牛天宮

營業中

休息中

台灣朋友黎香港玩，星期日同佢係尖沙咀行街，夜晚同佢去左呢間新開既餐廳食飯。我哋叫左幾款食物，手工沙嗲手切牛肉沾麵(火鍋)， 沙嗲湯底濃郁，帶有花生香，不會好鹹，牛肉新鮮嫩滑，牛肉味濃，麵條掛汁，吸收晒沙嗲湯底既精華。鮮蕃茄湯手切牛肉牛筋丸麵，湯底用新鮮蕃茄熬製，無加味精，味道酸甜開胃，仲食到蕃茄粒，牛筋丸彈牙多汁。另外也叫左幾款小食，涼拌百葉豆腐，口感軟綿，豆味香濃，配合佢既醬汁，食落十分惹味。花枝丸炸到好酥脆，食到有墨魚粒， 彈牙爽口。朋友今晚食得開心，覺得味道唔錯。

Fafafoodblog為食花太郎 牛天宮 🍴鮮蕃茄湯手切牛肉 牛筋丸麵 98 蚊🍅牛筋丸好彈牙 有陣juicy既牛肉汁 麵用左黃色拉麵 蛋香夠 配埋蕃茄湯底好味🍜🍴鮮蕃茄手切牛肉湯飯117 蚊🐂 加左風沙雞翼 2 隻 蠔油生菜 涼拌台灣百葉豆腐 🐥百葉豆腐好爽彈 凍食加埋麻辣汁 好味 , 雞翼就蒜香味濃q炸得香脆 牛肉湯飯 d手切牛好軟熟 好香牛味 蕃茄湯低香濃 酸甜適中 連埋足料湯飯 正 🍅🐂🍴台式鹽酥雞 38 蚊🐥切成細細粒 香脆惹味既鹽酥雞 出面好夠咸香 🍴炸花枝丸 28 蚊🐙炸到外層好香脆 入面花枝好彈牙 點d蛋皇醬都好正🍴咖哩蘿蔔 12 蚊咖哩汁好香濃 蘿蔔勁林勁入味#鹽酥雞 #手切牛 #拉麵 #蕃茄 #牛肉湯飯 #花枝丸 #蘿蔔 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#牛天宮尖沙咀宜昌街3 號地鋪~~~~~~~~~

尖沙咀既餐廳比較多。但最近發現到一間獨特餐廳。因朋友老婆係極之喜歡食沙嗲牛肉麵。他同老婆上星期食完就不斷介紹身邊朋友。今晚收夜老婆叫我食自已。好自然地聽朋友推薦。入到餐廳內環境好舒服。**手工沙嗲手切牛肉沾麵（火鍋）**，手切牛肉的質量非常出色，肉片切得恰到好處，厚薄均勻，保留了牛肉的鮮味嫩滑。每一片牛肉在火鍋中輕輕一過。肉質鮮嫩多汁，咬下去時彈性十足，讓人感受到肉的鮮甜。亦滿足本人的挑剔性格。手切牛的熟成度須半生熟。完全合晒心水。沙嗲醬是靈魂所在，濃郁的香氣撲鼻而來，這款沙嗲醬的調味非常講究，既有花生的香醇，又帶有微微的辣味，讓整體口感層次分明。搭配牛肉，沙嗲醬的風味更是提升了肉的鮮美，再配上沾麵，手工製作的麵條口感滑順，彈性十足，與牛肉和沙嗲醬的搭配相得益彰。將煮好的麵條沾上沙嗲醬，既能感受到麵條的韌性，又能享受到醬汁的濃郁，讓人一口接一口，根本停不下來。湯底也值得一提，餐廳不時會添加沙嗲醬汁。貼心的服務更值得一讚。讓人感受到一種溫暖的滿足感。搭配一些新鮮的蔬菜，讓整體的營養更加均衡。牛天宮 (尖沙咀)尖沙咀宜昌街3號地舖

係IG見到呢間「牛天宮」主打沙嗲好似好吸引，今日專登入尖沙咀去試佢個沙嗲沾麵🤓上枱原來仲有個爐仔滾住成鍋濃稠沙嗲，花生香出晒黎，聞到都流口水🤤 手切牛肉放入沙嗲爐，索晒汁仲keep到粉嫩軟身，咬落勁濃味！可惜個爐唔太夠熱要煮耐少少牛丸都唔嘢少，都堅係彈牙同中間會爆汁，幾驚喜係金牌沙嗲蘿蔔，開頭以為係普通車仔麵料，估唔到每舊燜到半透明仲吸滿秘製沙嗲膽，咬落冇渣得嚟甜辣交織，岩晒我呢啲中意食稔既人😆鮮茄湯手切牛肉麵同樣有驚喜🍅 湯底酸香醒胃到飲晒成碗！幼麵索晒汁唔會覺得麵湯分離，手切牛浸完湯更香，有另一番風味小食全部即炸熱辣辣燙嘴！炸花枝丸金黃脆皮咬落有聲🐙 ，肉質厚實彈牙落足料👍溏心蛋煮得岩岩好，諗住同老婆share一切開蛋黃就湧晒出嚟🤭滷得入味帶甜

