牛繁 (MW Plaza) (已結業)

食肉就最開心，同知己嘆番杯又係開心，可以同知己一齊食肉嘆番杯就係非常之開心， 話說無意得到咗一支免費酒嘅offer， 日式燒烤梗係搵個一切都鍾意食牛肉嘅人去食~去之前上網望個menu~中價級數，但又未知食物質素，所以決定lunch去試下，約咗朋友晏晝一點鐘陰公佢一點鐘先起身，我去到on dog dog 度咗成九個字先有飯食，餓到震~lunch係食set嘅，朋友一坐低拿拿林就落order啦 ,叫咗s2s3， 再另外加個牛舌同五花腩； 上都幾快，但係兩個人一張細枱有啲擺唔落嘅感覺， 而且啲肉比想像中份，諗住個lunch嘅set會畀好細碟~ 份量都唔細，前菜沙律醃漬白飯好齊全嘅一個set；講真我都係覺得牛肋係最好味， 有質感牛肉味有夠重，但係全部肉嘅質素都唔差， 絕對對得住價錢雖然送嗰支酒就唔係貴嘢甜身，我自己就麻麻地,但係作為一個同朋友食餐飯嘅理由又非常之好，計計下條數都係200蚊到嘅人好抵食~

做媽媽，成日都會揾me time比自己！我㨂嘅時間大多都係會揾仔仔番左學嘅時候閃出去！.而我就會約埋好友同學仔媽媽一起快閃食個lunch!.閃去尖沙咀食個燒肉！平時湊小朋友食，掛住理佢地，跟本係唔得閒食！.我同朋友就一人㨂一個餐，唔同嘅靚牛肉燒！🥩特上牛胸腹肉🥩元氣牛五花 (店員介紹係signature dish)👍🏻👍🏻👍🏻 牛肉好嫩滑，燒完就更加香噴噴，可口又好餸飯！每個set都會跟番個湯、冷伴菜同埋沙律，仲有飲品🍹.雖然話限時90分鐘，但食lunch黎講係夠晒架！仲要我地2個🐤雞啄唔斷，都向限時內完成✅

老公好鍾意食牛，今日lunch time帶咗佢去食好嘢，就係去尖沙咀食日式燒肉定食。牛繁來自日本，無論係裝修同食物，都好有日本嘅水準，而且服務員都非常有禮。我們選擇了特上牛胸腹肉和中落牛肋肉，每個定食配湯，前菜，沙律同飲品。湯係蛋花菇湯，前菜係菠菜同芽菜 ，沙律可以選擇薯蓉沙律或蟹柳沙律。飲品可以揀凍檸茶或者凍烏龍，唔使加錢。牛肋肉牛味濃郁而且有咬口，但我更喜愛牛胸腹肉，因為肉質比較嫩滑。我選了薯仔沙律，薯蓉做得好滑，夾雜一啲紅蘿蔔絲，非常美味。最後我仲加咗一個豆腐雪糕做甜品，豆味非常濃郁，好似飲緊豆漿咁，好味道。 呢度午市套餐嘅價錢幾化算，平過晚市好多，附近返工既朋友可以多一個選擇。

Gyu Shige❤️ Nice lunch gathering🐮🥢💫..日本烤肉♨️🇯🇵 來自日本餐廳🎏，原來牛繁係日本已經有逾百間分店，來頭真係唔惹小呢。佢既牛肉🐮 分別來自不同產地：美國🇺🇸 澳洲🇳🇿 日本🇯🇵，價值合理 而且份量不少呢。快要離開香港既我，今次就趁lunch 找找好朋友吃個午餐聚聚吧🍱🥢。佢呢午餐都幾抵食 Set lunch $128 up，有主食🐮 配白飯&湯、沙律🥗 、餐飲🍹。另外可追加雪糕🍨，白飯升級 (冷麵+$20`霧島溫泉蛋飯+$15`茶漬飯+$15) 餐廳有得玩`有得食，一邊傾計 燒住野食，感覺真係唔錯喔。牛繁🐮午市套餐 Lunch Set $128 (12pm -3pm)llMain Course including Rice & Soup✨特上牛胸腹肉Premium Haramii✨雞腿肉&豬五花盛合Pork & Chicken Platter主食肉類 一共有6款選擇，為食既我 當然想雞牛豬都一次試勻晒👻。經醃製好既薄肉類，只需放上燒爐上，因應自己愛既熟嫩度 很快就熟透。再有不同調味可供選擇：鹽醬、汁燒、柚子胡椒、香草醬、醬燒、辛味噌，各有所好。Sal

