牛扒先生 (已結業)

來這裡吃飯是因為兩位朋友想試一下天幕下食晚飯的滋味,而且看過人家的食評後感覺好像不錯,所以就選了這裡。我們3人order了以下食物:1. 加洲沙律盤(沙律菜配雞肉同煙肉碎味道很一般)2. 芥末汁鮮蝦石鍋飯(芥末汁ok,蝦都算彈牙)3. 黑毛牛肉眼扖(Medium,肉質差,扖王之扖比佢還好)4. 灼藍貝配海膽汁芝士(監貝又細又腥,芝士汁唔夠濃)5. 火焰雪糕(蛋白內加3色雪糕,菠羅、士多啤利、朱古力---太甜)6. 雲石芝士蛋糕(芝士唔夠濃,蛋糕鬆散)食物固然不理想,waitress服務態度差,一個長曲髮女子只顧整晚收碟,縱使碟上還有食物,她也走來問好幾次,還有一次她refill水時我差點兒被潑到呢!不知她有心還是無意!再來,那個火焰雪糕拿來時一點火焰也沒有,叫她們好幾次才找人把雪糕點火。以上述食物質素、價錢及服務態度,我們深信再不會來光顧呢!

今日２點過Ｄ黎左呢度ＬＵＮＣＨ～因為想食扒～旺角又好似冇乜地方食扒正～所以黎左呢度～要左兩個ｓｅｔ～一個係肉眼扒～一個係螺絲粉釀蕃茄～包自助沙律同甜品吧～同埋有湯野飲～沙律同甜品都好好味～仲有窩夫ｔｉｍ～不過可惜兩點半就ｃｌｏｓｅ　ｌａｉ個吧～搞到我地好忽忙咁夾左兩盤野就算～如果唔係慢慢歎仲正～講返兩個ｍａｉｎ　ｃｏｕｒｓｅ～ｄａｄｄｙＹ話塊扒唔太好食～好散～唔知係咪因為好所以好淋ｌａｗ～我就覺得普通ｌａｗ～至於個螺絲粉就幾好味～好有蕃茄味ｌａｗ真係～原個蕃茄上～值得一提既係佢個湯好好飲～埋單二百五十幾～不過d service可以再好d~有兩個waiter好衰咁大大聲話今日d客黎得遲~阻住佢地落場....仲有就係真係有蚊滋law~唔太衛生..總括黎講都幾好味既～抵ｌａｗ～不過下次想食扒既話都係唔好懶～去返ｏｕｔｂａｃｋ好ｄ～

早幾晚來初試~見到對面2人木台的座位,和其他客人的隔離太近了~幸好我們不止2個人呢~味道方面,真的很不錯,肉食者應該會很歡喜~不論豬,腸,魚,羊,牛都恰到好處~唔UN~鮮味十足~不過當然亦視乎個人選擇幾成熟~建議為5-7成~服務方面,係有禮貌,但d野慢左d wor~

都話左唔好係朗豪食飯架啦一早問左你怕唔怕係朗豪會好尷尬點知最尾就真係出事喇希望你返到去無咩啦下…星期五週圍朗豪都無位見到呢間都唔錯都可以一試兩個人想share所以無叫到扒加洲沙律盤沙律菜配雞肉同煙肉碎一般沙律汁幾開胃芥茉汁鮮蝦石鍋飯唔錯芥茉汁幾香口但比較濃蝦同菇都算新鮮好大個鍋兩個人食唔晒灼藍背配海膽汁多士唔知一般藍背係咪都係咁細隻?食落海鮮味幾豐富最impressd既反而竟然係海膽汁多士海膽味麵飽原來幾match亦都好夾藍背既味道幾好服務似乎比起網友所講改善左但係環境呢…就唔多夾個價錢喇話晒可以食成二百幾蚊既扒但係長期有蚊滋仔飛黎飛去仲要係趕都唔走仲鑽埋入尐野食度擺明係食到肥肥白白唔怕人結果個沙律同飯都要送埋俾佢食而且餐廳音樂強勁如果加埋朗豪本身八點半/九點半兩次天幕騷既音響就完全傾唔到偈真係要攪攪佢喎至於我本身既飛蚊得喇…我得閒就會攪下佢架喇

我都有去過衣間餐廳食野，但我又唔覺得咁差呀~~~之前我同朋友去食飯，個晚我地唔知食咩好，咁我地叫左經理過黎等佢介紹一下，佢d見意好好~~~跟住我地仲想叫wine，個女經理仲好悉心咁介紹比我地!另外其他d waiter & waitress都好好，好有親切感、時代感!!!所以我都會再介紹比d朋友!!!!個晚我圩食得好開心，好抵食~~~

我一向都有去開mr steak cafe食lunch，我覺得佢地個buffet bar 0既好，又唔係貴、又健康.....個度d侍應生都好好，比人有種親切0既感覺!而家佢地仲整左個吸印仔0既活動，我覺得好搞笑....有一晚，我叫嘛我d朋友又再0黎食，我地食0左個US扒、PASTA..其他0野都OK，但個US扒比較多(肥膏)!其間我朋友話想叫枝WINE飲，我地就叫左個女經理過0黎，(當時OK繁忙)但佢都好細心問我地想飲咩類型0既WINE，之後佢幫我地ORDER左，隻WINE都OK!成晚我地都食得好開心~~最開心就係見到個火焰雪山~~所以我唔覺得好似之前D人講到咁恐怖囉~~~

