牛舍 (已結業)

呢間近江牛專門店，專賣日本靚牛肉，凍櫃選擇唔會有好多，但老闆都可以根據你描述預計既煮法、想要既口感味道，去幫你揀合適既牛肉，俾你返去玩下煮飯仔，對於平日好少下煮，又要係重要日子表現下既sis，可以考慮黎呢間牛舍尋下寶，搵老闆教下路🤣呢度除左買走凍肉，都有熟食可以order架，雖然款式唔多，但都係即叫即做架，好似佢既和牛薯餅咁，真係要等住十幾廿分鐘，企定定睇住老闆煮架，和牛薯餅好抵食，熱辣辣勁香口，牛肉夠晒味又嫩口，路過又想搵下小食既，可以試下味😋

心郁郁想試，但openrice又冇評論，有啲驚。星期五晚同老公冇節目，結果嗌左網上外賣平台。我地兩個麵嗌左牛小排丼，另加牛肉餅。牛小排丼 + 牛舍麵鼓湯 + 赤肉串燒牛小排係燒過既，好香好好味😋最中意係個麵鼓湯，入面有啲炸過既牛肉粒，比普通麵鼓湯濃味同香口啲，有口感，好有heart呀！和牛牛肉餅個皮好蘇脆，入面肉好juicy👍🏻👍🏻埋單唔過$200有呢個質素，都幾抵食好味，絕對會encore！