日本連鎖燒肉店「牛繁Gyushige」係香港都有分店，今次見到個Lunch Set幾抵食☺️，就去試下啦～-每個Lunch Set 係$128，部份食物要額外加錢，每個Lunch Set 包含一個主食，沙律🥗，白飯🍚，湯同飲品，仲可以升級白飯，雪糕或者其他燒肉❤️-元氣牛五花😍（$128+$10）Premium Karub 一碟有8片，依個元氣牛五花的油脂分佈好平均，肉質嫩腍，牛五花比較薄身😍，但食落口感真係超正，不用點蘸醬料都已經夠曬味，真係好好食🤩-特上牛胸腹肉❤️（$128）Premium Haramii一碟同樣有8片，依個特上牛胸腹肉比較厚身，油脂比較多，肉質有點韌，牛肉濃郁，不錯🤩-前菜會送一碟小菜：蔬菜和芽菜，幾好食☺️-在沙律方面，可選薯蓉沙律或大崎蟹柳沙律，薯蓉沙律幾好食，大大舊薯蓉與紅蘿蔔絲😀，洋蔥絲，青瓜絲🥒等等混合而成，再淋上胡麻醬，都幾好食。蟹柳沙律都幾好味😍仲有蛋花湯😀-在飲品方面，可以選擇炭燒烏龍茶🥃或檸檬茶或加錢點梳打飲品，炭燒烏龍茶飲落幾健康，配燒肉就幾夾❤️-依間燒肉店嘅抽風系統比較大聲😥，與朋友傾計唔太方便，另外仲會提供圍裙😌，除味劑，牙籤，濕紙巾，漱口水等等

係尖沙咀行街，行過牛繁，見餐廳裝修唔錯，環境都幾靚.睇吓個餐牌，牛市套餐都幾吸引。就試下佢。試左木屐骨間牛肋肉$128肉味濃，燒到濃濃地外皮就一流跟餐沙律，小菜，湯質素都唔錯最正係可以一個人燒肉😂Ps.雪糕可以試下佢個3.6牛乳。奶味濃。跟餐價十蚊。值得一試

約咗朋友係尖沙咀交收少少嘢，食完重要去見客，但經過牛繁（東京人氣燒肉店）突然好想食燒肉😂決定嚟挑戰速食燒肉... 因為岩岩過咗lunch hour ，所以唔洗等位，一入去就嗅到燒肉香🤤但無油煙味👍睇嚟抽氣系統做得好好，抵讚❤️ 午市套餐大約$128,有晒前菜、沙律、飯同凍飲，我自己覺得幾抵食。 我哋叫咗木履骨間牛肋肉 同 元氣牛五花，配薯蓉沙律及大崎蟹柳沙律，飲品叫咗檸檬茶同蜜桃梳打。 薯蓉沙律 酸味調配得好好，好開胃，加咗紅蘿白絲入去，好清新👍 等食期間見到牆上貼心服務，竟然有除味劑，漱口水、圍裙等等可以提供，啱晒我呢d上班族! 前菜同肉好快就上枱啦😆午市定食類嚟講，肉嘅份量都算夠👍同行男友人都話份量夠食 估唔到嘅係，燒烤爐好猛火，一放肉落去，熟得超快😮😮😮完全合晒我速食嘅心態。 木履骨間牛肋肉，肉味濃，唔會太肥，感覺比較健康。 元氣牛五花，肉比較厚，一燒落去就嗅到油花香味😍流晒口水，口感好有層次，油花入口溶化嘅感覺好正❤️ 食完正餐，😈想食埋雪糕，加$10抵食😆牛乳3. 6 味 ，奶味濃，正❤️我嘅士多啤梨味就無咩特別，無過甜問題 整體嚟講超超滿意我呢個速食燒

