牛牛

營業中

休息中

🍜惹味沙嗲•牛脷•脆炸酥麵竟然有得食炸麵係類似茶餐廳肉絲炒麵既脆脆麵聽到店主話呢碟是用蝦子麵去炸脆卜卜好正牛脷好淋好入味值得一試但炸麵底份量少做下午茶okLunch應該唔夠飽.🍜惹味沙嗲•牛肉•濃湯公仔麵沙嗲汁偏甜應該係洋蔥煮出黎咁甜湯底半湯半汁咁好濃厚牛肉似係手切肥牛的嗰隻同牛脷一樣都係煮得好淋牛肉有8-10塊都算足料

位於食街的牛牛，店內座位不多，只有2張4人枱和4-5人的高枱。今次叫了3個沙嗲牛麵，整體牛肉軟熟，有口感，牛肉不錯，但沙嗲汁味不算濃，沒有強烈花生香味，我個人較喜歡濃花生味，每碗各有不同🐂沙嗲牛肉炸麵 $53炸麵炸得乾脆，不錯，而沙嗲汁略為少，無法依付整個麵條，所以炸麵條入口相對較乾，如果多返少少汁就更好推薦度3/5沙嗲牛肉撈面 $45撈面方面，麵質地正常，沙嗲汁就俾得十分多，沙嗲汁亦係濃而杰身，可以完全掛麵，絕對係濕撈推薦度3/5沙嗲牛肉臉珠登湯麵🍜$50老闆娘特別提醒牛肉上的白色部分係骨膠原唔係肥膏，千萬唔好唔食而浪費左，老闆娘真細心👍🏻 一口牛臉珠登非常嫩口，肉質軟熟，有口感，目測白色骨膠原都唔少，推薦俾各女生們食完變靚靚🧏🏻‍♀️ 沙嗲汁一樣味，而湯麵就係浠身d推薦度3.5/5以上的配搭係自己揀嘅，freestyle🤘🏻另外都叫左個小食流沙鹹蛋黃薯條🍟$38目測已經見到好多鹹蛋黃依附係薯條上面，炸得十分香脆，入口食到鹹蛋黃味幾岀，係枱上仲有5隻shake shake 粉俾你撒上調味，包括有孜然粉，海苔，四川麻辣，bbq和蜜糖芥茉，食勻每隻味，總結都係鹹蛋黃味最正👍🏻推薦度4/5人

假日經過都見坐滿人 平日唔洗等位！ 即刻決定入去食～舖頭絕對無改錯名 牛肉真係煮得好出色！【牛肉包配沙嗲汁】$33個包熱辣辣 軟林林！牛肉無根同好嫩～ 沙嗲汁唔係好濃 無重花生醬味 同個包幾夾！【匈牙利汁牛脷撈麵】$50唔知匈牙利汁係咩味 所以試下佢😂 點知覺得同撈麵唔係太夾～ 如果係沙嗲/黑椒應該會更加滋味！ 牛脷有4大塊！ 又大又厚！勁juicy!小店只有2人經營 等食期間老闆娘同客人吹下水 好nice好親切！ 有機會會再入多次西貢encore!

又西貢搵有咩食自己特別鐘意沙嗲牛 見到西貢有😍 好期待想試試佢但結果我地都覺得普普通通，呢個係沙嗲臉頰肉撈麵，沙嗲味唔算好出，撈麵黎講 又好似太稠🤨🤨 麻麻地臉頰肉就好淋 都不錯，但完全唔吸沙嗲味，完全係分開二個食物😔另外叫左個牛脷沙嗲包，一樣個牛脷好淋但唔入吸，汁同肉係分開，加埋個包拎住咁食，焗住左後半部份，搞到食到尾既時候，覺得個包好硬仲額外叫左個薯條🍟 餐牌寫 shake shake薯條，以為佢真係shake shake薯條😂😂😅，點知唔係，係正薯條然後比你加粉….🤔咁 唔夠入味 都唔係shake shake薯條🙈*but 蜂蜜芥末味不錯👍🏻

