牛奶冰室 (御海灣商場)

一入到去首先張凳有蔥 張枱未抹 叫店員抹 佢經過停都冇停一停咁 就咁用塊布掃一掃張枱抹咗粒蒜落我frd個身到 抹完張枱仲有粒蔥 塊布臭過屎坑 佢抹完我地仲要用濕紙巾抹多一次先冇味 嗌完野食 我地四個人 三個飯等咗半個鐘 其中一個個個冇曬 就改咗其他 再改又冇佢 又冇同我哋講 去到我哋問佢先至話冇晒 等咗50分鐘 搞到我friend連飯都食唔到 要去隔離711買三文治食 跟住我哋三個飯都食完嘢飲都未到 然後好啦杯嘢飲到咗 我嗌桂圓牛乳桃膠 佢比咗杯唔知咩士多啤梨奶 我都廢事再問佢 等陣又要再等多半個鐘 痴線 成世人未試過咁差既dining experience 以後發誓唔會再食牛奶冰室 簡單啲講首先間餐廳乜都冇 嗌完又改等完又冇 跟住污糟到無法接受 然後冰室等到好似食fine dining咁 仲要上錯曬啲野飲 晚市繁忙時間成間舖得兩個樓面仲要做埋水吧 好心請多兩個人啦😅😅…查看更多

平時都有黎幫襯開，都唔多客，但今次真係頂唔順，啲裝水杯油林林，好嘔心，真係要關注下呢個問題，洗碗姐姐係咪要再培訓，平時都已經唔旺，依家直頭趕客添，唔該留意下呢個問題喇…查看更多

開07:00 廚房班人仲係樓面慢慢食早餐 樓面又無人 d客要個個自己去拿水 外賣又等得耐 個個企晒係道等 唔該高層見到留意你班員工 再係咁無乜人幫襯 我平時都唔會寫評論 你地都算第一間 …查看更多

一直都唔覺得呢間連鎖餐廳有乜嘢特別名菜，亦都唔覺得佢價錢特別平民化，唯一覺得佢呢間舖頭嘅位置較為休閒，其實成日都爆棚，我諗大家都係想搵地方Hea吓，今日過嚟食個下午茶都係因為地點就腳，不過有一樣嘢我想讚下，佢嘅炸雞髀同炸薯條真係好掂，全部都係現做，薯條脆卜卜唔會油淋淋，雞髀又大隻，皮入邊啲肉都仲好Juicy，熱飲都算叫做大杯，$42 OK啦！而且我覺得佢自從啲姐姐換咗之後服務態度比以前好好多，多數都係有求必應唔會等好耐👍唯一淨係希望佢之後嘅檸檬茶可以有返檸檬😝…查看更多

從未試過要即時俾comments 今日中午，叫個芙蓉蛋飯叫左3次服務員，25分鐘、30分鐘、40分鐘每次都話就有，黎緊....叫到我個囡爆喊都未有最後我就同服務員講唔要，佢就叫我2分鐘就有立刻整，即係未整啦... 要我等咁耐要投訴先整我睇見間餐廳好多人投訴食物太遲，焗飯要等45分鐘... 無廚師就cut 減樓面... 經理安排太差...我投訴無回應無回覆牛奶冰室都算係集團　咁的質素... 食物方面，味道可以，芙蓉蛋唔算太難整食材方面，都算可以，唔係太差不過唔會再幫襯...…查看更多

啲飯又硬又難吃，嗌凍檸茶少甜個店員攞左兩杯俾我地然後話唔知邊杯係少甜。雞翼得個樣，實際啲肉好柴。實在無法下肚，環境差沒有冷氣。店面積細，其他分店也沒有如此糟糕。…查看更多

今日帶住細路出去做野，順便就在附近找餐廳午餐豬扒蛋蓋飯，跟熱飲，另外嗌了一個生滾牛肉湯米粉配牛乳炒滑蛋及丹麥包，我自己轉了流心蛋。份量都足，服務員主動遞上熱水，唯餐具櫃桶的餐具不太齊備，要喺人哋張枱度攞唔係咁好。因為太鍾意，流心蛋同丹麥酥已經食咗唔記得咗影相😆…查看更多

牛奶冰室一般来说是品控ok的店，周街都有，不难吃的，我还经常推荐给周围人，菠萝包真的不要错。但这一间真的不行。下午茶时段已经没什么人，但上菜很慢，薯条还是冷的。不懂明明要炸鱼柳，为什么薯条不一起炸了，而且鱼柳和其他间不同，记得应该是裹了粉的，这件就是冷冻的，而且很薄，完全诈欺，冻柠茶也是迟迟不上，等我吃完了才上。大家有的选可以吃其他店，周围有些评价不错的店。这间中伏，不会再来。不懂为什么很多姨姨，但效率这么低，上菜很慢，所有人都在等。…查看更多