今日突然之間好想食燒肉，所以就約咗男朋友放工去食烤肉。入到去地方都幾大，大部份都係卡位，位置寬躺。打開menu 見到好多款肉類都有🤷🏻‍♀有選擇困難症嘅我🤷🏻‍♀🤷🏻‍♀完全唔知食咩好！所以就直接揀咗牛繁三點盛合 238元有上級牛午花、特上胸腹肉、中落牛肋肉，識食一定要追加，燒到七成熟，店員就會放在旁邊，覺得不夠熟可以自己再燒一下，但我覺得七成真的很完美，牛肉味濃，醃的味道很好，咬口非常好，食得我們很滋味 壺漬牛肋條(醬燒) 98元用上秘製醬料醃製，肥瘦相間，燒至微微，食落入口即溶。特上和牛肉眼扒 148元，淨係睇油脂都知道冇得輸，食落牛肉味好重，肉質嫩而且多汁🤤。豬肉雞肉三點盛合 138元切開啖啖肉，肉質鬆化juicy😍，用梨蓉 蒜蓉，韓式醬汁醃製，燒一燒已經好入味🥰好嫩滑，燒完都唔會乾！野菜盛合 58元盛岡冷麵 58元，牛骨蛋花湯 28元，韓燒加柚子蜜一流

總有食牛繁嘅時間，有燒烤產品除左牛肉類，仲有豬、雞、少量海鮮，人少少都可以點多幾款，一條麻甩佬一邊燒加可口可樂 ，爽牛繁三點盛合 上級牛午花、特上胸腹肉、中落牛肋肉牛油花均勻好香口，唔錯！燒嗰時會有職員幫手，職員服務好好仲幫我剪開咗啲肉！壺漬牛肋條(醬燒) 牛肋骨本身有調味！肉味香甜唔韌又夠牛味，肉質鮮嫩多汁！特上豬五花 食肉原有鮮甜，極其量會沾燒肉汁、加葱蒜，肉不會覺得有份油膩感，加菜咬落左除左有多重口感，醬料配合肉汁，再有香甜爽口嘅生菜，好健康！整體黎講，肉新鮮，調味唔需要多

日本風真擋都擋唔住，先係尖沙咀行完唐吉軻德店，再係附近食個日本燒肉晚餐，十級享受！鹽香牛舌首先當然要點最愛既牛舌，果然無令我失望，好彈牙爽身，如果想香口d可以燒耐少少，配埋檸檬汁，啖啖充滿牛香。雞腿肉雖然鋪頭叫牛繁，但估唔到雞肉都咁出色，呢款係雞脾肉，食落好嫩滑彈身！雞皮仲可以燒到脆卜卜😋厚切牛肋條呢款牛肋骨都係必點，侍應哥哥好貼心幫我地燒埋剪埋，仲可以揀幾多成熟，我地喜歡7成熟，但食落都唔會痴牙，仲keep到肉嫩，重牛味！正！牛繁溫泉蛋飯呢款飯都係好有驚喜，如果鐘意食牛角飯既，呢款都一定鐘意，特式醬汁配埋紫菜同溫泉蛋，成個飯都好好味，要添多一碗！整體服務都好好（可能因為早到無咁多人），美中不足係個抽油氣機擋住對面朋友個樣，要側身傾計。

一個餐又怎能滿足在下的胃所以點了兩個不過都是一樣的特上牛五花沙拉各一款下午時間店裡一位客人都沒有在下就那麼意外地包場了🤣場內有一位服務生精通日語為只會日文的客人服務由於沒其他客人所以點的餐也很快就到先吃個蟹柳沙拉再來薯仔沙拉菠菜豆芽的前菜清清淡淡的蛋湯香軟綿綿的熱辣辣白飯燒一燒特上五花點個汁夾著飯一口吞下牛牛厚度適中脂肪和肉的分佈讓口感非常嫰滑抽油煙這方面也做得很好吃完整餐身體跟衣服也沒有一點油膩的味道