手工沙嗲手切牛肉沾麵（火鍋）** ▫️ 湯底以花生醬+秘製沙嗲醬熬煮，濃郁到能掛在牛肉上 ▫️ 手切牛肉油花分布均勻，建議涮3秒保持嫩滑 ▫️ 附贈日本拉麵，吸飽湯汁後拌入生雞蛋更滑順 **🍢 豐富跟餐小食** ▫️ 涼拌台灣百頁豆腐 - 冰鎮口感配蒜蓉醬油 ▫️ 炸花枝丸（4粒） - 外脆內彈牙 ▫️ 鹵水蛋 - 滷製24小時超入味 ▫️ 金牌沙嗲蘿蔔 - 燉到半透明狀 ▫️ 瑞士汁雞翼（2隻） - 甜鹹適中 ▫️ 蠔油生菜 - 清脆解膩 **🍜 鮮蕃茄湯厚切香茅豬扒麵** ▫️ 豬扒厚切2cm，香茅醃足味▫️ 蕃茄湯底用台灣牛番茄熬製，酸甜開胃 **🍹 飲品選擇** ▫️ 凍冬瓜茶（少冰） - 古早味消暑 ▫️ 桂花茶 - 花香清新

最近見到社交平台好多人推介牛天宮，感覺真係好吸引，尤其係沙嗲牛肉麵，正好我自己又好鍾意食呢樣，於是決定今次試一試。早咗少少去到，6:00就到，結果好快就爆滿，果然名不虛傳！😄手工沙嗲手切牛肉沾：牛肉沾上沙嗲醬，味道絕對唔錯，搭配牛丸更加完美！招牌沙嗲手切牛肉麵：用新鮮潮汕牛肉，肉質鮮嫩，少量油花，牛味濃郁，咬落去入口即化，真係令人驚喜！佢哋的小食都好有水準，特別推介：- 炸花之蝦扒：口感外脆內嫩，絕對唔可以錯過。- 厚切豬扒：香氣撲鼻，肉質滑順，食完一口想再來一口！價錢方面亦好合理，又免收加一，喺尖沙咀行完之後，能吃到咁抵食又好味嘅東西，真係非常滿足！👍

網上見到介紹晒啲牛肉麵，諗住去試吓。見到啲相好似好吸引咁。去到叫左1碗招牌沙嗲牛肉日本拉麵-黎到個樣都幾ok, 係湯冇想像中咁濃。食落個味味道都幾好，仲有粒粒花生碎。-手切牛肉品質都係好。另外我地都叫左碗蕃茄牛肉日本拉麵-呢碗黎到水水地，就心知不妙。湯有蕃茄味嘅。但係好淡。。。完全冇正常蕃茄湯麵嘅酸甜味。好失望。😔因為湯底好淡，突出咗拉麵嘅麵粉味。湯底同拉麵完全夾唔到，好似食緊兩樣嘢咁。非常唔好食。最後我哋叫咗個小食，風沙雞翼。反而呢個有少少驚喜，味道幾好，好香口。最後結論，應該食過一次之後唔會再返轉頭食

餐廳位於尖沙咀地鐵站L5出口附近由尖沙咀/尖東站行去都有d路程用QR code落單 清晰方便快捷主打2款湯底 3款麵食 特別要求可以走蔥沙嗲厚切香茅豬扒日本拉麵 $62沙嗲湯底濃郁鮮蕃茄湯炸花枝蝦扒台灣幼麵 $62蕃茄湯底清爽順口2碗麵都各有半隻蛋2個餸都係分開上厚切香茅豬扒 (9-10件)份量多 鋪滿蔥油 感覺比較適合配飯炸花枝蝦扒 (4件) 外脆內軟追加小食 +$9@1蠔油生菜涼拌台灣百頁豆腐 (3件) 多醬偏重味溏心蛋 (1隻)涼拌大豆芽金牌沙嗲蘿蔔 超級無敵林追加大大杯飲品冬瓜菜 +$3可以揀熱/凍；少/走冰只有一個甜度 冇得少/走甜正常甜度 唔會過甜白桃烏龍 (無糖) +$3淡淡地清清既白桃烏龍味岩晒鐘意走甜既朋友雖然單點飲品$18都唔算貴但追加只需要加$3！！！所以記住叫主食時候一齊落單沙嗲湯好似都係最襯第3款麵食 > 出前一丁...

