牛欄牛什粉麵

營業中

休息中

This place I used to eat a lot back in 2010, and recently tried again last year.  The place is still good.Atmosphere: 3/5Nothing special, a eat and go placeFood: 4/5They have fish balls and all sort of foods you will find in a typical noodle eatery place.  The best i find is 牛什.  The intestine is "ark" which i found very good.  Other portions are good and they taste fresh.  All those 牛什s taste good and the overall outcome you won't feel the bowl of noodle is hea.  Soup is a bit normal, can impro

午飯兩點鐘來， 人都唔少。 簡簡單單只叫了碗牛什河，牛什ok的，夠❝林❞, 河粉唔錯，都滑㗎！ 亞姐還好闊佬加了好多葱， my飛佛 整體份量算大， 食完夠飽！ 不過辣招油就一般， 唔夠香辣！ 美中不足。 最後喝了幾口湯， 感覺味精不重， 沒有口渴！ 讚！

在荃灣廣場看完電影後便四周逛逛，看看有什麼東西可以吃，然後便經過了這一間粉麵店。說實在的，我是被它的「牛欄牛什」這有趣的店名所吸引而走進去的！可能去的時間是大約4時半左右，並沒有太多人。店鋪雖然沒有豪華裝修，但環境算是乾淨。看看餐牌，跟一般的潮式粉麵店的食物也是差不多。唯一比較特別的是「牛三寶」跟「魚三寶」，所以我便分別點了一份「牛三寶」河跟「魚三寶」麵。「牛三寶」其實便是牛腩、牛筋及牛肚，而「魚三寶」則是魚蛋、墨丸跟魚皮餃。食物還未來的時候，待應便送上兩杯豆漿，正在納悶是否弄錯的時候，身邊的女友才提醒我是下午茶時段送的 等了片刻後，終於送來第一碗的「牛三寶」！第一眼的感覺是賣相為什麼是這麼差？明明店裡沒有什麼人，為什麼牛腩、牛根及牛肚就像是切完隨便掉進碗裡？隨後便喝上一口湯，湯的溫度還挺熱的，而且喝得出是用上了大地魚跟豬骨熬製而成的潮州式湯底；湯的濃度跟鹹淡度還算適中。第一口吃的是牛腩。老實說，外表上我真的很失望，而且有點懷疑到底這是牛腩還是豬腩。雖然牛腩是清湯腩類，但顏色實在白得有點像將燒肉去皮後放進湯裡煮似的。夾了一塊放進口裡，咬上一口，牛味不太夠。但是牛腩的肉質卻令我有點驚喜

大概是年半前吃過，印象平平，之後也好一段日子沒有再到訪。直至某日路經附近，想吃點東西，才進來了，這次不單覺得好食咁簡單，直頭有種驚為天人的感覺，究竟是偶一為之還是水準根本就是這樣了得? 要再來驗證一下。又來到，甫坐下，二話不說的柯打了牛什米。份量依舊是如此充足，廿四蚊實在是算經濟。先吃牛腸，腸衣煙韌，滿是油脂香；牛肚有幾件，爽脆不韌，而且入味非常；牛肺口感尚佳，軟腴又夠香；牛筋咬落是很有膠質的。無疑，這是一碗絕對高水準的牛什米。試過牛什，也不能不吃牛腩，這裡的牛腩飯亦不俗，牛腩件件邊位都帶點肥，口感鬆化，滿有油脂甘香，不比牛什遜色。看見阿妹的墨丸米都幾似樣，問及評語也是正面，即管偷一粒來試試看。咬下去雖未算很彈牙，內裡卻有著墨魚粒，豐富了口感，而且也不失墨魚的味道，同樣吃得過。又睇吓炸魚皮掂唔掂，一碟份量也不少，雖不是熱辣新鮮的炸起，起碼是薄身而香脆，合晒愛香口小食的我，令人會一片接一片的吃，真想打包一盒回家，晚上睇波時慢慢吃。循例都跟碟油菜，西生菜也好，色水翠綠，感覺爽脆新鮮，只是蠔油太多，並且是極之咸，要放在米粉的湯內浸一浸才能吃。我當然有飲咖啡，要了凍的，很濃，飲完精神抖擻。大致

家住深井, 平日屋企附近冇啖好食(唔好講燒鵝), 真係好想食碗有質素o既牛腩河, 食過X龍, 我覺得一般成日搭車經過, 見呢間以牛為店名, 於是即管試下下午3點左右幫襯, 一碗粉麵$22, 價錢ok, 仲有豆漿送屋企人點了牛腩河, 我點了牛什河, 估唔到咁大碗牛什唔錯, 唔可以話超好, 但可以算得上有質素牛腩有驚喜, 肥瘦適中, 好淋河粉切得幼, 好滑湯底都好好, 食完唔會口渴油菜個蠔油就唔得喇, 早知叫腩汁一定會再幫襯