服務真心好差，間野本身都唔多人架啦，幾枱客啫，都可以係咁漏單，出野又慢，都唔緊要，人地一個人都食完野，差最後杯熱飲，都可以因為有其他客幾個人坐而係咁問你食完未，更甚叫你食完不如坐第二度啦，明明有其他枱可以合埋，死都要走黎合我張單人枱仲要明明後黎個堆客話可以等嘅，係都要移我走杯野熱架，我唔可以灌入口架服務真心好差！！另外餐具全部都有水漬，好明顯完全無抹乾淨過。 比杯水我都有油面浮係水面上，勁嘔心，呢間野真心唔推薦。…查看更多

叫咗一份下午茶 西多士+五香雞翼 凍奶茶下午茶正常Standard野 預10至15分鐘完成點知搞咗成27分鐘淨係出晒比外賣平台叫外賣嘅先在店幫襯嘅食客 無論堂食定外賣就要焗住等仲要套餐具得刀無叉 餐具都執錯真係人生有好多時間浪費先會再去幫襯 Ps 前一個食客連點餐都點錯 (仲要等咗成30分鐘之後先發現 即係買個餐都差唔多 可能要等成45分鐘)依家飲食咁難做 如果呢間公司唔作出改善的話我真係祝佢好運 …查看更多

今天去屯門逛街去了屯門南這邊比較遠離屯門市中心有點遠還要坐507號輕鐵過去這邊靠近海牛奶冰室坐落於屯門泳池傍邊地理位置不錯叫了一杯熱奶茶及五香肉丁撈麵🍜份量不多但味道不錯😃…查看更多

今日去到禦海灣食個breakfast打開menu都冇得選擇㗎嚟嚟去去都係嗰幾款普通湯呢又冇乜味，豬呢係切到極細粒嘅嗰啲豬塊所以我每次都係食呢個tomato soup已經係成個餐牌最好嘅選擇個炒蛋唔係算滑不過都可以食得落口，加埋蕃茄湯其實幾夾變成一個番茄蛋,多士搽咗蒜蓉，有時我會點蕃茄湯食蕃茄肉碎溝咗落個湯度都唔會變咗好淡同埋佢會有少少菜加埋入去又唔會食到好漏啲茶好夠熱，攤咗一陣都唔會變凍記得提係佢仲有菠蘿包可以揀不過佢係唔會幫你叮返熱㗎 減200分…查看更多

用OpenRice 功能外賣午餐叫兩個飯，大人食蔥油雞扒蛋，小朋友食蔥油叉燒蛋，大人唔見了雙蛋，加咗$5，小朋友啲叉燒又黑又燶，個飯仲浸滿豉油，打電話去問番隻雙蛋，個電話可以打了超過一小時都無人聽！堅難食！ 以後唔會再幫襯呢間嘢！…查看更多

黑松露汁鴛鴦扒焗飯 $62揀左炒飯底，乾身得嚟有啲蛋香，口感唔錯。黑松露嗰種香氣真係好頂癮， 又香又吸引，估唔到配落焗飯度都幾夾。芝士都畀得足，係可以拉絲嘅。普通茶餐廳豬扒、雞扒，整體感覺幾好食。咖哩牛坑腩飯 $63牛腩俾得都幾多，入口都交軟淋，好好咬，牙力冇咁大嘅都唔怕。咖哩辣辣地，對我嚟講啱啱好，而且香味夠濃，配飯食一流。但係個飯比較濕身，感覺落得太多水，口感唔係咁好。牛乳草莓 $12加配咗個特色飲食品，牛奶用嚟解解辣都唔錯，少量果肉，味道偏甜，就係價錢略貴。…查看更多

飲品有漂白水味及職員態度十分惡劣2023年8月14日 17:50分牛奶冰室（御海灣商場）屯門店下午我與兩位小朋友到牛奶冰室食飯，叫咗一杯牛奶比小朋友飲，叫侍應拎多一個杯仔過黎分杯倒比小朋友飲，小朋友飲咗一啖聞到有漂白水味，而我都拎過嚟聞咗一下，真係有漂白水味，叫個職員嚟，態度十分之差，職員話聞唔到有問題，問我轉咩嘢飲。我話我小朋友淨係想飲牛奶，職員話「既然覺得有問題就加一蚊用外買杯飲牛奶」，我認為十分唔合理，依家係食物質素有問題，但職員講到係我地問題，點解係你地食具有問題，要客人自付外賣用具，而唔係你地反醒是否清潔程序出現問題？你地職員仲叫隔籬枱個男客人聞吓杯牛奶係咪有問題，而隔離枱的男客人亦都話聞到漂白水味，叫個職員換過杯俾我。個職員只喺水吧嗰度話洗返個杯俾我，用返同一隻杯裝牛奶比我飲，佢話「如果咁樣都有問題，咁即係冇辦法啦」態度十分之差我覺得好嬲，另外有一位職員過黎叫我唔好嬲，佢處理，但係另外一個職員仲喺度不停講，覺得你地公司比有漂白水的飲品客人飲係完全無問題咁，亳無反醒，相反覺得係客人問題。咁既態度真係十分之差，我只好取消賬單走人。好彩我5歲的小朋友知道咩係漂白水味道，飲咗一啖即刻出聲，如果比我2歲的小朋友飲到又唔識，後果不敢想像。我希望你地咁大既集團可以正視員工的工作程序及工作態度，對員工進行培訓，提供可食用的食物及食具。員工應加強培訓。…查看更多