牛極 (皇后大道東）

營業中

休息中

不要嚟食 叫左個咩亂切部位餐 全部都係垃圾 筋又多 切都切唔開 點樣切細舊啲煮？點煮都係出面韌 入面仲係滲血 舊舊都係咁百幾蚊要我食垃圾 你畀番百幾蚊我都唔食啦食到一肚火 唔使食都飽曬 270克最尾食淨成碗都係筋 我諗都有200克 你睇圖見到個碗係咁都黎食嘅話你哋加油 我未試過openrice比差評 你哋幫我開咗齋 我都幫你開齋 。我朋友仲專登介紹我哋食 換來只係牛筋套餐 我諗呢間野最好食係沙律同飯一分錢一分貨 可能140蚊既餐就係差

喺皇后大道東附近返工，成日經過呢間牛極，但就一路都未試過，前排因為疫情，見佢人唔太多，唔太洗排隊，於是決定入嚟試一試！入嚟要做第一樣野，首先係喺自助售賣機，點選自己想要的食物。因為係午膳時間，見佢有套餐，就叫個豚肉腩片黎燒下燒下。主食未到之前，首先要為自己餐前準備：包括裝湯、裝飯、裝沙律，以上都係任食，真係好抵！佢個湯一啲都唔hea，都會有牛肉烹調，配合一啲洋蔥蔬菜，味道都好濃郁，唔係求求其其。而我最欣賞佢嘅白飯，除咗因為係珍珠米，口感好煙韌，最重要係佢可以俾我哋任用嘅紫菜粉，加上啲飯度，真係飯都會食多幾碗。搞下搞下，主食都好快上到枱面。由於佢係原塊石板上檯，你鍾意啲豚肉整幾耐就幾耐，有幾燶就幾燶，鹹魚青菜，各有喜愛！而佢嘅份量都唔少，肉汁都比較濃厚，食完都想再encore！

9:40去到聲稱已關門，質問之下說分店還是開門的，是閂10:30的但佢哋已經收緊嘢所以唔再歡迎有客人，旗下所有在港島的分店都會blacklist而且會同朋友講唔好去幫襯，佢係旺角既分店側冇問題，職員態度非常好，牛扒亦會推薦

又係食過好多次 終於寫食評我次次嗌親都外賣 未試過堂食堂食就任裝 飯 湯 同沙律菜不過可能每人都石燒牛 都幾大陣味講番外賣先 d牛每次都好似唔太一樣個部位有時有筋 有時太生 不過就每次都夠瘦充滿牛味 呢個價錢 包湯 沙律菜 其已經無得輸之前試過係備註要求將飯轉沙律菜 職員都比到 呢個細心位要讚

通常石板燒價錢都幾貴，但路經見呢間價錢親民又質素唔錯，仲係半自助式用餐，就同親故嚟試下1/ 番茄薯仔牛肉湯想講餐湯都好開胃出色，除咗有眾多蔬菜之外，真係有好多牛肉係入面，所以個湯係好有肉香，而唔係出邊味精味好重嘅羅宋湯成日都會覺得放題飲湯唔抵，但呢度要飲多幾碗就真2/ 180g牛肩排石燒上枱嗰陣仲係粉紅色，渣渣聲，自己嚟決定要幾成熟，今次煎咗2分半鐘，成功外焦內嫩，牛肩排比較厚身，肉味重，餸灑滿芝麻紫菜粉嘅日本米一流3/ 日式雞扒石燒雞扒份量幾大，石板燒嘅製法keep住雞肉保持嫩滑多汁，BBQ醬唔會太濃啲石板燒上枱嗰陣會有紙巾鋪面嚟防止彈油，仲提供紙圍巾，見微知著，呢間店喺提供用餐體驗好用心