情人節去食Mr.Steak, 男友早一日已經訂左, 要即刻order埋食咩, 仲俾左$200 deposit.預定時間去到, 門口無人理, 等左陣, 就俾人叫左入去坐, 與之間非常迫, 連花都無地方放, 不過都無所謂啦, 點知一坐低, 主菜即上, 男友諗諗下, 好似個set應該有湯, 問一問, 個湯先黎, 結果都唔知食埋個扒先定飲湯先好...好混亂講返個主菜, 扒同埋伴碟既薯仔已經凍哂...味道都ok, 不過明顯應該7成熟既牛扒, 唔夠熟lor....食完主菜, 完全無人收碟, 想叫餐飲, 完全無人理, 應左你, 又唔黎serve你, 問你死未~黎左野飲, 見人人都有甜品食, 就搵個侍應問下, 等左好耐, 有個雞冠頭侍應話我地知, 我地個餐無甜品...下? 咁奇怪, 唔係得一個餐架咩? 不過男友都唔記得訂既時候個餐有咩, 是但啦...食完呢餐, 淨係覺得好似比其他人食少左野咁, 不過又唔知錢係咪俾少左, 哈~

之前食過下午茶，我好鍾意食呢度既漢堡包下午茶，四十幾蚊，個包又好食，咁今次就黎食晚餐，撞岩年初一佢地都有開，咁我地就黎開餐啦，我叫左個海鮮雜扒拚盤，有大蝦、帶子、羊扒、牛扒、豬肉腸、薯蓉，整個餐都幾好味，但係個牛扒就差左d，可能係拚盤既關係啦，但係overall我都好滿意，我男友就食左個黑毛牛肉眼扒，塊扒相當唔錯，唔un，又有肉味，而且我最鍾意食既就係無汁既牛扒，咁先可以食到件扒本身既肉味，同埋咁既整法都係信心既表現，證明本身塊扒有實力，唔係整色整水。我地無加湯、甜品、飲品，但係都好飽，份量唔算多，但係就夠食，都唔錯。仲有一讚既係個waiter服務好好，好有禮貌，但係我都唔係好鍾意個女經理。

昨天同男友去吃, services唔錯呢, 個waiter 主動幫我換chair,waiter and waitress 都好好笑容。叫0左個新西蘭扒(forget the exact name), 有薯蓉同磨菇伴碟。order 七成熟, 0的牛都幾林, 唔"un", 唔會痴牙。加0左$20 要個磨姑xx湯, 幾特別,都幾好味。仲叫0左個dinner A, 有沙嗲牛肉粒, 凱撒沙律同大蝦天使麵, 天使麵"un"同埋較淡。另外兩款都ok 之後叫0左個青酒青口伴海膽醬/汁拼多士? forget the name again, 呢個我覺得麻麻, 冇乜特別。再加杯cocktail "sunflower", 酸酸甜甜幾開胃total 食0左$430, 唔算抵, 但係覺得值

今次係我第3次order翡翠螺,今次無沙同埋無左果舊好似瑤柱0既野,食時可以更盡情,今次雖然都鮮甜,但就無上兩次咁鮮甜,研究過係因為佢今次烚得過熟所至,希望下次order 會有番果兩次d水準啦!因為就算你食$400蚊一位自助餐,都未必食倒lee 隻貨嫁,如果佢有埋cherry stone 訂就好了!

食物賣相好好，但味道一般，服務沒問題，不過冇笑容，加上侍應髮型極前衛，令人感到服務有些做作~

同之前同好意見雷同，服務絕對麻麻，三催四請先有水飲，那女經理走來話某樣野冇，扔低餐牌又環遊世界，唔等我地再叫過... (下刪N字...)不過，食物，係OK O既。起碼我塊扒真係medium raw，肉質亦可，百頭有此質素，已好過不少下欄野當上菜賣之餐廳。PS 加20元的周打湯又細又一般，可以不加也

請勿誤會,我不是想寫這間牛扒店0即食評,這間牛扒店只是我訂翡翠螺取貨的地址,奇實佢個名叫牛扒速遞，只有一個訂貨電話，訂完就去取貸，到時先比錢！入正題，佢Ｄ翡翠螺真係勁鮮甜，好好味，又平（＄６０有１ｋｇ約１５粒，粒粒ｋｉｎｇsize）不過美中不足就是有沙，但你食０既時侯唔好用水洗佢呀，因為會洗左佢ｄ鮮味嫁，你用牙籤（拮）佢出離再用廚紙沬乾淨就食得嫁ｌａ！記住佢係已經熟左，天然解凍後就食得！你取貨時,他會附上乾冰,唔洗怕溶啦!

1.Waiter 唔夠Pro...答非所問...oh well2.食物唔係太大碟，但要好慢好慢咁食先食得完3.始終叫羊的dinner set，都係嗰句，"唔So 唔好食"4.田螺Okay，薯蓉一流，夠香，賣想唔錯

我同個朋友share 二個set, 其中一個好似好多嘢食咁, 其實就唔係, 因為係超級mini size! d mini cake 唔特別, 味道一般, 而個湯麵咁既野就好奇怪, 9唔搭8不過服務都ok, 起碼我地坐左好耐都無人有意圖趕我地走, 傾計都ok既~