牛歡喜 (已結業)

嬲啊！啲侍應超串，食20幾分鐘就諗住趕你走。啲野食質素又唔係特別好，仲要服務態度差。寧願去隔離嗰間豆漿大王食又平又好味，服務質素仲好過依間垃圾食物同侍應嘅舖頭。

店面唔算大，唔算多位，但係都整潔嘅豚肉壽喜燒配白飯豚肉得幾塊，同埋唔大塊，我覺得唔夠食，要快少少拎起，如果唔係會煲到好熟唔好食，但係食落去冇臭味，有壽喜燒嘅湯底味道，但係冇咩配料得少少菜，一舊菇，同埋兩舊烏絲，好似冇咩嘢食咁有個少少沙律菜，做前菜都可以嘅，同埋麵豉湯就正常發揮，冇咩特別白飯加咗少少好似牛角咁樣嘅調味粉，就好食咗好多，可以揀配白飯定係配烏冬，但係配烏冬要加錢整體上性價比唔算高，但係服務態度很好

嗌咗兩杯凍奶茶，兩杯唔同味，一杯無味，一杯似冬瓜茶，未飲過啲咁難飲嘅「凍奶茶」😅😅嘢食就非常一般，份量超少，兩啖食完，下次唔會再嚟😅😅😅😅😅😅😅

我都多係新蒲崗食野，比我發現左呢間性價比不錯嘅餐廳！我試咗佢哋嘅照燒雞扒定食，都幾滿意😆首先，照燒雞扒煎得岩岩好，肉質鮮嫩多汁，每一口都帶有嗰濃郁嘅照燒醬汁嘅香氣😋 我特別鐘意啲雞皮煎到有微微嘅焦香👍🏻配菜方面，定食附送嘅沙律、味噌湯同埋日式醃漬小菜都相當好味！沙律蔬菜嘅清脆口感同埋醬汁嘅搭配令人開胃，而醃漬小菜則增添咗一份清爽嘅口感，同照燒雞扒好夾！呢到環境幾舒服，啱同朋友係到傾計👍🏻

新蒲崗多地舖美食, 最近留意到呢間個名咁得意既牛歡喜😂 係咪食完真係咁歡喜?望望餐牌原來係食日式定食, 都好多選擇喎❤價錢仲好抵, 最平$48就有個set😍今次試試佢個唐楊炸雞烏冬定食$58炸雞黎到熱辣辣 比我想像中多汁嫩口 真係好驚喜💕💕💕 Set有味增湯同沙律 仲有野飲timCP 值勁高👍其實本身想試炸豬扒但佢一早賣哂另外叫有照燒雞扒定食$55份量都幾大份 一樣都係熱辣辣燒汁甜甜同雞扒好夾 都係好嫩口真係超級抵食😋😋😋仲要味道幾好✨✨下次想去試下佢地石板燒😍😍牛歡喜新蒲崗大有街34號新科技廣場地下G10號舖

一開二叫兩件午餐叫追加小食$18 玉子燒兩件出面$20可以食到一整條開係打工區維持生命餐夠擔咁上菜仲要卂乾又硬問反員咁叫兩件 佢答係咁架師傅出諗係咁出唔滿意幫你取消佢！Ok 無下次埋單$70

牛歡喜附近有好多餐廳，各式各樣本身因為有豬軟骨吸引我入鋪頭望住落單紙見到有京蔥牛舌定食 $62二話不說就點左牛舌凍檸蜜嘅蜜係菜蜜，但都okay ge 牛舌定食包沙律同麵豉湯湯只係暖，味道正常，整體一般沙律真係得菜同半粒蕃茄，都係一般牛舌飯，牛舌薄切，食唔到口感，但勝在份量多，差不多有十幾塊，每塊都煮得入味，加上焦糖左嘅洋蔥，牛舌飯係出色隔離枱多數叫雞排飯，外觀不錯會有下次*由於係工廠食堂，要留意下門牌先會搵到呢間鋪

好耐好耐以前我在新蒲崗返工，那時候此區食肆當然有但種類真不多，特別出色的也說不上有那幾間，就是返工食個晏，初出茅廬無資格也不懂得選擇。以前差不多全部都是工廈，離不開都是工廈飯堂或較小型的茶餐廳。日式餐廳記憶中都好似有一兩間，但從來沒幫襯過，都是跟著上司或同事，他們說吃甚麼便是甚麼。離開新蒲崗很久沒回來，今次適逢有工作，早了半個鐘到，隨意找間餐廳一心拿拿聲塞飽個肚就開工，便撞了入來這裡。入門口其實我連這餐廳名字是甚麼也沒留意，只從門面知道是食日本餐的。話明趕時間，當然從午餐set入手，便點了豚肉生薑燒定食跟熱咖啡。在沒有甚麼期望之際，店員放下這碗豚肉飯，咦？喂，唔錯喎！望落去滿滿材料，薄薄的豚肉肥瘦恰到好處，調味的洋蔥、芝麻、蔥花和汁的份量都剛剛好，58元的這一個定食正常地跟一小碟沙律菜及麵豉湯，質量不錯，若說價錢不便宜，其實現在很多茶餐廳完滿食個晏這個價位也是差不多，而能夠吃得我夠飽夠滿足，我覺得已經是抵，況且兩位店員和我好好傾，特別是門口收銀的姐姐和我有講有笑，感覺良好，下次再來新蒲崗工作，我不用再搵地方食飯了，就來牛歡喜吧。當然，想提一提的是，若果能夠提高熱咖啡的質素，免得我食完飯

