牛奶冰室 (御海灣商場)

營業中

休息中

我及女兒經常黎呢間牛奶冰室食星期日早餐，我覺得員工服務可接受，食物美味，符合價格。餐廳接受手機點餐或人手點餐，彈性大，不過手機點餐好似等待時間長些，而且如果你 機點餐都有印出嚟的收據就更加好，免得大家有收費誤會。用餐空間及台距的空間就比較細，香港特色。派餐的時間合理，我哋一般45分鐘內食完走得，其他客都似快食完快閃人，唔霸台，文化好。因為餐廳近輕鐵站，而且一般都唔洗排隊，所以我們可以不拍咭出輕鐵，食完早餐再上返輕鐵完成旅程。節省車費。

巨人雞扒蔥油飯，塊雞扒好似炸到中咗輻射咁，我都唔知可以講乜，問個員工態度又唔好，連鎖餐廳都可以咁差架咩👎🏿👎🏿👎🏿👎🏿👎🏿👎🏿👎🏿👎🏿

又嚟食早餐，今次叫咗香脆雞即食麵及半焗流心美極煎雙蛋及蒜香牛油多士，熱咖啡☕️。❤️香脆雞即食麵$35👍廚師將雞扒切粒，煎香，外面脆，裏裡仲好多肉汁👍公仔麵好食，煮得剛剛好，咖係一般大光麵，似福麵，good!❤️即磨咖啡好香，無苦澀味👍❤️ 半焗流心美極煎雙蛋及蒜香牛油多士 +$8👍雙蛋有流心蛋汁👍多士香脆，好有蒜香味，如果可以飛邊就好喇🤣推薦指數：❤️❤️❤️❤️❤️店鋪資料 🏢牛奶冰室地址:屯門海皇路23號御海灣商場地下15-17號舖 #foodieismylifehk #hkfoodie #hongkong #hkfood #food #foodshare #eatstagram #yummy #香港美食 #hk #hkig #fooddaily #happy #foodies #吃貨 #相機食先 #foodie #yum #純粹分享個人感覺 #記録 #食好西 #味道是主觀的 #屯門美食 #冰室 #茶記#早餐#咖啡 #黑松露炒蛋三文治#純分享 #真實評價

返工前，最緊要就係飲杯咖啡，嘆個靚早餐，門口見到呢間冰室裝修簡潔，令我對茶記有改觀嘅感覺，就食佢。🤣平時多數都叫公仔麵，因為諗住食飽啲先有力做嘢嘛😂，但餐牌見到個黑松露炒蛋多士，又好似好正咁喎，就試呢個啦！一個字👉🏻正，佢有3塊麵包，啲黑松露同蛋都好多，非常足料，多士又夠脆，如果可以飛埋邊就更正！😍咖啡好香，飲完唔會唔舒服，我試過去舊式茶記飲咖啡，可能太濃，之後個胃好唔舒服，整體嚟講，好食，有下次🤣黑松露炒蛋多士 🍞+熱咖啡☕️份量: 比一般茶記大份味道:正價錢:$32CP值：⭐️⭐️⭐️⭐️

其實好耐之前伏咗一次，今日見近近地落樓下求其食個tea啦，俾多次機會你，點知，又係成間都係聽唔明廣東話嘅阿姐嚟落單，無論你指住個餐牌俾佢睇，讀俾佢聽，定係講個餐單號嗎佢聽，一，無乜反應，二，一定係覆返一個你唔係叫緊嘅野，點個野食搞一大輪。野食就無特別好食到，尤其杯奶茶，應該係我飲過最無茶味嘅奶茶，有啲係買現成樽裝奶茶加冰倒俾你飲嘅感覺，樣樣野都普普通通，住附近嘅朋友如果想食個茶餐行多兩步唔好再嚟喇。

爸爸帶我地吃早餐，我哋是第一個等四人枱的，職員不斷放後邊的二人入去，我們足足等了20分鐘，連一張4人枱都俾埋人哋，覺得憤怒，服務非常差。結果到了別的地方吃早餐。

1）落錯單，無覆單2）訂單乜乜流心蛋飯，蛋係熟蛋3）飯係凍同返蒸，硬飯4）食物質數過咸為一優點環境好，下次大家先睇食評，千萬不要貪方便，食物質素茶餐廳比較好，影相點好睇都冇用，評語最老實

牛奶冰室愈開愈多分店🤣但發現間間嘅質素都有啲吾同🫣今次就去左屯門御海灣商場嘅分店試下食物質素同其他分店有冇分別先😛叫左個鮮茄雞排蛋蓋飯🍛上枱賣相幾靚 蛋夠鮮色 仲係半生熟嘅形態而且夠大蓋住白飯👍🏽雞排好大塊 真係可以用巨型黎形容😳有成隻碟一半咁大🤩雞排煎得好香脆 咬落口都吾會太硬🥰而且煎完都仲有足夠嘅肉汁令咬落口嘅時候吾會太乾🍖好好食😋凍奶茶🥤茶底夠濃 所以啲色吾會太淺色☺️飲落口都幾好味 茶同奶嘅比例岩岩好🤣總括黎講 依間牛奶冰室嘅質素吾錯👍🏽

