水準豬頸肉，一般鹽燒大頭蝦，呢個唔錯牛肋肉四品盛合，呢個幾好，可以一試牛角上級牛肋肉，呢個好食，必試

牛肋肉四品盛合 ($129)牛角嚴選六品燒肉 ($109)新年放假懶洋洋🐷今日終於的起心肝分享美食🙊牛角散叫又貴又唔飽🙅🏻‍♂️雖然出左放題，不過都係中意平日去食佢既lunch set 💁🏻Lunch set 相比下算比較抵食👍🏻有沙律🥗飲品🥃湯、一碟肉同飯🍚我叫呢個set有牛角飯，飯上面鋪滿紫菜同有d燒肉汁拌住，好味而且可以任添😽而肉方面都唔少，雖然肉質唔算嫩滑，但係味道係幾好味，牛肉都幾重牛味👅我食左兩碗飯黎送d肉🤤_

牛肋肉四品盛合 ($129)牛角嚴選六品燒肉 ($109)新年放假懶洋洋🐷今日終於的起心肝分享美食🙊牛角散叫又貴又唔飽🙅🏻‍♂️雖然出左放題，不過都係中意平日去食佢既lunch set 💁🏻Lunch set 相比下算比較抵食👍🏻有沙律🥗飲品🥃湯、一碟肉同飯🍚我叫呢個set有牛角飯，飯上面鋪滿紫菜同有d燒肉汁拌住，好味而且可以任添😽而肉方面都唔少，雖然肉質唔算嫩滑，但係味道係幾好味，牛肉都幾重牛味👅我食左兩碗飯黎送d肉🤤不過去到要用ipad點餐，有d麻煩，點完等左一排，問下待應有冇落到單，原來一直都未落，原來落完單之後會出返張單俾你，所以落完單要留意下有冇單俾返你

好掛住係日本食燒肉既味道，所以趁新年又出完糧豪一豪佢，食下牛角既燒肉，坐低見到有個恆生信用卡優惠，一個極上和牛大皿燒肉二人前都係3百幾蚊，已經有5款牛，1雞1豬，沙律同2杯飲品。另外我地再加多牛肋肉，石斑魚同野菌組合。 首先嚟既係胡麻大蝦玉子沙律，隻蛋係流心，撈埋落d沙律菜好好味，隻蝦好新鮮彈牙，唔似出面d用雪藏蝦，得個樣冇味，而且仲有4隻咁多。跟住當然係今晚既主角牛肉啦，一黎就燒和牛大皿，成條牛肉都好厚身，唔算肥；牛舌切成條狀，食落更多爽口，同埋冇出d舖頭個陣酥味；三味牛肋肉，最好食係用蒜蓉醃過既一款，同埋油脂分佈平均，肉嫰多汁，不醮任何醬汁已經好好吃；另外個腹胸牛肉好重牛肉味，不過就略嫌韌左少少；而豚肉燒完就好似食廣東燒味，外皮脆脆地，但d肉仲係好嫩。野菌組合基本上零難度，店員會送上有牛油同少少清水既鍚紙兜，放晒落去等佢自己熟就食得。埋單兩個人都唔駛$600，但就已經可以叫到成台都唔夠位擺，總括黎講都幾抵食，臨走店員仲會送幾粒汽水糖，so sweet!

德福間牛角最近裝修完，今晚就同女友去試下先入面嘅裝修真係靚左好多睇落好大間亦有好多檯不過就好嘈（可能因為搭檯果兩位阿姐講野勁大聲卦）見到今日有恆生卡嘅特價餐牌，好似幾抵食於是點左個極上二人前餐另加點個女友至愛豬頸肉平時好少會喺牛角點沙律但既然跟餐有就食又幾新鮮幾有水準喎同其他分店一樣都係有部平板可以點餐係幾方便嘅套餐入面嘅份量都岩岩好我地兩個人岩岩好食曬所有食物P.S而家會員去牛角仲有利是封攞添架！

