影片
公司附近發現咗間新開嘅餐廳，主打食牛麵，本身我心諗特登開一間做沙嗲牛肉麵嘅餐廳，明明係港式個喎，但係個裝修一啲都唔似，入到去有少少台灣風格，一場嚟到梗係要試吓啲牛肉啦沙嗲肥牛麵沙嗲肥牛麵可以揀唔同靚底，有日本拉麵，出前一丁同台灣幼麵，先試下日本拉麵，吸汁正d, 每款主菜都可以揀啲小食，平啲加錢，所以我加咗避風塘炸雞中翼（2隻）同溏心蛋，下午茶時間仲送嘢飲，揀左薑母茶，嘢食份量唔錯，原本個面都有半隻蛋，不過糖心蛋襯返日式拉麵正啲，雞中翼脆皮，明明係港式嘅沙嗲牛麵都有啲日式風味另外一個餐牌推薦手工沙嗲手切牛肉沾麵（火鍋） , 沾麵本身已經幾特別，仲要係火鍋模式，真係要試吓，湯底濃郁得來又唔會死鹹，仲可以有得再加牛肉，對於食肉獸嚟講啱晒，嘢飲揀咗桂花茶，茶入面仲有啲杞子，清香嘅桂花味好啱食完咁濃味嘅湯底解膩，當然仲要加啲小食啦，涼拌台灣百頁豆腐，溏心蛋同炸花枝丸（4粒）想特別講吓個百頁豆腐，平時對呢個豆腐冇乜感覺都係係咁意食吓，不過呢度嘅百頁豆腐口感Q彈，配上嘅醬汁微辣，勁好食，大推，真係食完忍唔住再叫多一份另外見佢咁多小食就再叫咗 鹽酥雞同麻辣貓耳朵（雲耳），嚟呢度簡直好似去咗台灣夜市，咁樣係咁叫，兩個人食到捧住個肚人均都係百幾蚊，抵食呀
繼續閱讀