牛牛冰室 (已結業)

尋日下午餓餓地，咁岩係油麻地，見到有間茶餐廳叫牛牛冰室咁有趣。咁就行入去，冷氣凉凉地，d服務員都幾nice,牆上面見到有雞脾餐，毫不猶豫就叫了份雞脾薯條。通常其他茶餐廳都係做雞翼多，過左一陣已放到枱上面。雖然隻脾炸得深色左少少，但炸得幾好食。好耐沒食過炸脾，chopchop聲超爽。配幾條薯條，即刻感覺良好。但覺得薯條其實可以放多少少，茶餐廳通病。😂😂😂😂食完野拿拿臨趕住去做埋d工事，39蚊有炸脾算唔錯💪

疾情漸趨穩定，相信大家都重咗唔少😌 本來已經係 #大碼 嘅 #小秘書，雖然冇乜大嘅進展，但係都好想瘦返幾磅，人都健康啲啦👉🏻👈🏻 呢個暑假我開始學跳 #Zumba，加多堂 #游水... 一定得嘅😅🤣🤣不過單靠 #運動 又 #唔節食 你估個個都 #得天獨厚？以我為例，真係飲水都會肥，何況我辛辛苦苦跳完一粒鐘，居然貪順路，去幫襯間從未聽講過嘅「牛牛冰室」🤪 咁得閒試吓新嘢幾好嘅。入到門口，見由個 #女服務員 都幾friendly，佢見我咁辛苦四圍望，介紹我餐牌上去搵食物... 當時下晝5點幾，成日未食過 #正餐 嘅我，叫咗碟 #瑞士汁牛肉炒河 慰勞自己。跟餐嘅有 #檸檬茶，茶味唔夠濃，不過都OK嘅😌 但係碟 #瑞士汁牛肉炒河 炒得未夠火喉，部份河粉仲係凍嘅🤔 我知難為咗個女服務員，不過咬落去唔夠熱嘅河粉真係好難頂😕 我唯有叫佢埋嚟細細聲要求佢叫廚房加熱再俾返我。呢個要求我唔覺得過分吖，我只係食咗一啖，又唔係叫佢重新整過一份新嘅俾我。但係廚房就傳來一陣怨言，當中仲夾雜左啲粗口😤當時我都好嬲，不過唔想咁浪費，我唯有照食，當然食得出師傅只係好求其翻熱，某部份河粉仲係凍嘅☹️ 唉 講真味道唔差嘅，

上次食過葱花咸牛潛艇，好食、坐得舒服，今日再來，食下午茶。原來係1400-1845供應時間，相當長。叫左個榛子西多士，CMT。包包非常軟而且新鮮，如果喜歡脆口的，未必係你杯茶。也是一次好的下午茶，要再來👍🏻👍🏻

由外而內咁寫。位置在油麻地地鐵站🚇A2和D出口一分鐘步程，方便。門口在小橫巷東方街，可以停到車/錶位泊車🚙，就腳。因在橫巷，幾寧靜😌。店內設計不是大鋪，但聰明放置10張以上的雙人👫🏻對座小卡位，一至二人到來午餐茶聚，非常好👍🏻，坐得舒服。而且在現時疫情，更是加分嘅安排。最大的枱是四人，如果大伙兒到來，可能要分枱。食物。我一向好喜歡食旦牛治烘底🍳🐮🥪，也有要求。來到見到有類似選擇:葱花咸牛旦潛艇（餐單號H8) ， 「放膽」試吓。為何要「放膽」階因之前在某著名茶餐廳食的蔥油花旦多士居然係用福字麵包湯粉泡制！........當然，呢度就無使我失望！大份量，包軟、皮微脆，旦滑，蔥是新鮮的，如果多啲咸牛就更好（😅個人喜好）閒時路過，多咗個地方嘆茶hea吓，正👍🏻

新正頭同友人約喺油麻地食早餐，經過牛牛時，店內姐姐非常親切咁話裡面有位，即時入去。友人們叫沙爹牛面餐，我就order 個魚柳餐。整碟既presentation 好有心機，滑蛋剛剛熟而且充滿蛋香；魚柳外趣內滑，厚多士剛剛烘起，牛油搽得十分均勻；茄汁豆雖然唔多但入口時仲係暖既。熱齋啡溫度剛剛好，約莫60度左右，非常易入口而且味道回甘，遠超一般茶餐廳嘅標準，淨係餐飲都值回票價。天氣雖然凍，人情同食物都十分暖和。

