牛牛

營業中

休息中

🔆牛牛🔆西貢🔆地道小食店🔆一試難忘，變成左本小編的愛店！超強超香嘅鹽燒牛脷芯，超juicy超香超好咬口，係近期覺得必試嘅餐廳！西貢小店不少，有冇試過呢間係小巷嘅隱世小店～係另一黃店Hush Hush旁邊，都要排隊架～ 店面唔大，但乾淨同冷氣夠😂 好重要～講番食物～ 佢嘅招牌係牛肉！我地叫左一客鹽燒牛脷芯，每一粒大大粒，牛味超出超香可以加上5種調味粉：海苔、孜然、蜜糖芥末、四川辣粉，BBQ！我同男友超中意孜然同海苔一齊撈～似 shake shake 薯條💕店鋪亦有 shake shake /色色薯條，好多枱都有叫，食得津津有味💕另一有驚喜嘅order係沙爹一口牛面朱登配炸麵～ 麵條脆卜卜，但唔油！牛爹醬超正，好濃，但略嫌花生味唔夠香～佢嘅撚手牛面朱亦炆得好惗好味道，牛味好濃寫寫下已經好想再encore! 牛牛 網址: https://s.openrice.com/QrbS0VD0A00~uZ5MGAA地址: 西貢福民路58號高富樓A座地下32號舖電話: 46116216=====================#西貢美食 #西貢好去處 #西貢黃店 #西貢黃店💛 #黃色經濟圈 #黃店

專登揸車入嚟食牛牛，適逢週末點幾鐘，舖頭已經坐滿人，我哋兩個人企喺門口等， 34度天氣真係好熱，雖然舖頭好忙，但老闆娘都不忘打開門禮貌地問候我哋同埋後面排隊嘅人等咗15分鐘到就有位，當然要同其他人搭枱啦，但都唔緊要，因為好肚餓。分別叫咗兩碗麵，一碗係沙嗲牛肉湯麵，另外就係沙嗲牛肉脆炸麵，湯係屬於好傑好濃郁嘅，但係個人口味來講，本人鍾意燶少少嘅花生味，同埋鍾意稀薄啲可以即刻入口嘅湯水😛，所以濃厚湯汁唔係我本人最喜愛嘅，但牛肉就好厚身同埋好淋，完全冇筋位，牛肉咁厚身都唔會韌脆炸麵一撩開就碎晒，牛肉+汁同麵嘅比例係1:1，真係每啖面都索住口口好濃郁嘅沙嗲汁，個麵餅都好脆，比起湯麵，我覺得呢個更加值得食另外叫咗個炸雞翼，呢個雞翼好好食，未加調味粉之前專登咬一啖，裏面好多肉汁，外面炸醬亦都好脆身，有啲似食緊越式牛油雞翼嘅感覺，但當然味道就係靠自己用調味粉去調教啦，重口味嘅我哋就落咗好多麻辣粉同孜然粉，四隻雞翼好快清咗牛脷心要等耐少少，因為真係老闆逐條切出嚟，但係都好值得等待，睇落本身好似唔係幾吸引，但咬落就知道唔可以以貌取物好柔軟，亦都好夠鹽味，仲有肉汁響咬嘅期間響牙罅度滲出黎秒殺雖然要花啲時間

西貢地鐵站開通啦，講笑咋，仲嫌西貢唔夠多人咩🫠幅牆係牛牛入面，打卡玩人實有人上當，因為我試過🤭 今次係二訪牛牛，上次嚟食冇寫到食評老公食過一次之後係咁嘈住話要再嚟食，超煩咁又真係幾好食嘅，落雨都阻止唔到我哋 ✦ 黑松露滑蛋飯啲黑松露醬多到好似唔洗錢咁，勁大方滑蛋生熟度控制得啱啱好蛋汁+ 黑松露醬撈飯一流，夠晒惹味 推介指數：❤️❤️❤️❤️🤍 - ✦ 沙嗲牛肉麵 $𝟺𝟻沙嗲湯底好濃，沙嗲偏甜牛肉好淋好滑，唔似梳打牛咁冇晒質感牛肉嘅份量都幾多咖 推介指數：❤️❤️❤️❤️❤️ - ✦ 流沙鹹蛋黃薯條 $𝟹𝟾新鮮炸起每條都脆卜卜同埋每條薯條都好均勻咁痴滿晒鹹蛋黃碎唔算好重鹹蛋黃味，所以一啲都唔漏，食到唔停口 推介指數：❤️❤️❤️❤️❤️ - 老闆同老闆娘都好𝑛𝑖𝑐𝑒，介紹野食之餘又會吹吓水咁上次埋單果時，老公拎咗一袋神沙出嚟慢慢數其實唔係太好意思，但難得有機會用同埋記得用點知老闆娘見到，仲話用剩果啲神沙可以同佢唱埋終於都唔洗擔心啲神沙點洗啦，如釋重負 今次去係落緊雨，有一對情侶同埋狗狗坐咗喺出邊張枱無啦啦落狗屎，嚇到狗狗縮埋一舊老闆娘見到呢個情況，都好歡迎狗狗入去舖頭入面雖然狗狗最後都冇入到鋪頭但呢啲人情

