牛奶冰室 (新城市廣場三期)

營業中

休息中

🍛蒜香蜜汁叉燒煎半焗流心蛋飯真係封神級！叉燒肥瘦勻稱，蒜香同蜜汁完美融合，咬落軟嫩帶微焦香。煎半焗流心蛋用鑊氣逼出蛋香，戳開瞬間金黃蛋液爆漿，同粒粒分明嘅米飯拌勻，醬汁濃郁到每啖都掛滿飯粒，一口入魂完全唔誇張，必點到無得輸！🍍冰火菠蘿包酥到一拎就掉渣，熱辣辣酥皮夾住冰涼厚切牛油，咬落「咔嚓」聲伴住牛油慢慢融化，甜鹹交織又熱又冰嘅幸福感，經典到成爲茶餐廳戰鬥機，冇食過真係走寶！☕凍鴛鴦港奶靈魂所在，咖啡香同茶味平衡得剛好，甜度洽到好處，冰塊鎮住濃郁口感，飲落順滑帶微甘，成餐飯收尾一流，簡直係港味靈魂擔當！

早餐時段來，丹麥多炒蛋食曬 ，嘢飲飲曬，個通粉都未嚟， 廚房同樓面嘅速度都超級慢， 食物質素又唔係特別好， 已經唔係爆場， 個速度都可以慢成咁， 慢活嘅人可以過嚟食嘅，好差既一間茶餐廳

首先，魚片的味道簡直令人失望，超級難食而提到湯底簡直係災難 。食咗兩啖冇辦法繼續落去唯有浪費食物。酸菜完全冇酸味只有一點鹹。如果想減肥可以過嚟試試，會食到完全冇胃口。

叫個豆腐火腩飯，豆腐同火腩居然是凍的。廚房連少少翻熱功夫都不做。 向問店員查問，店員竟然話幫你拎去廚房返熱。之後，再無店員跟進。咁嘅食物質素同服務態度，不會再幫襯。 ——————————————————————————————

我哋嗌咗四樣嘢一盅湯、鹹魚雞粒炒飯、魚香茄子煲（附送白飯）同埋一杯黑糖牛奶紅豆冰碗湯已經係成餐最好食嘅嘢熱辣辣又足料又好味諗住應該其他嘢食差唔多結果其他真係令到我哋超失望個鹹魚雞粒炒飯係唔鹹㗎。。。食咗十幾啖入邊得一兩啖有少少鹹魚、先有返個種鹹魚雞粒炒飯應有嘅風味但係就咁食真係又油又乏味個炒飯入面啲菜係西蘭花框搞到好似食緊廚餘咁🥹 好硬好哽胃不過佢已經好過個魚香茄子煲魚香茄子煲正常會少少辣/feel 到有鍋氣總之就香口啦但係呢個魚香茄子煲食落去係又油又冇乜味啲豬肉粒好似肉餅咁樣 一pat pat食咗幾啖冇再食落去 真係頂唔順杯紅豆冰仲算正常嘅但係成餐都係食個懵咁勸大家都唔好嚟食啦

之前都聽過依間野既新聞。所以勇敢去一試。只可以話：果然名不虛傳。叫咗個楊州炒飯、蔥油叉燒飯加隻「半焗流心」蛋同常餐叉燒通。首先、楊州炒飯似西炒飯多啲。啲飯唔夠乾身。火腿多個叉燒。冇咩蛋。蔥油叉燒飯d蛋唔係流心既。蔥油啲蔥花太大粒。叉燒最唔掂，似燒烤叉燒多啲，醃咗太耐，完全唔似燒味叉燒。最估唔到係個叉燒通，竟然係最遲上。味道一般。只係可以話唯一好處就係平啲。不過行遠少少可以考慮間「紅X」，性價比高好多。

平時好少寫食評一向幫趁開呢個集團，覺得佢既食物質素ok，價錢合理。不過佢所有分店既茶餐都有一個好大既問題，就係熱奶茶極熱，仲要唔知點解，佢哋一向用不鏽鋼保溫杯裝所有既熱飲，莫講話係廿分鐘食完既早餐，就算係晚餐，有時食完哂啲嘢食，杯熱飲仲係熱到飲唔到。有次趕住走又唔想嘥嘢，同店員要幾粒冰降溫，但係又俾人白眼。沙田乾淨企理既茶餐廳不多，好想支持吓，可惜呢間嘢又係咁。仲要嗰陣幫趁已經唔多人，但係上餐速度極慢。所以好希望管理層可以睇到呢篇文章，奶茶唔好熱到滾水咁，個不鏽鋼保溫杯，最好就換咗佢。

樓面鴛鴦，咖啡完全唔識分！所謂叉燒飯汁只係美極！全熟煎蛋煎到燶晒！ 咁嘅茶餐廳唔知點解仲會有人幫襯？ 已經好多投訴報道，但係都可以仲有人幫襯真係好神奇！ 呢啲餐廳只係內地人去幫襯中覺得好好食添😂

新城市廣場三期竟然開咗牛奶冰室，呢啲茶餐廳以前冇乜可能喺新城市廣場佔一席位，於是即刻嚟試吓早餐時段至到11:30 ，裝修環境冇乜可以挑剔食品：🍴正常早餐配搭一粉麵，加煎蛋多士，加飲品🍜❌個即食麵，質地差到一個點，不吃也罷所以今次轉食通粉，通粉質地偏硬，不過份量好足，湯入邊仲有啲菜絲，感覺良好啲，而且味精好低🍳❌煎蛋部份都係失敗，煎熟蛋完全係硬嘅燶嘅，比起某啲專攻煎蛋嘅餐廳真係好失色🍞炒蛋可以，另外嗰塊多士個麵包不錯，甜甜的麵包一絲絲🍜❌另一敗筆，沙爹牛肉麵，牛肉碎濕濕，冇沙爹醬🥲🍹❌飲品，凍飲失敗，榨檸汁檸茶，完全𣎴是那種味道不過比起隔離商場嘅茶餐廳，我仍會選擇牛奶冰室，但…充飢不錯，尋香港道地茶餐廳味道…不可

新開不久去吃早餐，沙嗲牛肉麵味道不錯，原片牛肉份量頗多，環境不錯，招呼都不錯，過了大約不足兩星期，再去吃早餐，沙嗲牛肉麵的牛肉碎濕濕，接近免治，左右兩邊枱包括本人都漏單，室內沒有開冷氣，連風都沒有開，人多加上不斷煮食，幾乎透不過氣，侍應執枱時連未吃完的碟都想收，並非想磨爛蓆，是因為漏單，跟本未吃完都想走，莫非假日就應該質素下降，吃完要即走，有人排隊就要趕人走，當客人是傻仔，現時很多食店初時都做得不錯，過了一段時間質素下降都見怪不怪，但快成咁都少見。

在這次的用餐體驗中，我點了一份雞球蔥油撈面，然而令人失望的是，雞球竟然是冷的，顯然是炸好後放置了相當長的時間，口感大打折扣。此外，奶醬多士的醬料也少得可憐，讓人感覺非常不滿意。這樣的品質卻要收取32元的價格，實在讓人覺得不值。更令人不快的是，服務態度也讓人失望。服務員姐姐不斷地走到我們的桌子旁邊，自行拿取餐具，似乎對我們的存在毫不在意，讓我們感到被忽視。整體而言，這次用餐經歷不僅食物品質欠佳，連服務水平也有待提升。