早上做完陪食早餐員，下午接完放學又做接送補習員，今晚要做執波仔.....其實我今日放假KA....食返個超值好味下午茶餐先，油麻地東方街「牛牛冰室」，車泊門外超級方便，今時今日仲有$32蚊一個茶餐，質素仲要非常高。因為我好鍾意食鹹牛肉炒蛋，所以點左呢個「招牌蒽花鹹牛肉潛艇」加熱奶茶，分量相當大，雖然今次好明顯係用微波爐叮翻熱（上次係即叫即做的！），但係都冇阻佢嘅炒蛋嫩滑口感、煎過蒽花嘅香同埋鹹牛肉嘅鹹香，水準高過好多高檔餐廳。奶茶質素可以，起碼做到水滾茶靚冇苦澀，收貨！見到餐牌寫住下午茶餐做到6:45Pm,，其實真係可以當埋晚餐食，因為有其他炒粉麵、炸雞髀、豬扒出前一丁等款式選擇，而我睇到另一樣野，就係競爭好大、生意難做，所以要支持下有水準嘅小店，如果唔係就只能夠幫襯越早越Hea嘅連鎖食店。牛牛冰室地址: 油麻地東方街8A地舖電話: 26269287=====================

下午到油麻地辦點事，辦妥後已到下午茶時間，立刻搵地方祭祭五臟廟。途經東方街，見一小店，名牛牛冰室，門口光鮮企理，內部裝修簡約，應是新開小店，立刻入內試試。餐廳應開張不久，見下午茶餐牌，價錢吸引，由30多至40多元不等，在油麻地來說，價錢算平。叫了一個下午茶餐，有鮮炸魚柳包及凍檸茶。魚柳包製作算認真，有蕃茄青瓜，麵包好明顯剛焗過，有點脆皮。魚柳則是剛剛炸好，新鮮熱辣，加點沙律醬同食，每樣都配合得不俗，唯一缺點是魚柳比較薄，雖說熱辣辣，但有點乾。凍檸茶則普通。以30多元的下午茶來說，水準已明顯達標。這種小店，應多加支持。

其實牛牛冰室係我每次去旺角都會食嘅餐廳，之前都寫過食評。不過今次叫咗炸醬麵，原來係炸醬配公仔麵就有少少失望啦。建議店家喺餐牌度寫清楚係公仔麵，減少誤會啦，其實炸醬味道係不錯架，但就甜咗少少。如果係傳統中式生麵就最好啦。

星期六的下午，一個人逛完旺角，想搵地方坐下，但周圍到人迫迫。點知行過少少，東方街，近住油麻地地鐵站 A2 出口，見到呢間牛牛冰室。鋪子雖細細，但顧客亦不少。見到有空位，於是入去試試。裏面環境乾淨，坐位亦舒適。初次見面，試試傳統的西多士及熱奶茶。厚厚的金黃色西多士，唔會太燶，加上毫不吝嗇的牛油，令西多士有豐富嘅牛油香味。熱奶茶的茶味及奶味嘅比例亦啱啱好。如果可以用返傳統嘅奶茶杯，咁無論味覺同感覺都滿分了！日後有時間會同太太再來幫襯

大約5月某日係廣華醫院附近經過，見到呢間新開張冰室裝修幾靚仔，又有我最鍾意食嘅西多士。最鍾意支持小店所以入去食咗個下午茶，嗰次食過覺得唔錯，一直都想再食多次。終於再番嚟啦，今次又係食西多士+凍檸茶。兩次都有水準！西多士表面顏色炸得金黃，非常夠熱！即叫即炸抵讚👍🏻兩邊面包厚薄適中，落刀切嘅時候唔會太硬切唔開，亦唔會太薄一切就爛，所以入口有口感。入口聞唔到有油「益」味，呢點好重要！最怕食到啲西多係有噚千年油臭味。中間都好足料，花生醬好平均，唔會一啖有一啖無我點凍檸茶一向少甜，而牛牛冰室有做到我要求，甜度剛剛好。茶底夠濃味無乜澀，入口香口，尤其是少甜更加突出靚茶底👍🏻檸檬夠新鮮，亦好足料。價錢合理，值得一提係佢嘅下午茶去到下午6:45。如果經開附近而又未夠鐘食晚飯，可以俾次機會試吓。