今天同親友去西貢飲早茶後遊下西貢，下午時有些餓便行入食街搵食，因不是食飯時間條街不算太多人，但見這店堂食外賣也幾多人，所以決定等位。 我們叫了。。。1）一囗面朱登---肉質鬆軟囗感一流，牛味足肉味鮮，本身沒有太濃味，客人可加各種味粉合自己囗味。2）沙嗲牛肉湯麵---只計沙嗲牛肉他們算係香港頭三名，吃到牛肉好優質又軟冧，但吃到絕對冇用疏打粉，好鮮👍～湯他們話全用菜，洋蔥弄出來的濃湯，所以濃而不咸帶些甜。👍吃完全冇囗乾～3）沙嗲牛脆麵 ---這個反而最夾最好味～我們全力推介～必食之選～4) 黄金炸魚皮 ---味道剛剛好，香囗又美味。 價錢在西貢來說算合理，值得下次來西貢再來～👍👍👍🤣😂❤️

神級沙嗲牛麵—牛牛 Ngau Ngau Cuisine疫情期間無得外遊，西貢已經成為左巿民假日周末的郊遊地點，好多人都會食碼頭旁邊的餐廳，或者西貢好出名的泰國菜，不過其實西貢有好多特色小店，其實都好好味架。今日雲遊大思要介紹呢間小店，連沙嗲牛闗注組都大力推介架，唔知大家又估唔估到係邊間呢?出色的沙嗲牛肉，不一定只有老店才有，只要有心，就算是新開的小店都可以贏得掌聲。西貢小店牛牛NgauNgau位於一條後街內，毫不起眼，若不是有一陣上湯濃香味，雲遊大思係唔會發現呢個驚世餐廳。牛牛係以洋蔥、蔬菜及沙嗲醬等多款材料長時間熬製而成的無味精湯底，俘虜了一眾沙嗲牛群組成員的芳心。小店推出的酥脆炸麵更是一道工夫之作，先要將全蛋麵過水灼至八成軟，將麵挑散後再過冷河，最後將麵炸至酥脆，加入黑椒牛肉伴食，一脆一腍，口感豐富，索盡醬汁，十分好食。而佢地個著名沙嗲牛肉撈麵亦都值得推介，公仔麵幼身硬度啱啱好，沾上沙嗲汁唔會好漏，微辣好惹味，味道剛剛好。好多餐廳的撈麵煮起上枱都會變成一舊舊，但呢度完全面，沾埋沙嗲汁又唔會變麵餅，好食好食。小食方面，今次雲遊大思同朋友就叫左一口牛頰肉同金沙鹹蛋黃雞翼。牛頰肉一口大細

我地咁岩依日係西貢玩完獨木舟，去到五點都未食午餐，就諗住求其搵間餐廳食飽就算，見到牛牛唔使排，又有D飽肚野食下，就衝左入去。二話不說就叫左黑椒牛脷飯同埋匈牙利牛頰飯再加多兩個羅宋湯。野食等左大約十分鐘就黎到，我地一食個牛脷同牛頰肉，「嘩!點解可以咁𡀝!」加上個汁又好好送飯好開胃，唔使三分鐘我地就秒殺左個飯。再飲埋個羅宋湯，唔算好特別，但勝在夠熱，都算好飲。成間鋪頭細細，好有住家既感覺。野食好食，價錢又唔貴，性價比好高。下次再黎西貢行山，一定要試埋佢個招牌沙嗲牛肉麵，同埋佢D小食!

新開又唔算新開嘅小店，主打食沙嗲牛肉，叫了以下食物：沙牛湯麵($45)、沙嗲牛脷炸麵($58)、炸雞翼($45)、鹹蛋魚皮($50)沙嗲質地幾稠，但味道反而唔算好濃，又或者唔算係我喜歡的沙嗲味（我最喜歡荔枝角「好好運」的沙牛），所以湯麵唔算特別。至於炸麵，其實個沙嗲汁一樣，只係個麵係炸嘅，鍾意香口嘢可以叫呢個，反而推介佢哋個牛脷，煮得好腍好好食。另外炸雞翼無乜味，調味粉自己落，鹹蛋魚皮的鹹蛋則唔太癡到魚皮。不過老闆娘講明平時負責煮嘢食嘅係老闆，但佢出咗去搞文件，所以要由佢煮，未必係平時的level，有機會我會再試試老闆手勢～p.s. 老闆娘好好傾

帶兩位公子去西貢半日遊適逢halloween.原來西貢好有氣氛一到步食左菠蘿包。但當然唔夠飽啦就走圍行下睇下有咩吸引最後爸爸揀左"牛牛"因為見到我地都好鐘意既牛脷👅👅叫左一個沙嗲牛脷撈麵牛脷大大片。沙嘜汁都濃郁但我地覺得個麵可以淋多少少匈牙利面珠燈撈麵係香草同蕃茄汁。岩晒小朋友面珠燈好淋。份量亦都好多沙嘜牛肉包都好香脆牛肉都唔柴。都值得一試最後叫左個流沙蛋黃薯條um... 其實無咩蛋黃香我地就覺得可以唔叫既最後仲打包拎走