約了朋友放工來食這間半自助式放題形式的石板扒燒，好味又好玩，好適合友人的大細路性格～自助區：日式蕃茄牛肉湯、日式沙律、珍珠米飯Japanese Beef Soup with Tomato, Salad with Sesame Dressing, Pearl Rice蕃茄味同牛肉味非常濃郁，入面配料幾豐富，撈起見滿滿牛肉、洋蔥、紅白蘿蔔、西芹等配料，相當鮮甜；特別一提，珍珠米飯記得要灑上店內嘅芝麻紫菜粉，增添鹹香風味牛肩排180gTop Blade Steak 180g有隔油紙蓋着，不用擔心熱油飛濺，熟度及焦香程度都由自己決定，今次煎了約2分鐘，相當於5-6成熟，牛肩排肉身厚，帶有釂勁，外皮微焦，內裡豐富肉汁，牛味香濃日式雞扒燒Chicken Steak友人點了雞扒燒，上枱見份量有手掌大，煎得嫩滑多汁，帶有孜然醃味，加上BBQ調味粉，增添乾蒜黑椒等風味

❤️灣仔性價比高之石板燒❤️為左午餐食得健康些，吸收健康的蛋白質，我決定午餐食個雞扒set 😂喜歡店舖自助形式買飛，而且好方便易用，當然响店員落單也可以😌沙律🥗、湯🥣同飯任食自助區好企理，衛生👍👍👍為保持衛生，岩上菜的扒會有塊廚房紙，就算岀去拎沙律、湯都ok🤣雞扒大大塊，厚身、滑肉，咬落口，雞皮仲脆，啲汁又bi 岀來，個燒汁好惹味，而且有椰菜伴碟，雞扒不會燒焦，十分健康同有心思👍🏻沙律:芝糊麻醬(自己另加蒜蓉)，絕對開胃同唔洗怕飲食不均衡日式牛肉湯湯味濃，但唔係味精既濃，係煮過蘿蔔、洋葱🧅既濃，真係見到舊牛肉响入面，湯煲既餸真係真材實料🉐️

Lunch set $50起，有沙律菜任食，牛肉湯任飲，白飯任食，一份肉，真係超值。最緊要係食物有質素，唔係求其填飽個肚。今日叫咗黑豚腩肉，只係$60，份量超多，肥美、香口、有豬味，好食！沙律菜好新鮮，爽口，加埋日式麻醬好清爽，開胃，encore咗3碗。牛肉湯有勁多料，有紅蘿蔔、白蘿蔔同埋牛肉，好好味，飲咗成兩碗。白飯可加紫菜粉，即刻好有風味，加埋燒肉汁好嘢味，大家一定要試下。總結：性價比高，份量&質素都兼顧到，推介！

牛極在香港開有多家連鎖店，今天中午來到其中一間分店位於灣仔皇后大道東，合和中心對面，距離地鐵站約5分鐘，交通非常方便。店堂環境整潔，簡潔明瞭的日式裝飾風格。入到門口點餐係用日式點餐機落單，設計完全參照日本設計，自助電子付款，方便快捷。有多款套餐可以選擇，套餐牛肩排180g $85 價錢確實物超所值，肉質鮮嫩軟腍，牛肉味濃郁，配上餐廳特製蒜蓉醬汁，口感豐富，齒夾留香，令我回味。套餐包含無限任添白飯、湯和蔬菜沙律 ，都係採用半自助形式，客人按需可取，性價比起高，是窮忙上班族在鬧巿中用餐的好選擇。

牛極日式半自助石燒牛扒店，牛扒有不同部位及重量選擇，均經過熟成處理，會由師傅先煎至一成熟，再放在攝氏300度的火山石板上，客人可按喜好自行用石板燒至理想熟度。牛極香港開咗好多間，今次同朋友去咗牛極連鎖店嘅灣仔分店（灣仔皇后大道東238-240號地鋪）。叫了黑豚腩片套餐，腩片切得好薄，肥瘦相夾，油脂豐富，在石板上燒到焦焦脆脆好香口，熱辣辣炸炸聲香噴噴，再落啲鹽同黑椒沾點蒜蓉醬汁，會更加好味。套餐皆附自助吧，可任食沙律及飯，粟米沙律菜，清爽新鮮，當然要加埋胡麻醬啦，健康又醒胃。仲有可口的羅宋湯，味道唔錯，解油膩可以飲多飲兩碗。