見到這裡的食評如此好，滿心歡喜地買一碗雙拼牛根牛丸米線，價值$28。這樣的價錢雖不算貴，但始終跟之前$18一碗單拼加$5變雙評有一定出入。而且裝麵的碗有未免太小了吧!食物味道方面平平，牛根味道不錯，但對我來說有點太粘了。湯底味道也是普通，整體感覺讓人失望。相信下次不會再吃了。當然也可能是我是外賣拿走的，所以味道口感有變。但我實在覺得不怎麼樣。

公司同事們齊齊帶飯,我獨個兒到附近覓食,首選是這家不遠處的牛欄牛雜粉麵,只因某天到銀行時,見到其麵檔裡的一大鍋牛雜,似乎好好吃似的。跟一般粉麵店般街坊格局,要坐得舒適是有點難度,午飯高峰期都只能搭枱,只是小店竟有一張只供一人的小桌,雖然跟洗碗房緊緊相對著,總算不用跟其他人同桌,對我這個愛自閉的人來說實在超爽!這小桌還是配椅背的木椅,較其他圓型膠凳更穩健唷。來得牛欄當來個馳名牛雜米粉,點了粉麵可以另加$6 加支裝汽水或蔬菜, 阿姐快而準地道出是日蔬菜款式,今次放棄青菜而選了蘿蔔。蘿蔔加上大量腩汁湯後份量看來比一般油菜更大碗,蘿蔔煮得透心,沒有人工甜味也沒有其天然蘿蔔甜,畢竟夏天開始了,蘿蔔也不是時令嘛! 可幸是每件蘿蔔皆無渣,只是最後一件有點微苦,以比例來說是很低的了; 蘿蔔雖淡而腩汁湯卻能補救不足,沒有被湯底太稀釋的腩汁還泛著一點牛脂,本來稍鹹又濃味的湯底跟淡味蘿蔔配得剛好, 好吃。牛雜米份量真不少, 爽口米粉好像吃極也有似的!! 難怪也吸引不少男仕以粉麵當午餐了。牛肺切得大件煮得鬆化,肺部組織散開後更加吸湯;牛膀大大片的極粉糯,入口即溶的牛膀那陣牛膀香實在特別,走膀就太可惜了; 四個

今日4點幾路過沙咀道見有d肚餓, 行行下就見到牛欄, 本身只係打算醫下肚, 並冇什麼期望好食不好食!一坐低就見到有"牛三寶"粉面(牛腩,牛筋, 牛肚)$26 <-可以滿足晒3個願望XDDD 重有豆漿送但我本身鍾意食牛腸多過牛肚, 所以轉左牛腸~河粉一到...都幾大碗, 三寶的份量都幾多我先試一口湯, 覺得同其他粉面店的沒有太大分別, 牛腸同牛筋都比較普通...但牛腩真係有驚喜, 每舊牛腩都連少少肥咬落爽, 腍...唔"癡"牙加上有少少肥膏的蘇味, 真係幾好食!下次經過都可以再食~

這間牛欄牛什粉麵，我在荃灣咁耐都未食過，要去一去。星期五的會議突然取消，可以早走(準時)，但臨時臨急就不好約人，獨自一人，食粉麵最岩。人家有店名你叫，所以都無咩理由唔食牛，見除了牛腩牛什等常見的東東外，還有牛脷，便來碗牛脷米。牛脷的份量是多得沒可能投訴，只不過質素麻麻，沒有彈牙的口感，米粉仲好一點，起碼唔會碎濕濕咁。店內是有電視的。飲埋杯凍檸茶，睇埋套電視劇，才上路。

今日 lunch 男友仔帶左我黎試呢間牛牛粉...舖位唔響旺地, 所以人流唔算多~lunch 時間大約有 8 成客仔!!坐低之後就已經落 order...2 話不說梗係叫牛啦, 哈哈!我要左 - 牛雜河粉 ($20)佢要左 - 牛腩魚片幼麵 跟 凍檸茶 ($25 + $5)等左唔使 5 分鐘就有得食了...lol上枱賣相唔錯喎~= =+ 先試湯底....湯底好好味, 係香濃既牛腩汁, 讚!!再試食男友仔果 D ....牛腩 - 入味又淋又鬆軟, 真正入口即溶, 讚!!魚片 - 新鮮爽口, 不過我就覺得魚味唔太夠~最後食自己果 D ....肺 - 入味又唔過淋, 好乾淨, 讚!肚 - 好味又夠淋, 讚!膀 - 又淋又好味, 入口即溶, 讚!腸 - 呢樣真係最正, 夠味, 夠淋, 夠鬆化, 超讚!!鐘意食牛既朋友, 呢間絕對係推介...$20 蚊碗唔算貴, 有呢個質素, 抵食架~!!呢間小店比我既感覺就係...快!! 靚!! 正!! 哈哈哈...