We ordered their satay beef soup noodles and a beef sandwich with black pepper sauce.  They are both very yummy and exceeded our expectations!  The satay soup is rich and not at all spicy, carries a sweet peanut-y taste and is very  flavourful.  Most importantly, it is not too salty - not the type that will make you thirsty after a few bites.  The owners were extremely friendly and even asked if we were sharing (so she would help us slice our sandwich in half before serving).  The black pepper s

店舖很小，星期日很容易爆🈵️，但大家都耐心等候食好嘢。老闆娘（估計係）禮貌周周，所以要等15分鐘也沒有投訴。 濃湯沙嗲牛肉麵，堅係濃郁惹味。花生醬很香，還加了少少洋蔥。牛肉可以，麵就軟了少少。去西貢，必吃。

窩夫與蝦子餅早前在西貢找地方吃晚飯，發現了一間叫「牛牛」的小店，便走進去試試。小店內的打卡位。食物有三大類，包、小食和主食，那天試過主食的飯和麵，已經想好下次要試鹽燒厚切牛脷芯和流沙鹹蛋的小食。蝦子餅點了黑椒牛脷飯($55)加蛋($5)，足足有五塊大大塊的牛脷，十分足料，牛脷又腍又香，黑椒汁也不是一般貨色，撈飯一流，蝦子餅很快便清碟了。窩夫點了惹味沙嗲面珠登公仔撈麵($50)，沙嗲汁多得像湯一樣，完全看不到麵呢。沙嗲汁非常惹味，帶微辣，甜甜的洋蔥令味道更有層次。面珠登切成粒狀，肉質軟腍，值得一試。

打風之前衝入市中心食沙牛，入左沙牛關注組見到comment 不錯，黎試哂佢3款肉同汁，支持一下良心小店。黑椒牛脷撈麵有驚喜，牛脷肉質好滑好香，份量好多，黑椒汁惹味。炸麵夠香脆，沙爹嘅花生香味好出，牛肉就相對普通。匈牙利汁偏甜，香草味好濃 ，慎試，牛面頰夠淋，不過都係牛脷win ，下次想試埋老闆娘介紹嘅流沙脆魚皮同麻辣叉燒。老闆娘待客友善，係有人情味嘅巷仔小店，隔離嘅手沖咖啡雪糕店都係我心頭好嘅良心小店，有時間可以再去隔離續攤。

💛黃店！勁鐘意呢到，係有人情味嘅小店，一路食老闆娘會同人有傾有講，老闆個小朋友仲係舖頭幫手，勁得意😆同埋餐廳嘅價錢嚟講係西貢真係好抵食！🍴沙嗲牛面豬登公仔撈麵加蛋 $55🍴沙嗲牛公仔撈麵 $45牛肉份量好多，亦唔會有梳打粉味，面豬登更加係勁鬆軟！個汁又濃，花生味好重，好正🥺食完先見到啲人勁推薦酥脆炸麵，下次一定要嚟食下！🍴shake shake 薯條 $26係岩岩炸好出嚟㗎！調味架上面仲有海苔粉、四川麻辣粉、印第安燒烤粉同蜜糖芥末粉同你自己加，雖然無得shake lol ，不過份量都幾多！

早前入西貢做嘢，一早已 bookmark 定要幫襯巷仔嘅牛牛，因為見唔少沙牛麵關注組嘅人都推介。本來想叫最 basic 嘅沙牛公仔麵，但見到 menu 竟然有炸麵，即刻二話不說，轉軚要咗個沙嗲牛肉酥脆炸麵。呢個麵真心好食，牛肉份量超多，有牛味之餘，肉質亦非常軟腍，但又唔覺落咗好多鬆肉粉，勁👍。沙嗲汁超濃，由於夾雜咗大量洋蔥，我覺得有少少偏甜，絕對係我鍾意嘅味道。至於炸麵又係一絕，啖啖脆卜卜，但係就一啲都唔油膩，好似食緊媽咪麵咁，好正🤤。食食下，聽到其他食客話個沙嗲汁點薯條食超好味😲，老闆娘話遲下睇下會唔會出呢個配搭，嘩，齋聽已經好想食😍。