一年的最後一餐，梗係要對自己同心愛的人好 d，所以來到牛角做食肉獸。首先點了一個超巨的燒肉盛，入面有牛舌、雞肉、豬頸肉、牛肋肉、腩肉和牛肩。咁多款入面，最喜愛的就是牛舌和豬頸肉。牛舌薄薄的，燒完食落好香好容易入口。而豬頸肉燒得很金香，脆卜卜好有咬口好香脆。正正因為各款燒肉都好好味，所以我們兩個人一共食咗兩個燒肉盛。另外，我們仲叫咗燒帶子。將帶子連鍚紙盤放在火上面，把牛油煮溶後進食，真係鮮味得來又有 d 甜甜的。而今次的甜品就是燒蜜糖芝士，職員說只要將芝士燒到金黃色，然後點上蜜糖食用就可以。但是，芝士未燒到金黃色已經開始溶，再點蜜糖食是覺得好淡味，有點失望的。

話說公司每年每人都一筆錢俾大家出去食飯Gathering既⋯所以約佐幾個新同事一齊趁年尾用埋個quota牛油燒帶子味道6分 無麥特色 帶子唔會太熟辣油凍豆腐味道7分唔係好覺得辣 不過都唔錯叫佐個拼盤可能我地叫既牛比較低級定係燒得太熟牛肉唔係入口即溶既感覺由於budget 有限 唔可以叫太多餸 一人叫佐碗牛角白飯填飽個肚反而覺得杯牛角特飲幾好飲好似無咩點食野埋單都成千蚊

燒肉店必選之一，雖然食物唔算平但種類繁多而且味道都幾好食。黎得《牛角》主打當然係牛，佢地既牛肉質脂肪含量好平均而且肉質口感好嫩滑，menu上有好多牛既部位可點選。水準好高好好食！😍👍🏻👍🏻👍🏻和牛片可以叫當場職員幫忙燒，先用牛脂肪燒香鐵板再將和牛片輕輕燒熟。口感好細嫩而且濃濃脂肪香味散發出黎，真係超正既享受！不過價錢就有d貴差唔多要$100先得幾片燒牛舌 👅牛舌厚薄均勻，食落牛香味好濃郁而且keep到原有既水份，好食月見雞雞肉都幾嫩身點埋雞蛋食口感更正牛油帶子帶子size比較細粒，食落味道一般唔算太特別性價比幾高而且最岩就一班人黎食！😊

慶祝媽咪生日，一家都好喜歡食日本菜，成日食刺身，壽司，所以一值想帶家人試食日式燒肉早前與朋友試過香港某間貴價日式燒肉方題，非常失望，300幾每位價錢與食質素相差太大但今次食牛角的一餐，食得好滿足，果然散點好過放題價格與食物質素相等，服務也相當不錯先講食物，燒肉專門店，我們落左一個燒肉拼盤，已基本齊晒店內的牛，豬，雞肉類，牛舌，另外再加了碟和牛各牛肋肉，上肉，肩肉，一口牛，牛舌，腩肉，頸肉等。。。都新鮮，係日式鮮肉，不會有太濃醬汁蓋過，加生菜包埋食，超級好食配搭，不膩，推介食豬腩肉，牛肩肉，口感滑，爽，陣陣烤肉香極回味，配飯美味可惜係和牛，牛舌太薄身，肉是滑的，但燒完之後唔見食，唔夠肉汁海鮮我們就沒有有叫，所以評唔到 最後到甜品，推介雪糕銅鑼燒回味，要烤到有網紋，外皮脆暖暖，內心冰凍雪糕，有少少紅豆，正!感覺滿意服務是會幫手換左個烤肉網，再用新烤網烤我既甜品雪糕銅鑼燒，值得讚