有新茶記/冰室咪試下lo嘩...唔知係咪新得滯食物和服務都...好似新手咁牛肉炒烏冬完全冇味Bad.隻炸脾中規中矩但杯奶茶...先講我冇期望佢有幾好飲但一見係呢種膠杯上熱奶茶已經頂唔順講返味道茶底偏澀唔夠香滑對應返個標題先話說食食下聽到「砰」一聲唔知係執枱嘅阿姐跌左义定羹落地Well跌左，執返，冇問題點知佢冇因為雙手拎住碗碟我親眼，係親眼睇住佢一腳踢將地下的餐具踢向用過的餐具收集桶的方向到放低晒d污糟碗碟再執返起餐具放入桶即咁出得街食野預左冇屋企咁乾淨就梗架喇但都唔應該咁樣架下嘛？！

開咗幾個月，食咗好多次，欣賞佢個茶餐非常出色，而下午茶餐仲可以去到晚上6點9個字，而午餐個㗎喱都值得一試，仲要午餐送無味精例湯，支持小店經營，價錢係呢區非常合理

今日咁岩係油麻地，勁肚餓又自己一個人食飯，所以就上openrice search 下附近有咩冰室！呢間野雖然食評唔多，但見其他人d影出黎d賣相都ok!入左黎好多位 可能因為未到晚餐時間？入到黎，我已經好快鎖定左常餐D1金牌沙嗲牛肉濃湯公仔麵配火腿奄列及厚多士$45 凍飲加$3 凍奶茶都有茶味，奶唔會蓋曬d茶味奄列較油，厚多士一d都唔厚 牛油略嫌少左d，同埋背面都幾燶，不過無影相公仔面份量多，但好林，煮過多左龍，沙嗲牛肉份量都算係咁老闆娘服務態度好好，唔該前 唔該後，服務殷勤，支持本地小店！

冰室就係一種香港獨有的歷史遺物，有著自己獨特的裝收、食物等，隨著年代不同，現時新開既都係一啲新派或是fushion既冰室用新潮既裝修、主題重新包裝，吸引貪新鮮既消費者，牛牛就當然係牛牛冰室既主題，從餐牌到店內配色都有用到，都幾舒服既但食物就唔太特別關牛事金牌沙爹牛肉濃湯公仔麵餐，先試下炒滑蛋配厚多士，多士唔夠香脆而牛油未溶，滑蛋一啲都唔滑又無蛋汁但味道都ok既，金牌沙牛，沙爹味道不錯但牛肉完全無牛味，甚至無肉味，濃湯亦有啲驚人，因為明顯係平時茶記公仔麵湯即嘛但夾夾埋埋成個早餐都只係$33個性價比又唔差另一個叫左香煎雞扒特濃蕃茄湯通粉，雞扒分開上好貼心唔會變好腍又唔會食黎食去得返蕃茄味炒蛋都係唔ok，但雞扒好香幾好味，似炸多過煎，特濃蕃茄湯真係有好多茄蓉，亦幾開胃，成個湯底都升級左有扒而又有鮮茄蓉湯底都係多4蚊，真係幾抵去冷室就梗係食常餐，而牛牛既常餐同佢既早餐都好相近，叫野食前可以參考一下另外只能説，早餐真係算抵#牛牛只是吉祥物#店員推介茄牛通#服務又幾好架喎

ザ・シティビュー・ホテルのすぐ向かい側にある小さなカフェです。朝食で利用しました。店員さんのおばちゃん達が、日本人とわかるとすぐに「おはようございます」と拙い日本語で声をかけてくれたり、英語でメニューの説明をしてくれたり親切でした。三文治(サンドイッチ)は具材を2種類から選べて、厚多士(トースト)も塗るものを2種類から選べました。パンの耳は切ってありました。「茶」はホットの香港式ミルクティーでした。現地のお客さん達は麺類を選んでる人が多かったです。