呢個食評我變左社工!!哈..不過係真,世界上每件事.不會只得一面...有時人只是埋怨自己在逆境中.只看到壞的方面...好的方面.不肯看...套用在食物上都要多面睇.......呢間店.店名牛欄牛什粉麵,我當然要食牛什.....有很多選擇...有飯,有麵,好經濟.只是18至26元......加3至6元有飲品...店員...係後生仔.傳菜包餃子係中年人,服務唔錯!!我點了一杯凍檸茶同牛什米......首先評...牛什米:切合我的主題...如果大家鍾意食肥牛什.有肥膏,要肥膏香味...連湯都要肥...對唔住!.完全無...鍾意肥牛什的朋友.食呢碗粉一定給劣評.相反...好似我咁係一個大肥婆....怕肥,呢碗粉..絕對合心意....雖然無左肥膏香味..味道偏淡,只可食口感,不過份量多..牛什無異味...衛生,而湯底都好好飲,難得將牛什健康化?反而我今日食第二次.......就差左的,的牛什末林.......難道3點食會好味.5點食會差的?有進步空間凍檸茶:有點好笑...店員自動幫我走糖...店員拿住杯茶行到一半話唔得..都係加返少少糖...哈!!係咪見到我咁肥!!為我健康著想....因少糖.試

行過沙咀道 (大會堂個邊), 發現原來間雲吞粉麵店 變左 間牛雜粉麵店; 而家搵間好食既真係唔容易了, 又睇見夜晚7點幾都成7 8 成滿, 就入去試下.叫左碗雜米, 5分鐘後 尼左碗雜河, 求奇啦, 照食.賣相ok(除左有兩舊肚有d黑黑地之外), 份量ok, 五香就唔多覺香了;上雜下雜都有d, 都係例有o個d : 金錢肚、 肺、小腸、膀- 金錢肚 : 都算入味, 夠唔夠"諗", 就見仁見智了, 我就覺得彈牙左小小- 肺 : 夠爽- 腸 : 夠瘦(或是太瘦), 食落有d苦, 唔知係咪 ...- 膀 : 有d酒味? 仲係怪怪地個種, 可能係今天太熱吧, 至少返屋企無痾. - 湯底 : 睇落去有d濁, 以為好夠料添, 點知 ... 都好配合近排醫生的吩咐 - 要食清淡d 囉既然連舖名都以牛雜命名既話, 再加上係尼個位置都訂在18蚊既價位, 對佢既 牛雜粉 有合理期望係好正常. 下次如果要再去, 都係試其他d野好d.

經過荃灣沙咀道，見到有間唔起眼的港式麵(因為大廈外圍維修)入去試吓。 入到去，有個後生仔問我食甚麼(仲以為係伙記原來係老細)，我就問佢有甚麼好食?佢話牛腩啦，我哋用新鮮牛腩同牛什，水餃同雲吞都係自己包，炸醬係師傅自己抄，我問魚旦牛丸呢?黑椒牛丸都唔錯，其他都係外面交嚟(真老實)。 我叫了一碗雲吞水餃炸醬麵(餐排無佢都做)，見到對面有位啊哥碗牛腩麵，真係好大碗牛腩，D牛腩切得好大舊，仲有七八舊。炸醬來了都好大碗，起初食時感覺麻麻地辣，點知食一半越食越辣，真係好激(不過可以叫師傅落小D炸醬就咁辣)。

今日在荃灣沙咀道的一間粉麵店坐下來，要了一碟「炸醬撈麵」。餐廳東主是個三十來歲的年輕人 (還相當俊朗~)，他親自為我送上一碟「炸醬撈麵」。二十二元的炸醬撈麵還配上一杯凍豆漿，價錢真的不算貴。這碟撈麵用料十足，火紅色的醬汁舖滿了絲絲幼麵頂 (見圖)，撈均了的麵條盡是橙紅色，一看就知道是喜歡挑戰火辣朋友的至愛！一口吃下去，果然不錯，幼麵爽口，辣味十足而又不膩；吃到中段漸漸已有「噴火」之感，不得不連口喝下旁邊冰凍的豆漿；降了溫，等不及馬上再吃，因為濃烈的酸辣味道直接刺激味蕾，非常醒胃。吃到最後，就是精華的部分 (見圖)，炸醬汁、榨菜、冬菇、瘦肉和辣椒混作一團，急不及待一口吞掉！在炎炎的夏日吃一碟火辣辣的炸醬撈麵，再喝一杯凍冰冰的新鮮豆漿，也真頗有風味的。其實這間粉麵餐廳是以牛腩和牛什作為招牌菜式的，期待下一次再到這家店子一嚐其招牌菜。

2010年7月6日 ( 牛欄牛什粉麵 - 1 ) 荃灣近來開了一間新的牛什粉麵店，午飯時間前來試試，要了一碗牛什河，飲品要了一杯豆漿。牛什河：牛什計有牛腸、牛膀、牛肚及牛肺，各樣牛什夠晒腍，牛膀最靚，牛腸略嫌過瘦，少了肥美的羔香，如果肥些會更好，而牛肚樣子欠佳，有些位置帶着深深的顏色，頗難看，牛肺又比到多喉管的位置，也是不理想，不過，牛什整體仍屬好味，河粉幼細嫩滑，湯底味道也算美味。豆漿：原本豆味是不錯的，也許是存放過久，鮮味已減，感覺濃杰，喝來有點糊口。新店正在試業中，招牌仍蓋上紅紙，這裡環境一般，食具乾淨，枱椅清潔，服務幾好，今天食物質素仍屬OK的。