喺附近釣完魚揸車🚗兜下附近有冇餐廳，無意之中發現呢度有個新型私人屋苑，下面有7仔,cafe,甜品舖,冰室🍴純粹諗住食少少野所以擇咗牛奶冰室，叫左冰火菠蘿油同奶油多。菠蘿油始終唔係新鮮出爐，正正常常；第一次見奶油多用三塊麵包😳飲品叫左二杯特飲.「白牛」姐係雪碧加雲呢拿味雪糕球🍦.「黑糖牛乳紅豆冰」開頭都驚黑糖會唔會落好多，好彩只係圍住杯邊先有黑糖，飲到黑糖甜味但因為份量唔多所以飲落一啲都唔甜，濃郁牛乳配紅豆🫘 岩晒我釣完魚熱辣辣飲杯消消暑！好少何去冰室會有一種優閒嘅感覺😂一來呢度人流唔多，唔嘈。二來坐吧枱位望住出面感覺真係好放鬆舒服☀️

今天中午黎到牛奶冰室，每次來到總見有人排隊，今天決心排隊試一試。環境:外面有幾張木桌子，每張木桌子也有太陽傘，環境寬敞舒適，不過只供外賣，因為食環署不許餐廳把餐具在外面享用的服務:今天真是可惜，本想加$9,餐飲試試經典菠蘿冰，但午餐時已說冇菠蘿了🤣。於是和朋友一起order黑糖紅豆牛乳兩杯，但只剩下一杯，因為沒有紅豆🤣🤣所以那杯比了朋友，我order了一杯即磨咖啡，等了很久，原來漏了單。食物:蒜香蜜汁义燒蔥油飯$58餸好多，但飯很細碗，义燒不夠蜜味焗黑松露汁巨人雞意粉$60焗厚切豬意粉(香濃蕃茄汁)$60兩個意粉比較乾身，雞扒和豬扒也是很乾，份量是足本的。另外加了$9那杯黑糖紅豆牛乳稍甜，整體感覺都只是大份，一人未必食得晒，可以考慮兩個餐，三人分享。

 當日打八號風，周圍都冇開冇嘢食⋯⋯咁啱見到牛奶冰室有開，猶如見到救星一樣！！淋咗少少雨想食啲暖笠笠嘅嘢，嗌咗酸菜魚＋飯（大約 $60）～比想像中大碗好多！原本以為會係用細碗裝，點知係咁大碗！好多魚，又有啲菇等配料。整體嚟講，酸味好夠，唔算好辣。食完好滿足！冇諗過咁平就可以食個又大份又好食嘅酸菜魚飯！除咗飯仲可以揀要米線等等麵類～

牛奶冰室，早前剛開張，間間都要排大隊，見佢熱潮冷卻唔使排隊，終於可以一試入到餐廳，個格局逼到呢⋯⋯叫左份，秘製蔥油雞扒飯加煎蛋，隻蛋一定唔係煎，而係炸，而且炸燶左，雞扒同蔥油汁唔見得有獨特既地方，塊雞扒都唔Juice，成份野睇唔出點樣秘製，而熱檸水連檸檬都無埋，檸檬味唔夠，想吉兩下塊檸檬出多D味都唔得🤷🏻‍♂️出品完全唔合格服務普通茶記質素，食品唔合格，性價比低，坐得唔舒服，唯獨一樣好就係裝修新淨。

炎熱嘅夏天，焫肉嘅太陽令人忍唔住要搵間餐廳，衝入去嘆返個下午茶。-黑糖漿雪糕西多士$38厚厚鬆軟、炸到金黃色嘅多士，有別於茶餐廳用嘅普通糖漿，淡淡嘅黑糖香，連埋雪糕三樣嘢一齊放入口，口感非常特別。-奶醬多士$25麵包有點兒乾，要𡁻耐D，值得讚嘅係花生醬同煉奶嘅比例恰到好處。-香煎豬扒蔥油撈麵$40豬扒有啲太腍，冇乜咬口，唔好睇佢個「麵色」唔係幾好，原來啲豉油喺曬個底度。-爆漿拉絲菠蘿包$18真係做到拉絲效果，鹹鹹地嘅餡，加埋甜甜嘅Crust，真心唔錯！

已經嚟哩間餐廳食過2/3次總體來說，食物質數中上，價錢亦適中試過佢叉燒蛋飯，叉燒小小半肥瘦，有蜜糖掃在外層，再加埋隻脆皮蛋汁，撈飯一流！另外都欣賞佢個牛肉通心粉，真材實料，都成十片鮮牛肉，而且通心粉小小爽口，連埋啲湯一齊食就prefect! 仲有雞扒焗飯，上面有好多mozzarella 芝士，味道一流！另外仲有奶醬多，佢係3片多士夾2層醬，勁厚又多醬！如果可以飛邊會更好🤣不過佢個拉絲波蘿包… 就唔係幾拉到絲了.. 啲芝士好流心，流晒出嚟囉… 同埋奶味重，但芝士味唔夠但總體而言，哩個價錢 有咁樣的食物質素，我自己就非常滿意的！

而家好少茶餐廳仲有菠蘿油😋大約2:30pm到達好彩剩低最後兩個菠蘿油即叫即加熱👍🏻個包好夠熱 個皮仲脆配上冰凍嘅厚片牛油簡直100分💯💯💯可惜凍檸茶係用檸檬汁唔係原片檸檬對凍檸茶有要求嘅我來講差少少😢