影片
早幾晚係元朗唱k，成2點鐘D朋友帶左我去一間叫做牛大王清湯腩(唔記得果度叫甚麼地方，淨係記得對面有間惠康)我叫左清湯牛腩拼豬手、牛油蒜蓉燒扇貝(4隻)、燒秋刀魚、燒牛仔骨、個事頭婆仲特別炒左個牛肉烏冬比我地、先來牛腩豬手我地4條友唔駛2分鐘巳經一掃而光，D牛腩係切片，全部半肥瘦兼有小小筋，非常濃香牛肉味，香滑冇渣，成30歲人都係第一次食到D咁鬼正牛腩、(香港出名清湯腩正的食店，我大部份都試過)，鐘意食牛腩的食友，請勿錯過，佢地d燒烤都幾好味，個沙爹汁都相當得。可惜我住係荃灣，食完個次攪到成日心思思想去。
繼續閱讀