牛歡喜 (已結業)

前排去左新蒲崗，見到開左間新既日本野，望個餐牌都幾吸引，又見佢價錢算幾抵。就入去試一試，服務態度都唔錯，我叫左個吉列朱扒定食，個餐等大約十分鐘左右，佢落單即整。黎到一咬塊豬扒就知佢即整 好熱都幾脆，仲有湯同沙律跟埋，同埋味道都唔錯。我大約5點左右入去，所以佢仲有包埋港式既飲品。成個餐50幾蚊，仲有埋嘢飲，好似係5點半前都包野飲，真心覺得幾抵食，下次去開個頭都會再試下佢其他野，仲有石燒燒肉我覺得都值得去推介下

公司隔離開左間新日餐，之前附近都係得茶餐廳，難得開左間日餐，一定要去解解思鄉之情今日lunch time去試左佢個炸雞定食同炸蝦 👍🏻炸雞多汁嫩口 唔錯價值都好實惠，炸雞定食都係50蚊 有埋味增湯同沙律 菜餐廳仲有好多唔同既日式定食同埋石板燒肉👍🏻本身都想叫過石板燒肉慢慢嘆但係職員話lunch time繁忙時間無做石板燒肉要3點後先可以做到 🤣唯有下次夜晚過黎再試試呢間野啲石燒先整體黎講，價錢實惠，味道都幾好，會再幫襯

我向來都10分喜歡日本嘢食，所以只要日本餐廳開左！基本上可以的都會去試吓！開張冇幾耐，我公司都有同事買黎試佢地的午餐！餐廳與時並進，傳單上面只有顯示WhatsApp電話號碼！試過嘗試打呢個電話號碼係完全冇人聽！真係單單只能WhatsApp落單同事WhatsApp落完單之後，真係好快有人睇及回覆！有通知大概幾時有得拎！非常貼心到真係放飯嘅時候去拎！就見到門口呢好多人排隊等待！嗰一下真係好慶幸自己已經提早落單！由於上次系幫同事關係我自己就冇食到啦！但同事話好好食喎！結果今日我又手多多去叫左2款小食分別係芝麻雞翼，同埋炸雞軟骨！同樣WhatsApp嘅人都好細心跟我講大概要等15至20分鐘左右先至有！當言落到去餐廳一樣唔需要等！比完錢就有外賣即刻拎走！其實正常來講炸物都會好容易唔脆，因為包裝唔多唔少都有倒汗水！但奇怪嘅係我食呢兩樣嘢仍然好鬆脆！對於鍾意食煎炸嘢嘅朋友來講必食之選再有機會一定會試吓其他嘢

新開幕的店，本身諗住試吓，買咗一個外賣日式吉列牛，圖片都睇落唔錯外賣要等20分鐘左右，即叫即做不過坦白講真係要改善無味吾太好食，太淡希望下次再食可以有所改善會再幫襯試吓其他野先