這次的用餐體驗相當滿足，餐點種類豐富，讓人感受到店家的用心。首先，手工沙嗲手切牛肉沾麵（火鍋）是真正的亮點。牛肉片手切得厚薄適中，肉質鮮嫩，配上濃郁的沙嗲醬，香氣十足，沾麵的口感又彈又滑，讓人忍不住多吃幾口。冬瓜茶則是解膩的好選擇，甜度剛剛好，帶有天然冬瓜香，非常清爽，搭配火鍋實在是一絕。而瑞士汁雞中翼則是意外的驚喜，雞翼入味得恰到好處，瑞士汁的甜鹹比例調得剛好，兩隻雞翼吃完還有點意猶未盡。金牌沙嗲蘿蔔是店家推薦，果然不負盛名。蘿蔔吸飽了沙嗲湯汁，入口即化，香辣中帶點甜味，層次感非常豐富。蠔油生菜則是清新爽口，雖然看似平凡，卻是整餐中的調劑品。最後，鮮蕃茄湯牛筋丸麵湯頭酸甜濃郁，牛筋丸軟嫩有嚼勁，搭配麵條非常合拍。搭配一杯白桃烏龍（無糖），茶香與白桃香氣自然融合，清新又解膩，為這次的餐點畫上完美句號。整體來說，這家店不僅食材新鮮，調味也很有層次，是一次令人回味的港式用餐體驗。

今期流行沙牛，客人常滿就一定，入坐9成客人都係叫沾麵，我當然都要正番個先，汁濃厚，加埋手切牛，不得了，火爐既火溫又唔會太熱，令我諗起牛牛浸溫泉嘅畫面（溫體牛)🥰。至於拉面，有點失色，拉麵的確吸收了湯底味道，但可惜麵質比較死，下次會試下配米粉之類。餐廳座位有限，客人在門外等位，職員唔會因為客人就快食完，馬上衝上來收碟趕客既感覺，仲會主動問，要唔要加三蚊有嘢飲，絕對要加分。，今時今日，職員態度好，食物又好，絕對要支持。

牛天宮 係 尖沙咀中心地帶 亦都算係海港城嘅必經之路裏面嘅面積唔算好大，喺香港嘅寸金尺土之下算係咁裝修有少少台灣，日本風 遊客都鍾意食港式沙嗲 但如果齋睇店舖外貌同埋名稱，完全估唔到係食沙嗲招牌沙嗲手切牛肉麵 $65以手切牛肉為特色，肉質鮮嫩，口感滑順沙嗲醬香氣四溢，搭配台灣細麵條 帶有微微的香辣沙嗲風味 香港味道跟餐＋$14 有2隻風沙雞翼嘢飲選擇唔算好多 飲罐無糖可樂食沙嗲麵啱啱好蔥油厚切香茅豬扒 $45大大嚿厚切豬扒 香茅味，加上蔥油一齊食，非常惹味

我去親茶餐永遠都只會食沙嗲牛肉麵，近日見到社交平台大推尖沙咀有間新開專食手切沙嗲牛麵嘅「牛天宮」，我梗係第一時間去try try啦😆去到嘅時候都等咗一陣位，店家主打沙嗲湯底同鮮蕃茄湯底飯麵、涼菜同炸物小食想去試嘅朋友仔記得預早少少去排隊啦🤭沙嗲手切牛肉牛筋丸麵加糖心蛋一上枱即刻飲返啖湯先，沙嗲味極為濃郁帶花生嘅香味，濃稠嘅湯底令每條麵條上都掛滿湯汁，越食越上癮👍🏻手切牛肉厚身鮮嫩多汁，肉質緊致有咬口，牛筋丸彈牙爽口，咬落去嘅時候仲會爆汁添😋碗麵原本已配有半隻滷蛋，我地另外再加多隻糖心蛋，流心嘅蛋黃溶入麵條同沙嗲湯之中，份外美味鮮蕃茄湯厚切香茅豬扒拉麵加糖心蛋鮮蕃茄湯真材實料，裏面加入大量蕃茄粒在煲成湯底，味道偏向酸甜口味，零舍開胃😋豬扒勁大件，肉質鬆軟腍身，兩面煎香加上蔥油更加香口，呢碗揀咗拉麵配蕃茄湯，拉麵彈牙較為粗身容易掛湯，兩款湯底各有特色，我個人比較重口味所以更加鍾意沙嗲湯底😆麻辣美國肥牛片套餐可以用優惠價加配小食，肥牛片加入麻辣醬，又香又麻又辣，鍾意食辣嘅必點👍🏻風沙雞翼風沙即係以避風塘嘅做法加入量炸蒜令雞翼更加香口惹味，即炸嘅雞翼香脆多汁，口感味道一流炸花之蝦扒見呢個小食幾

