牛皇星 (已搬遷) 新店位置

今晚同屋企再來光顧，可能假期多關係，海鮮價貴了1-2元/兩。手切牛肉保持水準，又腍又有肉味，唯一要彈係女師傅刀章犀利，切得好薄。象拔蚌永遠白雪雪，唔會有黃、黑貨出現。花竹蝦和龍蝦價差不多，但我認為花竹蝦肉多好多，比較抵食。今次叫的牛肉粒也很好。丸、餃.....等每碟份量不多，全部掃清。

星期日,行完街,打開邊飲x 男女,搵間地方打邊爐睇左裏面的介炤,就揀左這一間了.....第一次去食.地方環境ok,星期日都無乜客仔,心裏一想,會唔會唔好食架.但最後我地兩個都去左試下.由於我地有coupon,個湯底係唔駛錢的(只係$48)個幾款,叫了個兩色咼(清湯加沙爹),d湯料好足架.有粟米甘旬等喇...我地叫左出名既肥牛/金姑(好鬼食多),墨魚滑拼蝦滑/花枝片/水餃拼魚餃($35唔係幾抵因為得十隻.仲要好細隻添)...最後埋單都要400幾架..都幾貴的不過食飽有生果送..及有得睇電視架!

此店位于環境比較複雜的吳松街。鋪面很小，樓下只有5張檯，但座位擺放不擠迫，座得幾舒服，廁所有2格，尚算企理。門口擺放魚缸，有7、8種以上既魚、龍蝦、花竹蝦、花蟹等。另可order象拔蚌、墨魚刺身。並設廚部，有炒蟹、硯及小菜。今次點了:海底耶湯- 正花竹蝦、象拔蚌- 好新鮮牛肉- 邊、頸、"隻"都有，肉味夠，食了3碟墨魚滑- 冇乜墨魚味，可以不食其他丸、餃、菜都ok此店似家庭式，招呼有熱誠但不熟練。絕對再會來

今天經過牛皇星，細細間，但很想吃火鍋，便姑且和朋友試試，湯底有選擇，選了麻辣及海底椰湯底，麻辣夠辣，海底椰湯底香甜，火鍋料選擇不多，但勝在新鮮，牛肉鮮、魚滑彈口，總之好好味，老板娘話，星期四至日都容易全場爆滿，記得Book 位，Yummy, Yummy

除左牛肉外，牛皇星的海鮮剌身亦是一絕，$68.00一客的珍珠蠔不可不試，因為是日日新鮮運到，鮮味得很，食完後口中仍有蠔味。另外特別要試生牛肉，入口即溶的感覺令人回味。另外，老闆娘亦很好招呼，健談得很。此店作風老實，海鮮不新鮮不賣，牛肉唔新鮮寧願丟掉也不賣給客人。總括一個字，正。

食物非常新鮮﹐不論係主打嘅牛或者係海鮮都好鮮味﹐就連唐生菜都好鮮甜。原來牛嘅不同部位﹐會有不同口感。我個人較喜愛牛頸﹐味香且滑。仲有係即叫即切(梗係手切)﹐厚薄適中。鍾意食牛嘅朋友一定要試。