Lunch time自己一人想食得自在點～經過呢間石燒店，都係一個唔錯既選擇先到自助機點餐，然後到自助吧拎餐具、湯、沙律，可無限添加！湯：日式牛肉湯，極香濃蕃茄雜菜，帶點牛肉碎粒，熱辣辣唔酸，一口氣先飲兩碗開開胃。沙律：粟米沙律菜，清爽新鮮，當然要加埋胡麻醬啦！ 白飯可加紫菜粉。點了黑豚腩肉片$60 聽到石燒既’滋滋聲‘都肚餓了 🤤最中意既食法係一片五花腩沾點蒜蓉醬汁，夾一口飯直接入口。蒜香豚肉味道分外惹味，部份更燒到乾身有脆邊，更香口！

優惠抵食之選！payment多是一個吸引客人回頭的好特徵因為我唔止一次幫親牛極除咗銅鑼灣分店，灣仔都係我成日望嘅一間！價位係我非常接受嘅吸引之處！即使晚餐最平都係$50+/$60+有時多人想食好d就揀下！再加埋用港島區優惠coupon🎉亦都係因為價錢性價比高 我成日介紹俾附近隔離鄰舍😂😂個個都好鍾意佢嘅OpenRice落單，放工時候order定返屋企已經可以順路攞埋好方便👍用電話俾定錢唔使接觸真嘅cash冇咗找續嘅等待時間👍👍會繼續order哩間牛極！味道👍環境👍態度👍俾錢方式👍

牛極，其中一間分店位於灣仔皇后大道中，距離地鐵站約5分鐘，非常方便。餐廳以日式半自助方式操作，主打石燒牛扒，餐牌選擇非常多，牛肉選擇份量價錢皆豐儉由人。入餐廳門口有自助點餐，點餐後需自行到自助區取白飯，沙律，餐湯，餐具汁醬等等。坐下不久店員便會送上主菜。牛肩排180g $85 價錢確實超值，牛肉味濃有咬口，配餐廳特制醬汁蒜蓉，確實快靚正。除了牛扒，餐牌亦有雞扒選擇，雞扒已由餐廳完全煮熟可以馬上進食，雞扒嫩滑，建議配醬汁蒜蓉同時進食，感覺像照燒雞扒一樣。

位於灣仔的牛極，非常親民。一入門口有自助點餐機。有各種肉類亦有各種份量可供選擇。我哋兩個分別點咗牛肩扒膽雞扒。點餐後可以先到自助區。生菜配胡麻沙律醬不停refill, 仲有牛肉湯。白飯傍仲有芝麻紫菜粉，倍添味道。餐具也在自助區忙完一輪攞哂嘢，主菜就到了。店家好貼心放咗一張廚房紙以免啲咋咋聲嘅油彈到客人。牛肩都幾厚身，切開後可以繼續係塊石板度煎至自己喜歡嘅熟度。雞扒好滑。枱邊仲有黑椒，海鹽同專係配牛扒嘅調味料。

慶祝仙女朋友的生日飯第一波上月去左美人鍋,祝朋友人大一歲依舊美人;第二波去牛極,增添一些牛氣, 在最壞的時代活出最好的年華!牛極是食火山石套餐的,點了兩份牛,一份牛柳,一份牛肩胛火山石十分耐燒,不是一般鐵板餐哦~食完整頓, 火山石還是熱熱的牛柳和牛肩胛的部分都很瘦, 沒太多肥肉,吃完不會覺得油膩胃滿滯,值得推介~加30元還有半自助餐,無限任食沙拉(補充膳食纖維)和日式牛肉湯和日式白飯性價比超高~牛柳($115)牛肩胛($85)半自助餐($30一位)@牛極(灣仔店)