今日經過尖沙咀呢頭見到有一間主打係食沙嗲牛肉嘅舖頭，當然要嚟試一試！又唔同嘅套餐，都幾抵食，另外都叫咗個火鍋✅手工沙嗲手切牛肉沾麵（火鍋）🔥🥩🍜沙嗲湯底超濃郁，花生香、椰香同微辣完美融合，聞落已經流口水！手切牛肉肥瘦均勻，入口鮮嫩多汁，每啖都感受到牛肉香氣同肉汁爆發，牛筋丸彈牙有咬口。手工麵煙韌掛汁，吸晒沙嗲湯精華，邊食邊飲湯，真係暖笠笠又滿足👌🏻沙嗲牛肉牛筋丸麵基本上同上面嘅火鍋都差不多，但係呢隻麵質都幾得意👌🏻👌🏻👌🏻👌🏻涼拌台灣百頁豆腐🥗百頁豆腐質感超滑，冰凍爽口，配上酸甜醬汁，入口清新，食完重口味沙嗲後食返啲，超解膩！麻辣貓耳朵（雲耳）🌶️🍄雲耳爽脆彈牙，吸滿麻辣醬汁，花椒香同辣椒香齊齊爆發，入口微麻帶辣，非常開胃，食完即刻醒神！涼拌大豆芽🥒大豆芽爽脆多汁，帶微辣或蒜香，口感清爽，食落唔會膩，係火鍋必備小菜之一。炸花之蝦扒🦐🍤外層炸到金黃酥脆，一咬落去蝦肉彈牙鮮甜，香口又唔油膩，每啖都食到蝦嘅鮮味，配啲沙嗲湯一齊食更加正！

今日同朋友去咗尖沙咀食午餐，朋友提議去宜昌街牛天宮食美味好食嘅湯麵，美味湯有鮮蕃茄湯同埋沙嗲湯，而好食嘅麵就有台灣幼麵及日本拉麵。門外嘅餐牌望見到非常吸引，菜式都不少，入到餐廳都有很多顧客，好彩剛有位，遲啲就見到門口有人排隊，餐廳地方整潔，裝修得溫馨，枱凳擺放整齊，令人都坐得舒服。我哋叫咗午市套餐嘅鮮蕃茄湯手切牛肉台灣幼麵及沙嗲湯炸花枝蝦扒日本拉麵，仲添加小食嘅蔥油厚切香茅豬扒、瑞士汁雞中翼、炸花枝丸、蠔油生菜、金牌沙嗲蘿蔔，還有涼菜嘅涼拌台灣百頁豆腐、麻辣貓耳朵（雲耳），而飲品就選咗白桃烏龍茶（無糖）、可口可樂。牛天宮食物質素好，價錢又唔貴，免收加一，店員服務態度好，仲有優惠嘅下午茶餐，奉送冷熱飲品，值得推薦俾大家來食。午市套餐1.鮮蕃茄湯手切牛肉麵（台灣幼麵）鮮蕃茄湯呈現濃郁的天然酸甜味，帶微果香，加入牛骨熬製增添醇厚感，牛肉燉煮至軟嫩入味，纖維中滲透蕃茄酸甜，台灣幼麵偏細且帶韌性，吸附湯汁能力強，入口滑順但有嚼勁。 2.沙嗲炸花枝蝦扒麵（日本拉麵）沙嗲醬為南洋風味，花生香濃郁，帶椰奶甜與微辣，稠度需足夠裹覆食材，炸花枝蝦扒外層酥脆，內裡花枝與蝦肉混合彈牙，海鮮鮮味明顯，日本拉麵

今日我去咗牛天宮，試咗佢哋嘅招牌沙嗲手切牛肉麵。🍜 上社交平台見到好多朋友推介，感覺真係好吸引，於是我就決定一個人去試下！我選咗招牌沙嗲手切牛肉麵，配埋出前一丁，因為我覺得咁樣比較有懷舊感。為咗增加飽足感，我仲加咗兩隻滷水雞翼同鹽酥雞，佢仲送咗杯香桃烏龍茶，真係好開心！🍑一嚟到，沙嗲湯色澤金黃，香味撲鼻。牛肉雖然唔算多，但口感非常嫩滑，$68的價錢算係合理。牛肉同湯分開煮，咁就唔會冚晒牛味，反而可以保持沙嗲湯嘅濃郁，唔會太稀。麵條煮得剛好，唔會太軟，配上滷水蛋，真係一絕！🥚滷水雞翼出色，皮脆肉嫩，Juicy到我驚訝！鹽酥雞有種特別香草味，雖然唔知係咩，但食落去熱辣辣，口感唔乾，真係好味！總括來講，牛天宮真係值得一試，特別係牛肉迷！#牛天宮 #沙嗲牛肉麵 #美食分享