🐱為食喵🐱自駕遊系列西貢名物，車仔麵，波蘿油，打卡cafe...都試過了。今次就嚟試沙爹牛麵🐮🍜鋪頭細細只坐到十多個客，假期的話過咗12:30去預咗要等半個鐘先有得食。老闆娘話有生意都做唔切～🐮沙爹面珠登撈麵🍜$50沙爹牛肉片就食得多，面珠登都係第一次。沙爹夠香濃，唔會太鹹，夠掛汁，但加返少少花生香就一流👍🏻面珠登大少剛好，份量多，非常淋🐟流沙鹹蛋黃魚皮（$50)魚皮香脆，份量都夠兩個人食。但欠鹹蛋黃香，只有調味粉嘅鹹味，食到低只見一攤油😔如果諗住配麵浸湯食就太濃味了😣🍔沙爹牛肉包 ($33)性價比高👍🏻沙爹牛肉多到滿瀉，牛肉十分嫩滑，個包烘到外脆內軟😋成個Menu樣樣都想食，兩個肚真係食唔曬。下次要試埋牛脷同秘製麻辣叉燒

西貢食街小店 店面唔大位唔太多 假日去既有機會要等位 好彩啱啱去到有最後兩個位第一次試想盡量試多啲唔同款 一碗沙嗲牛肉麵 一碗沙嗲牛面珠登麵 鹽燒牛舌芯 沙嗲湯底夠濃厚 完全可以做到掛汁效果 牛肉夠淋夠味 牛面珠登都一樣好淋 可惜味道甜咗啲 如果多返啲鹹味既 咁呢碗沙嗲牛麵一定更好味

終於試多好多人介紹既小店舖面位唔多 廚房一個廚師 樓面一個人手 所以野食係會等耐少少 但小店既可以接受同朋友兩個人叫咗一碗沙嗲牛麵 一碗沙嗲牛面肉麵 一份鹽燒牛舌芯整體嚟講係唔錯 今次試既3種肉都係做到又淋 又夠肉味 但可惜沙嗲偏甜 如果多返少少鹹味既話咁就更好！

🍽 Satay Beef Soup Noodles💰 HK$45 (lunch)🍽 Satay Beef Cheek Soup Noodles with Egg💰 HK$50 (lunch)Are you a big fan of satay soup noodles?! Recently we checked out @ngau4ngau4 which is at Sai Kung. We went on weekdays after wakesurf. The restaurant is small but luckily we there was no queue that day. Not sure will there be any long queues during weekend. 😬The food in Ngau Ngua was impressive! The soup base was excellent. It had a strong satay flavor. Unlike to other famous restaurants, it didn't ha

性價比高的一間小店！有驚喜💓店舖面積不大，只能容納12人左右。當初路過福民路時候並無打算食呢間，只係經過好出名嗰間海南雞飯嗰陣冇位後，結果就入咗去依間牛牛！💛沙嗲牛肉撈麵($45)超級濃郁沙嗲汁！用嚟撈公仔麵簡直一流👍🏻💚金沙鹹蛋黃雞翼 ($53)即叫即炸雞翼超級Juicy, 鹹蛋黃味道好濃👍🏻👍🏻好邪惡但好好食！💙一口牛面珠登 ($48)超級推介一定要試！老闆娘溫馨提示叫我哋落麻辣粉食會更加香口！減少肥膩感！果然冇推介錯！🤍食完先發現原來依間舖頭係沙嗲牛肉關注組推介之一！果然冇令我失望！價錢亦都非常親民！如果你同我一樣本身都好鍾意食沙嗲牛肉！一定要去試下！🌟推介指數: 🌝🌝🌝🌝🌝(5分為最高)

呢到嘅沙嗲牛肉麵 最特別就係佢哋嘅招牌牛面頰撈麵💕沙嗲醬超濃郁 花生味超香 仲有洋蔥嘅清甜味🧅🥜醬汁好杰身 撈公仔麵一流🫶🏻最正一定係用左軟腍充滿膠質嘅牛麵頰 比起鮮牛更有口感呀🐮

星期日既西貢多人到一個點，行過見到牛牛竟然啱啱有枱即刻0秒狗衝入去。又可以食個濃郁而甜美既沙牛麵啦～真係小確幸呢度既沙嗲湯底完全唔係一般既咁既死鹹同埋一味得個辣字，反而有種甘甜既味道而且花生味濃郁，無味精而且肉多量大。非常高質又抵食嘅沙嗲牛麵再叫咗幾款小食都好正：鹽燒厚切牛舌芯 勁淋勁厚無筋牛肉臉珠，老闆娘會細心咁提醒啲白色位唔係肥膏嚟㗎係滿滿既骨膠原，口感嫩滑軟熟，加埋麻辣粉更加惹味鹹蛋黃薯條即叫即做香脆得嚟條條都裹滿鹹蛋黃，好邪惡但又食到停唔到口不過阿媽湯又係賣曬，唔緊要我下次嚟會再挑戰過～Btw... 睇翻啲相一路影一路兜薯條係逐漸消失愈嚟愈稀疏 😂 因為實在太正無人想等一路係狂食完全無視相機既存在