今日聚餐嚟牛角日本燒肉專門店開始，在衆多美食前面，唯有和牛（牛肋骨）令莪回味無窮，今次得登點左幾份，可以大口飽福喇！和牛（牛肋骨），外觀像鋪滿雪霜，擺落去燒時汁水向外溢出，散發好濃郁肉香味，咬一啖熱辣辣香嫩適口，牛肉味十足，汁水又多入口即化。

約左個朋友兩個人吹下水，又想留係觀塘線喎，就揀左德福間牛角。個朋友早到去左攞位先，我隔左10分鐘就到啦，一到就咁岩叫到我地入得，而家門口一個客都無，唔通星期三無咩生意？🤔入到去就用平板電腦點餐，點完直接入總機，好方便喎，我最怕有人係隔離吹我點單又或者佢落錯單。😅就係我個朋友點緊果陣，我望到有promotion citibank信用卡做7折囉！！！！！What?!我朝早先用完張citibank卡然後放低左無帶出黎。😭言歸正傳，因為我想食牛，所以就叫左大部分牛既選擇，咩都試下咁。首先，叫左個燒肉盛合先，分別有5種肉，腹胸肉，牛角上級牛肋肉，豬頸肉，牛舌，同埋雞腿肉。其實我麻麻地燒雞肉，因為好難控制時間，今次都唔例外，食左一舊耐過龍太鞋，一舊唔夠熟；至於豬頸肉，我都覺得麻麻，無咩豬頸肉獨特油香味，可能比我燒走晒，食落好似瘦肉，不過牛角主打牛既，3種牛我最鐘意腹胸肉，貪佢林林地唔識咬好耐，脂肪分布平均夠晒香；其實牛角上級牛肋肉同牛舌都唔錯，前者好夠味，只係切得太薄所以我鐘意腹胸肉多D，牛舌其實好好食，不過我燒得太耐要好用力咬另外我地仲叫多左份牛舌同牛肋肉，因為份量唔多唔夠食，朋友仲叫左個牛角飯

去完日本回來不久，燒肉癮發作 看見有佐賀產和牛更加想吃 恒生信用咭有優惠套餐，牛角大皿燒肉套餐7折，特選美食低至5折先揀咗個牛角大皿燒肉套餐(2人前) 正價HK$431，7折後HK$301.7，內有：有車海老2隻、廣島蠔2隻、大皿燒肉(和牛牛肋肉4片、牛角上級牛肋肉4片、肩脊肉4片、厚燒牛舌4片及豚肉燒4片)、菜拼盤1客、黑糖水晶凍2客。 牛角大皿燒肉套餐(2人前) 內的大皿燒肉(和牛牛肋肉4片、牛角上級牛肋肉4片、肩脊肉4片、厚燒牛舌4片及豚肉燒4片)、廣島蠔  牛角大皿燒肉套餐(2人前) 內的車海老，夠大隻，肉質尚可! 牛角大皿燒肉套餐(2人前) 內的綠葉生菜拼盤，話係拼但只係得生菜一款，問員工個生菜拼盤係咁多?員工回答：係咁多!  生菜拼生菜囉，份量唔多!   連埋少許韓式醃菜/蒜頭同辣醬.... 牛角大皿燒肉套餐(2人前) 內的黑糖水晶凍如果淨叫果個二人份餐，點都唔會飽；一定要另外追加一些食物極上一口和牛(HK$128)，用恆生信用咭有8折，即折後HK$102.4；這牛質素很好，入口即溶 !五品野菜盛合 (HK$39)內有粟米、茄子、脆肉瓜、南瓜各兩片仔，份量不多.... 牛角

燒肉盛合 $208盛合入面有牛舌、牛角上級牛肋肉、腹胸肉、豬頸肉、雞腿肉各四件。豬牛雞都可以試均哂。最好食既係牛舌，薄薄一塊好易熟，越燒越會滲啲汁出黎，唔怕乾。豬頸肉就最有咬口。雞腿肉相對普通。和牛牛肋肉 叫多另一款牛肋肉，試下和牛同牛角上級有咩分別。結論係，和牛脂肪多啲，亦都薄啲。