一入到餐廳收銀處職員問我幾多位？我就話一位 之後個收銀處職員叫我隨便座 行到入餐廳入面 見餐廳都無咩一人位 於是我就揀左張四人枱 點知另一個職員即刻黑晒面望住我 叫住我 指左另一個位俾我坐 仲叫我跟返指示坐佢指明的位置 坐低左之後仲同個位收銀員打曬手勢（一字手勢) 仲好大聲話一位 我無聽錯呀？又密密針 好似好不滿。成餐飯都食得好嬲，一位到底有咩問題？

呢排又要出JOB啦，今次係去新蒲崗個邊出JOB，其實個到都唔太方便，無論係鑽石山定係啟德行過去都好鬼遠，所以平時係一定唔會去個到，我有個FD係個邊夾BAND，就順便問下佢附近有咩食，佢就推介我食呢間牛歡喜，個日放飯12:30分行出去，去到12:40分左右，門口已經要排隊，等左10分鐘左右終於到我，我就叫左個照燒雞扒定食，佢只係55蚊，仲要包埋前菜加野飲，份量都好大，呢個價錢真係超級抵食，仲要味道都相當唔錯，唔怪得出面有咁多人排隊

本來想去食隔離嘅豆漿大王，結果兩點幾仲好多人排隊，就入左隔離尼間野，價錢係唔錯，性價比都OK ，係食得飽嘅分量正常，不過就系個飯無乜味😢😢我叫嘅係京蒽牛舌飯，牛舌的確幾多下😂感覺食極都仲有😂食到最後飯都食嗮仲有幾塊舌舌，不過牛舌係正常薄切牛舌，唔系西餐廳個d好厚嘅牛舌～不過就系無乜味，無牛味無鹽味個d，最後我自己落左鹽同七味粉就好好多，總結嚟講，分量的確係幾好嘅，但希望味道方面可以再提昇下！

📍新蒲崗大有街 牛歡喜📍大有街好多工廠大廈，地舖有好多唔同嘅美食。最近留意到呢間新開幾個月嘅牛歡喜，主打日式定食，都好多選擇，有成十幾款，價錢有$50到$100左右，任君選擇。S4 日式吉列豬扒定食 $52正正常常吉列豬扒，唔會炸得太油膩，份量都幾多。S7 唐揚炸雞定食 $50推薦呢一個炸雞！油係新鮮嘅油，唔會好大浸油抑味，香脆但唔油膩！S11 豚肉生薑燒定食 $58豬肉片份量都幾多，入味，唔錯。S17 USA Prime 美國特級牛板腱定食 $88略嫌牛肉有啲普通，性價比有啲低。

因為自個兒前去獨享美食，中午繁忙時段稍微待了5分鐘就有座位，等候烹調的時間約15分鐘。麵豉湯咸度合宜，黑醋蕃茄生菜沙律亦份量足夠，調味適中，缺點是蕃茄不夠新鮮清爽。豬軟骨非常柔軟，不過軟過了頭，失去了那種膠質豐厚的口感，零阻力，軟如水，較適合牙口不好的食客。有點小可惜，因為醬汁和珍珠飯都很對味，要是這軟骨的烹調時間能略短一些就好了。整體來說還可以的，下次試吃其他菜式。

今日lunch特意去試呢間餐廳，大約12:30去到，唔需要等位直入！環境都唔差 叫做整齊 企理👍🏻叫左餐牌上面寫住人氣嘅餐澳洲草飼牛頸脊定食 hkd72無咩牛味 但肉身偏簿易入口 以呢個價錢黎講 有埋湯 沙律 餐飲 絕對可以接受😆但服務質素欠佳 我明有人等位你會想急住執枱，但唔會係我飲緊野個陣比人收走咯。。。仲要唔係一枱係咁。如果你咁想做多一輪lunch time 我會建議你出餐出快啲instead of 趕客人走!!!! Ps 唔止一枱一食完有個阿姐即刻收走 我望住個客人連湯都未飲完🤣 希望呢個情況有待改善😉

平時都有叫開依間燒肉外賣，見佢開左地鋪都想去試下前幾日甘岩經過去試下估吾到3點幾都仲系好多人不過好快就有得入座等左10零分鐘野食都黎我見好多附近啲上班族都入黎食如果我返工附近都有日式餐廳就好講返野食先，我叫左個鰻魚丼飯價錢算中下，但食物質素高份量都幾多，我一個女仔食吾哂好曬野$88包個湯同凍飲仲有沙律我見到其他餐都系$5-60一set 都叫做有湯有菜健康啲（心理上）哈哈我見佢好似晚市都有得食石燒搵日一定會過去食多次中意食日餐既可以去試下阿！