上年夏天并不見它，似是新開。款式不算多，集合了幾款掃街名物。沙嗲牛肉撈麵$45 加蛋$5公仔面底，麵質微硬。沙嗲汁極多，濃稠，味道溫和。唔辣，唔重花生醬味。加左煎蛋，賣相食慾大增，但注意⚠️不要撈落麵入面，會徹底消失。完全無蛋黃汁撈白飯的加乘效果。所以，建議一啖食左佢！👑鹽燒厚切牛脷芯$48今餐的冠軍，絕對會因為牛脷 再度光顧。好熱 彈牙 唔靭 好濕潤 口感極好。味道只是單純輕鹽，有空間可以自己on top加味粉。孜然粉同四川麻辣是最👍🏻份量好夠，圖是食了幾粒後先影流沙鹹蛋爆汁雞翼 $53又係即整 熱到辣口 好重咸蛋 但佢既juice係連出面雞翼皮都脆而濕潤。而非我想象中：好干身的脆 咬開才爆汁果種好食 但少濟 一人食2隻已夠另一個麵揀了跟面朱登，味道似牛腩。我更喜牛肉。店生意好好，卻不算等太耐。個節奏係你清完一份，就緊接住 送黎下一個食物。店的主要食物 都是些本身很經典的款式。最欣賞係佢全部都即煮，勁熱勁juice，而且味道好到位，又唔貴，令人好興奮甘order一堆share。成餐食得好滿足，零投訴，店雖細但乾淨。

.#豬妹食好西🐷_小店#豬妹食好西_新界 #豬妹食好西_西貢 《牛牛》 @ngau4ngau4 食物：🐷🐷🐷🐷/5服務：🐷🐷🐷🐷/5CP 值:🐷🐷🐷🐷 /5環境：🐷🐷🐷/5西貢呢間沙嗲牛肉好出名😍果然名不虛傳🤤沙嗲牛肉湯麵 $ 45一嚟到我以為係撈麵 勁濃郁嘅感覺😍😍個沙嗲湯飲落去同出面好唔同 唔係好辣 比較甜少少 係蔬菜嗰隻甜😋好惹味🤤牛肉嘅份量都幾多 冇乜點「乸」過仲係有肉嘅質地👍🏻👍🏻絕對係一碗高質嘅沙嗲牛麵沙嗲牛脷撈麵 $45 +$5 （轉牛脷）相比起湯麵呢一碗就會再濃味少少 重口味人士必叫🤪🤪牛脷又係超出色🤤每塊都勁厚切😋啖啖肉 好彈牙爽口🥰下次一定會再嗌牛脷🥰✨如果唔想排隊最好平日去（星期一休息）#hongkong #hkfoodie #foodie #吃貨hkig#hkgirl#沙嗲牛肉麵關注組 #沙嗲牛肉麵 #西貢美食 #西貢 #西貢好去處 #美食#正#手機食先#food#食好西#相機食先#豬妹食好西🐷

放假要放縱自己今次黎西貢食牛牛細小既餐廳只由一對夫婦經營座位不多但好多人黎食都要等左一陣先入座惹味沙嗲配面珠登撈酥脆炸麵 💰58¤超特別撈炸面，肉絲炒面個種，沙嗲味濃，撈面岩岩好，但汁有點傑所以感覺有啲少唔夠撈¤嘩，面珠登肉份量多，勁淋匈牙利汁滑牛飯 💰62¤大份量仲有太陽蛋¤牛肉片都幾滑¤匈牙利汁多但唔係我杯茶，個人覺得有啲五寶散味🤣但友人話冇鹽燒厚切牛舌芯 💰48¤切得燒得岩岩好，好淋¤略嫌有點過咸食牛黎講，呢間真係好淋，都幾唔錯，正

福民路有好多好野食，今次就試尼間❤️沙嗲牛肉酥脆炸麵好細份$53 ，不過好好食，麵好脆口，加埋沙嗲汁好夾匈牙利汁滑牛飯加蛋 $唔記得$飯比較飽肚匈牙利做牛肉好夾，好啱味，香濃蕃茄味❤️

因為男朋友鍾意食沙嗲牛肉麵，咁啱見到西貢有，就專程來試一試佢沙嗲面珠登湯麵見到餐單上面有，好好奇牛嘅面珠登係咩味道，就叫嚟試吓。佢係好有牛味，同時亦好淋，好容易入口，好值得一試。而佢嘅沙嗲，冇我想像中咁濃味，但係呢一個亦都係佢嘅好處，食完唔會有好重口味，好口渴嘅感覺。沙嗲牛脷包超級推介，冇諗過個牛脷可以又厚又淋😋 真係會忍唔住咬完一啖有一啖，同時佢個包裝亦都好有心思，唔怕會食到好論盡，整污糟隻手黃金薯條老闆娘介紹再審啲BBQ粉落去食，果然唔錯，同事薯條炸得又乾身又脆😋😋食到索索聲，十分滿意