食肉獸請注意， 尖沙咀新開咗一間韓式燒烤， lunch仲有做放題，價錢好優惠。.厚燒特上鹽香牛舌： 油脂分佈平均， 肉質爽口彈牙。.特上霜降牛五花： 脂油分佈平均，入口即溶， 非常推介呢一款牛肉。~~~~~~~~😋味道: 8/10📸賣相: 7/10🛋️環境：8/10💁‍♂️服務: 7/10💎性價比: 8/10💲人均：$150⏪回頭率：70%~~~~~📍牛繁尖沙咀金巴利道40號MW Plaza地舖~~~~~

星期六一家大細到尖沙咀搵食，見到呢間餐廳星期六都有lunch set, 見仲有時間（佢個lunch 12:00 - 15:00) 就幫襯下Lunch set $128. 呢個價錢响呢個地段食燒肉叫做幾抵嘅，當然唔好期望有頂級和牛級數嘅牛肉你食喇我地叫咗set 2, 3, 5同6。Set 5同6要另外加$10同$20蚊嘅. 套餐另外有餐湯，餐前沙律🥗同一杯嘢飲。餐湯偏咸嘅，餐前沙律有得揀薯仔沙律定蟹柳沙律，都做得唔錯，幾開胃😋 餐飲我地大人揀咗烏龍茶，小朋友加$10揀梳打飲，啲餐飲夠凍，加分👍講下個主菜喇！ 佢跟餐係冇醬汁同其他調味料醮嘅，得枱面上嘅辣醬！Set 2個牛肋肉切得細細粒，係有原因嘅，因為真係幾韌下，要𡁻好耐先吞到，牛味ok嘅！ Set 3 個牛胸腹肉切片，個人覺得牛味最重，咬口適中，推薦！Set 5 個牛五花充滿油香，咬口偏淋，啱晒小朋友食，但個人覺得牛味反而冇Set3個牛胸腹肉重，但都好好食！Set 6 個牛小排幾厚身，牛味ok, 偏韌，不過不失。埋單加一$600多，真係一分錢一分貨個人推薦Set 3同 Set 5喇，1同4未試，下次去開嗰附近可以試埋

環境唔算擠迫，但就好焗。開大啲冷氣仲嘈到痴跟，但都係好煙。食物原來全部都有腌製，唔係好似menu個隻款，一黎到啲和牛黑忟恔，話日本都係有腌製啲肉好咸好油，十分適合重口味人仕

趁暑假就嚟完，請咗日假帶埋小朋友出去去街街，老公鍾意食燒牛，特登搵吓尖沙咀邊度有，發現呢間牛繁的lunch set只需$128 ，似乎幾抵食所以就去視察下。原來牛繁係來自日本，有超過150間分店，歷史悠久，所以相信有一定質素保證。lunch set有六款選擇，部份要另外加錢，每個餐都包含沙律、白飯、湯同飲品，仲可以追加配料，白飯升級或加甜品。我哋兩大兩小，最後叫咗三個set再追加兩份配料。套餐包嘅沙律可選薯蓉沙律或者大崎蟹柳沙律，薯蓉沙律顧名思義其實就係一舊薯蓉，但除咗薯仔之外，裏面仲有紅蘿蔔絲、洋蔥絲和青瓜絲等等，淋上胡麻醬，都幾好食。蟹柳沙律就係蟹柳絲、粟米粒加生菜絲加汁，都ok。除咗套餐嘅沙律，佢仲端上了一碗芽菜前菜，應該是送的，作為餐前小食都不錯，開胃。今日嘅湯係蛋花湯，好多蛋花味道一般。主角終於出場，分別有「特上牛胸腹肉」、「元氣牛五花」（加$10 ），同埋「元氣牛小排」（加$20 ）。每份份量都唔少，頭兩款，每款有八篇，牛小排可能因為每塊面積大，一共有五塊。牛胸腹肉顏色較深，油花不多，肉質有點韌，但都有牛味。牛五花相對薄身，脂肪均勻，肉質嫩腍，我自己最鍾意呢個。牛小排就比較